故鄉俱樂部

Open Now

Now Closed

日本人在長洲的小吃店 80後... 有覺得這些卡通人物很熟悉嗎?! 出名小吃 --- 手卷+紅豆餅這邊特別之處是手卷以腸仔, 蟹柳和蟹子為主...大大隻的手卷... 腸仔, 蟹子, 沙律醬... 感覺很對味!! 可惜這次咸了一點點... 可能豉油太多~整件熱熱軟軟甜甜的紅豆餅!! 賣手卷同紅豆餅賣到上報紙嘅吉野太太... 搞笑地有幾個唔同國家嘅時鐘

買左2舊紅豆餅 一共$10有d後悔點解唔買$18/4件呢外層既蛋黃都好香 咬落去小小脆的紅豆大大粒好正好足料 又唔係太甜 口感好正呢 岩岩整好又熱喎 好鬆軟得一件唔夠食呀 下次要買多d先得我覺得手卷/壽司唔應該配腸仔/蟹柳呢d食材同埋覺得價錢又唔係平 所以冇試到 有機會再去食啦

聽聞這裡的紅豆餅不錯, 所以順便試試. 第一口咬下去, 外層很淡的, 雖則未咬到紅豆, 但味道不應淡至如此, 失望. 內裏的紅豆香濃, 但很多地方也可做到這個效果, 分量亦未至於大家所講的多得令人驚嘆, sogo 的紅豆餅絕對比它更好.

在新照記旁邊的鄉村俱樂部的，紅豆餅表面較為軟身，與Citysuper的亞月家把表面烘至略為香脆相比，我比較喜歡後者。幸好紅豆餡分量十足，而且甜度適中，$5一件來說確實抵吃。

是日天色麻麻，但同男友拍拖半年紀念日，諗住入長洲行下~佢話想試呢度既手卷同紅豆餅，於是食完大大粒魚蛋後，向前行幾步轉左就見到呢間食日本野的店舖第一眼望落去色彩繽紛又有D植物係旁邊,蠻有特色望下個MENU,見到有紅豆餅食,男友心情十分興奮(他乃是紅豆粉絲)他二話不說,立刻拿錢出黎買個試一拎上手仲熱熱地,輕輕咬一啖已見到有些紅豆蓉出現,可見很足料食落不是太甜,但吃到淡淡的紅豆味,食多幾個都唔膩呀而腸仔蟹柳手卷，都很足料,食到底都仲有腸仔d紫菜都脆,不過要快手,因為好快就會淋

難得入長洲..點都會去呢度係個手卷同紅豆餅架啦今次食左2隻手卷...紫菜夠脆...夠大個...但腸仔就硬左d..同埋個價錢其實都唔多合價...但整體都ok至於個紅豆餅今次真係好失望..個皮冇蛋味...仲有d難食之前去食入面個饀會有一粒粒紅豆同埋好有紅豆味..但今次得個死甜

紅豆餅令我聯想起日本的鯛魚燒，呢到的紅豆餅好啱唔嗜太甜的我。紅豆餅的賣相不算吸引，不過15元有4個就不要計較那麼多好了，紅豆餅本身唔係太熱，我比較喜歡食熱辣辣的紅豆餅，特別在冬天的日子里，感覺一流。紅豆餅味道不是太甜，很適合不嗜太甜的我，紅豆很香很濃，令我想起了煲到起沙的紅豆沙，很有家庭感覺，餅身軟度一般，可能涼了的關係，蛋味不是太濃，但亦不失為一個可口的甜點。

今天及明天,便是郭氏大家族兩日一夜到長洲宿營的日子. 到了長洲和各親友check in入營後,我們便一起出發在長洲遊遊,到處在街頭吃下小食.真的不要睇少七十多歲的麻麻,她除了可以由新界搭船到長洲之外,還告訴我們長洲內,有一位日本小姐開了一間日本小食店,專門造手卷壽司及紅豆餅.當麻麻說了出來,我的母親大人及姑姐也說聽聞這事,而且我也知這一檔小食在那裏,於是我帶領他們來到麻麻所說的日本小姐開的日本小食店.由於我們接著便是到海鮮酒家晚飯,所以所有親友也說只吃紅豆餅不揀選手卷(食得太飽怕食唔落飯呀!)於是我便買了一打紅豆餅.和各親友分享.我和母親大人share一個.吃了一口,也覺得餅皮充滿著蛋黃的香味道,紅豆雖然是滿滿的,但一點也不"漏"而且也不算甜. 剛好. 口感也是暖暖軟軟的,感覺很實在.很享受在長洲吃街頭小吃的感覺. 這種感覺還比熱鬧中的旺角更加舒服自在.

每次到長洲行去沙灘途中都會見到有塊好得意既告示版上面畫左唔同經典既卡通人物(美少女戰士,男兒當入樽等等)原來呢間係由日本太太開既小食店主要賣手卷同燒餅由於唔太肚餓 要左一個紅豆燒餅就算$4一個 $15四個見佢係一個白色箱拎出黎 估計係整定好多個放係度所以只係微暖 曾經係citysuper食過日本大判燒所以覺得呢個既皮做得未夠香不過因為同citysuper個價錢差得遠$13 vs $4 所以都算係物有所價雖然外皮唔夠香同唔夠蛋味但有內涵!紅豆味濃郁 完全唔甜 仲有粒粒紅豆添!咬一啖dee餡都未爆出黎 咬多兩啖 餡料滿瀉yummy yummy下次黎要外賣幾個回家

話說去左長洲兩日..第一日到左長洲即刻去左買個紅豆餅黎食..食落個餅皮雖然麻麻地..但勝在紅豆好多同味道不錯..第二日再去買紅豆餅同腸仔蟹籽手卷食..只可以講不能接受..佢個紅豆餅放左唔知係唔係勁耐..個餅皮又乾又硬..但係竟然仲熱..個手卷索價16元竟然塊紫菜係淋既..即使d料再好食都冇用..估唔到即買即食既質素可以差成咁!!

呢度最出名就係手卷同紅豆餅~由於手卷又係自己識整既野同埋真係食得太飽所以買左個紅豆餅share@$4,$15有4個應該早就整多左存貨,客人order即刻就拎比你了雖然唔係即係面前整,但都暖暖的薄皮之內有豐富濃味既紅豆蓉,岩曬同行朋友仔呀下次要試手卷~

多得Openrice才可以令我這位長洲盲找到長洲天底下好味的美食 從各食評睇到說這店很有日本風味, 可是去到現場又感覺不到, 只見到有些毛筆字句而且周圍環境裝飾感覺有些隱世高人的大智慧存在, 好禪！$15腸仔蟹柳手卷...嘩~ 好大卷, 好重手, 我估飯量都有半碗份量, 紫菜乾又脆, 珍珠飯暖烘烘的與沙律醬及腸仔蟹柳同吃, yummy yummy6件紅豆餅包裝整齊餡量豐富,紅豆蓉好清(有點淡淡的), 沒有一般日本點心的紅豆蓉般死甜, 餅皮沒有苦澀味, 鬆軟有蛋香 買完再去旁邊嗰間睇下, 我認得Openrice都有食評講過

係沙灘玩到攰賴賴就決定行番出黎食少少野再去玩我同細佬就去左哩度諗住試下佢既紅豆餅女朋友同另一個朋友就去左新照記4蚊一件紅豆餅 15蚊4件唔知佢地食唔食我就買左一件試下先佢o係一個發泡膠箱度拎左一個出黎~哎呀仲諗住有得睇佢即整(個陣我同細佬幫親)拎上手熱辣辣 咬落口好軟熟 有少少蛋味入面既紅豆茸好多同好好味 咬到有少少紅豆同我o係利強記北角雞蛋仔元朗間分店食既有少少唔同利強記個間就硬身d 不過個紅豆茸就冇哩間咁好細佬叫左個手卷 食落都係一般 不過就15蚊 還可以啦不過坦白講 個紅豆餅唔係唔好食 只係比人講到好好食咁姐 o係我心目中未算係其他人所講既唔食唔得 所以都有少少失望~去匯合女朋友先~

去完買糕之後, 再過埋隔離的"故鄉茶寮"買紅豆餅原來這裡的紅豆餅, 真係由日本人開設的~真係好有日本風情~大約排了10分鐘隊, 見到係門口有好多相, 大多數都係老闆同家人的合照, 多溫馨呢~買了兩個, 就立即食啦~食落口, 唔似街邊檔求求其其整的一樣, 甜甜的, 外面似班戟咁, 好味(75分)

一向都知呢間d手卷好出名,, 但都冇試過因為我覺得佢d腸仔蟹柳蟹籽料好普通,, 而且價錢亦偏貴但係佢實在享負盛名,, 所以點都要一試!!!腸仔蟹柳手卷 $15一咬落去,, 紫菜脆卜卜!!!而且飯的酸度及咸味亦非常適中,, 加埋少少salad醬,, 又出奇地好味!!!料方面又冇偷工減料,, 雖則貴少少,, 但都十分抵食!!!搞到我第2日再食多次