慢煮屋 (Moved) New Location

慢煮屋🏠慢煮火炙牛腹扒丼💲8️⃣8️⃣望個樣食慾已經大增 我哋兩個前世同牛有仇 黎到慢煮屋又點會放過牛牛😈 牛腹扒上面淋上特調嘅醬汁再加埋隻溫泉蛋撈飯一流 但係可能個牛腹比較厚身嘅關係 所以好難咀嚼 咬到肌肉都出埋嚟🤦🏼‍♀️慢煮三文魚配牛油果丼🥑💲8️⃣2️⃣佢有滿滿嘅三文魚同埋牛油果 仲會有塊檸檬俾你 再加埋火龍果一齊食嘅時候一啲都唔奇怪 有一種好清新嘅感覺 🤩隻溫泉蛋係精粹 係靈魂 望住啲蛋汁流落嚟果下真係好治療 個三文魚唔係煮到全熟 係梗梗熟嘅狀態 所以食落好滑 佢個樣雖然睇落好似好清淡 但係因為佢本身有醬油喺面 所以食落去啱啱好👍🏻慢煮火炙牛腹扒蕎麥麵(清湯)💲8️⃣8️⃣個蕎麥麵清清淡淡 有好香嘅醬油同麥味 佢仲有啲冬菇喺面 而隻糖心蛋就唔使多講 好好食😭配合牛腹一齊食 令成個味道都昇華咗 佢呢個牛腹係薄切 同埋比較生 你可以見到仲有血水係個碟到 但係就會比起個牛腹扒丼更腍更容易咬 (個人覺得好食D😂)<><> <><> <><> <><> <><

火焰牛腹扒 追加牛味重·依種生熟係小編最愛🤤配搭醬汁唔濃唔會蓋過牛肉味👍👍日式銀鱈魚西京燒蕎麥冷麵醬汁調味得唔錯·銀鱈魚口感滑流魚味唔重·蕎麥麵凍食發揮正常👍好味指數(7級最佳)▁ ▂ ▃ ▄ ▅ ▆ 📍總結:必定再黎·好好食👏👏仲有幾樣野小編都好想試🤡

今次係第二次食慢煮屋整體質素比之前有兩間舖嘅時候有進步————————————————————————1.慢煮火炙牛腹配蕎麥冷麵/慢煮火炙牛腹飯兩次食佢嘅慢煮牛肉都覺得口感好好冇咩筋。味道都唔錯個汁同個肉幾夾，而且如果覺得個汁唔夠仲可以免費加汁。可能今次食呢轉牛比較靚少少所以牛味比上次重啲。蕎麥冷麵中規中矩冇乜特別。另外有加$25跟多一舊鵝肝，今次比上次煎得好好多，唔會煎到過熟。咬開有油脂有水份，食落軟綿綿，味道亦冇好似上次咁有怪味。————————————————————————2.小食：慢煮雞胸肉唔建議食！上次同今次都有嗌，兩次都係一樣好柴，好難咬開，但佢又唔係話冇汁。味道好普通，冇乜特別。————————————————————————3.飲品：蘋果雪梨跟餐加$15嗌咗個時令飲品，蘋果雪梨。送上嚟係用支膠樽入住嘅。個味道完全就係喺屋企自己煲嘅蘋果雪梨，個底仲有幾粒雪梨同埋雪耳。有啲驚喜，初頭以為會係普通糖漿水。————————————————————————4.甜品：蜜糖布丁燒/朱古力布丁燒（$18）如果唔鍾意食甜嘅朋友咁呢兩個布丁應該幾啱你，甜度啱啱好味道亦唔錯，好香蛋味。但個

🍽照燒慢煮鳥肉芝士爆丼成個set就普普通通，就無咩特別既感覺🫣～個賣相都ok既，低係唔知點解會覺得好似差咁d野咁，雞會有小小老，同埋芝士同想像中唔同，出到黎會變左一舊野😅。另外有碗湯都唔差既～😂

係觀塘真係好多美食又多良心店舖💛個陣晚市一開左冇耐 就揀左bookmark左好耐去試試꒰⌯͒•ɷ•⌯͒꒱==========================👅 慢煮火炙牛腹扒丼 $88 🌟真。鵝肝 +$20🌟牛肉唔會太鞋 又冇嘜筋 配上黑椒汁同温泉蛋 好好餸飯(*ˊૢᵕˋૢ*) 鵝肝雖然size有啲細 但真係入口即溶 好重油脂！👅秘製醬汁燒豚肉丼 $68呢個係用五花腩！食落都唔會覺得好油～==========================總結 味道就不過不失但係呢個價錢 份量又咁多 仲有碗湯 我覺得值得一試～支持下🙌🏻同埋個人鍾意牛肉多過豚肉(˶‾᷄ ⁻̫ ‾᷅˵)不過下次就應該唔會再加鵝肝了(´ε｀；)▫️味道：3.5/5服務：4/5環境：3/5回頭率：3/5人均：$50-100▫️📍慢煮屋 (觀塘)觀塘開源道60號駱駝漆大廈3期11樓G室

上網見到呢間餐廳好多好評，諗住應該唔會咁得去邊啦，而且慢煮既餐廳應該唔差既。但都幾失望，叫左2個慢煮火灸牛腹扒丼再每份都加左所謂既 真.鵝肝，佢既大細就係下面圖咁樣 咁細舊而個丼飯就普普通通，賣相係幾好，但就個蛋太熟同個牛好韌。

今日Lunch再食下特別野 就上網搵左呢間慢煮屋慢煮牛腹扒拌麵 🥩🍝 $88牛肉份量算多 都有8-9片 但慢煮完都有少少韌😵‍💫整體而言 味道比較清淡 但$100唔洗就試到慢煮牛肉 都算可以接受了

黎到觀塘，就試下工廠大廈既隱世小店，行下行下就揀左呢間慢煮屋。入到去睇左餐牌，主要都係食三種主食（丼飯，蕎麥麵/烏冬，伴烏冬/麵），而餸方面就有雞，三文魚，慢煮牛等等。今次我選擇左慢煮牛蕎麥麵，蕎麥麵同出面一般日式餐廳一樣，都係日式芥末加蕎麥麵汁，而且仲有一隻溫泉蛋，慢煮牛幾好味，d汁好夾牛似既味道，而牛肉雖然係慢煮，但唔會話咬唔開得黎都有一定既口感。而家牛肉既份量都算多，我食哂個蕎麥麵之後都仲有牛肉剩。

💛呢座大廈既呢一層選擇好多，但星期日真係無乜揀既情況下就試左，又真係幾好😋嗌左個牛肌膈轉左烏冬，一個豚肉丼牛肌係食得出真材實料，無乜特別調味之下都食得出牛既鮮味😋而且可能因為慢煮，所以就更加可以保留到肉既質地+賣相，除左味道視覺都有唔錯既享受而烏冬就係凍既，喺呢種天氣下食就更啱！丼飯既豚肉都應該係燒?慢煮處理過所以肉質同味道都保存得好好，少少可惜就係當日既飯比較濕，撈埋隻半熟蛋就比較痴口，但整體都幾好

駱駝漆大廈出名多隱世小店，而呢間慢煮屋聽就聽得多，今日終於可以嚟試下可惜今日舖頭因為要做大單，所以無飯供應，只能試下佢既粉麵。我地就叫咗一客「慢煮牛腹扒拌麵」（$88），拌麵有柴魚碎等等既配料，加埋燒汁撈埋食，口感都算豐富主角慢煮牛腹因為位置關係，較有咬勁，慢煮鎖得住肉汁，都好食既另一客叫咗「福袋豚肉拌麵」（$78）福袋有驚喜，入面啲肉碎好rich，食落好惹味！豚肉亦都燒得好香，整體甚至比牛肉更好食我地另外加咗支樽仔奶茶（跟餐$18），自家出品，茶味都夠，略嫌甜度高咗少少。

疫情嚴重期間，外賣團購大行其道。當時已品嚐過慢煮屋的外賣，它食物的味道和賣相很高質，令我留下深刻印象😮🥡疫情放緩後，很多食肆重開。今次就有機會來到慢煮屋在觀塘駱駝漆大廈的門市，品嘗餐廳的慢煮美食🥣環境🌴餐廳地方不算太大，目測大約有10多張枱左右👀座位稍嫌太硬，坐得不太舒服，但不是太大問題🤫食物🍱餐廳主打丼飯、拌麵及冷麵。款式不算多，但菜式上桌時有賣相，吸引人食慾，絕對感受到餐廳在菜式上花的功夫及誠意😍🥰1. 慢煮牛腹扒拌麵🥩🥒🍝（$88）🔸拉麵加上溫泉蛋，令幼身的麵條更軟滑，配合木魚、絲瓜、紫菜絲及蔥花，木魚和蛋黃、麵條味道交錯；加上在夏天享用，更有清新涼快的感覺😙🔸牛腹扒煎至粉紅色，賣相粉嫩之餘份量亦很多。一吃下去，肉質不但煙韌而無筋，而且吃得到香濃的牛味。有人覺得加醬汁口感會更佳，但我更用的是牛肉本身的肉味🤤2. 福袋豚肉拌麵🍖🍜（$78）🔸豚肉似是用了五花腩，上層肥膏很多，與肉的比例一半一半；下層肉質軟淋，不會太韌及難咬🙂🔸福袋內主要是肉碎，味道稍咸之餘，亦與豚肉格格不入🥲3. 蜜糖布丁燒🍯🍮（$18）🔸布丁口感香軟，且雞蛋味濃，不過吃不到有蜜糖的味道😯4. 鮮菠蘿乳酸特飲🍍🍹（

[ 慢煮屋 ]又嚟介紹觀塘工廈區餐廳啦！今次呢間餐廳將慢煮方式用係日式丼飯上，價錢都幾相宜👛✿ 慢煮火炙牛腹扒丼 🐮$88 牛腹扒共有十多塊薄片，色澤均勻而粉紅鮮嫩。先慢煮再火炙🔥🔥，慢煮令牛腹扒肉汁無咁易流失，而灸燒牛腹扒面層令牛肉香味更加突出。牛腹扒肉質有咬口，配埋流心蛋撈飯口感滑溜🍳👅👅仲包咗碗麵豉湯，味道都唔錯。✿ 慢煮牛腹扒蕎麥冷麵 $78唔想食飯嘅朋友可以order蕎麥冷麵。呢款嘅牛腹扒就較厚切，色澤同樣粉紅鮮嫩。如上述所講慢煮令牛腹扒肉汁無咁易流失，配上醬汁令肉汁更豐富。蕎麥冷麵撈埋附送嘅醬汁&流心蛋一齊食😋😋總結🫦餐廳嘢食份量十足，性價比唔錯。去到餐廳如果要等位，可以係駱駝漆大廈行下，都幾多小店㗎！🤣✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿慢煮屋 地址：觀塘開源道60號駱駝漆大廈3期11樓G室電話：54888867✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

今日同同事心情好所以想食好少少點知食完心情就唔好了🥲入到去 環境OK野食自己寫紙落單野食來到 個樣都好似好吸引汁都好似好好味（但唔知點解個盤咁污糟😂）叫咗佢最classic ge 慢煮牛丼靚到我都即刻影張相滿心歡喜點知！佢係我人生食過最韌嘅牛！扯唔開 一定要成舊啪😂成舊放入口咬到汁都無哂整係食到塊牛嘅血味塊牛都絲毫無爛😵然後係生吞食到一半我忍唔住問個staff點解會咁靭？佢：慢煮係咁架喎 你想幫你煮熟啲？可能比咗個邊你 無人投訴過我同同事呆咗有咩可能熟啲會冧啲然後我留意身邊幾枱全部都好似食香口膠咁 咬好耐然後生吞🫣算 以後唔會再食

慢煮健康無添加味精👍🏻👍🏻減肥人士觀塘行街食飯最佳選擇👍🏻👍🏻今次我同朋友就選擇咗～慢煮牛腹扒配烏冬烏冬煙韌程度比隔離鋪鰹烏冬較為遜色，如果鍾意食彈牙有咬口嘅烏冬嘅朋友可能會對佢哋嘅烏冬有啲失望🙍‍♂️.～鹽麩慢煮雞胸配蕎麥麵雞胸絕對係減肥人士嘅恩物，蕎麥麵都係減肥食麵嘅最佳選擇，一項日本研究中顯示，一份50克的蕎麥麵的升糖指數（GI）為56，對血糖影響較少，而白米的升糖指數則為100，而且含豐富嘅蛋白質，兩者加埋一齊絕對可以令你飽腹滿滿又可以keep住唔肥👍🏻👍🏻😍😍😍不過重口味嘅我就略嫌雞胸有啲調味唔夠，需要另外再加調味，鍾意清淡嘅朋友仔可能就覺得啱啱好啦😉😉.整體嚟講食物質素都唔差，兩點半打後過嚟食下午茶🫖仲有得所有主食平$10添，想支持觀塘小店嘅朋友仔就唔好錯過啦🕺🏽🕺🏽🕺🏽

成日路過駱駝漆樓下都會見到大排長龍～今次終於抽左時間上黎，眼見呢間好似不錯就入黎試下～環境雖然有啲逼，但不影響食物質素！慢煮三文魚牛油果丼好出色！好夾，食材好新鮮！另外牛腹肉好腍好香性價比高！會再黎！