漢寶酒樓

Open Now

Now Closed

是日同男友家人一齊食飯慶祝我生日，男友一路都好鍾意食呢間酒樓，我都會同佢間唔中黎食飯。都好幾年，食物質素一直都保持水準，難得既，而且聽聞呢度芝士龍蝦都出名好食。基本上好多時係度食都會叫鍋湯，佢d湯水經常好快賣晒，本身想叫鱷魚肉湯，但已售罄，所以叫左個西洋菜陳腎湯。湯料幾足，一鍋有成8碗以上份量，好在我鍾意飲湯，清甜的。今年第一煲羊腩，估唔到幾ok，有好多羊肉，味道適中濃郁，羊肉整得夠淋身。果皮蒸鮑魚，今日比較細隻少少，但果皮好香，鮑魚肉質鮮味。蒸魚（沙巴躉）不嬲都唔錯，蒸到岩岩好，好滑而且鮮甜。芝士焗波士頓龍蝦*2，本人超喜歡呢度既芝士焗龍蝦，好重芝士味道濃郁，佢既濃厚度剛好掛晒係伊麵，正正子龍蝦其實都做得好好，爽甜剛好離殼。但小妹其實喜歡食伊麵多過龍蝦😂呢餐飯係滿足既

今晚有個auntie請食半席全包宴，本來仲冇咩期望、因為覺得呢啲酒席野食到好麻木🤣不過一想到去成間酒樓咁大間都差唔多錯門人，全部都係大枱，應該水準都有咁上下嘅。呢個半隻先上咗個XO醬炒豬肉同螺肉，都幾惹味。大蝦伊面就係配上湯汁，份量唔算好多，叫做不過不失。炸蠔餅同埋半隻燒乳豬比較有驚喜，蠔餅雖然唔算好多蠔，但每一隻都好大隻，同埋炸得好香脆。乳豬就燒到好鬆脆，最有質量！之後嚟咗條蒸石斑，以本席你計佢焦比返成條魚都好抵食，條魚都足跟半至兩斤！唯一可惜就係蒸得有少少老，魚肉有少少鞋，但都尚可接受。炆鵝掌嘅份量就好多，都係好基本咁配返冬菇同埋生菜。呢本席仲有個燒翅，嚴格來講似個羮多啲🤣食咗碗半都唔覺得有翅入口⋯不過以地區酒樓黎講，呢本席又真係好抵食，就算週末晚飯半席都係1500有找，仲要全包宴有埋嘢飲，有一支啤酒同一搾橙汁。食到最尾仲有果盆同埋一籠蒸壽包，又食又拎叫做好抵食！

是咁的~同屋企加埋親戚4個人提早慶祝母親節，咁外婆鐘意食酒樓野 咁見到漢寶呢排出緊個3十x週年酬賓 有好多抵食嘅海鮮 外婆以前都間唔中黎呢到飲茶 咁就一於喺呢到食啦！海鮮未到 先黎呢個京都骨 平時茶記/大排檔嘅京都骨就係大大塊 不過呢到就用左咕嚕肉果種一粒粒嘅肉 熱辣辣鑊氣好夠 每粒都上到汁得黎又唔會太濕太林 唔錯唔錯上面嘅龍躉around一斤 都只係98蚊 價錢上真係好抵 食落d肉質都好滑好香 配上酒樓獨有嘅甜豉油 真係好match 蒸嘅時間亦都啱啱好 98蚊真係好抵食下面果煲係海參鵝掌煲 咁百幾蚊一煲都好正常 不過份量就比想像中細喇 大大條海參都有5 6舊 但係一咬落就知唔係慢慢用水浸發 應該係有d特別野去令佢快速脹大 口感麻麻地而且都唔太入味 不過鵝掌大大隻扣埋個汁一齊就好好味 不過老實講呢煲野就唔太抵喇另外優惠嘅海鮮有78蚊 四隻蒸元貝 同98蚊 六隻大連鮑 雖然大家睇到個size好似唔算好大咁 但係鮑魚同元貝絕對新鮮 食落鮮甜彈牙 唔係用死左嘅/急凍嘅黎應付客人 呢個價錢食到新鮮嘅鮑魚同元貝 性價比好高海鮮雜菜煲 唔知幾錢 味道幾好 個湯清清地 都真係有唔少海鮮食 是旦整碟菜

$148既任食火鍋係無肥牛架！$148既任食火鍋係無肥牛架！坐底左先見到$148張點食物紙無肥牛，要$198先有，有種詐騙既感覺🤦🏻‍♂️裝修左之後懶高檔咁，無肥牛既火鍋任食叫咩火鍋任食！

平時比較少到漢寶飲茶，因之前食過覺得比較贵。今日假期，先生不想再去平時食開的那間，想𨍭下口味，去漢寶飲茶。先生不想搭枱，於是就過了细廳，現在是下午茶時間，但人不是很多，疏疏落落的。㸃心拼盤$12.8。有烧買，潮州粉果，馬拉糕，叉燒包及紅棗糕各一件。平時飲茶我很少食馬拉糕及紅枣糕的，不過見這個拼盤够平够抵食。其實每样食少少，味道都不錯。鲜竹牛肉球$12.8。牛肉球牛肉味比較淡，不過比較淋滑，都ok。白麻鳳爪$13.8。鳳爪带少少爽口，但味道偏淡。南乳醬豬手$15.8。南乳味比較少，猪手很淋，大大件十分抵食。

一家五口食冬至反，媽媽話要自己煮，我不想她煮得太辛苦，所以提議去樓下間漢寶酒樓食，去到見到呢餐牌套餐都比較貴，所以我哋決定散叫，又可以揀大家鍾意食嘅乳豬非常香脆正海鮮卷裏面係沙律，都幾清新👍🏻👍🏻👍🏻金銀蛋豆苗，都ok，但豆苗比較老蜜糖豆帶子，正呀！帶子好新鮮👍🏻👍🏻👍🏻飽魚，正常啦！姜蔥蠔，非常推介，蠔夠乾身，姜蔥味好入味，我食左好多隻😬😬😬蒸魚都蒸得時間剛剛好，魚肉好滑好新鮮👍🏻👍🏻👍🏻我地一家人都非常滿意😊😊😊😊😊

漢寶的服務有時很差，但食物味道算穩定，所以仍是我在區內飲茶首選。星期日早上，9點多來吃我最愛吃的炒米粉，又是賣晒！次次來都說賣晒！一碟$13.8的米粉，等位時見到之前剛出了4盤炒到午巿牛河咁大碟的米粉比客，現在同我講賣晒！好老實講，睇睇佢地menu, 我好明白，10am要開始做燒味飯，11am午巿，車仔麵，點心乜都有，比我係阿姐，都拿拿林售罄，預時間賣其他食物。我高度希望漢寶可以縮減menu, 認真做好每一道菜，不要眼花撩亂，不要再晨早流流售罄炒米粉。

從來未去過服務態度咁差嘅酒樓😡:1）攞枱坐低後不久，一個中年女侍應走嚟話我張凳阻住通道，要求我換張圓凳。我見背後張枱無人，我話點解唔換後面張枱嘅凳要換我果張？」阿嬋無理，只大聲講：你阻住條路呀！並威脅佢經過時有滾水會淋倒我。我話：「你知危險可以收起後面無人坐嘅枱或兜後面條路行。」佢繼續堅持話危險。我話：「你話唔到事咁叫經理嚟講。」佢話：「我哋無經理只有店長，要搵你自己去搵！」😲2）阿嬋其後攞左張圓凳嚟要我坐，圓凳絨布面上有一個灰黑大圓印，我話：「阿姐，張凳咁污糟點坐？」阿姐理直氣壯地話：「圓凳係咁㗎啦！漬嚟之嘛！」😲3）唔知喺唔喺阿嬋嬲咗我，上杯時，佢畀左隻有半杯泡泡（唔知喺口水定洗潔精）嘅茶杯我。我已好厚道咁話：「點點隻杯有半杯洗潔精（無話喺口水）？」佢竟然答我；「喺咁㗎啦！唔係洗乜要你地自己再洗。」😲寫食評？見到隻杯，聽到侍應的說話，莫講食嘢，水都唔敢飲🙄！

今日平安夜早早起身諗唔到食乜，最後決定同老公去屋企附近嘅漢寶酒樓飲茶，因為平安夜唔使等位，人流比平時假日少好多。例牌點左燒賣、蘿白糕、排骨飯、山竹牛肉等等一般香港人會點嘅點心，水準同其他酒樓差唔多。因為本身鍾意飲茶，所以比較易滿足。

家母及家人 18/9 , 11am 左右 到 土瓜灣 漢寶 飲茶她洗杯時發現D茶好淡色, 打開一看, 茶葉已浸開晒, 似是舊茶不知是伙計不小心拿錯或是........

今日星期六放假，同屋企人去左飲茶，好似好耐無飲茶食個包多數去飲茶都係下午茶時段去，平D嘛，好在下午三點去到，唔洗等位就即入座。欖菜肉崧炒飯: 份量大碟，飯炒得粒分明，料都好足，味道有穫氣金黃花姿餅: 煎得好香口，入面有粟米，墨魚肉都彈牙，但就油左少少豉汁蒸鳳爪: 蒸得味道好濃淆入味，因為我鍾意食好冧既鳳爪，入口易咬軟身，幾好味香煎芋頭糕: 味道普通，有D厚身，入口粉左少少同埋無乜芋頭味流汁金沙包: 味道唔錯，唔會太甜，撕開有流沙餡流出黎香茜牛肉球: 大大粒又入味，好多芫茜，香噴噴點喼汁一流芝士炸春卷: 炸得岩岩好，脆口既，但得好少芝士同肉餡幾乎無，似淨食皮噤，可以唔叫

作為土瓜灣地區，有點兒歷史的茶樓，無論假日或是平時，都會成為眾街坊消閒hea茶的場所。因為方便的原因 有時假日空閒亦會與家人一起到來共聚天倫，食物方，該茶樓的茶點點心大部分都是傳統樣式，蝦餃，鳳爪，燒麥一類等。味道方面亦算不上突出。當然作為街坊茶樓，相對假期而言並不能要求太多的，僅僅視為就近的聚會場所而已。

重看1993年嘅漢寶酒家廣告，決定一試！咪睇佢門面噏噏耷耷，上樓梯嗰陣仲以為中伏，點知非常驚喜！6個人晚飯叫左半席龍蝦金豬宴龍蝦新鮮爽口，芝士伊麵底略遜，下次應該會試上湯龍蝦乳豬非常脆皮，少許焦香令人直樹拇指蒸石斑保持一貫大酒樓水準，魚肉剛熟離骨，食曬都唔記得影相炸子雞亦係必食推介因為係慶祝生日，人頭壽包上枱時仍然冒出縷縷蒸氣，咬落更有蛋黃講服務，成餐飯中途換咗兩次碟，落單上菜亦好快手經理幫忙影相時仲好好笑口。一句總結：「識飲識食好味道，當然識揀『漢寶』」

見到$78任食咁抵, 一心去試下好唔好味..入座率都幾多人~~睇黎唔差~叫左好多野食:首先醬料都有好多選擇:麻醬,生熟蒜,指天椒等等..- 蝦~好新鮮~見到仲郁郁下~唔錯!encore左好多回!- 水餃~都幾好味~- 貢丸~好彈牙~有d冬姑係入面其實仲嗌左好多野食,不過唔講咁多啦,上面果d係特別推介~整體黎講都幾好,野食唔錯!值得再encore~~~^^

為左慶祝終於交哂project,同成班同學去打邊爐輕鬆下!8點3左右去到,門口知客好有禮貌,主動同我地講8點半做特價,$78全包!!8點半前要$98,成班同學梗係決定一陣先入去啦!!每人又慳廿蚊!^^我地都有十幾人,好彩8點半度就入到去,唔駛等太耐~一坐底,見到有蕃茄什菜湯底,即揀!平時未試過丫嘛!@@另外揀左個最basic o既鴛鴦湯底~蕃茄什菜湯唔錯,幾多料,好鐘意陣蕃茄味,酸酸地幾開胃~野食都係平時普遍果d,不過幾鐘意d竹籤蝦同墨魚丸,好味!飲品有枝裝汽水,竹蔗水~仲有任食甜品糕點~都算多選擇入座前佢有同我地講係食2粒鐘,不過我地成班食左好耐都有2粒半鐘度d侍應先叫我地埋單,ok啦我地都食飽lu!haa下次同屋企人黎食先!ps.臨走前去toliet,都幾光猛同乾淨~唔似其他有d酒樓好得人驚ga@@