Video
Read full review
2018-05-09
1314 views
是咁的~同屋企加埋親戚4個人提早慶祝母親節，咁外婆鐘意食酒樓野 咁見到漢寶呢排出緊個3十x週年酬賓 有好多抵食嘅海鮮 外婆以前都間唔中黎呢到飲茶 咁就一於喺呢到食啦！海鮮未到 先黎呢個京都骨 平時茶記/大排檔嘅京都骨就係大大塊 不過呢到就用左咕嚕肉果種一粒粒嘅肉 熱辣辣鑊氣好夠 每粒都上到汁得黎又唔會太濕太林 唔錯唔錯上面嘅龍躉around一斤 都只係98蚊 價錢上真係好抵 食落d肉質都好滑好香 配上酒樓獨有嘅甜豉油 真係好match 蒸嘅時間亦都啱啱好 98蚊真係好抵食下面果煲係海參鵝掌煲 咁百幾蚊一煲都好正常 不過份量就比想像中細喇 大大條海參都有5 6舊 但係一咬落就知唔係慢慢用水浸發 應該係有d特別野去令佢快速脹大 口感麻麻地而且都唔太入味 不過鵝掌大大隻扣埋個汁一齊就好好味 不過老實講呢煲野就唔太抵喇另外優惠嘅海鮮有78蚊 四隻蒸元貝 同98蚊 六隻大連鮑 雖然大家睇到個size好似唔算好大咁 但係鮑魚同元貝絕對新鮮 食落鮮甜彈牙 唔係用死左嘅/急凍嘅黎應付客人 呢個價錢食到新鮮嘅鮑魚同元貝 性價比好高海鮮雜菜煲 唔知幾錢 味道幾好 個湯清清地 都真係有唔少海鮮食 是旦整碟菜
海鮮未到 先黎呢個京都骨 平時茶記/大排檔嘅京都骨就係大大塊 不過呢到就用左咕嚕肉果種一粒粒嘅肉 熱辣辣鑊氣好夠 每粒都上到汁得黎又唔會太濕太林 唔錯唔錯
上面嘅龍躉around一斤 都只係98蚊 價錢上真係好抵 食落d肉質都好滑好香 配上酒樓獨有嘅甜豉油 真係好match 蒸嘅時間亦都啱啱好 98蚊真係好抵食下面果煲係海參鵝掌煲 咁百幾蚊一煲都好正常 不過份量就比想像中細喇 大大條海參都有5 6舊 但係一咬落就知唔係慢慢用水浸發 應該係有d特別野去令佢快速脹大 口感麻麻地而且都唔太入味 不過鵝掌大大隻扣埋個汁一齊就好好味 不過老實講呢煲野就唔太抵喇
另外優惠嘅海鮮有78蚊 四隻蒸元貝 同98蚊 六隻大連鮑 雖然大家睇到個size好似唔算好大咁 但係鮑魚同元貝絕對新鮮 食落鮮甜彈牙 唔係用死左嘅/急凍嘅黎應付客人 呢個價錢食到新鮮嘅鮑魚同元貝 性價比好高
海鮮雜菜煲 唔知幾錢 味道幾好 個湯清清地 都真係有唔少海鮮食 是旦整碟菜不如叫呢個雜菜煲仲好啦 可以飲下湯仲有菜同餸食tim
主角出場 就係蒜蓉開邊蒸龍蝦仔喇 成晚就係等呢個 每隻龍蝦大約8両重 148一隻開邊蒸 我地四個人叫兩隻就啱啱好唔洗爭 148食到真。龍蝦（唔係果d冇味嘅渣斗波士頓龍蝦）真係好正 肉質彈牙証明唔係死左攞黎俾d客食 而且一路拆肉d龍蝦汁一路喺隻手到滴下滴下咁 雖然冇膏 但呢個價錢食到咁新鮮嘅龍蝦仔 絕對值得大家試下
總括黎講 呢到大酬賓上嘅特價海鮮有唔少好抵食嘅選擇 我地只係叫左其中幾樣 其實仲有好多 而且酒樓都唔會將貨就價 真係俾d靚嘅新鮮嘅海鮮俾一眾老街坊 絕對值得大家黎支持下佢 捧場一下
Post
