舍

Open Now

Now Closed

今日同朋友仔食咗間新嘅Omakase😍😍勁鍾意，由裝修、餐具、洗手間配備，全部都好貼心，非常之欣賞✨✨餐具方面原來係老闆搵日本artist 人手造😊每一隻杯碟都係獨一無二，好鍾意呀! Bar枱比平時嘅餐廳都更加寬闊，坐得更舒服。而洗手間方面每個女仔入去應該都好鍾意，入面有好多Jo malone香水、潤手霜俾大家用🤫仲有風筒、漱口水，大家食完嘢可以執整吓再出街玩樂。佢哋有兩個set，舍$1980同雪$1280，同朋友仔人一個🙊咩都可以試吓，我食咗雪 $1280 ，主要係有15貫壽司🍣份量好多好夠食。師傅仲請咗我哋飲睇落好似紅酒白酒，其實係提子汁同埋提子汁🥰🍷❁ 前菜北海道白粟米，白雪雪粒粒清甜。原隻螺肉，用特製醬汁蒸煮。最右邊果件賣相好似燒賣，入面餡料有金菇、紅菜頭、蟹肉。皮薄身而膽脆口。外層味道淡，唔會搶奪蟹肉鮮味🦀❁ 配菜我本身好鍾意食配菜，基本上全部食晒🫣呢度俾我之前食過嘅omakase配菜款式更加多。蒜頭用木棉花醃製、爽口而不辣。牛旁、沖繩苦瓜、子薑、柚子蘿蔔等等。❁ 左口魚由淡味刺身白身魚開始，加上落左柚子皮😊 入口更見濃郁甘香。❁ 帶子 配上醬漬 ，師傅會直接俾你拎上手食，

位於銅鑼灣利園附近，新開了一間傳統又創新的Omakase，菜式經過精心設計。特別欣賞店內的裝修設計，吧枱比平常的更寬敞，感覺更加舒適。慶祝絕對是不錯的選擇，尤其是生日，可要求餐廳畫上喜歡的卡通人物，還有蠟燭和生日牌。食材和器具均十分講究，連配碟的漬物也是日本空運，有木魚花蒜頭、牛蒡、沖繩苦瓜等等；餐具更由日本手製每件獨一無二，同時也有多款紅白酒品，若點SAKE的話，有多款精美的杯子選擇。晚市Omakase分為「舍」和「雪」兩個級別，「雪」的份量比較少，適合胃口少的人如女生，我當然點了「舍」，份量暫時是食過的最多，要捧著肚子離場，真的物超所值。前菜甜度超高的北海道白粟米，爆汁之餘，還帶有淡淡的忌廉香味；肥美的白螺清甜軟滑；酷似燒賣的薄薄炸衣，酥而不膩，裡面有金菇、紅菜頭、毛蟹肉和芝麻好豐富。刺身左口魚薄切的左口魚好肥美爽口，有少少竹炭鹽和紫蘇葉，可再沾下酸汁；而左口魚魚鰾則以火炙燒，甘甜魚油滲出好濃郁。侍應提醒酸汁可沾上昆布更惹味。沖繩縣獨眼龍這款生蠔同樣飽滿鮮甜，但口感沒有令和之怪物那麼creamy，反倒口感更加爽甜一點，再以青檸和柚子提鮮。醬油漬燒帶子雪白肉厚的帶子爽滑彈牙，醬油漬帶

朋友介紹呢間新開嘅日本餐廳，叫我一定要試吓，因為有正宗日本味道。上到去環境舒適，感覺不錯。食材新鮮果然就是不一樣，由日本直送到港，完全呃唔到人，而且食材大方，配送的前菜及甜品都令人非常滿意，雖然已經很飽，但係還是一吃再吃，超級大滿足。雖然師傅不是日本人，但係睇佢對手就知道有唔少嘅歷練，所以都應該可以好放心。題外話，近排日圓下跌， 都有兌換一點日圓，期待可以盡快再次到日本狂買狂吃，但係喺完成呢個願望之前，我相信會繼續上呢間餐廳滿足我對日本的慾望。

朋友推介黎呢度食omakse.首先環境舒適，食得好開心🥳因我對貝類海鮮敏感，一早同師傅講左，佢為我精挑細選不同魚類/口味嘅壽司🍣😋😋！完全唔知已經食左12件壽司，好多配料都係師傅自己整（口味好啱我食）。最後兩係紫菜手卷啲紫菜真係好脆，咬落有聲😊！如果唔係師傅話已出整我心信佢出幾多都可以食哂！因為係好食到唔覺自己食左咁多件😅當然好飽喇！食物用心製作，酒杯好靚。真心推薦🥰朋友已相約再次黎食，下次會係晚上

終於等到晚市重開，所有人都在報復式消費，想搵間餐廳落腳都幾困難。朋友介紹之下，知道銅鑼灣新開這間Omakase，便來試一試。餐廳位於邊寧頓街，不是銅鑼灣最中心的位置，但尚算易搵。一進入餐廳，14代酒樽擺設很美觀，頗有日本feel，餐廳壽司bar以U形設計，空間感十足，唔需要坐得太迫，讚！這裏晚餐omakase 有三個Menu，當天我和朋友選了$2,000大洋的「舍」，師傅說總共有23道菜，於是便決定用它來試一試此店的虛實。第一款是三款前菜，包括白螺、蟹肉忌廉豆腐、培茶煮八爪魚。白螺好新鮮，蟹肉忌廉豆腐亦相當特別，但個人覺得奶味重咗啲。接下落嚟係魚生的部份，由於實在太多，只揀選了幾款我覺得最出色的，包括石雕薄切及間八魚腩，魚味十足！廣田灣尾崎真蠔，鮮甜美味！毛蟹（配乾魚子醬）、松葉蟹配海膽魚子醬，乾魚子醬還是第一次見，見師傅會磨啲魚子醬落去配個蟹，提升蟹肉鮮味，另一款則加上蟹肉啫喱，多重口感，真心正！魚生後，便來一個熟食料理做間場，當晚的熟食是天婦羅（唔記得係咩魚），炸得鬆脆一啲都唔油！其實食埋個熟食，已經飽咗一大半，接下來還有壽司的部份。第一件是蝦壽司，師傅將蝦膏用火炙，再放上蝦蓉及甜

第一次咁岩walk in行過，食完覺得好正所以母親節帶媽咪再返黎上次試左佢個8件壽司omakase超級好食今次就試佢個北海井井定食每個set都會有沙律，蒸蛋，味噌湯同雪糕。沙律有d食落脆脆d既調味，蒸蛋同出面唔同入面有年糕有驚喜，最中意佢個甜薯同栗子雪糕 雖然今次唔係叫omakase但個北海井都係師傅係你面前整既，見到佢好有心思咁擺盤同介紹，有海膽，大蝦，帶子，蟹肉蟹膏，我尤其中意佢個三文魚子係店家自己俺既好爽身好特別而媽咪個omakase每件壽司佢都讚不絕口，尤其最後個手卷我都偷食一啖。最後要提下老闆娘 Jessie又靚又nice又熱情，由碗碟餐具到洗手間既擺設都見到佢既用心。希望大家黎食飯個陣可以見到佢啦。

好耐未食過咁滿意的日本壽司了。這裏隨了用上極度新鮮的上乘魚生之外，最出色的是壽司司傅在每一件壽司上都用了特別的醬料或配料令每一件壽司的食材特式彰顯出來。十二件壽司定食其實係唔止十二件的，因為司傅沒有把最後的手卷算在內，但其實最後的兩件用紫菜包起的手卷，實在亦十二萬分出色，紫菜脆脆的口感配合香脆的櫻花蝦及微燒灼過的魚生，及帶有魚油香的壽司飯 ，令我齒頰留香回味無窮！其他配菜如燉蛋亦不能不提，非常香滑及有許多配料，我在這兒賣一下關子，讓各位食客親自來試食及發現，一定有趣很多😁所以這次已經是我在兩星期內第二次回到舍來吃壽司了，我並且十分推介給我的朋友💖

滿意的一餐，環境舒適，服務好好，食物更加唔使講全部都好好食好有心思，尤其是拖羅加咗個脆片喺入邊再加埋塊紫菜第一次咁樣食，成個口感都唔同，減去膩的感覺,。我最鍾意食生蠔，今次隻蠔超級新鮮，仲有個拖羅蓉手卷見住師傅滴啲魚油落去，再加埋啲蘿蔔同埋一啲唔知咩，總之就係非常邪惡但係超級好食。另外睇得出間舖頭好有心思，杯杯碟碟都好靚，第一次見方形大杯。飲下食下就過咗三個鐘，其實都冇乜嘢係唔滿意。仲有不得不提柚子酒，唔似出邊嗰啲好假嘅味，非常清爽，呢個柚子酒對於唔係好鍾意飲清酒嘅人嚟講是非常之好的選擇。