海雲天

Open Now

Now Closed

紅日假期搵餐廳真係好難 仲要想坐耐啲傾偈好彩搵到海雲天點心放題有位 坐到120分鐘9秒9問哂朋友都ok 就即比錢錢💸💛肉鬆豆腐肉鬆同豆腐嘅愛好者要試不過豆腐表面可惜唔夠脆💛火龍果蝦腸本來以為會伏 但原來無乜火龍果味就係普通蝦腸 層皮都唔算好厚 幾好食💛菠蘿生炒骨正常發揮 鍾意食生炒骨嘅朋友可以一試💛黑金流沙包流沙餡好正 但麵包唔太好食🫣💛鮮蝦菜苗餃層皮好易爛 但係食落都係煙靭 出色 要試💛燒賣好食 唔係好多肥肉 皮薄 蝦彈牙👍🏻👍🏻💛洛神花蘿蔔糕本來都係驚中伏 但原來都係普通蘿蔔糕咁嘅味💛花膠灌湯餃送嘅 無乜特別 食咗幾啖就棄咗💛提子雞絲春卷加咗生果去整 甜咸甜咸好好味不過可惜在塊皮偏厚 餡唔夠多🫣💛肉桂蘋果蝦餃又係試伏 但食落口都幾Fresh 好過柑桔燒賣 信我！💛鴨絲腸粉食落就係叉燒腸粉 可以試💛蝦餃好煙靭嘅蝦餃皮 好彈牙嘅蝦肉 正💛山楂排骨酸甜排骨 好味 需要一試😋其他都有試 但圖只可以出12張 可惜～💛葱油餅：一咬出哂油 太肥膩啦 朋友兩口棄咗💛口水雞：正常發揮💛冬菇叉燒包：朋友話表面朱古力味好食 但個餡唔得

作為一間酒店，屋邨酒樓嘅服務都好過佢！上菜位置已經有一個半人濶嘅空位，但係都唔知點解啲碟一定會喺你膊頭經過。黎收碟又叫你遞出去俾佢。侍應唔願做，態度又差！成餐飯都好似趕收工咁，成日問你啲碟係唔係食完…. 重有野架隻碟！食物質素非常一般。放得入口，但係絕對唔可以話係好味。上枱嘅所有野食，溫度都係暖，唔係熱嘅。如果繼續保持呢一種服務態度同埋食物質素，應該啲人最多都係試一次就冇回頭。酒店價錢，平價屋邨酒樓質素，冇下次囉！

是次的主題是水果點心！蝦餃燒賣腸粉皆加入水果元素，感覺清新！燒賣加入柑桔，充滿果香，減輕油膩感；蝦餃加入玉桂和蘋果，兩者本為絕配，但一直都是以甜品示人，第一次吃甜甜的蝦餃，本以為會接受不了，結果一咬，想不到又能跟中式點心完美結合，而且賣相精緻，令人忍不住吃了一隻又一隻；腸粉粉漿加入火龍果，細嚼下火龍果味慢慢出現，味道特別，值得一試！餐廳繼續保持水準，食物味道很好，每位客人更送上鮑魚灌湯餃一盅，我們都盡興而歸！

香港的點心放題，迷你燒肉一直很想吃，所以心動不如行動！早上11點去吃，時長90分鐘，不多人，還安排了海景位置給我們，可惜當天下雨一天公不作美，美中不足手機下單，點心款式多，份量可以自己選擇，避免造成浪費，也可以嘗試多點不同的點心。每位預訂的都會送3款小吃，分別是燒肉、椒鹽鮑魚、帶子灌湯餃。雖然燒肉真的很迷你，但味道不錯、很脆、肉質鬆軟。鮑魚很有椒鹽魷魚的味道，如果是清蒸會更加好。由於本人不喜歡吃灌湯餃，所以不予置評。其他都還好，不過不失，不過這個價錢可以無限吃：由點心、主食、甜點、涼拌小吃，真的很划算。吃飽喝足大滿足。

唔知大家鍾唔鍾意食中式點心呢～小妹近排發現唔少中菜廳都推出咗點心放題！上一次嘅芫荽點心放題覺得幾好食😋一知道依家轉咗生果點心放題就再encore～最正嘅係可以望住個海景食，超級開心❤️🍋 120分鐘生果點心放題 $268 （另收茶芥及加一服務費）🫑 120分鐘芫荽點心放題 $268（另收茶芥及加一服務費）食物方面主要分為四大類別🥘 傳統：燒賣，蝦餃，粉粿...🧁 甜品：紅豆沙，煎堆仔，芝麻卷...🥮 創新：按放題主題而定，如芫荽鮮竹卷🌯 小食：手拍青瓜，豬手，雞粥...留意/建議事項1. 人比較多，一坐低嗌咗嘢食先！2. 網上落單要睇清楚有冇confirm到3. 叫晒啲想食嘅點心先，澱粉類之後再點4. 想食先好嗌，唔係嘅話好浪費食物！5. 有時會放咗啲其他枱嘅order，唔想食嘅記得叫佢收返6. 120分鐘會食得冇咁趕，可以慢慢品嚐啲食物⭐️ CP值：🐘🐘🐘🐘⭐️ 打卡able：🐘🐘🐘🐘🐘⭐️ 舒適度：N/A⭐️ 再食指數：🐘🐘🐘.5（5 星為滿分）

今次好好彩搶到KKday $180外賣自取京式片皮鴨套裝（weekend)。之前都有見到呢個優惠，但一迅即逝。今次一見到，即刻落單🤣🦆片皮鴨約24片 套餐包括京式手工烤餅18塊、京蔥條、青瓜條及山楂條。因為餐廳地點在黃埔，拎到返屋企時已經凍咗，應該唔係片皮鴨最好食嘅時機。如果翻熱返效果應該更好。片皮鴨醬汁偏鹹, 唔好點太多。食到一半已經覺得不夠青瓜條和山楂條，因為烤餅唔夠，所以一塊烤餅要包兩片鴨，再加上偏鹹嘅醬汁，會有啲濟，需要多啲青瓜和山楂條中和一下。招牌棗皇糕 4件店員叮囑要返屋企整返熱，數過有三層，偏薄和細舊🙈 味道係唔錯唔會過甜👍🏼環境：3.5/5有酒店嘅光環，入到去似普通酒樓。但只係喺門口拎外賣，可能睇唔到入邊有海景嘅位置，不夠全面。服務：3.5/5本身預約咗15:00拎，但大約13:00打去問可唔可以遲d拎。職員好好可以俾我哋17:00前拎。大約四點去到，等咗九個字覺得唔係好對路。問一問職員，之後等多5分鐘就可以拎（懷疑漏咗我哋張單🙈）。食物：3.5/5感覺質素一般🙈 以一隻鴨計，份量較少。之前食過另一間片皮鴨店外賣，保溫措施做得更好，例如用錫紙袋去保溫。如果多啲refre

喺KKday 見到$698買一送一套餐，仲喺酒店內嘅中餐館，有9樣嘢食就試吓啦。首先環境係好嘅，每台距離適宜，唔會好逼，好彩嘅話仲可坐到窗邊位望住個海添。服務亦唔錯，始終係酒店級數，傳菜姐姐亦好有禮貌。 上菜速度就有少少扣分。我哋6點幾嚟，遲過我哋嘅幾張檯已食甜品但我哋只去到第六個菜。後面嗰檯仲早過我哋嚟已經問係咪漏咗單。員工亦禮貌地解釋係有d單攪亂咗少少。不過唔緊要啦，反正唔趕時間，開返晚市堂食咪慢慢enjoy 下囉。最後食到9點埋單。比埋全單加一同茶芥，總消費$84x 兩位

疫情重開后，4月27日網上買了2:30分時段的90分鐘4位套票第一次去觀光下，完全失望質素比我小時在屋邨酒家重差雖然說點心品種不少，但沒有一款能評上拿like 食物：炸物幾乎全部可以說成冷品，上到枱全是凍的脆麻花像打開了幾天的薯片，淋晒蝦餃皮太厚不知食物味道，故此點了2人份量試吓，盛載小食的用個裝山竹牛肉碟仔上，太小家吧，不像酒店的格局，賣相已大打折扣，一小碟一小碟放在枱上，好像前菜一樣，食欲大減，係我吃點心自助餐第一次不願拿起筷子如果説能接受的可能係上湯鮮竹卷叉燒包吧因為端上來還係熱騰騰灌湯餃只因網購才有得送的，但也沒特別驚喜，説不上有貴氣感覺，沒特別上湯味道和有點淡能說得上可以入口的就係那個豬骨粥，可能我哋係最後一輪，一路煲著夠晒火路基本上沒有可以領顧客去推介給朋友去嘗試，只能暴露出一間十分差的酒店中菜質素我們是最後一節的90分鐘時段2:30，Last call 竟然係45分鐘之前通知，基本上食完第一輪唔叫就收得工朋友説女洗手間有兩隔都塞咗，什麼大酒店的配套呀代客泊車，$500一小時，$800才兩小時，多一架車也不能方便結論酒店埸比一般的街市點心店還差，收$100位已算是高攀了😩😩

今日係假日，點心放題好多人，QR code手機落單。首先，點左既點心有十樣黎左一樣，等左一陣，嗺完待應之後，一黎黎左三籠（12件）蝦餃，但我只叫左2件，其他既野都打孖上左，同我點既份量完全唔同。跟住，同待應講佢check都唔check就話係我禁多左，d待應又好似唔識邊張枱打邊張枱噤，亂噤放低d食物就走左。結果想食既野，到走果刻大部份無黎到，但食同一樣野就食飽左。佢最後仲拎住一d人地枱唔要既點心問我地要唔要，第一次食放題噤差既體驗。

「海雲天」除左點心出色外，最近佢地主打外賣原隻「片皮鴨🐤🥢」～一次過買左2隻同家人開心share😊😊主角片皮鴨真係切得好靚，1隻鴨個量都多，仲要排得好整齊～味道更加唔洗講，肥瘦適中👍🏻👍🏻至於個皮極薄但包左鴨都唔會穿窿，又係做得出色，而且仲好多塊添～特別要講一講個「山楂條」，估唔到同隻鴨咁夾，酸甜解肥膩之餘更令食起上嚟層次感更豐富🤩最後就係紅棗糕，煙煙韌韌，唔會太甜，紅棗味濃👍🏻真係每一樣都高水準，激讚💯

九龍海逸君綽酒店嘅海雲天推出37折嘅外賣京式片皮鴨套餐呀！套餐包括片皮鴨約24塊，手工烤餅，青瓜條，京蔥條。仲送四件招牌棗皇糕同山楂條添。🔸片皮鴨套餐(KKday訂購💰$180)一入酒店已經聞到超香。鴨有兩盒，一盒鴨多肉，切靚靚。另一盒主要係皮。返屋企用焗爐/氣炸鍋焗返熱😋原來夾埋山楂係咁好味，之前真係未試過，甜甜酸酸，真係好食又抵食！不過啲青瓜同京蔥條就可以俾多少少。🔸鴨肉炒飯(+$40)非常普通，無乜鴨肉。不過好大盒。仲可以+$18要個鴨殼，不過我就無加啦，拎返去煲湯煲粥應該幾正！評分: 8/10👍🏻 抵食之選，過下口癮😋

首次係KKdays訂放題，打算和家人去試下，一行五人，要分三張枱，訂2:30pm，門口已有一班人在輪候，因應要做安心嘟機，首先要排一條隊嘟左機然後拎飛等叫飛安排入座。等到3:30pm才正式入座，仲要比門口位我地座（話本身已經寫名冇得揀位，所以好睇彩數）因為我地坐喺門口位，成日聽到個外賣員大聲叫外賣no.，仲衰過大排檔，點樣令人食得開心，明知連續係假期一定會人多，但食物種類超小，而且入單後竟然同我哋講廚師好忙，已經得返好少點心，點心味道也不太好，這樣的價位，去普通茶樓食仲好過，以後不值得再去。真後悔在訂購前沒有好好看食評。

早幾日係KKDAYS見到海雲天片皮鴨套餐做外賣優惠，平時都好少過去嗰邊，不過我見個價錢好似都OK，於是就上KKDAYS訂咗啦京式片皮鴨套餐（原價＄428）•每隻內包 片皮鴨約24片（視乎情況而定）• 京式手工烤餅18塊、京蔥條、青瓜條KKday優惠價：•星期一至五＄160/隻• 星期六、日及公眾假期＄180/隻加購項目：•原隻鴨殼 另加＄18• 二食只加＄40可選七彩炒鴨絲/醬爆鴨件/ 鴨肉炒飯我係平日訂嘅，就咁訂咗一食，即係$160，訂嘅時候要揀埋時段，要喺時段內取，我嗰日訂咗係3:00 ，大概3:20左右有職員打電話俾我問我係咪訂咗片皮鴨💕我自己就覺得呢一個舉動幾窩心👍🏻去到之後職員同我對完名之後，大概8分鐘左右片皮鴨就已經預備好啦首先講啲皮，係獨立包裝，大概手板咁大塊，而且好薄，每一塊都有紙格住，係食之前我就拎啲皮去蒸返熱👍🏻效果同係堂食一樣至於片皮鴨，佢分開一盒主要係皮一盒係肉，打開個盒聞到鴨嘅香味，食落口亦都有濃郁嘅鴨肉味👍🏻片皮鴨厚薄切得啱啱好，加埋蔥同埋青瓜仲有甜醬，食落口感豐富💕酒店嘅片皮鴨以呢個價錢來計的確唔錯，如果再做優惠嘅時候我都想食多一次

《海雲天☁️》⁡再度登場的芫荽點心放題🤔⁡有超過40款招牌點心任食，分90分鐘同120分鐘，假日收貴啲~⁡芫荽點心大概有12款左右，同朋友都試左9款。⁡🌿芫荽點心系列⁡點心賣相多芫荽，但入口芫荽味欠奉🥲，滿足唔到芫荽迷….⁡🦐爆荽燒賣皇算係系列中芫荽味比較濃啲😅。⁡🧆最荽牛肉球雖然外表有唔少芫荽，但冇荽味🌿…..⁡🐮爆荽和牛酥味道唔錯，但都係冇荽味🌿….⁡⁡唔愛芫荽嘅都有好多其他點心任食。⁡🍞黑金流沙包細細粒，奶黃味道濃郁😋~⁡燒賣蝦餃，其他點心都正常味道，冇咩過人之處。⁡🐟酸菜魚冇咩酸辣味，魚肉都滑嘅。⁡另外，每人都有一個灌湯餃，有隻鮑魚仔，味道麻麻😅。🍬甜品方面⁡金絲蜜糖脆脆香脆，🍯蜜糖都多。⁡煎堆仔就皮太厚了😶。⁡⁡環境寬闊👍🏻，但裝修偏舊。⁡如果早到，應該可以坐窗邊位，欣賞個海景🌊~⁡服務普普👨🏻‍💼👩🏻‍💼，上菜都唔算慢。⁡⁡總括黎講，假日以每位$210食90分鐘點心放題，可一不可再，或者唔需要試呢🙅🏻‍♀️。⁡

第3次去海雲天食點心放題，上網睇以為去果日已經變咗芝士主題，但都仲係芫荽主題，可能係因為幫襯第2日已經要暫時關閉到2月24日先開番，而家餐廳真係唔易做，以為係酒店會好啲，所以想食真係要把握機會食。一如以往，如果想要坐海景窗口位，請務必早到，位置唔多。果日去仲係有分c區d區，冇影定針紙櫃檯仲話唔知安唔安排到窗口位（但我明明第一個到），好彩最後都安排到。現場見到職員唔少都戴兩個口罩，或kf94，防護都算係咁。芫荽主題我覺得一定要叫芫荽燒賣，因為好大粒，肉汁飽滿，平時酒樓係頂點嚟。芫荽鮮竹卷：湯頭芫荽味濃，同鮮竹卷好夾。叫芫荽牛肉球嘅時候留意係用份，而其他係用粒，我就叫錯咗4籠，以為係4粒。鮮蝦莧菜餃比芫荽蝦餃出色，蝦餃冇咩芫荽味，可能驚客人覺得太濃味，畢竟有人比較討厭食芫荽。而鮮蝦莧菜餃入面莧菜份量多，食落口感豐富。芝士撻：不過不失每人會附送一碗灌湯餃，入面有鮑魚仔。椒鹽豆腐好脆口，一份份量都多。我叫咗90分鐘點心放題，大概可以點菜時間為60分鐘，一入坐即刻計算，臨走前會有職員埋嚟收茶錢，就算喺購票平台比咗package錢都要再畀嘅。