故鄉俱樂部

Open Now

Now Closed

101104 星期四 | 到中環碼頭跟另外兩位朋友會合，一行五人，走到隔鄰的5號碼頭，剛巧有快船，大半個鐘頭就到達長洲了，天色雖然很灰暗，但未有打消我們的興致，下船後，從海傍道轉入東灣路一直走便到海灘，吹吓海風醒醒神，回路走，經過故鄉茶寮，當然要試試聞名已久的紅豆餅啦，一個$4，四個$15，買了五個，每人一個，熱辣辣，大家都急不及待要品嚐一吓，差點忘了影相呢，很鬆軟，有好多紅豆餡料啊，但食落又不太甜，又沒有好溜的感覺，食得很滿足。

係openrice見到呢間野幾受歡迎...大家又對佢好評就諗住試下...初初都無咩野ge...又幾好招呼...跟住有個婆婆(應該係老闆)出黎講埋d唔知咩話...好la...擾攘左一陣叫左3個餐la......個婆婆又係到講la..........用d唔知咩文講野....咁我地咪由佢law...........無lala拎張台出黎叫我地一定要係到食......都話講時間要拎走食...婆婆又係到噪.......收晒我地錢跟住發脾氣..........執番張台走...又係到話busy busy...果下好掃興law...........俾番d錢我地叫我地走....咩事ar....邊有人咁做生意ga.................跟住晚上見ar嬸唔係我地再去買個紅豆餅食...$4一個....個餅都唔好食ge....入面d紅豆就過得去la....................下次一再去真係要諗諗la...........

在openrice找到這間店,評價好高, 梗係要試試啦~~!就係去沙灘的路上轉左, 有些卡通畫~ 幾得意~2點幾一個人都冇~ 買左個紅豆餅 $4微熱的~ 不是太甜, 就是沒有什麼特別好食或不好食..普通而已~

這裡是哥哥妹妹每次到長洲必去的地方，其中腸仔蟹柳手卷更是逄到必吃的，因為兩樣配料都是妹妹的「飛佛」 當中手卷是即點即做，紫菜更是脆卜卜的，再加上沙律醬跟醬油味道配合得剛剛好，所以每次經過都會忍不住一買再買

好好好好味 真係~ 好正~ d 飯係好好味~ 總之成個都係勁好食~重好食過d元氣~ 板前~ 真係唔明~ 咁簡單既野~ 竟然可以咁好食~!!!!!!!!!我叫左個3味~ 勁好食~!!!!!

貴為綠茶紅豆發燒人的你,,長途跋涉來到長洲 又怎能不吃紅豆餅呢!雖然不是綠茶皮 但還是要一試紅豆餅 $4 $15/4個店員從保溫箱取出 但仍熱熱的不失望放在嘴邊時, 嗅到絲絲的蛋香 雖然不太濃 但不錯了咬一口時, 紅豆餡溫熱的 美好=)而且甜度十分恰當 是微甜適合我這種紅豆餅在city super買的話 絕不能享有此優惠!購買美心那些豆沙餅更是貴 而且甜 又不是即制所以如此豆沙餅不能錯過甜度確如下方食家而言 少甜!!!!!正

這兒的紅豆餅很受歡迎，只因為它簡單和長洲獨家，可能在日本連鎖麵包店也有很多比它更好吃的出品，不過來到長洲總會心思思想起它。今年六月來過一次，來到差不多七時，打斷了用很流利的日語在電話中談天的店員，幸運地買了當日最後一個紅豆餅。這兒沒有用上日本的十勝紅豆，感覺是在香港一向用來煮紅豆沙的紅豆來製作餡料，不過甜就是了。那面層的蛋糕是精髓所在，充滿著蛋香，一咬下去是軟綿好吃的。四元一件，味道過得去，不吃總會覺得若有所失，因為蛋香，所以送上笑臉吧。這對我來說或多或少已經是長洲的小經典，沒有平安包，就來一客紅豆餅吧。

難得入長洲玩緊係要試地道小食見呢度有咁多哈哈笑一定要試下喇果然名不虛傳! 紅豆餅: 遠近馳名既紅豆餅果然好食, 食個時紅豆餅暖暖地,好香紅豆既香味又唔會太過甜,包住紅豆既外殼有陣陣既蛋香味! 果然好食!腸仔蟹柳手卷:朋友唔鐘意食甜品就食呢個手卷, 唔好睇佢材料好普通,原來手卷入面加左d特別既醬汁所以食落去特別好食! 不過手卷要$12都算可以接受!

長洲第2多好評既食店去到緊系買番舊紅豆餅黎試下本身滿懷希望 點知 等都唔洗等就覺得有D唔對路個妹妹仔響個盒入面拎比我舊紅豆餅唔系即製 只系暖暖地一咬落去...想講粗口-_-紅豆冇甜味 得少少香味加埋冇味既外皮-_-唔知食緊D咩囉-_-不外如是 再食多左一啖 試清楚二話不說就放入垃圾桶^^

一場黎到長洲周圍食下野先見係渡假屋附近所以臨返去前食下小食未黎之前係OPEN RICE SEARCH過都幾多笑臉間舖都幾有特色, 好多卡通人物係門口老闆娘都幾親切, 笑笑口問你想食咩天氣都幾熱, 又唔想食紅豆餅所以買左個蟹柳蟹子手卷d蟹子同d沙律醬撈埋一齊, 食落幾開胃紫菜都幾脆, 不過好快就林了蟹柳就普普通通啦, 超市買個種d飯反而幾好味, 唔會太多食落又唔太滯, 同埋唔會太林有機會下次想試下紅豆餅

因為心血來潮入左長洲之前都有睇過故鄉茶察ge食評試左蟹柳腸仔sushi同紅豆餅真係粒粒紅豆 不過d 外皮冇咩味sushi 就ok 啦唔係好抵就真ge算係長洲一大特色啦!

真係超級好食！應該係全香港最好食O既紅豆餅！餅皮有少少蛋香，紅豆餡又多又香又足豆粒！唔似D日式超市成$12/個但一陣發粉、梳打粉味。男友食完一個唔夠喉即刻ENCORE！

行完北眺亭來到尾站故鄉俱樂部嘆番個紅豆餅先出番香港。上次來食時比較失望，因他是整定已經凍咗，希望今次會好彩些吧！lucky！碰巧剛剛新鮮出爐，我能買到個新鮮滾熱辣的。外型很飽滿討好，但我一口咬下去時發覺外皮無甚蛋香味，還有少少苦澀味可能發粉落得太多的關係。幸好靈魂(紅豆餡)依舊那麼好吃！為它挽回些分數。本想俾個OK臉的，但紅豆餡實在太好味，最後俾了個笑臉。

身為紅豆狂熱份子既我,黎長洲其中一個目的就係試試呢度紅豆餅~紅豆餅一黎到已經見到d人企定定排隊買餅,嚇得我呀好彩等左唔駛一陣就買到~暖暖地既紅豆餅聞落好有蛋香 個皮唔厚仲十分軟綿綿 咬落入面餡多多仲食到粒粒紅豆 而且甜度剛剛好 4蚊有咁既質數真係抵到喊黎開長洲又愛吃紅豆的話絕對要黎試試呢!

相約朋友們一起到長洲去，踏完單車有點累就去搵呢間幾出名的紅豆餅 !!上網看就覺得幾抵食決定試試啦!!果然沒有失望啊 !!剛出爐的紅豆餅好多料好好味!!!而且份量剛剛好!!不會太多或太小!!! 好味 !!下次去長洲都要去吃 !!