揚食屋

Open Now

Now Closed

又要OT嘅小編見到揚食屋有外賣叫，就誤打誤撞叫咗個蛋包飯，有意外驚喜原條鰻魚五目蛋包飯💰$145有跟日式前菜(酸瓜)、自家製咖喱汁、一杯野飲(小編叫咗蜜桃茶)唐揚炸雞💰+$25鰻魚好大條！鰻魚醬汁味道好惹味～無論係鰻魚醬汁定咖喱汁我都覺得份量剛好，好滿意飲品有多種選擇，蜜桃茶甜度適中，平時小編怕飲好甜嘅飲料，但覺得哩杯蜜桃味依然有但唔會甜到接受唔到小編仲加咗炸雞，有四隻大塊嘅雞塊，份量很不錯個皮唔會炸到好厚，而且送到來個時仲熱辣辣，真係好回味！

呢間位於中環既cafe主打日式蛋包飯同埋日式洋食，環境都算幾精緻，而且係中環黎講，價錢算係非常實惠👍🏽👍🏽👍🏽推介指數：5/10我叫左一個日式漢堡扒咖喱，味道都ok，整體都合格，但唔會有驚喜，普普通通。不過就唔會有水供應，所以係焗你一定要買佢啲野飲🤔🤔🤔除左蛋包飯，仲有花茶，咖啡，蛋糕，甜品等，睇落都唔算賣相好靚，唔算吸引，所以最尾冇試到。另外，呢度係自助形式，入座之前先買野食，然後自己搵位，自己取餐😥😥

因為疫情關係，依家多數人選擇外賣。喺中環區食日本洋食閒閒地都100蚊啦～見佢餐牌都好吸引，所以就試下先。選擇都好多，個個蛋包飯比好吸引，佢招牌係吉列豬扒蛋包飯。呢餐好滿足！呢間嘅蛋包飯都好足料，仲送埋飲品。豬扒我嫌炸老左少少，不過我覺得ok，飯連菇一齊炒，有啲驚喜。中環區＄74都合理，如果好食嘅我覺得係值。如果趕時間未必適合你，因為人手短缺處理好多外賣同職員要送埋外賣嘅關係，係要時間等，少啲耐性都唔得。

中午在中環發現一家賣日式的餐廳，種類很多，讓我們眼睛為之一亮的是有日式歐姆蛋包飯，價位也很不錯，就來試試囉。吉列豬扒日式咖哩五目蛋包飯份量比想像的還要大一些，豬扒炸得很酥很脆，裡面的肉滿嫩的很好吃。咖哩醬微微辣適合配著豬扒跟白飯一起吃。飯的部分有加入一些菇類跟甘筍，吃起來很香很美味。食物部分中規中矩，選擇不少。蛋包飯也可以選擇搭配北海道忌廉汁，不喜歡歐姆蛋的朋友也可以選擇單純的咖喱飯，意粉或是早餐等。

之前食旁邊既廿一堂一般般，今次試同隔離既揚食屋竟然有驚喜，雖然賣既嘢差唔多，我今日個下午茶 好抵食又好好食！34蚊有牛仔腸，薯餅，炒蛋同豬骨湯米粉，飲凍桃茶唔洗加錢！個米粉來到時本來以為佢比錯公仔面我，因為都係攣埋，點知原來佢係米粉嚟，好爽口好滑好好食！豬骨湯都夠味、雖然係罐頭野，但係都唔錯好夾！薯餅夠熱，同腸仔蛋都係即整！個桃茶除咗細杯啲之外都幾好味！最後就要讚呢度嘅人嘅服務，由收銀到送餐嘅妹妹都好好！問佢拎熱水同茄汁，都好好禮貌！34蚊既驚喜之作！

本來走去買豚丼外賣，但見到隔離店d蛋包飯，心諗好耐冇食，咁就買咗咖哩炸豬扒蛋包飯外賣。主要係為咗個蛋，而蛋包飯係貴少少嘅。點知返到公司，變咗咖哩炸豬飯，沒有最重要嘅蛋，心情即時非常失望，又收貴咗我。 😡😡😡😡😡😡😡😡😡😡

是日呀媽去咗中環辦事，辦完事之後已經成兩點鐘，真係好肚餓本身諗住去附近嘅中環茶記醫肚，點先中環茶記裝修中，跟住就沿住條街行呀行，黎到呢間咖喱飯日本小食店<唐揚炸雞飯$58>事不宜遲叫咗兩個咖喱飯，唐楊炸雞份量超級多，大概都有七、八舊炸雞，勁脆勁多汁，不錯吃咖喱汁溝左雜菜同薯仔粒，唔會太杰同太稀，用黎送飯食一流套餐跟泡菜同飲品，泡菜偏韓式style ，酸D同辣D，咖哩食列膩膩地可以食兩啖，辟下味<泡菜豬肉飯$68>相比下泡菜豬肉飯較普通，不過豬肉份量都算幾多Overall黎講，呢個lunch set 食完樂滿足

今日經過士丹利街見到一間鋪頭門口放滿不同餐廳嘅餐牌，初時我以為係food court，後來先發現原來係一個鋪面裏面有三間唔同嘅餐廳。最後我揀左食蛋包飯午市套餐由58蚊起都算親民✨原條鰻魚蛋包飯🍛 $109包餐飲，我揀左南瓜湯（南瓜湯唔記得影相）南瓜湯好creamy ,飲落有少少芝士味都幾惹味。另外跟左個配菜—小松菜💀小松菜味道太咸，完全食唔落口。😤原條鰻魚就咁上，賣相直係好吸引🤤可惜鰻魚食落口有少少鬆散同腥，鰻魚汁亦唔夠濃香。而蛋皮亦唔夠滑嫩😞蛋皮下包裹着五目飯，即由茹、甘筍及鰹魚湯混合煮成嘅飯，但混合左咖喱汁，其實唔係好食得出五目飯嘅原有味道。咖喱汁帶有少少辛辣，都好易入口，味道不過不失。因為我一個人食飯所以要撘枱，用餐途中我要企起身讓人入座或離開，而食物又唔係我想像中咁美味😫所以呢次用餐對於我來講唔算好滿意。

本來要去嘅餐廳人實在太多，所以朋友帶我地嚟左呢度，唔使排隊唔使等直接有位坐。之後再嚟都唔需要等直接有位坐。第一次嚟係食咗咖喱漢堡扒蛋包飯。第二次嚟係食咗咖喱鰻魚蛋包飯。唔知係唔係鰻魚要整得耐啲第二次嚟嘅時候等左好耐好耐先至有得食連遲過我落單好耐嘅人有得食我都仲未有得食。所以如果趕時間就最好唔好點鰻魚。蛋包飯份量好大，適合大食嘅我。本身我係好鍾意食咖喱，所以呢一度將會成為其中一個飯堂。咖喱蛋包飯有賣相，有份量，食得好滿足。食飽飽沖完電先至可以繼續繁忙嘅工作。如果飲品方面可以有更加多選擇就好啦。

見到好多吸引嘅日本料理但因為已經食咗lunch，只係買咗兩件cake食。入到去係自助式服務，去收銀買嘢再拎嘢食。傍晚冇咩人，叫蛋糕可以跟餐有埋咖啡。我哋仲要食晚餐，所以就冇叫咖啡，要咗件芝士蛋糕同焦糖éclair 。芝士蛋糕冇特別，反而éclair 幾好食～環境好靚！

星期六約朋友前仲有d時間佢地又未到，我就搵到一間cafe係附近嘆住tea等呢件cake係小紅帽造型嚟㗎原來係一件櫻桃酒朱古力蛋糕係我無咩頭緒食邊間既時候，店員都推介呢陣俾我外層同入面有濃濃嘅朱古力醬、慕絲、櫻桃食落好香滑，帶小小酒味同櫻桃味又唔會搶左朱古力既味仲飲左杯凍latte, 夠香滑👍🏻仲外賣左一件送俾朋友，係一件紫薯忌廉撻朋友仔話好夠紫薯味，好似食緊一件真紫薯咁忌廉仲好奶滑，陣陣奶香味呢間鋪頭除咗有甜品之外仲有麵包同埋日式飯餐食嫁

呢間中環日式快餐，大半年前已試過。不過當初是以蛋糕和飲品為主。知道近幾月引入蛋包飯，所以嚟試試。👆吉列豬扒蛋包飯夠脆，但冇乜豬肉味…個蛋都整得夠滑，咖哩正常水準。整體係ok好食嘅揀咗吉列豬扒蛋包飯，$79不包飲品。一心想: 食咖哩最好飲水啦。因此冇加飲品，而飲品最平係$7罐裝珈琲，最貴係$38花果茶。由於冇加飲品，所以當飯送上時，我問服務員可以俾杯水我嗎？佢就話呢度唔提供水。只可加錢買飲品或樽裝水😱OMG！食咖哩唔俾水食客？！！即刻對呢間餐廳形象大打折扣👎👎其實做食肆唔提供水俾食客係大忌！！食客會覺得你焗佢買野飲。啲野食幾好都冇用😑

今日黎到中環見客，呢間日式咖哩飯既餐廳睇落唔錯，價錢又唔貴就試下。 有咖哩飯、意粉同all day breakfast...環境都ok，位置都寛敞同光猛。叫聲就自助形式，要自己出去俾錢，會有staff送餐過黎。呢度係無免費水提供，要飲係要買佢地既支裝水。我叫左咖哩豬扒飯，而同事就叫左漢堡扒飯，最後我地share d餸。個蛋包飯打開見到有多菇，個蛋都煮得好滑好味道豬扒就普普通通咁la~~~整體上都唔錯，可以再食。

蛋包飯好似消失左係中環好耐咁，真係好耐好耐無食過。中午黎食lunch都有唔少人等緊位，見有人排隊以為排隊拎位，原來係拎飛。 等左十幾分鐘先有位，等果陣無無聊聊睇下d cake，睇落去幾吸引。一心黎到係食蛋包飯，揀左炸蝦蛋包飯再加$18有杯latte。朋友就食炸豬扒蛋包飯，炸豬扒就比較薄身，蛋夠滑，飯係菇菇炒飯。好味道。咖哩揀左辣既，但其實係一d都唔spicy。咖啡係由luxury milk沖，都唔錯既。

之前介紹左高CP值放lunch好地方，廿一堂！開左一段時間後，人氣大增，亦都變左🍔嘅飯堂！而隔離個間bakery嘅麵包亦都介紹過，今次就集齊一套，試埋入面cafe嘅lunch😍 內裹嘅佈置同用嘅顏色都好少女風，食物選擇主要有蛋包飯，意粉，All day breakfast 同cake🍰 當然仲有唔同咖啡嘅選擇~~原條鰻魚蛋包飯($109) 成條鰻魚擺上去認真邪惡🤩 可惜食落有少少腥，鰻魚汁亦未夠香，淨係有少少甜甜哋。蛋整得幾滑身，入面嘅飯亦好有心思，唔係平時嘅茄汁飯，而係五目飯🥰 用左菇，甘筍同鰹魚湯整，十份健康👍🏻 咖哩汁方面有得揀甘口或辛口。辛口只係微微嘅辣，味道正正常常，冇乜特別，配料就都幾多下🙃吉列豬扒蛋包飯($79) 🍛 豬扒都幾大塊嘅，炸粉唔會厚，食落脆口！肉質唔係話特別爽口又或者多汁，同樣嘅冇乜特別😪上面嘅醬汁偏酸，可以解一解膩~ -以上價錢係單叫，可以加$28係湯，甜品 同飲品裹面任選兩樣！餐廳比較唔可取嘅地方係竟然冇水提供，要買樽裝水🤨 唯有過去隔離廿一堂到自己攞🤷🏽‍♀️