Homebake

Open Now

Now Closed

去開Airside 行街， search 到有幾間麵包店， 去此店試買以下幾款pistachio French Dan $24 撻唔夠鬆脆sesame French Danishrich cheese loaf $38夠芝士味， 香軟pistachio chocolate $38面舖滿開心果碎，。但切開就掉曬， 內鬆軟， 朱古力味多過開心果。 8：2。。 hazelnut chocolate cake $34 9折朱古力蛋糕好軟棉， 朱古力醬恰到好處， 唔膩mango cheese tart $42 9折芒果唔香， 好淡味， tart 皮脆。但如果以$42來說， 唔抵食， 好一般。總評。 價錢補貴。 質素有好有一般。有人話係paper stone 同一美心集團， 只是paperstone 姐妹店， 質素差不多， 但價錢比paper stone 貴。

當日食完lunch唔係咁夠飽，見到Homebake有開心果撻！價錢唔算貴！（已經唔記得幾錢😂好似唔駛廿蚊）作為開心果控既我，一定要買個黎試下！個撻食落只係暖暖地！如果再熱d會好食d!咬落已經好香好香開心果味，食到中間發現原來個底有薄薄既一層開心果醬！我覺得比乜乜b仲出色！其實食咁多開心果product，真係冇乜邊樣係好濃開心果味🥹但樣樣都好貴，完全有厄錢既感覺... 不過呢個真係冇厄錢！呢個價錢係值呀！！！

經過Airside買早餐🥣，揀咗Homebake，見到特價既法式朱古力🍫酥，原價$19，特價$16，好彩有個袋包裝📦，見朱古力🍫融融地。第二日當早餐🥣食，都鬆軟，朱古力🍫唔太甜，啱我

當日早上，為公司個客打印花稅而走到啟德稅局，等得文件嚟，已經將近中午時間，所以，我順道走到附近的 Airside 找間麵包店，買麵包返公司 Quick lunch！印象中，當日跟好姊妹走到 Airside B1樓那層，經過 <Homebake> 見到有抹茶包賣！其紙袋包裝設計，跟美心旗下的 Paper stone 幾相似呀！ 好似 Paper stone 嘅 friend?! 只收現金、八達通、電子支付方式...方式等。 抹茶馬卡龍包 $18包身細細個，卻是包質密度高；滲出抹茶清香，口味不甜膩！燒蕃茄吞拿魚蕎麥包 $16同樣包質密度高，夾雜蕎麥、中間有少許吞拿魚及加入一點沙律醬， 加上一片燒蕃茄，令賣相吸引些吧！價錢不平啊！

朱古力咖啡香蕉拿破崙酥$46朱古力🍫、咖啡☕️、香蕉🍌這個配搭，簡直是絕配，冇得輸！咖啡與朱古力的味道十分香濃，香蕉給予fresh的感覺，相輔相成。拿破崙酥不會太硬，但也並不是小編食過最酥脆的拿破崙。(垂直叉落去拿破崙蘇時，中間的cream只是會輕微被擠出)紫羅蘭雜莓拿破崙酥$46坦白說，小編並不知道紫羅蘭是什麼味道🫣。品嚐此拿破崙酥時只嘗出雜莓的味道，小編平時並不偏好紅莓，因為怕酸🫣可是這個拿破崙酥的雜莓的酸度恰到好處🤩！非常Refreshing 😍😍😍！吃的時候並不會有罪疚感，相信食成磅既拿破崙都不會感到膩😂對比起朱古力咖啡香蕉拿破崙酥，小編更愛紫羅蘭雜莓拿破崙酥🥰🥰🥰榛子朱古力蛋糕$34表面的朱古力不是脆皮，而是比較濃稠的朱古力醬。蛋糕本體是濃郁朱古力的mouse。Mouse中間是流心的榛子醬，味道像金沙。這個價錢、這個外貌，算是不錯。不過如果一個人吃光這件蛋糕，會比較膩。荔枝玫瑰芝士蛋糕$34 表面的透明啫喱是荔枝味，亦灑有玫瑰花瓣碎，一入口是荔枝的香味，甚至比原粒荔枝的香味更濃!?! 🤯🤯🤯可惜味道好artificial，亦太甜，完全遮蓋了芝士味道。小編為了食真啲芝士香味，便只

買左個朱古力咖啡香蕉拿破崙蛋糕慶祝生日。估唔到佢既咖啡味好出，而且食得出好濃既香蕉味，整體感覺好夾。成個蛋糕既cream都算好多，分左幾層既拿破崙，所以食一少舊已經好飽！比起其他忌廉蛋糕，呢款好抵食，可以分幾餐，當然價錢就貴少少。

好少經過airside, 搭完地鐵出去商場果陣, 沿路見到呢間麵包舖, 然後見到門口好多人, 超級好奇心之下就走左去睇下有咩買! 見到佢D包, 撻等等都好精緻, 尤其係個法式丹麥布丁, 望落勁靚仔, 同而家好興果D撻批望落一樣樣~不過價錢真心唔平, 18蚊一個, 做緊優惠就100蚊6個.另外為左想試真D佢的包, 我另外買左個鹽燒三文魚飯糰包 $19.法式丹麥布丁 $18攤左一日之後個布丁包仲係好脆, 外皮幾得, 不過個蛋漿唔夠香滑, 味道偏淡, 可能為左迎合而家D人的口味. 如果呢個包有做特價, 相信我都會回購. 起碼易買過BakeXXXXX.鹽燒三文魚飯糰包 $19我真係冇EXPECT過一咬開入面真係飯團, 所以有D嚇親, 我本來以為係飯團造型。先唔論中唔中意食飯團先, 呢個飯糰餡超鹹, 我好似食緊豉油撈飯咁,出面親酥皮包住D飯真係唔知為左乜.  個酥皮攤凍左又會出油, 成個袋油笠笠, 真心唔推介大家試呢款。

早排幫襯呢間麵包店，收銀處有個負責將麵包入袋嘅男店員，對顧客講嘢語氣好冇禮貌。啲麵包賣到咁貴，唔該請啲質素好啲嘅員工啦！咁樣嘅服務態度，連屋邨嘅平價麵包鋪都不如。

The new Airside mall has a lot of new eateries and one place was Homebake. Selling  an assortment of bread and cakes, this is what caught my eye. So to speak. A Monster Eye Pumpkin Basque Burnt Cheesecake ($48). As it was neaering Halloween, I bought one.They packaged it in a nice sturdy plastic box and survived the trip home.At first I thought the eye was chocolate but after pushing on it, it was soft and jelly like! It really felt like an eye! PRETTY COOL! The cheesecake was very creamy and ri

星期日去左airside聽kolor,喺地鐵站嗰度上去就見到一間麵包舖，有少少肚餓，所以就買咗啲包嚟食。馬卡龍乳酪包+朱古力馬卡龍包兩個麵包都非常鬆軟，原味嘅包乳酪味好重，同時間唔甜，非常適合鍾意食乳酪，但係又怕甜嘅人。朱古力味就冇完美咁好食，佢嘅朱古力餡有啲似嘉頓嘅朱古力忌廉賓，所以唔會話太有特別嘅感覺。肉鬆飯團包肉鬆包唔會太特別，但係加埋飯係幾有趣嘅一件事，佢嘅凡係有調味，係珍珠米，不過雙重嘅澱粉唔係太啱我😂煙肉薯蓉包薯蓉整得好細滑，配埋煙肉非常好食

第一次去Air Side，原來啟德地鐵站出口可以直達，一入就已經見到幾間烘焙店，唔知係咪商場新開所以每間人流都幾多，但又未到要大排長龍~除左麵包，蛋糕都好似好正，中價位賣相已經好精緻🧀忌廉芝士馬卡龍包$18大大個加埋個脆皮面好吸引👀馬卡龍包有三款口味，唔想食太甜所以左cream cheese ，食落麵包好軟熟，未食到cream cheese既時候，脆皮加麵包好似菠蘿包咁，cream cheese唔甜，有小小似生忌廉加無糖忌廉芝士，有興趣下次試埋其他口味☺️🥖芝士煙肉焗薯包$17麵包同樣好軟熟，煙肉唔算好香，不過加埋薯蓉同芝士又唔錯，如果叮熱食應該會出色啲~~

萬眾期待嘅Airside 終於開，作為啟德居民梗係過去行下啦，個商場都幾大，好多嘢食，麵包舖都有幾間。好啦入正題，早幾日經過見到呢間諗住買d麵包食下，揀完麵包準備俾錢，呢位戴眼鏡著便服嘅服務員（貌似店長）態度語氣勁差，直頭趕客咁，皺晒眉頭，好唔耐煩咁嘅樣，其後見到對第二位客人都係咁嘅態度。商場新開張當然多人行，正常都希望多d人，生意好d，既然你覺得攰可以去休息室休息下丫，唔需要出黎對客，我都係黎買嘢啫，又冇得罪你，何必咁嘅態度呢。價錢方面偏貴，普通一個包都$20，又唔係話特別好食。呢邊大把麵包舖選擇，我唔會再幫襯。