喜樂餐飲.教室 (Moved) New Location

今日中午有時間 特意來支持呢間想試好耐嘅餐廳一點鐘唔會好逼 坐得舒服我點個金不換新豬肉飯 幾濃味好食 金不換味道濃啲更惹味媽媽和男友點了黑椒牛扒意粉 （無影相添）意粉硬度我幾鍾意 牛扒唔會鞋同韌 係我鍾意嘅質地 切開仲係帶點粉紅👍🏻上台前老闆娘有幫意粉影相 原來係新菜式飲品： 我點蘑菇湯 媽媽都話好味 唔會濟杞子龍眼蜜味道清甜討好 值得encore男友的凍奶茶 茶味都幾好總括： 一間不斷創新進步 有人情味嘅餐廳 味道亦討好 坐得舒服 值得encore支持

成日去找餐廳吃午餐，附近的都食過了，今次就來了這間，入到去好多公仔好似屋企，餐牌選擇都多，價錢有平有貴但都是七十多元都，今次叫了一個叫自家意式香草醬鮮蝦蘑菇意粉，在餐湯沙律和飲品選擇了飲品，凍檸檬茶加了三元凍飲錢，共六十一元。凍檸檬茶來到味道都不錯又不會太甜夠大杯，意粉來到比心目中漂亮，仲有片多士，多士都夠但如果有微溫就更好，意粉好香口感不錯，但實在太多醬食多點偏咸同油身，菇都不少，但實在太重口味食了大半就叫不到，份量以女仔來講都夠食，沙律來到是薯仔沙律，醬汁都不錯入面有洋蔥增加不少香味惹味，和薯仔味道都幾夾，份量都夠一人食。炸魚漢堡的炸魚都幾香細件少少但都可以，但味道感覺有點梳打粉的味就一般，魚肉都比較薄身，麵包都軟熟，醬汁似沙律的醬汁，仲有生菜和蕃茄。薯條份量多點會更好，都夠脆口薯仔味幾香，食完都幾飽肚，而且都坐得都幾舒服。

我地起初係俾12點前埋單有9折吸引入黎。出面睇落平平無奇,但入到之後發現好有家既感覺。這是因為衣度係由老闆娘宋太打理,入面既職員雖然大多是智障或自閉人士,但佢地真係好專注同認真咁工作。我點左一客臺式肉燥鹽酥雞飯配羅宋湯。羅宋湯用料十足,甜而不膩,鹽酥雞份量睇落少左D,不過真係好嫩滑脆口同好食。至於肉燥同出面食開果D無汁好唔同,一來夠多,二來有菇粒同好多汁。賣相十分有特色,極有家既感覺。美中不足既係見唔到兩隻貓貓。

一入度鋪頭就feel到好住家feel既一間食店。試左個白酒蜆肉意粉同配薯仔煙肉沙律。個沙律都好大份啦，然後意粉仲配1塊牛油麵包，食都好飽啊。嗰個意粉呢，略嫌白油味濃左少少，但佢既蜆肉份量真係超哂班。有成15-18隻左右啊。不過塊麵包，就冇烘過就塗了少許牛油，其實掂埋個意粉到會淋淋地，所以唔係幾啱我口味。個薯仔煙肉沙律🥗，份量相當大的，所以你真係冇可能唔飽😂 做唯一有少少唔好就係坐得迫啲，但係啲碟好大隻啊😎但人就會親近左 未必係壞事。

午飯時隨意逛，入小店一試，點了個午餐「泰式香葉炒肉碎飯」。五十多元的午餐，有薯仔沙律作前菜，還有飲品。沙律份量都不少，味道也不錯，是在荔枝角區少見的前菜本來只預期泰式炒飯的我，被眼前的主菜帶來了無限驚喜！熱騰騰的主菜很豐富，光是肉的份量已起碼二十元！夾雜著Basil和魚露的味道，蓋上煎得香軟的荷包蛋，真心的好吃，真是大滿足！這裡大部份樓面員工都是弱能人士，領班很有耐心教導，不時提點，看得出是良心僱主。小店加油呀！下次必會再來

受苦節假期，當日同朋友出長沙灣食飯。呢間係社企餐廳，開業大約三年，負責人宋太背後有個感人故事，好多城中名人都來過撑場，為宋太打氣，連特首都曾包場有興趣了解的朋友可上網睇睇。呢處地方唔大，坐位不多，當日我哋去到，兩張桌已經坐滿人，有一男一女招呼食客，態度親切有禮，令人心生好感。食物方面，以簡餐及快餐為主，今日假日，只提供常餐，無例湯送。分別叫咗A餐及C餐，另配無味精老火湯，再加小食煎餃。個我哋食出是靚米，煑出來粒粒分明，軟硬適中問店員，果然是金象香米平心而論，呢度嘅食物祇是簡單家常餸菜，唔可以同大酒樓比，但勝在完全無味精，即叫即整，不是一般茶記的行貨。喜歡這裏的環境，好warm，係呢處吃的不止食物味道，重有人情味，入到來就好似返自己屋企食飯，係一間好有家庭feel嘅餐廳

呢日遲左去出去食飯，原本想食加x屋但冇位，所以去左對面呢間店試下。去到門口，有位和藹可親的姨姨叫我地等等，睇定食咩。望到Menu F &H 打左叉，以為冇左，一問先知搞錯左，係有既睇落覺得F & H好吸引，糾結間，姨姨聽到我地討論，就話個2款都就賣晒，幫我地hold左先...好好人丫!門口貼左同名人合照的相，未認真望内容已經有位，不過都等左10分鐘到。一入去，後面成個area的維尼熊好顯眼🤣最後都係叫F & G餐，不過我怕熱氣，想改薯蓉，職員好好人俾我換。F. 英式炸魚漢堡炸漿有d厚，但薯條幾好吃，整體而言普通，不過呢個價位差不多G. 有機大啡菇芝士漢堡面包都鬆軟，芝士冇溶一大敗筆(對我而言😭菇同薯蓉比較淡味，應該冇點落牛油整體味道比較居家feel, 份量女仔泥講都係剛剛好，男士可能唔夠。食飯期間店入面部電視睇緊來自星星的你，結果大家都掛住睇電視，哈哈後來先知，呢間餐廳係一位媽媽為左輕度智障女兒而開，所以店內都有僱用智障人士，雖然食物普通，但為左支持呢位媽媽，會再去的！好評俾媽媽!

在網上讀到宋太和她那輕度智障女兒的故事，她在長沙灣開了一間餐廳，請了同樣是和女兒有類似經歷的小朋友去工作，志在提供平台讓他們成長、訓練他們。看後深受感動，決定到來支持她們。這兒地理位置並不難找，就在深水涉運動場附近，經昌華街轉入福華街向前直行便見到。門外佈置像間書室，進入去看到地方不大，擺放幾張桌子，佈置倒雅緻，看得出店主的細心和品味。見不到宋太和她的女兒，這天客人不多，環境十分安静。員工祇有一位寫單，態度非常親切，予人感覺很warm，很住家feel😙。午餐有6個選擇，可選2個餸，菜色雖然普通，但勝在零味精，清清地，好有媽媽的味道。滿滿的一碗白飯混合藜麥，很健康贈飲的一杯薑茶相當夠薑整體而言，長沙灣區餐廳不少，這裏別樹一格主要是在這裏吃餐真的很舒服，計劃下次會再來。

環境好唔錯，好warm，又唔嘈，D位又唔迫。食物方面，雖然唔多選擇，有6個選擇，最多選2個餸，全部冇味精，另外可選湯或飲品，飯又係黎麥飯，最尾仲有好辣既薑茶。$55一個餐，抵！！

在網絡上看過有這篇的分享：「今早讀到這個單親媽媽和她女兒的故事 -「牽著你的手」。今年30歲的女兒，有輕度智障和自閉症。女兒半歲那年，丈夫因肝癌而去世，在女兒媽媽就這樣牽著她的手，陪她長大。她辭去公務員的工作，賣掉房子，在長沙灣開了一間餐廳，請了同樣是和女兒有類似經歷的朋友仔去工作，志在提供平台讓他們成長、訓練他們。獨力經營餐廳（收入也經常虧蝕），兼任老闆、廚師、生命導師，實在是出於一份對女兒的愛和對社會弱勢群體的憐憫。字裡行間，看出她對上帝的信靠-「我深信，既然衪奪去我的東西，就會還給我別的。」「雖然蝕錢，但我不擔心這裏做不下去，因為山窮水盡時，上天會派很多天使在你身邊，幫助你渡過難關。」如果你想支持他們，不妨按一下「分享」，或者和三五知己去「喜樂餐飲·教室」吃早或午飯（小店不設夜市）。相信小小的舉動，會祝福更多的人。」看畢很受感動，今天我特意來到「喜樂餐飲·教室」吃午飯，時間未夠12點，人客不多，連同我共有三位客人，那兩位不同枱的顧客都不約而同要「少飯」，我很欣賞他/她們惜食。為我服務的女侍應也是智障人士，看見她用心的服務，也是對社會的回饋。我點選京都雜果骨和上素扒素鴨雙餸飯配熱奶

睇過雜誌報道有關呢一間餐廳，已經好想過嚟試吓，後尾連電視都報道，就的起心肝要過嚟。有心嚟嘅朋友要早少少到，會比較容易搵位。$55兩餸飯，包一個湯或者飲品，價錢公道。我叫咗四季豆炒牛肉同鹹蛋蒸肉餅，食物好快就黎到。味道唔錯，並唔係一般茶餐廳嗰種油膩同味精，而係屋企家常便飯嘅味道。份量對女仔來講可能大左少少，男仔可能未必夠。服務方面，有留意餐廳背景嘅朋友都知道呢間餐廳嘅故事，係一位媽媽為咗有特殊需要嘅囡囡而開，目的係希望有需要嘅人能夠多啲接觸外面嘅世界。所以係餐廳，其他服務員都係有特殊需要嘅人。睇來好多客人都知道呢個情況，所以大家係點餐嘅時候都多咗一份包容同體諒。最令我感動嘅，係我見到老闆娘個一份愛心，會細心留意服務員嘅需要，喺旁邊提點佢哋，令佢哋建立自信，能夠投入社會。祝福你哋，我一定會再返嚟幫襯！

餐廳佈置雅緻、地理位置離地鐵站大約5-10分鐘。當天光顧下午茶，有不同簡單的選擇。員工服務質素理想；食物和飲品雖然簡單但味道不錯。家常小店，值得光顧～～推薦^_^

同兒子在附近睇完專科，在網上睇過這餐廳的報導，查看地圖，十分就近，決定前往一試下午茶，連午餐都無食，到達餐廳後，裝修好精緻，相信一定好喜歡Winnie the Poon! 我一行三人，我叫了三個下午茶set, 再單叫了一份山渣雞翼， 可想而知我十分肚餓。雞翼忘了拍照，但真的好好味， 好夾! 基本上所有野都好食，飲品不差。 下次再同阿仔嚟呢頭， 我一定會再光顧! 幫到人，支持到人又可以給兒子教育， 唔錯呀！ 加油呀！ 會繼續支持的!💪

喺facebook見到呢間食肆既訪問，讚老闆有heart又親切，所以lunch專程去咗試。入到餐廳，睇得出裝修有花心思，最特別係每盞燈罩都係天燈午市兩餸套餐，包埋餐湯同甜品都只係$45。朋友叫咗蟲草花蒸肉餅用埋番茄龍利柳，朋友話肉餅好有媽媽既味道。我就食藥膳雞中翼同埋番茄龍利柳。雞翼好入味，而番茄龍利柳就有大半個番茄，番茄少少酸好開胃，而龍利柳就成隻手掌咁大。餐湯係好消暑既冬瓜湯。最後仲有綠豆沙，滿足!

平日中午都多人, 要等等位, 所以唔係次次都去食, 但係我真心喜歡呢間店.聽個名都知同教會有關, 入面佈置好家庭式, 食物亦好住家飯, 最常見炒牛肉配紅米飯, 有碗湯, 我覺得好健康, 應該冇加味精. 如果唔係咁忙既時候, 啲阿姐阿哥會同你傾吓計, 真係好温馨. 黎開會發現好多熟客, 我就病病地既時候特別掛住要去, 可以選擇清淡啲, 同埋感覺温馨舒服, 有益過去瑞士茶餐廳食傷風感冒餐, 真係好值得推介既餐廳. 今日去佢問我要唔要薑茶, 咁啱病病地, 有薑茶我真係兩眼發光, 原來阿姐日日煲, 佢話六點前飲杯, 對身體好架, 真係超級WARM~~我見有新野, 原來係自己沖既濾包咖啡, 我係超級鐘意咖啡, 真係好想試, 但今日病唔想飲成杯, 阿哥請我試左一杯仔, 雖然凍飲都層次豐富, 可以買一盒十包返去自己沖(掛耳濾包), 百五蚊以精品咖啡黎講都唔算貴, 等我好番啲就黎入貨啦.