Home Bar & Restaurant

Open Now

Now Closed

今天又來Bar場輕鬆下，呢間Bar埸都算大，而且好多嘢食，聽講呢度的黑毛豬幾出名，所以叫了一個西班牙黑毛豬配薯蓉，賣相好靚，侍應話7成熟啲肉質會嫩D，但係豬肉都係食熟D的較好吧，雖然肉質係熟咗D，但係並沒有硬或"鞋"的感覺，相反外表煎得更香脆好味，配合其獨特的醬汁，好易入口。個黑毛豬係跟餐的，所以會有前菜蝦沙律、餐湯、飲品和甜品送，好抵食！好耐無食pizza, 叫了一個夏威夷pizza, 餡料有菠蘿、雞肉、同巴馬火腿，好少pizza會用巴馬火腿做餡料，呢度都算豪氣，但效果又好夾，加上薄身餅底，食落好脆口，非常好食。肉醬芝士焗薯皮都焗得好香脆，做到外脆內軟的效果。無想過依家啲Bar埸會有咁多好嘢食，真係啱晒我呢D鐘意食好嘢嘅人啦！

天氣凍凍地，今晚黎到荃灣既Home Bar & Restaurant，坐低左就二話不說問waiter拎本menu睇，先點左個蝦多士暖暖胃。之後一路繼續睇menu，一路傾下計。 傾傾下件蝦多士就黎到，好大份量，可以2個人share食，好脆好鮮味。咁我地就順便點埋晚餐。 首先係沙律，煙三文魚凱撒沙律，份量算多，可以清清腸胃。 小食叫左2個，第1個係鵝肝伴蘋果，鵝肝好香又好滑，夾埋蘋果甜甜地，好match。 第2個叫左黑椒雞翼，雞翼調味整到剛好，味道唔會好搶。 蘑菇湯係跟餐既，但唔馬虎，蘑菇味超濃。 第1道主菜，豬扒意大利飯，呢個真係要讚下個豬扒，非常鬆軟。飯都做得唔錯，味道香濃。 第2道主菜，燒羊架7成熟，羊架燒得剛剛好又入味，入口完全唔黐牙。 食完哂野，當然唔少得甜品，檸檬芝士餅係跟餐，檸檬味好濃但唔會太酸。再黎係蜜桃雪葩，帶有少少蜜桃味既雪葩好滑溜，一啖接一啖。最後就係傳統焦糖燉蛋，都算軟滑彈彈下。 真係好滿足既一晚，捧住個肚返屋企。

今晚因為要去荃灣買野，買完就同男友一齊吃餐，順便去食下朋友極力推薦的西餐廳Home Bar & Restaurant門口都幾有聖誕氣氛我地被安排坐高檯高凳，入到黎暗暗地好有情調仲有張波枱，呢度又有得食又有得玩，幾正套餐望落都幾岩食我地睇完餐牌就決定食芝士蟹肉忌廉意大利飯同埋燒原條鮮魚配香草汁沙律好好味，賣相都吸引，仲有塊火腿蘑菇忌廉湯配麵包，正喎有香濃蘑菇味又creamy 麵包都yummy好足料黎到嘅時候有陣陣香味，霎時胃口大開呢個飯好值得推介，蟹肉唔少調味剛剛好，食落又有咬口正到爆！條魚真係好鮮好有魚味，非我莫屬配菜都好味，薯蓉有牛油夠幼滑加$48就可以有大蝦見到賣相已經好吸引，男友表示好味跟餐甜品係朱古力蛋糕愛佢夠邪惡，食落不算好甜但朱古力味超級特濃精品中的精品，吃一啖已經愛上了兩個人食到好飽賣單先$477，一點也不貴總結: 食品質素高，坐位舒適，播出的歌都是經典歌曲，一定有聽過。另外，值得一提是餐廳廁所異常的清潔，超讚一定會再幫襯

係荃灣，想食間好少少既西餐真係唔多，呢間性價比真係好高....頭盤+沙律+燒魚+餐飲+甜品=$218豬手=$198真係抵食又好食Happy Hour飲杯1664/cocktail都只係$46抵抵抵，推介！.............................我是分格線.............................頭盤係：巴拿馬火腿沙律餐湯：椰菜花🥦忌廉湯主菜：是日燒魚（今日係燒青班）甜品：吉士泡芙條另叫左主菜：燒豬手（好大隻）另外:2杯cider, 1杯1664

荃灣區嘅西餐廳之前都食過好幾間，大部分都係設計得幾有格調，同埋有吧枱飲酒，收工happy hour飲番幾杯之餘又兼做西餐咁。呢間位於福來邨附近嘅home，我地都係第一次黎，朋友已經食過，都話唔錯。地方唔細，不過一眼就望唔哂嘅，最特別就係近中心有張桌球枱呢。我地今日四個人黎，都食左幾樣野，幾飽肚，可能因為食物嘅份量都唔細啦，咁我地就坐左喺四人枱，地方未至於闊落，但都唔會覺得逼。燈光比較暗，適合啲人飲下酒傾下計咁，每張枱都有一盞枱燈，可以自行調較光暗我地點左小食拼盤，有洋蔥圈、魷魚圈、炸雞、雞翼同埋炸魚柳。賣相都幾嚇一跳，用摩天輪嘅造型裝住啲食物，幾特別，又可以影下相。拼盤都幾抵食嘅，因為單點點兩份，都已經叫到個拼盤，又可以試多幾款，而且我地四個人，樣樣野幾乎係人頭份，冇得爭。炸物就點都熱氣少少，不過呢度嘅小食都未至於好啃喉，或者燶哂咁啦。只係香口，比較好食係炸魚啦，魚塊好熱，食落夠滑。配上沙律醬、千島醬之類，冇咁熱氣。其他例如洋蔥圈都幾香口，幾好食比較期待係脆皮炸豬手，份量都幾大，好細心已經切好哂，起骨，我地只需要叉住食就可以。食落啖啖肉架，另外跟左蜜糖同芥茉醬，我自己就鐘意點芥茉醬，可

鮮蟹濃湯半帶子香草汁$168一上枱好驚喜啊！全部都好靚！首先一個玻璃樽好精緻咁樣放住蟹濃湯，蟹味香濃，完全食得出好足料，另外第二個器皿放着帶子，鮮甜帶子伴着泰式醬汁同吃，口感特別！店員仲提醒我哋先飲一啖湯，再食一啖帶子，再飲下一啖湯。咁樣可帶出整體鮮味，更令鮮味提升！餐包仔微溫，味道特別咸牛脷$168咸牛脷份量足，厚切牛脷大大件，而且質感夠腍得來又不失彈牙有菠蘿、脆肉瓜、矮瓜、百合茄等配菜，不會感heavy燒西班牙黑毛豬$238黑毛豬肥瘦適中，每啖都可以食出肉質的油香，師傅功架十足，燒得啱啱好，微微粉紅的色澤，令人賞心悅目時日沙律新鮮，粒粒爆珠珠配菇的這個配搭，實在新奇芝士蛋糕好好食，檸香light cheese，甜味剛剛好，非常fresh估唔到依家啲酒吧都有咁多嘢，食店員有禮，加上環境令人放鬆，真心不錯！

仲記得對上一次黎呢間餐廳已經接近半年時間，大夥兒一齊慶祝朋友嘅生日，當時印象都唔錯。今日同另外兩位朋友到訪，收工接近8點鐘左右黎到，平日晚上，入座都接近七成，不過我地一早預約左位置，唔需要擔心。餐廳集酒吧加西餐廳格局，對住正門係吧枱，店內燈光偏暗，酒吧形式，播放音樂會稍為大聲點，我地一食就食左兩個幾鐘，都坐得舒適。餐牌供應晚市套餐，共六款，有扁意粉、意大利飯、燒魚、黑毛豬、羊扒、牛扒，款款都有，套餐包括餐湯、沙律、主菜、甜品、咖啡或茶，定價$168-278。我地上次已經食過，大約人均二百零蚊。除左套餐，有單點沙律、湯、前菜、薄餅、主菜、小食等供應。當然唔少得好多種類嘅酒。因為有朋友未收工嘅關係，我地就點左一款主菜同小食，食住等。炸薯條配黑松露醬 $58薯條份量頗多，上枱時新鮮熱辣，粗薯基本上即時炸都唔會差得去邊，食落都相當脆口，已調味，唔會乾爭爭，而且配上香濃嘅松露醬，作為餐前小食，不錯吃。德國咸豬手 $198上次我地都已經食過，覺得幾好食；今次再點，質素都保持到，豬手皮炸到好香脆，肉質剛好，唔老唔韌，食落仲好軟腍。新鮮炸起好美味；放涼左就會變硬，記得襯熱食等朋友黎到之後，我地點左一份

今日聽朋友介紹，去左荃灣食西餐！朋友上星期食完呢間既豬手，話大件夾抵食，餐廳氣氛又ok，好適合黎食野飲野傾下計！一入去餐廳，見到好多唔同鐵牌、裝飾，都幾Vintage！有高枱同普通枱坐，我地揀左高枱坐，好似有Feel d~ 睇完menu，除左試朋友介紹既豬手外，我地仲點左一份鮮蟹濃湯配帶子、一份洋蔥芝士煙肉焗薯皮同自選意粉！ 首先黎左個蟹湯，喜歡食海鮮的話，點呢個蟹湯最適合不過，濃濃既蟹味，混入少少忌廉，整個湯質感夠哂Creamy同香口，帶子亦非常鮮甜！之後到焗薯皮，雖然得四舊薯皮，但每舊個份量、材料都絕無欺場，薯皮上包滿芝士、洋蔥同煙肉，口感豐富，係略嫌比較油膩。之後到自選意粉，我地揀左烤雞肉同芝士蛋黃汁，呢個醬汁平日好少餐廳有供應，亦好少食，但食落又幾特別，一d都唔奇怪，好重蛋黃味，又有忌廉味，同烤雞肉十分夾，不消幾分鐘，已經比我同朋友清哂！最後登場既係豬手，可能已經飽飽地既關係，覺得呢碟豬手真係極大碟，外脆內軟，仲有兩隻醬揀，同蜜糖，食落唔會太滯！不過個份量夠3-4個人食，岩哂一班朋友黎食，送下酒！整體來說，都真係幾大件夾食！仲可以慢慢坐，飲下酒！

難得入荃灣就同朋友嚟到呢間特色bar & restaurant dinner👅 餐廳燈光好舒服，氣氛幾好，有得篤波飲酒，幾休閒可以好好hea hea😀 2個人嗌左2個main, 先嚟個salad🥗 好大碟下，沙律菜幾新鮮，蕃茄夠甜🍅🍅 南瓜湯夠香甜，仲食到小小南瓜蓉💁🏻 餐色有芝士餡，口感煙韌，又香芝士味，非常正🧀🧀 黑毛豬要左7成熟，煮得剛好，肉質多嫩，又juicy🐷🐷 跟嘅黑松露薯蓉小小咸左d🤦🏻‍♀️ 另外加左鵝肝😀好肥美，油香四溢，實在為之瘋狂❤️❤️ 海鮮意粉蒜香味重，意粉彈牙，夠creamy 😋😋 跟餐dessert 係lemon mousse🍋🍋酸酸甜甜，冇咁濟🍯 Iced americano 唔錯☕️☕️

今日又係荃灣收工, 所以順便喺附近食埋野。朋友知我鍾意啲bar & restaurant, 所以就帶左我黎依間HOME bar & restaurant依度d裝修同氣氛都好靚, 入面仲有張好大既桌球台, 好有格調。餐牌因為今晚特別肚餓, 所以叫左幾樣野食。首先就有兩個小食, 分別係芝士焗西蘭花同炸魚薯條。芝士西蘭花焗得好香芝士味, 而且d西蘭花好淋, 好好口感, 價錢同味道正比, 小食黎講真係一流。至於個炸魚薯條就不過不失, d魚柳肉質較淋, 可能我自己比較喜歡實些少既魚柳, 所以我覺得一般般, 不過朋友就話唔錯, 真係各花入各眼。至於d薯條就係連薯皮既, 炸得岩岩好, 唔會好油, 都幾好食。main course就order左千島海鮮pizza。依個pizza真係好足料, 每個slide都有隻大蝦, 而且焗得好脆口, d千島醬味岩岩好, 唔會太「漏」, 個人覺得依個pizza係全晚最好食既!最後仲有一個咸牛脷。因為平時食串燒都好喜歡牛脷, 所以黎到都想試下。一碟有4條牛脷肉, 份量都算唔少。牛利既口感少少淋, 唔會好「un」,味道有少少似煎香左既午餐肉, 帶d牛扒味, 都幾唔錯!兩個

今晚在荃灣去左一間酒吧餐廳，有著新的裝飾於Home Bar & Restaurant，見店員保持笑容推介菜式比我們，又見隔離客人叫似是炸魷魚、薯條、飲酒... 令我即刻認真睇多次餐廳 ,睇吓有午餐好食亞。來了蕃茄雜菜羅宋湯，先酸酸地飲飲先，食芝士芯麵包條，咬落去有芝士芯流出，要食有淡淡的芝士味。芝士蕃茄燴蝦肉意大利飯，幾隻中蝦非常搶眼，中蝦味鮮結實，加左鵝肝，將大件鵝肝切細放入口中，入口有即熔留有 油香，要細細品嚐先得因燒得好正唔係其他餐廳容易有得食。燒西班牙黑毛猪，好大件燒黑毛猪扒，可以選燒黑毛猪幾多成熟，我要十成熟，廚師都能煎熟佢時又保持不會過熟，切開扒內裡肉質鮮嫩，食落肉汁飽滿，又有各式蔬果做伴菜，食得人好滿意。

在荃灣愉景新城附近對面馬路，開左幾間餐廳酒吧，同朋友行街買完野心情特別好又餓了，快快找間店食野先，見 Home Bar & Restaurant 很有酒吧浪漫情調，聽音樂又較鬆，入去叫餐了。煙三文魚沙律，煙三文魚是厚身香濃厚的三文魚口感，配上各蔬菜醬汁，真是美味。食燒原條鮮魚配香草汁，煎魚外脆特別吸引人食慾，魚肉容易水起骨, 差不多只有大身有一排大魚骨，方便大家享用，魚散發著魚獨有的可口，再加醬汁食又多一種味道，好少在西餐中食到這樣好吃的鮮魚，要拍多兩張相留著看先。香草醬蟹肉扁意粉，再額外加錢加多隻大蝦，第一時間食左大蝦先，蝦榖都想食堆，實在超值。將蟹肉變成碎些似蟹肉蓉在意粉中，是特別的食法，蟹肉肉質都新鮮是喜歡食蟹的人多一個菜式，同扁意粉同食，是配合得幾好。

訂位七點半，八點落完單，上左沙律同一份小食，當時發現漏了一個餐，期間等了接近一小時，侍應追了3次單，主菜都無影。因為有老人家小孩，要求唔坐高枱，門口長髮女主管幫手安排轉坐，坐底等食果一個小時，發現冷氣口出風有異味，又吹正個頭，請侍應關冷氣前後三次，最後一次長髮女主管話果個係風閘，閂唔到！最後，等了足兩小時，上埋意粉餓到呆左！總結，食物質素可以，但因人多食物上唔切，侍應服務真係好有進步空間！7:30到，9:45走人

好似好有格調咁，又係酒吧又係餐廳，之前去過一次walk in 佢full咗，想試好耐喇！今次book到位同朋友兩個人黎。叫咗個頭盤焦糖蘋果鵝肝，鵝肝好creamy，入口即溶，配埋蘋果食好清新！一啲都唔漏！講起都想食啊。主菜係黑毛豬扒，係set黎嘅，加$38可以轉白酒，唔錯。餐廳有同我地講個豬扒default咗係七八成熟，問我地有無問題。西班牙嘅黑毛豬應該ok嘅。煎得好香，油分剛剛好，啲肉又林又滑。最後set嘅甜品今日係Brownie，ok喎，唔太甜，香濃朱古力味。朋友叫咗杯cocktail飲，佢話都ok。呢度靜靜地食完坐下飲下野幾舒服。跟住有人表演啦，有小提琴、saxophone 、電結他，全部都係一個樂手包辦架，好厲害。不過啲歌就老土咗啲。

home bar由開業開始已有光顧, 質素一直keep到, 好難得, 佢個廚係真係掂既! 多數黎食lunch, 會比夜晚抵食, 而且靜靜地, 環境同服務都幾好, 可以同朋友傾下計!唔加錢飲品唔多選擇, 都係例牌野, 要左兩杯熱檸茶, 自己加糖的, 我地都無加, 健康啲, 檸茶都幾大杯。沙律同湯之間揀左湯, 今日係蕃茄湯, 酸酸地幾好味, 味道又唔假, 我地都好欣賞。香蒜露筍雜菜扁意粉$72: 好多雜菜, 睇見都心心眼, 至鍾意食菜, 翠肉瓜切到細細粒, 仲有露筍、粟米心、磨菇、車厘茄等, 料仲幾乎多過意粉, 每樣野都煮到岩岩好又新鮮, 好有誠意, 意粉唔過淋, 仲好幼身, 唯一想改善係食到尾見到油多左少少。羊架配燒汁配薯菜$92: 叫左七成熟, 煎到剛剛好, 中間肉仍好嫩, 肉汁豐富, 口感軟嫩, 味道都係一流, 有羊的羊羶味但唔會太強烈, 薯菜係黑松露薯蓉, 非常有誠意, 好香好好味, 仲有炒過的豆角同煎過的蕃茄, 好鍾意呢個薯菜配搭!Lunch set送埋甜品，連甜品都好有誠意，朱古力蛋糕唔係海綿果隻，似opera果種幼滑濃郁，回味！芝士焗西蘭花$58: 呢個又係做得好好, 西蘭花