焰拉麵 (Closed)

元朗 焰拉面題目:食拉面食出好味小食！真係好值得介紹既，因為估唔到賣拉面既地方，小食做得好好味！本身男朋友仔想食拉面，但我唔想食面，就叫左一個沾面Share，另外叫左個煎餃子同炸雞翼，我地兩個share食。呢個係佢叫既龍蝦芝士湯沾面($88) 沾面既質地好彈牙，面本身都有好重面粉蛋既香味，個龍蝦芝士湯，我試下就咁飲左一啖，好濃龍蝦味，好似龍蝦汁咁，用黎點個面黎食好夠味好正，個湯可以掛到係個面條度。叉燒都幾好味，燒到個邊脆脆地。 自家製餃子($45)有5隻，個底有小小面糊煎成既脆片，咸咸地好得意，個餃子真係好正，個皮薄得黎有啲煙韌，入面既肉好多汁，肉質都幾好，無咩筋。 呢個係味增手羽先($28)，即係雞中翼。個雞翼炸到好脆好香口，上面仲有好多木魚碎！好中意呢度既小食有木魚碎，餃子又係上面有大量木魚碎。雞翼入面好滑，無炸過龍，唔止外面有味，入面都係有醃到，大大隻，真係好惹味！ 雖然舖面比較細，但係啲位都算幾闊，唔會坐到好迫，店員會自動加水，服務幾好。

元朗開左好多唔同類型食店，但當中都係以日系為主 ， 無他既 為左香港人口味咁岩行過見到呢間「焰拉面」，門面好吸引架 充滿住日本風情，二話不說入去見識下佢係邊門邊派先‼‼‼‼呢度舖仔細細五臟俱全，有卡位有枱仔 我揀咗坐喺吧枱喇 日本風丫嘛，木制吧枱同日本似到十足十，餐牌有圖，又有得俾你自由配搭，第一次黎食梗係要試呢度嘅招牌焰拉面香濃嘅豬骨湯底，同軟硬適中嘅拉面好夾 面身好鎖得住個湯所以好入味，豬軟骨更見出色，豬肉煮到好稔入晒味，我仲加28蚊轉個combo餐包新鮮生菜沙律，流心玉子同埋一枝汽水，沙律唔係雪定個d 係即叫即執比你，個流心蛋做到岩岩好 慢慢流出整體黎講106蚊一個晏晝又食到飽比多少少都好滿足呀 下次可以試下其他拉面‼‼‼‼

趁紅葉飄飄既時候，去左大棠觀葉完左就返市區醫肚去之前已經係SEARCH定食呢間見好評都唔少諗緊食咩果陣，諗起自己仲未食過辣味既拉麵不如就今次試下拉所以揀左火岩焰既小辣不過呢到既辣度一D都唔野少我平時餐廳叫小辣都能勝任，呢間就辣度就唔同拉辣帶後勁，重辣不重麻，同中式既唔同而且賣相好可愛，用蕃茄盛著住辣肉醬係底，面頭就係蔥花肉類選擇了豚軟骨，有2大舊，肉質淋而不散麵的掛湯能力很好，抵讚索盡湯底鮮味和辣味食罷一碗拉麵，才發覺這裡還有小食提供不過就在另一個餐牌上而餐廳裝潢採用調皮的日本風但其實這個人面像有點嚇人喔

今日喺元朗行街街，云云咁多食肆，拉面怪男人點都話要食焰，貪佢外型夠地道喎，作為賢內助嘅小妹唯有乖乖聽話入面有長長吧枱，側面係摺枱，如果人小小就岩岩好，不過人多都會人流管制，咁都ok丫，牆上有特色掛衫架，好特別又夠貼心，唔使個個都攞張櫈放袋小妹近排好鐘意食松露，對松露陣除念念不忘，見到呢度有山松焰-野菌松露拉面即時心心眼，叫左個黎會一會佢上到枱，陣陣嘅松露香味四溢，配上新鮮蔬菜加小菇，成件事清新田園咗！湯底的確濃厚(小妹揀左濃厚)有小小黏黏地，好似好重骨膠原咁(豬骨湯底)個叉燒雞外型似日本叉燒，但佢的的確確係雞黎雞肉肉質嫩滑無骨，啖啖肉，仲大大舊！小妹仲加咗28蚊要個combo set,有玉子，沙律同樽裝汽水一枝流心玉子一睇就知佢幾流啦，不得了！比多個近鏡先！整體黎講，小妹自己一個食晒又真係幾full...因為佢啲湯濃厚，掛咗喺啲面度，無疑係等同飲埋啲湯落肚，不過咁好味嘅湯底同拉面，食晒都好滿足啦！

有一段時間都沒有吃過日式拉麵了，所以決定今晚晚餐就吃拉麵吧！今日剛好在美食集中地的元朗區，要找拉麵店完全無難度啦！和朋友經過教育路，有間專吃拉麵的小店，很快目標就在我們眼前。肚子餓了迅速就入座了… 店內地方舒適，店員熱情款待，充滿日式氣氛。店員細心解釋拉麵款式，麵質、湯濃度、香油味道、蔥…都有得選擇，迎合各人口味。最後我選了鮮味一點的湯底拉麵，朋友則選了辛辣味！ 「鮮焰」魚介豚骨$78 麵質我選了軟硬適中，麵條是幼身。湯底質感都選了中，味道都偏向濃郁，湯內有滿滿的櫻花蝦亁，又香又濃，加上魚介粉末令鮮味更突出！义燒邊位香脆，肉質嫩滑鬆軟！豐富的配菜有紫菜，荀干，木耳，蔥… 枱上有供應蒜頭及配菜可因應客人口味，加入在拉麵內。非常細心！另外店員向我們介紹每款拉麵可加$28就可享有「糖心蛋+野菜沙律+支裝汽水」套餐。如果讚好專頁和在facebook簽到就可以減至$14！非常超值的優惠呀！「糖心蛋」 一口咬的滋味，香濃又滑的橙黃色蛋汁，爆出來！「火岩焰」小，中，大，激辛$88 朋友選這個「火岩焰」，看賣相非常吸引！有一個鮮紅大大的番茄，襯托整個麵。紅色

假日同另一半去咗大棠睇紅葉，完左之後坐巴士返朗屏，落左巴士後行兩步就見到好多野食。簡左呢間日本拉麵店，裝修都好得意，好傳統風格，仲寫明唔做外賣咁串。入去後有亮點，細心之處係佢有個架係牆身，冬天大褸/袋都唔洗阻住自己食飯，讚!在下叫左個鮮焰拉麵，上碟時仲有幾條魚游左上黎。先飲個湯，好濃既豬骨湯，好香但無咩鮮味。因為我叫左濃湯底，大家記住鮮焰要配淡底啊，於是我加左好多佢哋自己釀既魚露，湯底立即好鮮味!麵身好軟，我叫左軟嘛！不過掛湯能力好高，濃濃既味道再食件叉燒先。一入口，雞黎嘅！我呢刻先記起我點左叉燒雞，因為佢個樣真係好似叉燒(豬肉)，我真心以為佢係一碗普通既叉燒拉麵。呢一刻真係好有驚喜，肉質鮮嫩唔會老，原全無overcooked，仲好入味。而且食完碗麵都唔會口乾，想飲好多水，湯底應該唔係靠味精，已經好過有啲係銅鑼灣登龍街，靠味精為生既拉麵店。食完野望入廚房，居然比我見到廚師係度即包餃子，但我望返點菜紙又無餃子比我點，原來係張poster既角落有寫。如果比我一早見到，我即刻點返份。自家製餃子喎，可以係一個宣傳點，都唔明點解得咁少提。

今日黎左元朗睇紅葉，睇完想搵個地方食野 見呢間拉麵好評都幾多，應該有保証，個名都幾酷，所以就入去食個lunch。 店面雖小，不過入到去好似去左日本d拉麵店咁，好有懷舊feel，有個類似吧枱比人排排坐幾得意，所以我地坐呢d位。隔離仲坐左幾個學生妹，原來呢度有學生餐，$3x有一個飯，都幾抵下，其實正價都唔貴，不過我地今日要試拉麵，所以主攻拉麵先。 個餐牌好易明，因為得4款拉麵: 焰拉麵(豚骨湯), 鮮焰(魚介豚骨), 山松火焰(野菌松露) 同極黑焰(黑蒜) $78/each我揀左焰，本來朋友想食沾麵，不過已經冇左了，所以佢揀左極黑焰。 點餐紙可以揀麵質，濃度，香味油份，叉燒款式同蔥份量 旁邊有芝麻同蒜頭可以比你自己添加，我覺得落左成碗麵即刻加分，好香濃，所以落左好多。 我揀左硬度為中度，拉麵係幼身既麵，硬度啱啱好唔硬唔軟，咬落好彈牙，而麵既份量都唔少。 湯底我揀極濃，因為我中意食超濃味既野，黎到都好濃，好香豚骨味道，飲落去唔會好杰，啱啱好，咸度亦都適中，好快就比我食哂成碗。 叉燒雞係新產品，所以我轉左，係一塊好似叉燒既雞黎，有3塊，雞都幾滑，

Lunch 食到唔知食咩好，係啱啱開舖既時候食過呢間非常差，難食，但近排有同事竟然介紹我去食話幾好味，但我一直都好抗拒，直到今日周圍都排長龍，廢是等所以就入去試多次！呢個山松焰其實就係野菌松露，餡料有：野菌、松露醬、叉燒雞、木耳、荀干、紫菜，個湯底非常之濃郁，有松露醬氣味好香，又冇鹼水味，雖然啲菜好假😂但味道比第一次食真係好左勁多，好進步👍🏻

自從去過日本食拉麵，我真係好耐冇响香港食拉麵，食唔返果d味！因為我對味精好敏感，好怕拉麵湯好多味精，因為拉麵最緊要係個湯嘛！朋友來過話值得一試，所以就來食下7點鐘，2位，去到剛剛有位，環境佈置得好別致，看到很用心，重要的是座位做得很寬闊，唔會座到又逼又辛苦呢。 我哋叫咗一個山松焰同鮮焰，佢每碗入面已經有木耳同鮮筍，但係我哋鍾意食，所以另外再加左。另外加多一個味付玉子，店員見到我加左味付玉子，就問我要唔要喺Facebook嗰度share張相加tag，就可以半價要一個餐，有一個沙律，一支汽水同埋味付玉子，半價都係＄14,咁樣好抵呀，所以就叫咗啦本身仲想叫個唐揚雞件，點知賣晒，下次再去食過先得！所以加左餃子 我食嗰個山松焰個湯非常之香，夠濃，但真係食到足料味，一啲都唔會有"公仔麵味"，無味精！啱晒怕味精的我！啲拉麵自己可以揀軟硬度，我就揀咗'中'，食落去都感覺非常之適中，唔會太硬唔會太軟，叉燒同豬軟骨都好好味，叉燒有一大舊，不過我都唔夠喉，下次要追加叉燒先得！ 仲有工具提供自製蒜蓉，真係好有日本味道呢！ 個餃子好可愛，佢係好似做到一個餅咁，黐住5粒餃子

以前好中意嚟元朗商會後面搵下有咩食而家永年貴左又冇甘好食唯有係附近再搵下有咩好食呢間焰既拉面舖真係有d似日本劇見到既街邊檔甘好有種個人浪漫日本風好warm一入到去個侍應好熱情既招待（好似真係係日本甘）其實拉面選擇吾多但都足以令我揀左好耐如果想知個款拉面有咩餡店員會提供另一張紙俾你睇“極黑焰”聽店員講會落重 蒜所以吾係個個都頂到陣味然後見到叉燒同叉燒雞呢兩樣嘢開頭諗左好耐係咩店員話係雞件用叉燒既方法整搞到心都動埋 又吾想成日食豬骨又怕蒜容太重所以試左呢個佢有d蝦仔，荀，木耳，蔥，同木魚！！！個湯底係好濃既豬骨同蝦既小小甜味甘木魚加落去會濃味d個感覺會覺得個湯更好飲我一食就食蝦，d味夠濃然後就試左叉燒雞食完覺得比叉燒更好食佢叉燒其實都整得好食吾會好乾身，好入味但就吾及個雞甘特別佢好嫩口，食落去個味會比叉燒更出小小肥膏一啖咬落去好滑好正個拉面我揀左中度食落岩岩好吾會好硬或者太林但如果個面再粗d我會更中意雖然面幼d吸味濃d但粗d既話一啖shui入口會更爽基本上食呢個拉面都吾洗飲嘢但又食到好熱都係飲左支汽水玻璃樽令到成個環境更有日本風味

適逢紅葉季節，呢日一早就同老婆走左入大棠影紅葉，去到中午已經影完走人，老婆都火火地扭晒計話肚餓，問佢想食咩佢又炸晒型指定話拉麵，左行右行見到"焰"，希望下到老婆心中果度"火焰"啦。 呢度淨係拉麵都有幾種，咁岩我地中午去到，原來有學生餐又有套餐，唔怪得進食其間一路都有人入去食。 我選左"極黑焰"，即係焦味噌黑蒜拉麵，店員都細心提醒呢個係以蔬菜為主既拉麵。另外就加錢配左糖心蛋，野菜沙律同埋汽水。 極黑焰唔會黑蒜味太重，所以都幾易入口。麵既菜比一般拉麵多，夠健康。火炙叉燒肥瘦適中，入口即溶。麵質選左中，又係岩晒自己食開果個軟硬度。 加配左既糖心蛋味道一流，因為咬開蛋後蛋心中間流出，好食！食完之後老婆都大讚好食！當堂咩火都熄晒！多得咁好食既"焰"！

.............焰拉面 $78+10👍👍👍👍(5分滿分).............#拉面 ：我簡了中度硬 岩我要求😇吾太硬吾太熟😉係幼身麵條😋麵份量岩岩好#豚肉#湯底 ：員工話會好濃 所以我原先叫極濃 佢勸我食中度🙈食落我覺得一點都吾濃😂反而魚蝦個個更濃😢#soup 好杰 好似杰湯咁😂飲晒表示好滿足😝應該煲左好耐好耐好耐😂😂😂#叉燒雞 ：#新產品你無睇錯 係#叉燒#雞 既#mix 😂好特別 入面係雞肉 外面用番個皮包住 整到好似平時既#豚肉叉燒 咁 好搞笑😚但可惜味道吾夠味 雞係好滑 但可以再整入味d建議：湯底吾夠熱😣天氣凍 若有熱拉面會好好多😣 .............糖心蛋+$10👍👍👍👍❤😋(5分滿分).............很可愛的一間#日本 小店❤裝修到好日本風格嫁😙好可愛有一排排既既坐台椅👍好似去左#japan焰拉面 係餐廳既招牌😝全間舖其實拉面只有4種 選擇雖小 但有水準就無問題🙈 +$28 會有combo :汔水+沙律菜+糖心蛋+$10 會有#糖心蛋 由於對菜無興趣 所以只叫蛋😋#糖心蛋 ：我個隻吾夠糖心 8成熟了🙈但味道夠濃阿 可惜凍了食埋同行者個隻 好

這間焰拉面舖，格調幾有日本feel, 坐位一牌牌，幾懷舊。鮮焰拉面 係餐廳既魚介豚骨拉面選中度硬面，吾太硬吾太熟，係幼身麵條，麵份量算適中魚介豚骨湯底 ：叫了小油 湯底吾油 好濃魚介味 店員推介再落魚醋 落完魚醋味道馬上升級，好味好多，有鮮甜的魚味 不錯！但個湯太小分量 麵比湯還要多豬軟骨：有3大件每件都好淋好入味 一咬即淋既溶在咀 比叉燒雞好食好多Combo:糖心蛋 +沙律菜 +汔水 +$28糖心蛋 ：好糖心，有流汁沙律菜 ：ok新鮮 可惜吾夠醬汽水 ：係用傳統樽 好懷舊阿建議：湯底吾夠熱,天氣凍就不是太好， 若有熱拉面會好好多

有一段時間都沒有吃過日式拉麵了，所以決定今晚晚餐就吃拉麵吧！今日剛好在美食集中地的元朗區，要找拉麵店完全無難度啦！和朋友經過教育路，有間專吃拉麵的小店，很快目標就在我們眼前。肚子餓了迅速就入座了…店內地方舒適，店員熱情款待，充滿日式氣氛。店員細心解釋拉麵款式，麵質、湯濃度、香油味道、蔥…都有得選擇，迎合各人口味。最後我選了鮮味一點的湯底拉麵，朋友則選了辛辣味！「鮮焰」魚介豚骨$78麵質我選了軟硬適中，麵條是幼身。湯底質感都選了中，味道都偏向濃郁，湯內有滿滿的櫻花蝦亁，又香又濃，加上魚介粉末令鮮味更突出！义燒邊位香脆，肉質嫩滑鬆軟！豐富的配菜有紫菜，荀干，木耳，蔥…枱上有供應蒜頭及配菜可因應客人口味，加入在拉麵內。非常細心！另外店員向我們介紹每款拉麵可加$28就可享有「糖心蛋+野菜沙律+支裝汽水」套餐。如果讚好專頁和在facebook簽到就可以減至$14！非常超值的優惠呀！「糖心蛋」一口咬的滋味，香濃又滑的橙黃色蛋汁，爆出來！「火岩焰」小，中，大，激辛$88朋友選這個「火岩焰」，看賣相非常吸引！有一個鮮紅大大的番茄，襯托整個麵。紅色的湯底，火辣辣的感覺。看到「火岩焰」這麼吸引，我一下次再

記得焰拉麵剛啟業，我係隔離排緊壽司，當時諗住遲 d 黎試下，點知遲下遲下竟然遲左幾年。幾個年頭都仲可以係元朗立足，證明焰拉麵實力應該有番禁上下，拉麵亦從當年五六十蚊碗，升到差不八十蚊。店內感覺整潔，木枱矮椅汽水箱營造出日式味道。另外有好多細節位都包含左日式料理店有既心思。鋪頭一如傳統拉麵店奉上冰水，男店員都幾細心介紹佢地既 menu 同湯底。聽說佢地既豬骨湯熬足廿幾個鐘，如果女仔食可以選擇薄一點既湯底，以免招架不住。今日我無咩胃口試濃稠豬骨湯，不如就試一試個魚介拉麵（鮮焰），而女朋友就叫左野菌松露（山松焰）。留意如果有 facebook like and share 可以有優惠變套餐，大家可以留意下店內宣傳。首先上枱既係我碗鮮焰，見到上面禁好櫻花蝦心諗都幾著數。第一件事當然就係要呷一呷個湯頭，魚介湯唔似豬骨湯濃而且霸道，入口香醇又帶點鮮，我食到木魚乾香之餘連櫻花蝦既味道都混雜其中，試過幾款魚介湯拉麵暫時以鮮焰獨領風騷。跟住碗麵有一枝魚介醋可以俾大家加落湯底，味道好似酸瓜水咁，開頭諗住怪怪地不過儘管試下，估唔到效果唔錯，湯頭頓時多左一層鮮而且感覺清新。小弟都中意蒜所以落左一粒，湯味更添