Homy Cafe (Closed)

呢間開左唔係好耐，同媽媽試下新野，入到去無位要留電話，有位call我。之後打比我話有吧枱坐唔坐，咁好啦都坐住先啦。我地都係叫set lunch都有好多選擇，我左個豬扒配薯條。都等左幾耐下，又坐得唔係好舒服，燈光比較昏暗。終於黎喇，賣相不錯哦，食落口，豬扒煎得幾好，外面香口，入面無過熟，都幾juicy。薯條係我最鐘意嘅薯角，加分。沙律唔特別，都幾新鮮。有下次！不過下次要坐正常座位唔要再坐吧枱，因為坐得好辛苦，令到媽媽短期內唔敢再去。

早前已嚐過這裡的漢堡🍔牛肉漢堡生熟度剛好，夠肉味，有肉汁之餘又唔會浸軟浸爛底層的麵包😋漢堡麵包亦有烘脆，吃時仍保持溫熱香脆，配料沙律菜等分量恰到好處，亦可解膩👍🏻今次轉而目標，嘗試漢堡以外的選擇。。。點了🐷厚豚肉扒伴薯角🥔 果然有驚喜🤤 擺盤賣相已能引起食欲～ 豬扒差不多厚一吋，有我兩個手掌心大，只有少許骨，基本上啖啖肉，而且烤煎得剛好全熟，切開內裡仍然粉嫩，有肉汁又不會韌😋😋 配店家自製芥末汁，一流👍🏻 伴碟的薯角炸得夠香脆，夠薯味，不是空殼；沙律菜新鮮，但略嫌油多醋少，味道不夠且較膩口，若能改善一下油醋比例，就perfect😃Lunch set 還有餐飲，例牌點了熱檸水🍋 因為上次試過這兒的咖啡一般罷了。。。話雖如此，來這兒又不是為了它的咖啡😜

真的很失望，上次去食lunch，點了一個黑醋牛柳medium，點不知等左45分鐘都無反應，三吹四請先話煮緊，lunch一塊牛要煎45分鐘，唔好玩啦，漏單咪漏單囉，黎到塊肉仲要係well done。well，你間野就真係done啦。最好笑既係，我地12點去到，7人坐8人檯好正常者呀嘛。個waiter未訓醒定唔識計數咁，要我地分開兩組人坐bar 檯，咁鋪頭中間張大檯就吉左係度到1點半先有人坐。ok，fine，午餐時間做兩轉好明白，我12點黎到咪叫我1:30交檯囉，唔會叫個客分開兩組人呀嘛？都係一句，唔好sell乜野社區小店，服務質素同食物未夠班就未夠班，你仲夠膽死一個lunch 收我80-90蚊？

是夜跟媽媽撐枱腳，2個人不想煮飯，去了石湖墟找吃的。這裏剛開不久時來過一次，決定今次帶媽來喝杯咖啡。 晚餐有漢堡、飯、意粉，cafe來說，選擇不少。 蘑菇湯 我們叫了一個意粉、一個Burger，蘑菇湯是跟意粉的。 湯蠻足料，每一口都有滿滿蘑菇蓉。但不喜歡預先加了黑椒，而且份量不少，蓋過湯的原味。 大蝦青芥末忌廉闊條麵伴煙三文魚 $148 上次吃過意粉覺得不錯，今次決定encore～ 青芥末忌廉汁濃厚、creamy，闊條麵質地還可，如果再彈牙一點會更好吃。 可惜主角令意粉扣分。大蝦熟過頭，肉質超鞋。蝦肉緊貼蝦殻，難離難捨。煙三文魚鹹味適中，但有點硬。 芝士羊肉漢堡 $108 與剛開業時比，漢堡質素有進步。 包烘得外脆內軟，夾著羊肉扒、番茄、生菜也没有變腍，口感很有層次。羊肉兩面封煎得宜，表面香脆又能鎖住肉汁。番茄、生菜也夠新鮮。 伴碟沙律不過不篟，但薯條不夠脆。 Americano 跟餐可配熱咖啡／茶，凍飲要加$3。落單時要記得注明奶另上，否則會加埋俾你。 媽媽蠻喜歡這個咖啡。烘焙度適中，味道香郁、不苦澀，後調帶點微酸。 Latte +$16 我喝咖啡未及媽媽的程度，多點

平安夜，周圍都係人，去旺區又要排隊唔想食所謂嘅聖誕套餐，又唔想排咁耐隊決定去上水食 Burger，靜靜地過平安夜之前路過見到依間鋪，見到 menu 已經好吸引價錢唔價，但睇到相好似好吸引所以一直都 on list 要去食平安夜當日 8 點幾去到，啱啱好早食嘅人走左好快有位，唔洗排隊坐底後，店員俾份 menu，但只見聖誕套餐問一問店員有無 burger set店員話要加 $20，我地當然無問題啦！相對聖誕 set, burger set 平好多又夠飽我叫左個 bacon cheese burger，加錢加左沙律薯條係粗薯黎嫁！好好味Bacon 同塊漢堡都好 juicy ！份量都好足夠，食哂真係會飽哂餐飲叫左凍朱古力成餐飯其實食物上都好滿意，唯獨上菜速度實在有點慢由落 order 到有 burger 食，等左 45 分鐘左右可能聖誕節人多，所以運作上有改善空間但由於食物真係性價比高，所以會再黎嫁！

呢間餐廳平時lunch 就有~不過又唔想出去同人迫就決定食呢間餐廳~一坐低冇耐就決定叫左個468set好快就黎左個湯有黑松露雜菌忌廉湯呢個湯好香好濃既雜菌味~好好飲第二道菜居然係威靈頓酥皮焗牛柳於是好好奇問職員前菜都未上喎呢道菜好好食~酥皮好香之餘牛柳又嫩滑之前好快就到左第三道菜就係原隻波士頓龍蝦配龍蝦汁意大利飯呢道菜有驚喜~食個時已經覺得好香龍蝦味又有少少辣味之餘唔會搶走龍蝦既味道~特別之處就係原隻龍蝦拆肉黎整個飯~仲可以唔使整到隻手都係~好好食~第四道菜就係聖誕紅莓醬火腿胸片沙律都ok喇~不過整得幾靚都等左一段時間未見迷李安格斯漢堡~於是問職員~當時職員好好奇就了解左一陣~最終就同我地講已經賣曬~我心諗賣曬~就同職員表示今日有d混亂~先上主菜後上前菜~職員表示會轉大漢堡~都冇計~漢堡依舊好食~後來職員連番say sorry~主動提出9折offer俾我地~後來老闆主動同我地say sorry~我將今日情況同老闆講多次~老闆都覺得出奇同由於第一次搞呢d set dinner~所以未能預算~不過呢間餐廳係好食既同有水準~雖然今次有甘既情況出現但都冇令我止步~於是再上甜品就係檸檬tat~檸

上水除了一大堆藥房，也有特色的Cafe。如果剛好從大陸回來可以在上水停留一下，試試這間特色小店。如果在Instagram post 相，有九五折。菜單有素食提供，素食者不用擔心。

經同事介紹，得知自己區開左間走工業風既cafe, 賣漢堡同意粉等。今日中午終於有機會去試啦。雖然唔駛排隊，但店內總係差唔多坐滿。如果未有位，亦可以留底電話，等有位時，店員再通知你。叫左豬堡同豬肋骨。豬堡味道不錯，juicy 既;至於豬肋骨就非常惹味。裝潢幾靚，環境舒服，洗手間亦保持乾淨。不過大枱唔多，人數多既朋友可能要等耐D.店內有建議食客唔好切開漢堡進食，以免肉汁溜出，但係枱面冇紙巾提供，要問職員才會送上。如非必要都唔好坐門口位，除左多人出入之外，門口上有冷氣機，非常大風。

難得到訪上水,友人介紹這間店,就去試試了非市區的小店,價錢不太貴~不錯,但也沒有特地去試/重臨的必要漢堡包面積不大所以比較難分,店員都建議我們不要SHARE,在強行SHARE下結果我的包就散了XD

平日既下午，訓到點幾鐘落樓下食個late lunch，係OpenRice 意外發現呢間新開既餐廳，專門食burger🍔🍔🍔 二話不說一於去試下！去到正值午餐時間，餐廳已經坐滿哂人，好彩仲有兩個位，但要同人搭枱。我地坐近廚房出菜位，好多次都俾出菜既叮叮聲🛎嚇親，睇黎廚師有d燥底，勁大力拍個鐘仔🛎，認為需要改善🙁 始終出菜位果邊都有兩枱客，實在影響心情。講返入面餐廳環境，睇得出老闆有花過心思設計。一排長既bar枱位，就算一個人黎食飯都唔尷尬，最岩慢慢飲下野或者同朋友傾下計。牆上掛有一幅世界地圖🗺️，學下英文都唔錯😂 有塊黑板仔寫左有咩食物推介，仲有磁石板貼下員工既相。餐廳待應全部都係後生仔女，做野快手醒目！途中問個待應拎紙巾都即刻俾到我，仲要雙手奉上👍🏻餐飲選了抺茶鮮奶，外型拎分，但味道扣哂分。一飲淡到呢⋯⋯唔知自己飲緊咩，完全冇抺茶味，奶味都不足，好似俾人溝到淡哂咁。仲要杯野已經唔多冰，如果d冰溶哂會係咩味👎🏻👎🏻👎🏻荔枝玫瑰花茶確實有d失望，本以為係自家配方沖配，但原來只係用上馬來西亞品牌BOH既茶包，每杯仲要加8蚊。味道是正常茶包味，沒什麼好說🤷🏻‍♀️菜單選擇其實不多，主打都係🍔所以叫

第一次寫食評就要比負評。朋友生日，落樓搵飯食，路過見到有burger就行入去。外面望入去都full，本來都諗住我地人多（5位），未必有位，但都入去問下，店員猶豫左幾秒後安排我地坐吧枱位。我地完全唔介意，打算食完返上樓切蛋糕。但我地一坐低無耐，就聽到店員們係到講：「做咩同佢地講有位啊！」明顯唔想我地坐吧枱位，之後佢地都一路用hand free係咁細細聲討論，以為我地聽唔到？其實唔想招呼我地可以話無位，我地咪去第二間囉，上水雖然無咩好食，但唔一定要黎你到食餐飯，仲附贈怨氣。公平講句係ok好食既，薯條熱辣辣，漢堡扒勁juicy。黎開時老闆娘黎收錢，同我地講：「下次記得book位啦。」哈，落樓食個飯都要book枱，我只好微笑以對，然後上黎寫番句，sorry，無下次。

午市沒有訂位，而且店內多人，安排到bar枱，不過沒有關係。店內環境走歐美復古風格，是上水少有的格調。漢堡包非常美味不吃牛的人也可以吃漢堡（豬和魚柳)。另有pasta提供。面包皮是脆的，漢堡扒也很有肉感。另加＄20有薯條、沙律。薯條厚切，個人特別喜歡，沙律中規中舉，分量不多。是日特色飲品隨餐指定，有真的菠籮味，有氣的，而且顏色很夏日。店內氣氛熱鬧，可能是午市吧，不像其他cafe那般寧靜。等餐也不算太久。

你個舖位執咗好多間鋪之前都係做茶餐廳開咗間裝修咁靚即刻要去試雖然唔講得上超級有驚喜但係喺上水食西餐都冇幾個選擇無論賣相同味道都好好而且老闆話而家有酒牌如果晚餐你可以試吓佢啲手工啤

上openrice搵食見到呢間新開嘅burger cafe，早兩日打定電話黎訂檯，不過黎到都有小插曲，因為午飯繁忙時間黎到竟然話冇我個booking...好在即刻安排到張檯比我，朋友係孕媽媽，我都唔想佢等得耐啦。午餐有意粉類、risotto、ribs/steak and chips，或者有全日供應嘅burger套餐。12:30前埋單或者著校服中學生仲可以有優惠價添。溫泉蛋卡邦尼長通粉（$58）*唔記得影相*：呢個長通粉我只係淺嘗左幾啖，因為我唔係好鍾意食白汁，不過朋友都幾欣賞，將隻溫泉蛋撈勻落長通粉度其實都幾irresistible 嘅，哈哈。香草辣椒蜆肉炒意粉（$56）：呢個好惹味，因為落咗好多指天椒粒粒，雖然就唔係好似西餐煮法，不過有創意，同埋食得辣嘅話都應該會鍾意食呢個炒意粉。醬烤豬肋骨伴美式薯條（$66）：小巧精緻嘅ribs，都幾入味。薯條好脆口，伴碟仲有沙律菜，健康啲咁啦。餐飲可以飲茶/咖啡，或者指定特色飲品。當日嘅特飲係藍橘菠蘿梳打，酸酸甜甜，又有啲藍色，賣相唔錯，味道都OK。孕媽媽飲熱朱古力（需另加$8），有好精緻嘅拉花，唔飲得都睇得啦。埋單唔洗加一，只需$188，幾抵食

最近想食漢堡，但小編同男友都不吃牛..難得放假又5想出尖沙咀咁遠無意中發現哩間cafe有豬漢堡西班牙豬漢堡+$12配薯條及汽水其實小編每日都要食一次麵包類外脆內軟塊扒都幾鬆軟..傳統上豬肉係比較結實.配埋哩款薯仔直接拎滿分夠晒闊、即使坐係出風位下都冇咁快凍証明係新鮮炸的日式溫泉蛋卡邦尼長通粉跟餐配是日特飲-青檸薄荷葉梳打水從前出面食既卡邦尼隻味都係偏向芝士、奶粉味重但哩間卻係甜甜地、仲有d蘑菇汁既味幾岩小編口味～～雖然溫泉蛋是凍的除左環境、味道令人想再幫襯外，更重要既係「漢堡」5一定淨係得牛哩個選擇