漢寶皇宮酒樓 (Closed)

因為近近地，成日都去哩間飲茶，覺得味道OK, 唔會好咸，今日唔系父親節，但見平時午市有的特價粉麵飯牌收晒，於是叫左芝士海鮮焗飯，鍋貼，豉汁鳳爪，奶黃包，味道都OK，個飯芝士味偏淡，D蝦就唔夠新鮮，鍋貼同奶黃包就幾好味。明明記得餐牌寫住個飯系78，買單先話加左價要98，仲話餐牌仲未趕得及更新咁話，咁即系佢話幾多就幾多，離譜！D侍應唔夠人手，服務就越來越差，叫加水時個個側側膊，以後都唔去哩間，費事勞氣

二老闆榮壽之喜,再次來到主場之一漢寶皇宮設壽宴,小薯仔大經理也來趁熱鬧一番。來不及吃生日蛋糕,但仍有席前小吃款待,每有客人就座,侍應們即時奉上熱茶及小吃,小吃也以炸物為主, 分不出豬肉還是牛肉餡的春卷及咖喱角味道一般仍算香脆,只是隔油工夫不佳,面層仍然油油的,另外有些果仁,但沒有我喜歡的腰果;雜果賓治以橙汁汽水加鮮果浸泡,味道就是橙汁汽水啦,我還是喜歡k 場的橙雜多一點。以現今酒樓一貫上菜形式,侍應們魚貫將祝壽大紅乳豬全體送上,小豬外表紅彤彤,可是皮比肉多,故此沒有太多肉吃,豬皮還算香脆也去掉大部份肥膏,味道不算很出色的小豬,碟裡還有一些海蜇,但天氣仍熱,這些冷盤水母還是少吃為妙,但一眾同枱哥哥姐姐很快將其消滅。總不明白為什麼乳豬上場總是播男兒當自強?? 吃乳豬要勇氣要剛強的嗎??名字取得普通的碧綠帶子蝦球造型最是利害,大大的鵝蛋碟裡有一半是一座以糖膠拉成的像燒玻璃的擺設,雖然只是一大座有點不規則的形狀事實不算很漂亮,但總比以蘿蔔插幾株鮮花有新意,本以為是不可吃的可重用的玻璃,經過勇士大膽嘗試,原來是糖!黏黏甜甜的哦。碧綠就是西芹和翠玉瓜,兩者皆是爽口蔬菜,口感又以西芹的爽脆多汁稍勝,

下午係漢寶皇宮飲茶，點了點心數款，有煎餃子、小籠包、蘿蔔糕、蝦腸、牛肉球、叉燒包、奶皇包及豆沙窩餅等。整體來說，點心質素未算出色，出品温度不夠熱，味道偏淡，只屬僅僅合格。

今日去試左漢寶芝士龍蝦，兩斤幾，唔明白為何無肉，穀很多，唔知d肉去左邊，腳又好多，總之一句失望，又唔抵!!!每人仲要400蚊

好耐之前食過一次, 印象幾好, 幾抵食!琴晚去開尖沙咀區搵食. 就諗起呢間, 決定再黎一試。個到有停車場, 泊車好方便, 食飯仲有2 個鍾免費。又唔洗等位!我地5 個人見左個四百幾蚊既套餐。已經有北京片皮鴨2食(南瓜炆鴨件)+龍躉2食(龍躉炒西芹+ 蒜蓉蒸龍躉魚腩)道道菜都好食, 有特色,阿媽一定煮唔到! 龍躉第1次食, 其實食落都係似普通魚。北京片皮鴨, 燒得香脆, 俾我地包既皮好薄, 唔同第2到食個d 厚到死~我食左3 大件, 不過都幾膩下~仲有好好飲既老黃瓜湯, 一人起碼飲到2 大碗, 足料, 唔係味精湯。gd~~最後仲有果盤! 四百幾蚊已經咁多野食, 好抵呀! 難怪咁多人食~~仲有其他套餐都好抵呀! 下次要再黎試呀!!最後連埋加一, 酒水, 我地5個人食左6 百幾蚊!仲有其他套餐都好抵呀! 下次要再黎試呀!!

就近公司的酒樓不多，尤其上網找這區的酒樓更少，光顧這間酒樓多已次，但首次寫食評，趁這天人多(7位) 叫多款點來作食評最好，由於顧著食沒有把全部相片拍下供大家看，但點心賣相與其他酒樓相若腐乳炒通菜: 十分油膩，腐乳炒得香味，通菜很爽脆蝦腸: 腸粉很軟滑，皮薄但餡不靚，蝦肉略嫌“老= hai 了點”牛肉腸: 牛肉碎似食山竹牛肉，腸粉皮很滑馬拉糕: 四四方方，顏色不夠啡黃不能與古法馬拉糕相比，可是香味不足蛋香，但味道總算跟到足，不太甜幾好味，每次飲茶必選馬拉糕，可以比較那間的馬拉糕較好食，下次再來會點來食珍珠雞: 食一件會想再食第二件，因為我最喜歡食糯米，這糯米很軟糯，餡料算足有齊蝦米、豬肉、肥豬不多、應該有1/5份量的蛋黃在內鮮蝦腐皮卷: 這個似乎大家都有點怕食，可能是油炸的關係，實在太好了，這碟只得三條的腐皮卷任我食食了兩條，有馬啼粒很爽口蝦餃: 蝦餃皮有點厚身，蝦肉同樣“老=hai了點”吃進肚才浪費，這個不好食菜餃: 皮爆開了，我們說皮爆開，那個件老男侍應語氣很粗地反問我們 : 咁要唔要呀，我們答: 不要，他續問: 咁，你地係咪要換呀，然後他才拿走這種不滿客人要求更換點心的態度，確實要

國內高層同事初次來港遊覽,大老闆設宴漢寶皇宮為她洗塵,是夜也是酒樓所辦的夏日歌舞聯歡逍遙夜(好長的名字!),在現場大樂隊演奏和歌星演唱不少老歌下,似乎也有點麗花皇宮的情懷。大紅乳豬全體跟平時飲宴的排場一樣,侍應們魚貫列隊的上桌,小豬以一張像拜神用的紅紙墊底而上, 乳豬皮尚算香脆只是熱度不足,以乳豬來說這頭小豬已有不少肉可吃,不是只有一層脆皮,不過仍是像我一般多膏。蟲草花蜜豆炒雙蚌,蟲草花幼幼長長吃來爽口, 口感很特別的一種東西!只是不清楚它是否真的來自蟲草?! 橙色的桂花蚌非常爽口,另一款不知什麼名稱的白色蚌肉也很爽口, 兩款爽口食品配著甜甜蜜豆,味道是可以的,只是但稍為多油而已。琥珀金沙大蝦球,連續2天吃類似的金沙蝦!連太子爺也笑說"又食金沙蝦喇!"這裡的蝦球體積較大,外觀更為好看,卷成一團的大蝦肉質感爽脆,這才是吃蝦球的感覺嘛!!咸蛋黃份量沒那麼多,顏色也較淡黃,不過黃金汁裡應加有一點芝士在內,所以味道比單用蛋黃來得有變化,可吃程度也多了一點。 為翡翠玉環瑤柱脯拍了全晚唯一一張食物照片。節瓜煮得軟淋,吃來沒難度;中間那粒瑤柱浸得夠鬆沒硬皮,也有點兒元貝鮮味;蠔油芡濃味較稠,有點糊口

是日同事結婚，與其他友好一起在這裡飲宴。食物水準尚可，不算太差，但有個侍應就成日催我食完檯上的東西，說趕住上菜云云…老天，用不用這麼趕呀﹖飲宴但求開心，有些客人是吃得較慢，是否非要客人急匆匆地吃東西不可﹖更何況檯子不是沒有空間擺放東西…這裡的環境挺光猛，衛生亦算不錯，已經補上不少分數。但個別侍應的態度有改善空間，亦希望她可以對客人多點尊重。我不要求劉華式的服務，但起碼也要為客人暮想。盼望將來會有改善。

老人家擺\\\大壽, 本人應邀出席, 不知價錢如何.基於遲開席, 在頭半小時, 我們竟衝了5道菜!菜式在桌上轉了兩轉, 侍應已埋枱清碟問\'有無誰要?\'菜式本身乏善足陳:乳豬盤上鋪了一層油炸鮮奶的表皮太厚雞翅中連粉線都無條鵝掌的\'獻汁\'太厚炸子雞唔點華鹽都已經太鹹四川擔擔麵最過份, 廚房將麵團放入湯中, 侍應又不撩鬆, 結果在碗中的麵竟是一團團而非一條條的, 湯底又淡.紅豆沙, 唔起沙全日最好竟然是壽包, 起碼夠熱夠大個.最後主人家在門口送客時, 竟然在廣播說\'請人人盡快在門口離開\' 我最初以為小孩子玩咪, 但竟然重覆十次以上, 請必是侍應趕收工.幸好我不是主人家, 否則一定吃得一肚氣.

Dinner with my insurance agent. I choose this restaurant as I think in monday it will not be 2 crowded and noisy.The food is quite good.I ordered.半隻'一桶雞' - it has some soup with the chicken 冬菇翅裙煲- highly recommened very very goodfired rice - ok fired vegetable - normalBut one point is worse.Whenw e check the bill, we find that they give us a wrong bill which is next table's bill.As a result,we need to void the visa slip and pay agian.Be careful and check the bill details.

老闆的壽宴在這間酒樓舉行,小薯仔員工也來贈興一番。在"男兒當自強"配樂下,第一道乳豬全體魚貫上桌,沒有閃燈眼的乳豬燒得紅卜卜,外皮很香脆,只是肉比較咸,自己喜歡較甜味的味道;但真的想不到為什麼用這首歌配合而已。燒雲腿片露筍炒帶子最好吃當然是帶子,大大片的帶子有著應有香味,好吃!露筍肥大但頗嫩無渣,自己碟中的雲腿片較瘦,其他賓客的都有帶點肥,味道仍是稍咸了點。金銀明蝦球的炒蝦球大大隻看見已經食欲大增,事實也很新鮮爽口;炸蝦餅則金黃香脆,蝦肉也同樣彈牙,炸物一定不會難食。原鼎雞燉鮑翅大大一鍋上桌,侍應撈起的湯渣是肥雞一大隻,換作平時一定將其消滅,不過今天要保留實力,還是算了吧!排翅份量不少,口感相當軟滑!加上濃甜湯底,每位客人都可以添飲一碗,好飲。清蒸東星斑肉質結實,剛好分到多肉的一碟,不怕啃骨=)醬油味道ok,但份量不多不夠"飲用"。蠔皇原隻乾鮑用刀叉享用,鮑魚體積不小,雖不是溏心質素,但仍然頗為軟滑彈牙,好貴氣的感覺。上湯焗龍蝦伊麵一大盤很壯觀,伊麵吸收湯汁之後質感較淋但都算入味,龍蝦肉爽脆可口,只可惜麵內較多碎殼,吃麵時要相當小心。香麻脆皮鹽焗雞樣子跟炸子雞相似,只是多了一層芝麻在外

今日中午和同事食lunch, 去左呢間酒樓, 但係佢地d態度就不知所謂......原先我地book左枱, (原來book枱有燉湯送,但無人話我地知) 當我地埋單果陣時佢先至送湯過黎, 但我地就唔知係送既, 又無人講, 以為佢送錯黎, 其實就係我地既, 跟住有個亞姐都係話送俾我地架, 點知有個不知所謂既男部長走埋黎, 用超級差勁既態度叫個亞姐拎走, 唔俾我地, 雖然我地唔係好恨飲佢送d湯, 但係都無理由叫人拎走架, 我地都無話唔要, 跟住有個亞姐都話俾埋我地架, 跟住果個賤男部長仲用埋佢個非常樣衰既面孔話"拎走啦, 都埋左單啦", 駛唔駛連上菜亞姐都鬧呀, 關亞姐咩事呀......果個賤男部長真係不知所謂呀!! 呢間野d服務態度超級差勁, 大家千祈唔好去呢間食飯呀!

前日男友和我到漢寶皇宮晚飯，心諗"舊式酒樓，有咩好食"到達酒樓時，外觀好新淨，10分俾8分(因為樓底矮了一點)但感覺不錯。男友點了澳洲龍蝦刺身，嘩，2斤半龍蝦盛惠$800，不過真係好正，龍蝦肉放在雪山上，入口清涼、鮮甜、彈牙，一個字"掂"！跟著果個經理重送埋"上湯頭爪連生麵底"，好好食，一向食開芝士焗伊麵，估唔到原本生麵仲好，龍蝦吸收哂D上湯，完全帶出和龍蝦刺身不一樣的鮮，配合爽脆的生麵，真的絕配。淨係吃了這個極品搭配澳洲龍蝦已經飽了8成，想不到話口未完待應已端上羌蔥澳洲大肉蟹($148/只)。原先男友落order時叫清蒸，但經理話澳洲蟹特點是肉多味淡，建議用羌蔥煮。肉蟹大大隻，廚房利用中式羌蔥煮法，味道配搭恰到好處，令人拍案叫絕。最後上為海班(1斤半，$380)，食海魚真的無話可說，肉滑鮮嫩。飽吃這頓極品魚蝦蟹海鮮宴，合共$1,500。雖然貴D，但總比去西貢抵，物有所值。

聽個名以為好舊好yup dup，但裝修唔錯，乾乾淨淨我0地一行六個人，叫0左北京填鴨2食，套餐C：1斤清蒸石斑，10 只細既粉絲蒜榮聖子，一碟蒜容A菜，6個壽包，價錢一流，質素同普通酒樓差不多，由於坐唔滿既關係，所以都唔太嘈。總體來講，好！會再去過飲茶或食完飯

(8/10/06)呢度門口幾堂煌,但入到去,樓底好矮,裝修old fashion。來遲,已待到下午茶,點心唔錯,算抵食。魚滑米線,頗多冬菜,確喉,魚滑太"林",米線煙韌。白雲鳳爪,好大隻,大家話好咸喎。紅燒乳鴿湯麵、蜜汁义燒腸。南翔小籠包,皮悄為厚,餡的味道似有肉汁的豬肉丸o羅。古法炒牛河,做法是鼓椒牛河咁,淡淡o地。煎蘿蔔糕,最好味,煎得脆口,不是粉狀蘿蔔糕。香芋棉花雞,又是好味,芋頭綿綿。