Homy Cafe (Closed)

星期日下午。唔使等位。揀左面門望街高腳櫈位。叫左個素漢堡伴薯角+凍檸茶少甜。整個餐即叫即做，薯角熱又脆，漢堡係強項，烤過嘅大啡菇、大茄片、生菜、同埋一隻即時煎起嘅荷包蛋（無影相，至少有咁多野，但唔知有冇數漏其他材料）、整齊夾喺鋪滿芝麻嘅漢堡包入面。食落質感豐富，材料新鮮。埋單時女店員問好唔好味，我答好好。的確好唔錯。有heart做嘅餐廳先會主動、夠膽問呢個問題。燈光舒服，backgroud music柔和，野食用心做，會再去。

朋友，好久不見了！一見就當然要盡情聊天啦！不論這間餐廳的環境，或食物都最適合女生們聚聚，聊聊天。西斑牙豬肉漢堡(右)有軟軟的漢堡包，芝士，厚厚的西斑牙豬肉，蕃茄，洋蔥和生菜。整體來食，是很好味的。而且，份量很足，不可以一口咬整個。菠蘿梳打(左)這是一個 Lunch Set，星期一至五免費升級的是日特式飲品。外觀看是藍色的，有2個菠蘿仔食，飲料有點像菠蘿氣水，沒有什麼特別。

出左花紅, 就請屋企人食好西今日就黎左HOMY CAFE, 之前食過都覺得幾好味我自己就叫左個芝士羊肉漢堡, 羊味充足夠肉汁, 但稍微偏UN麵包烘過, 夠脆口另外仲叫左個香烤百里香原條豬肋骨伴美式薯條有D UN, 自己麻麻地個醬汁, 太重味仲叫左個巨人漢堡, 入面有生菜, 蕃茄, 芝士, 紫洋蔥, 芝士大蘑菇, 煙肉. 蛋同2塊漢堡扒聽到D材料都知份量十足, 果然份量成個巨人咁!芝士大蘑菇好夠汁, 勁好味漢堡扒係牛肉黎, 牛肉味夠重又多汁, 個漢堡黎ge時間仲滴緊D牛肉汁

上水舊墟不嬲感覺比較混雜，好少有cafe，更加無諗過有質素嘅cafe試過佢嘅lunch set、burger set上水黎講少貴，出面算正常價錢味道不錯，漢堡比意粉好食，薯條好食但太少了～～另外意粉嘅分量女仔會夠飽，男仔就未必了跟餐叫左杯焦糖咖啡，咖啡幾香滑，不過焦糖味太甜，或者原味會好d～週末中午時分都挺多客人，所以我們二人要坐bar台，台面比較窄，坐得不太舒適另外店內裝修挺有格調的，整體感覺滿意，有機會會再光顧

上水想搵一個地方舒舒服服坐下 好多同事都推介呢間homy cafe 終於嚟左試 果然有驚喜 環境坐得舒服 野食選擇都多 burger 係呢度比較出名 食落去塊牛好好食 之前試過隔離街 海盜x個塊牛同呢度真係無得比 比100個like呢間cafe 朋友叫左意粉同豬扒餐 配一杯特飲 都算唔錯 係上水搵到間咁舒服嘅餐廳 食完好滿足～

估唔到上水有咁好食嘅小店!! 同媽媽兩個叫咗lunch set, 一個厚豬扒，一個ribs。厚豬扒上台時仲好熱同埋好大份! 一切落去唔算好冧，但唔硬，食落口熱辣辣，仲好juice，完全無雪味 !! 真心好食! 至於ribs, 有d 辣，肉質唔硬，都好食。驚喜薯條都有兩種，一種flat chips, 一種wedges, 真心正! upgrade 咗一杯latte, 都幾好飲，奶比例多咗少少，但咖啡豆算唔錯! 呢個價錢，唔使加一，非常抵食! 希望keep 到水準，一定會再來! 不過如果service 可以improve少少就perfect!

工作中午餐，在呢間餐廳門外搵到位泊車，入內只有幾枱客，昏暗燈光，水泥牆壁加啲工業風裝潢，簡單型格！下午茶餐牌好多選擇！落好單要耐心等待！芝士焗漢堡肉釀大蘑菇（$44）呢個等咗幾耐，差不多20分鐘！賣相幾好！不過份量就比較少（$44蚊一隻蘑菇，如果加多片厚多士，視覺上會飽肚啲）蘑菇焗得好靚，芝士半溶，漢堡肉鹹香，蘑菇多汁軟滑，好味！如果多一件就好膩，沙律菜新鮮爽脆，簡單加黑醋汁已很開胃（剛好平衡了蘑菇嘅油膩）草莓覆盤子茶（$14）有耳瓷杯存熱，茶包沖出來，水夠熱，酸酸甜甜清新開胃！好味！同事食：黑松露雜菌蛋牛角包🥐（$32）美式咖啡（跟餐）食物有心機，店員唔多說話，上菜收碟都斯文有禮，場內靜靜的享受一餐！可以再encore嘅餐廳

第二次食這間餐廳，今次有了新朋友來試食。今闈食左佢個辣牛肉漢堡，辣味不重，對於不能食辣的朋友是可以接受。牛肉鮮嫩多汁，肉質厚實。整體夾埋是非常一流的漢堡包。另外，今日的的飲是菠蘿特飲，稍為偏甜。

上次lunch嚟食，味道已經超驚喜！今次嚟食晚餐又要再讚過我哋今晚叫咗3個burger set分別係辣雞burger,芝士煙肉burger,同埋芝士大蘑菇漢堡扒burger，另外加咗個脆薯角同蜜糖雞翼辣雞嗰款我feel唔到辣，不過佢講明係特製辣椒，唔係塊雞辣嘅，塊雞好嫩滑，又夠肉汁，唯一係塊雞中間未完全熟哂，有啲扣分芝士大蘑菇漢堡扒嗰款就無得頂，嗰兩塊漢堡扒夠大件，大蘑菇超香，個口細啲係唔可以一口吳落去！芝士煙肉漢堡扒嗰款就味道正常，無咩特別，不過依然係大大塊肉夾響入面，夠多肉汁晚餐全部都係跟薯條嘅，唔駛好似lunch咁另外加錢配薯條，抵呀！我哋又額外加咗脆薯角同蜜糖雞翼，都係全部即炸，勁熱辣辣！讚讚讚老闆又會細心走埋嚟問食物到齊未?服務超好❤嗌咗禁多嘢，4舊水都唔駛，邊度搵？一定會繼續幫襯

第一次由親友介紹去食，環境都唔錯，幾有外國feel, 都幾多人食，原本要等位，19：00,幸好剛剛有幾位鬼佬客食完走，所以才可即刻入座，想食的朋友可以book位，跟點了雞扒漢堡和豬扒漢堡，雞扒幾好食，最好食係豬扒漢堡，塊豬扒夠Juicy, 又夠厚，等左十五分鐘才有得食都僅。至於個沙律有幾塊青蘋果和黑醋汁，幾fresh又爽口，薯角都好好食。點了一杯青檸打，杯特飲就普普通通，跟餐都要另，飲汽水比較化算，至於服務態度幾好，可以一試，記得有加一收費。

呢個星期病左成個星期 無咩食野落肚 難得假期同朋友聚下食飯傾下計 上水粉嶺都無咩咁靜咁高質既地方。野食好多選擇 勁吸引 不過得四個人 食唔到咁多 餐湯係南瓜湯 ，好甜好好飲 。 呢個芥末忌廉闊條麵 超好食 個青芥末醬配搭得好新鮮好好食 好特別。 不過覺得配多點海鮮會更好 因為我不太愛煙三文魚 如配蟹籽口感會更好 意大利飯好濃味好juicy ，但個人覺得個飯粒硬錯左小小 ，不過同台每個人都話好好食 咁個汁又真係好正既 令人想一啖又一啖呢個潛艇真係超正 手撕牛超重牛味 加埋佢既芝士封住左牛既肉汁 呢個潛艇無得輸 勁想encore 再叫多個 安格斯漢堡都係唔錯選擇 薯條厚切加埋新鮮製 超好味。 餐飯叫左支appletiser 好好飲，第一次飲真係唔錯。間舖都幾好手工啤可試 ，環境好舒服 多客但又唔嘈 。 令人好想坐係度吹多陣水 ，熱誠小店 建議粉嶺新界朋友多黎試下

係石湖入面最近發現尼間cafe，原本比佢d buger吸引，但發現牛排仲吸引，就試一次。肉質很好，有肉味，唔太熟亦唔太生，牛味亦很重。份量出奇的多，作為Lunch有點多，但係都乖乖的食晒👍

同事介紹嚟試，真係不得了！午餐嚟試burger set，首先要等得，因為每份餐都係即焗即煎，唔係預先整好哂再拼番埋嗰啲款！嗌咗個辣味嘅burger，另加錢配薯條，入面有勁厚嘅牛肉漢堡扒，食得出係自制嘅，唔係現成買嚟煎嗰啲，好夠肉味同充滿肉汁！入面仲有幾塊辣肉腸真係超正另外再嗌咗個吉列魚柳沙律配薯蓉，呢個魚柳反而無驚喜，因為層吉列皮太厚同埋硬唔夠脆，入面嘅魚柳就一般般啦…不過個芝士煙肉碎薯蓉真係超好味我仲見到好多人嗌扒餐，好大份！下次再試其他先！

昨晚點了餐牌唯一的大蝦沙律，回到家中11點左右，腸胃感到不適，嘔了三次🤮 懷疑沙律太新鮮，不知道是否巧合，但不會再次光顧，提提食客 不是十級想食沙律，不要嘗試🤭

假日嘅下午就是休閒地過😆同屋企人出去上水嘅舊墟一轉 見到Homy嚟間餐廳 就入去試吓我地不約而同咁揀咗個芥末汁煎豬排配薯角餐😆 不過我就叫咗紅莓芥末汁 薯角轉咗做薯條 屋企人就叫咗芒果芥末汁個煎豬排煎得幾好食 我食嘅個塊豬排厚得嚟唔算好韌 幾juicy😋而且豬排唔算少 淨食排都好飽🤤不過算多肥脂佢兩個汁都不錯 個人比較鐘意紅莓汁 酸酸地仲幾清😋芒果汁就食落甜味太重 唔太好太甜嘅味道 大家可以跟返自己口味揀配菜有柚子沙律同薯條 兩個都不錯 薯條同薯角兩樣份量都好充足 唔錯唔錯😋