Video
Telephone
2517 0969
Opening Hours
Mon - Sun
11:00 - 22:00
Above information is for reference only. Please check details with the restaurant.
大約係半個月前嘅事喇! 之前食過之後一直向同事推介，但同事們都覺得離公司太遠喇! 要山長水遠行上嚟堅道，想搵個傻仔陪我嚟食真係好難，估唔到呢日有個同事肯陪我上嚟，但真係估唔到原來係老店嘅最後一日(正確D講應該係半日)。如常的由SOHO方向行上來，坐低點好食物後，一位女待應以普通話同我地講，下午要到格離大廈的店!! 我思前想後，係唔係自己D普通話咁差，竟然聽錯此店嘅待應同客人推介其他食店?? 一堆問號在腦海中泛起，細問之下原來老店坐落嘅大廈要遷拆，店主已經係格離大廈開咗新店，呢日係最後嘅半日，做完午市就會關門搬走! 估唔到我同呢間老店都仲有點緣份!呢個食評係為咗記念呢間老店，一間外內都好有北京風味嘅老店。食物唔多講，因為以下嘅食評都已經講過晒，總之就係好味，好北京嘅風味，希望新店水準依然。
continue reading
戒食澱粉質原故,近期狂食餃子..(唔知係咪自己呃自己呢~ 餃子咪一樣有皮...haha)平時放工搭車回家,必經堅道亦會經過京香餃~(一直都想試..今天終於可以一試喇羊肉餃子 ,呢度既羊肉餃子不錯,還似小籠包添~ 即係...我第一口咬下去就有肉汁流出來....簡直似食小籠包呀~ 山東大包 ,我覺得麻麻..好咸呀... 但男友覺得唔錯喎~大滷面, 個湯不是稀的,湯料有豬腩肉,菇,好大碗~ 味道不錯.. (又真係幾次酸辣湯走的) 山楂茶,唔錯,但不夠山楂味,再濃更好有機會再試其他食物
continue reading
好評甚多嘅京香餃，對她自有一定嘅期望！小館子，樸實裝修，雖未至於有種身處北方味道，但倒有幾分北方人嘅閒逸氣氛，可能晌依度搵食嘅人唔係個D匆匆忙忙嘅上班族，無話上衝下撞嘅感覺，食客多是附近街坊、一D公公婆婆、媽媽帶著小孩嘅幾口子、或是操著普通話嘅大學生！要咗3款小食：北京羊肉水餃、生煎鍋貼、山東大包。以餃為店名，當然源於老闆對自家出品嘅餃子甚有信心，所以一定要試試；另外，叫鍋貼係想睇睇老闆嘅煎功又係點；至於山東大包，都係慕名而哩，一睹依個大包有幾厲害。北京羊肉水餃 - 餃子皮屬於厚皮，但厚薄均勻，通常上邊嘅摺位都比較厚，令人咬落一舊粉咁，但佢D摺位一樣厚薄均勻，無話厚咗，估計老闆手勢在搓皮時將邊位再壓薄少少，咁對摺包餡後上面嘅摺位就變得厚薄均勻。餃內嘅羊肉味濃但微羶，食落唔肥，相信羊肉去咗D肥膏，除減低羶味，亦令D餡料無咁肥。生煎鍋貼 - 雖然無太大驚喜，但一樣食到底脆肉鮮嘅鍋貼，同樣餡內豬肉唔太肥，更重要一點係煎好嘅鍋貼唔油膩丫嘛！山東大包 - 果然夠晒大，差唔多兩隻手掌大，仲好多餡料添，大概有粉絲、木耳、腐皮、菜芽、豬肉碎，不過又唔係話好食度「氹」一聲，但味道適中，包身鬆軟，唔會話太多料壓住包底有上鬆下實嘅情況，見識見識不妨一試！
continue reading
門面環境都非常中式, 絕對似去左大陸食水餃一樣聽到所有侍應都操國語, 都真係好似好地道咁...我地每人叫左碗水餃, 再加一個生煎鍋貼 & 酸辣湯share生煎鍋貼有5隻, 隻隻都大架, 而且有一面皮係煎到脆脆地既, 入面d餡都好多 酸辣湯就一般, 可能係北方口味掛, 酸&辣都唔係好夠, 不過足料既水餃分別叫左西芹鮮肉餃, "九"菜鮮肉餃, 鮮魚餃比較正常既係"九"菜鮮肉餃, 因為平時大家都係食呢款, 所以無嘜特別西芹鮮肉餃好似有少少奇怪, 可能係覺得西芹做餡好怪掛鮮魚餃就ok, 入面其實只係普通魚肉重點係所有餃都大大隻, 一碗仲要5隻, 真係飽死左!d麵係類似幼版既上海粗炒麵條, 好有raw既感覺, 湯底都清既, 配番自己落既醋&辣椒油就好好味喇!不過當然唔好諗住呢度會好靚, 所有裝修都好舊, 但有個種地道風味囉~
continue reading
溫書要緊, 來個方便快飯.聽聞這裡是蔡瀾150常到餐館之一, 加上不想吃得太油, 所以來這裡很多人呀, 擠得滿滿的. 搭了檯, 無所謂, 對面兩夫婦很靜, 自己理自己, 非常好. 他們叫了很多菜. 我們三個人吃的也比他們少, 幾好, 減肥.兩個餃子都好吃得想來個double but no, 20 dumplings + veg for 3 girls is OK. 30 dumplings for 3 girls is NOT ok. 所以我們在20 dumplings 就停下來了. 皮厚, 家製的, 含非常substantial, 很有菜味, 但又很有肉味, 所以吃得非常開心, 知道他們落足料.在餃子上加上一點醋, 更上一層樓. 菜 - 菜心. 我們叫他弄少油給我們, 因為我們是健康一族, 他好像有點不耐煩, 炒出來的一碟東西當然就沒有少油給我們啦不過無所謂啦我們饒了他. 其他東西實在太讚了!走的時候, 友人叫了杯熱豆漿, $6, 很抵, 少甜, 合他口味. 又有一隻花貓, 蹲在椅子上, 跟我們搭檯. 非常歡迎他. 過了一會他就昏迷了. 然後我們幫他拍照. 店主覺得好amused, 走過來看照片. 哈哈哈. 圓滿的晚餐.
continue reading