Homebake

Open Now

Now Closed

Homebake 地址: 中環皇后大道中33-33A號萬邦行地下B號舖====================中環有好多間麵包店，與素高，如食牛角包出名架,酸種egg tart,cinnamonroll ，donut 等等。而多口味鬆軟架loaf bread 打響名堂，一直都想試，今日去左買麵包返屋企一個麵飽大約二十元，toast 就around 40低溫熟成toast 好正，口味又多花款。好鬆軟一絲絲，就咁食已好滿足又實在。芝麻抹茶個顏色搶眼，就係齋食都鬆軟無比。我仲買左幾款個裝麵包grill cheese toast ，見到成層芝士焗到微焦，我返屋企再加熱，個芝士香即飄出，個toast 烘左口感更好。芝士腸仔包，高級版腸仔包，鹹香惹味。rich chocolate muffin 伴咖啡一流。muffin 帶牛油香。甜美架朱古力根本配乜都咁好食。總括來講，麵包值得一試。用上日本麵粉,特別香同鬆軟。

Homebake 新開手工麵包專門店其實舊年係中環已經介紹過,今次只係再幫襯佢D酥皮牛角同蛋撻真係頂級水準今期主打十幾種唔同口味既低溫熟成吐司必食芝士吐司,就係咁已經夠曬軟熟有水份,濕潤有彈性另外仲要試埋佢既招牌牛角包同酥皮蛋糕,蛋漿香甜,酥皮唔油膩一試難忘,價錢唔算貴,每日新鮮出爐麵包,水準有保証吐司食法可切片烘熱加牛油與餡料食,口感更佳更豐富突出蛋撻每日限量出品,賣完就沒有,係牛角酥既口感,同平時食既好唔同做散水餅都一流既選擇 #散水餅 #HOMEBAKE #中環美食 # #homebake.hk #麵包 #港式 #牛角包 #外賣 #canonphotography #BLOG #blogger #HKBLOG #hkblogger #HKFOOD #HKFOODBLOG#hkfoodblogger #HKIG #HKIGFOOD #HKIGFOODBLOG #hkigblogger#foodie #foodiehk #hkfoodie #香港美食

家之烘焙🧁Homebake近日麵包🥯烘焙店非常火熱🔥這家烘焙店推出了各式各樣的麵包，牛角包🥐，芝士撻跟蛋糕都非常受歡迎，女士們都趨之若鶩芒果🥭拿破侖可吃得多，但那麼大件的生日蛋糕🎂size 芒果拿破侖$308卻是非常少見面層的芒果肉超甜，每一層都非常爽脆，芒果忌廉非常順滑，非常好吃😋！但價格卻非常商宜抹茶核桃吐司🍞$38非常濃郁的抹茶🍵香，入口甘而不苦，加上裡面的核桃爽脆非常，入口層次感甚豐，配個簡單的果醬就已很好吃椒麻肉鬆飯團🍙包$18一整個飯團的樣子，帶有適量的飯當餡料，口感軟稔，頗有特色

位於中環萬邦行的「Homebake」麵包蛋糕烘焙店，好近我公司，尋晚收工就去咗掃麵包作為我嚟緊幾日嘅早餐朱古力榛子吐司有九種不同口味的低溫熟成吐司可以選擇，嚴選天然海藻糖、優質日本麵粉及比利時朱古力而製成，超過12小時低溫熟成發酵，吐司帶極致綿密回彈的柔軟口感，好好食哦香芋肉鬆包麵包造型有特色，表層係網狀酥皮，內裏係台灣芋頭粒及肉鬆，味道同口感都好豐富香蕉鬆餅Muffin表面滿佈合桃粒，口感鬆軟濕潤，帶陣陣天然香蕉味，甜而不膩蔓越莓英式鬆餅Scone都幾大個，外脆內軟，滿載牛油香，每口都夾雜着甜甜的蔓越莓，作為下午茶就最好不過

行經中環，門口看到超多人出出入入此店買麵包，忍不住自己都入去買點回家吃🤣🤣店鋪內，除了蛋糕麵包外，還有沙律，熟食及飲品，感覺都挺多種類～低溫熟成吐司特濃芝士～店員推介，說剛剛新鮮出爐，我隔著袋都覺熱辣辣，又香噴噴，即買🤣麵包很鬆軟，內裡還有很多芝士粒，愛吃芝士的會滿足～比利時朱古力榛子吐司～朱古力味香濃，帶點微苦那種，很吸引，內裡還有榛子的果仁，吃起來多一重口感～士多啤梨無花果千層蛋糕～士多啤梨中段以下，均沾了朱古力醬，令士多啤梨更甜美，無花果很新鮮鮮甜，而蛋糕方面更超好食，忌簾細棉軟滑，奶味濃郁，好好味😋

🌬無花果巴斯克芝士蛋糕 -4吋［$158］本身諗住黎買牛角包點知被門外海報吸引話係must try item所以最後買左巴斯克芝士蛋糕✊🏻😹蛋糕主體綿滑一刀切到底無難度而且蛋香滿滿唔錯唔錯💛😜唔想食咁大個店裡仲有手掌咁大個嘅size而且有唔同口味下次都想試下🤩後記：不過間店可能太多客人，成日排長龍；我買呢個蛋糕時兩個店員都態度麻麻，其實作為客人，唔係要店員一定友善欣勤，其實正常態度講嘢已經好足夠🫣，不過都體諒疫情下人人都心情複雜😩

之前幫襯過幾次都係買麵包，homebake嘅麵包都算吸引，不過價錢屬於中上，一般都二十蚊以上，喺中環地區還可接受。之前買麵包嘅時候見到收銀位置旁邊嘅英式早餐望落幾吸引，今日終於有機會一試!英式早餐可以有三個選擇，煙肉，豬肉腸，另外一款忘記了😅因為我麻麻哋豬肉腸，所以就揀咗煙肉，每款早餐仲配有炒蛋，薯仔，車厘茄同埋兩片多士，飲品方便我就要咗一杯Latte(加$4)煙肉又乾又硬，好似狗零食咁😓蕃茄仔好酸好開胃，薯仔調味剛剛好，炒蛋可能keep住保溫嘅關係，比較老，多士嘅味道有啲似牛角包，好香牛油味，不過可能因為凍咗，口感比較硬咖啡不錯，用明冶鮮奶沖的🥢整體味道好一般，如果想嘗試Homebake還是選擇麵包會比較好

經過幾次都比門面吸引到感覺幾高級幾好食🤤終於搵次決定幫襯吐司有幾款都諗左好一陣😂栗子吐司寫住hot idem最後信佢😆栗子餡幾多 麵包都好鬆軟不過食落有啲dry味道普通 唔出眾唔特別食完記憶唔深再買既機會唔高😮‍💨Hot idem九成係吹水見到英式鬆餅緊係忍唔住買有女仔手掌心一半咁大😮‍💨聞落牛油香真係滿足唔到我仲要食落奶粉味超重絕唔係我喜歡既口味但質地係ok 至少唔漿口😙總括黎講 有少少得個樣虛有其表🤔唔算激貴但絕唔係平呢個價錢再試既機會都幾低栗子吐司 $38經典英式鬆餅 $18

買左椰絲楓糖核桃吐做早餐 同 E set power caesar做晚餐。吐司又濕又咸又甜又淋🥲唔知想點，食左一啖已經唔想食🙃價錢黎講中環唔算貴，但真係幾難食😒沙律幾好味，夠飽肚，咸香，脆口，不過健唔健康就唔知啦😂

呢一間舖頭簡直係經典，啲麵包難食到不得了，價錢頂級貴，平均每一個都要廿幾蚊左右。嗰啲職員面口非常之難睇，買咗四次從來都唔會講多謝兼黑口黑面，你係忍唔住會用返啲差劣嘅態度對返佢。排隊期間有個阿婆好聲好氣唔該前唔該後問個女職員某一款有米嘅麵包有冇糯米代替，個女職員同個男職員串到佢飛起，講嘢冇尾音非常之難聽唔客氣，佢哋不斷話「見到冇就冇啦問乜嘢問」係咁蝦個老太婆嗰個牛角包難食到飛起，嗰啲芝士同火腿係冇味嘅。嗰個杏仁包不知所謂又實又淡茂茂，都唔知佢地點整做麵包， taste啲麵包更加可口。呢間舖全部麵包都係凍過室溫同硬過擦子膠食了四份一個杏仁包立即吐返出來，如果講態度東海堂嗰啲妹妹仔一定好過呢間舖頭一千倍，你哋兩位都一把年紀啦重學人玩態度，你估你係青春少艾咩？

價錢都幾合理同蛋糕係緊得幾靚，但食落真係好失望，就係好無普通得蛋糕同草莓，而且覺得草莓唔係好新鮮，個蛋糕口感唔好，比較乾身，又勁多cream. 真係用黎打下卡，但食就唔係好好食

自從學識咗焗麵包之後都好少係街買麵包食特別係吐司。之前見呢間麵包店都多人排隊買，已經心思思想試吓。但由於真係唔想排隊所以等咗好耐直到呢排已經冇再有人排隊先去買。🍞紅酒漬莓果吐司 Red wine berries Loaf ($36)呢款吐司都幾特別係紅色嘅，入邊有一啲紅莓。食落甜甜地，但就其實無酒🍷味。麵包入口鬆軟，口感唔錯。🍞特濃芝士吐司 Rich cheese loaf ($32)呢個比較失望，聞落好香芝士味🧀，但食落口就麻麻地，切開麵包入邊芝士粒分布比較少同散，芝士粒大部份集中係第一塊到😅，所以之後嗰幾塊食落都係冇乜味推薦？🟡🟡🟡⚪️⚪️吐司口感正常，其他麵包可以下次再試。

每次經過都一堆人或是排著隊今早行過路過居然發現只有幾隻貓仔在下當然不會錯過這個好機會立即進店光顧走了一圈若略看看有些什麼之後便選了3件正好在下最近都不會飽襯這些日子多吃點也好把體重拉回100至於在下選了些什麼..別問我名字在下沒記下來也別問我價錢在下想要的沒在意一件焗芝士一件蛋薯仔一件明太子飯糰類似這樣吧每一件都有香噴噴的麵包味每一口都能嘗到蛋 奶 麵粉的淡香還有明太子 薯仔 等等等等應該用國色天香來形容？不知道反正就是色香味都很好難怪總是塞滿人的一家店然後還有yuu積分不錯耶有機會在下也想吃吃Bowl好吸引的樣子 ٩۹(๑•̀ω•́ ๑)۶

之前看到朋友在 社交平台放上這間 烘焙店的 照片及評論 已經吸引到我 但奈何位處中環 而且沒有分店 只有等到有順路 經過再買來試試 🥰🥰中環街市活化計劃 近日翻新完成 Homebake 位置剛好 在不遠處 今天來逛街市 順道看看 有甚麼 特色麵包好吃的 🥯🥯店舖就在大道中 萬邦行地下 麵包種類 款式不少 特色麵包 牛角酥 英式鬆餅 以外 還有系列 丹麥酥吐司包 除原味外 芝士 綠茶 多款口味 買了個原味的 外皮焦脆 牛油味香濃 麵包一絲絲撕下 口感獨特 非常滋味 🍞🍞另一招牌餅食 就是迷你 巴斯克芝士蛋糕 而且會有創新口味 意想不到是 鹹蛋黃版本 這天去的時間較早 只有鹽味焦糖 吃過後 感覺很棒 濃稠的芝士味 以後必再試 其他口味 🧀🧀除了各種麵包 蛋糕外 這裡還有 即做三文治 咖啡茶 全日早餐 給你外帶回去吃 深得該區上班族 外傭姐姐所喜愛 經常排長龍付款 🥖🥖 🥐🥐 🍪🍪

每次嚟中環一係上斜路紅磚麵包舖，一係食呢間，兩間都高質，價錢都差唔多，不過呢間就自己夾，係大集團，可儲yuu 積分，嗰間只有兩間分店，睇中邊款，staff 幫你夾, payment 好方便，八達通，credit card 同樣都接受。雖然係大集團嘅麵包舖，但明顯係用唔同麵粉，social media都另開一個page , 係完全唔同定位。上次食過signature原味吐司, 用日本麵粉， 好鬆軟，又試過蒜蓉包，都唔錯😋。今次試下呢個，45蚊，係德國酸種，外脆內軟，配咗啲亞麻籽💪，走健康路線，size 都幾大，兩個人嘅早餐都夠。包裝配一張一撕即爛嘅公司貼紙，以防被人開過👍