漢和韓國料理

Open Now

Now Closed

今晚約咗班朋友一行六人出嚟搵嘢食，朋友住天水圍元朗屯門多，所以就決定落嚟荃灣食飯，之後去大鴻輝搵食，大鴻輝好多餐廳我哋都試過，唯獨是未試過漢和韓式燒烤，睇個價錢又唔算好貴，所以今次就決定試吓，我哋一行六人上去，當時已經晚上9:00左右，上到去竟然見到坐滿左八成人，當日是閑日，想不到都幾旺，原來都有好多嘢食，佢除咗需要燒嘅食物之外，仲有好多素食，湯及甜品，三文魚刺身都係任食估唔到都唔錯，其他熟悉，就都不用點試，值得推介嘅有個韓式海鮮辣湯，這個唔錯，其他就西冷牛扒豬頸肉，魷魚，我都覺得幾正，至於甜品方面就有雪糕及水果可以選擇，所以都唔錯啊，忘記咗影價錢，我哋9:00入座每人都係$150，都幾抵食。

今日走左去荃灣搵食，今次就去了老牌漢國燒烤放題，漢和韓國料理。浩楠選擇這間店做飯堂，是因為座位好坐，還有最最最重點，不限時可以11:30 食到下午 3:30。 最岩我一邊品嚐同時順手寫食評，一定能吃飽。美食方面，種類非常之多，燒烤和免烤的都一定能滿足大家。有一樣浩楠一定食幾盤的，就是他們的牛肋肉，超級嫩滑多汁，加上蒜頭及韓國燒烤醬，十分好味。服務員做足本份，會提提大家攞野食要帶口罩，見到有人沒帶口罩都會要求帶回才能繼續拿食物。令各位食客非常安心。留意一點，星期日會有很多外傭，選其他日子會比較好，如果一定要選星期日的話，12:30 前就好到達。

上星期日中午又要出街食午餐，都好一段時間無去再食韓和燒，今日有時間再去食，仍見個場男主管仍在，己十多年，由有呢間場到現在己見男子，到現在仍是很勤奮，換板，收碟，收餐車都會落手做，到差不多夠鐘又會各枱講，到還有15分鐘完午餐時間，想食生菓他都會通知廚房取出值讚，午餐任食到3點半無限時都算低，食物都吾錯，係飲品小些選擇。

今日系屯門同老公睇完戲' 十二点幾出咗荃灣食漢和放題! 卡位舒服 好多放題只食兩個鐘' 基本上冇限時間'食飽飽談談天已經三點幾!烤 的種類繁多 '冷盤'熱盤'沙律 多選擇! 仲有我最愛嘅豬腳薑🤗🤗醋! 有人蔘雞湯有合掌瓜湯仲有糖水㖭

牛肉好老，冇乜味豬頸肉又咬唔開，三文魚刺身可以，不過最差就係食食下有隻小強喺枱面行緊同班大媽待應講完，當冇件事收走最嬲就係叫佢埋單，叫我自己拎出去埋，但又見到佢幫其他人拎去埋單，乜野服務

都冇留意到收費，原來入座時已經過咗九點，所以係特價場收費！一坐低朋友就攞咗豬腳薑，我食咗一舊豬腳一隻蛋，好入味好好味！牛仔骨係必食！好味！叫竟然有醃咗味嘅冬菇！慢慢燒好好味！洋蔥好甜！滷水左嘅豬大腸再用慢火慢慢燒返脆佢，真係好好味！食完又食！款式唔係好多，如果有多啲款就好啦！大路嘅飲品都係有嘅！仲有其他熟食，我攞咗條秋刀魚再燒返熱嚟食，好味！有三款雀巢雪糕杯，我食咗個紅豆味！竟然有反沙芋！芋頭好粉！炸三文魚皮好脆！有老火湯、碗仔翅、人蔘雞湯，但我都冇試，因為實在在太飽啦！其實仲有好多其他嘢食，但都係試唔晒！

飲品在菜單上，寫明有鮮榨果汁，下單時竟然說是沒有的，她說我們沒有橙，再問其他不鮮榨的呢？，都沒有....那麼請更新菜單吧！我會接受已經買完的情況，但我不會認同菜單上有，但一直沒有準備的理由。這個情況一出來，我也沒有心情慢慢在菜單上逐一問道。通風不大好，油煙味感覺有點濃，清潔度ok。食品只算ok,不過不失，服務一般，難怪樓下等電梯的人非常多，但到9樓來吃的只有少量食客，在荃灣區選食的時候，我想我不會再來。

一班朋友想找一些地可以大食大喝的又沒有時限的地方，就是這家店了！而且baby 也有BB櫈仔非常之好，另外又任吃任飲！我們因為比較人多及很晚才去所以一早訂了位子比較好！好啦！講到食方面有熟的食物，有刺身，有甜品⋯另外有用來燒烤的食物也有非常多的選擇！真得食得痛快👍🏻👍🏻可能比較晚的關係，有一、二個服務員就一般般服務，另外店𥚃的抽風系統也挺好的，衣服上也不會有太大的味道👍🏻值得推介，啱曬一班朋友👍🏻👍🏻

有好學生之前幫手，今日就陪學生食個豐富的午餐。學生決定去食韓燒，佢地見我地一行8人，俾左一張有3個爐的枱。在未燒紅個爐之前，已經可以出去拎熟食或生果、沙律等，不過唔係好好味，但肚餓的原故，所以都食住先。之後當然拎左大量的肉，我地不停咁燒，所以野食無限咁拎，所以對於大食的我們，簡直係超值。除左肉外仲有好多其他野食腸仔、魚塊、茄子等。最後仲可以有甜品食，本身想食豆腐花，但個筒見底，俾其他人食晒😭，但佢又無添番，所以只好食涼粉，不過我覺得唔夠凍。整體而言，食物的質素只是一般，但選舉的種類繁多，而且好抵食，都十分適合一大班人食野加吹水。

There are two big problems with this place. Because everyone is grilling at their table, the floors have become slippery with fat. The second thing is the service. I have seen three occasions where waitresses have simply refused to serve someone and walked away from the customer. Apart from that, it’s a noisy place but the food is okay.

今晚同朋友出開荃灣食晚餐，去咗大鴻輝中心9樓的漢和韓國料理食，環境幾大，坐得幾舒服，店員態度尚可。食物款色好多。食物質量都很好，有我最爱的三文魚，食咗幾轉，食完又上得快。牛仔骨好新鮮，燒咗幾轉，還有好多新鮮食材，包括冬姑，雞翼，芝士腸等等，數之不盡。飲品都好多選擇，啤酒就只有blue ice。最配合三五知己，一邊飲酒，一邊吹下水。雪糕就只有牛奶公司細杯裝。味道只有红豆，朱古力，雲呢拿及香芋，4種好味，還有凉粉和豆腐花。非常滿足的一餐

去荃灣漢和食，因為呢間比較大，多空間。一上到去取位，好多工人姐姐，所有也是。我唸一定係平，靚，正。入到去揀左個位置遠離少少，員工也好配合，這一間食午餐算係好平，又多嘢食，連甜品也晤差。

因為朋友就黎結婚，要出黎傾下婚禮流程，一行人又唔想食中菜(雖則酒樓唔會限時食趕人)，去CAFÉ係好似好有悠閒FEEL咁不過又要定時點野食/飲品先可以坐得耐，唯一諗到就係打任食邊(因為通常兩個鐘任食都夠坐同夠食)。地點配合番大家方便，揀左荃灣區食，食任食野當然要閃去大鴻輝成幢任君選擇，可能係平日關係，大堂等電梯人流唔算好多，排左5分鐘已搭到上去。而係等電梯既短短時間，最後轉軚去食韓燒，食下香口野。上到去場唔算爆，坐滿約8成左右(其時約7點)，我地被安排坐近窗邊望到街景，一坐底成班人都當遑不讓衝左去自助區起勢咁夾野埋位燒。呢間漢和其實之前都食過3、4次，覺得幾好座(當然，食得韓燒D衫同頭髮要預左吸一身油煙味)，野食選擇都頗多，同埋有熟食，埋位未燒好之前，首當要扲熟食充下飢。熟食選擇有飯、炒麵、炸物(如雞翼薯條煎堆之類既大路野)、有菜、秋刀魚，仲有兩三樣款既日式款料理；呢D都係味道普通，反而有樣真係不得不推就係佢既豬腳薑，好入味好香，每次黎都會忍唔會食番一碗(酒樓店屬於特點類)，豬手/腳煲得好入味吸晒香醋，口感係我鐘意食既化骨綿掌程度，豬手皮有點彈牙，每隻豬手/腳都斬好細細件， 方便食客，唔

琴日同個frd去佐食，天氣凍食呢d係吾錯既選擇可惜既係我地去到都2點幾，太遲出門口，咁原來佢午市韓燒只係做到3點，之後就清盤。。不過算啦，因為可以盡早拎哂慢慢食d熟食幾好食，個人覺得牛奶布甸同碗仔翅好值得推介，而d生果好fresh,我個frd食佐好多菠蘿燒既選擇都幾多下💕而d staff都ok有禮貌，會帮你換燒既蓋👍👍唯一吾太好既就係嗌佐一次叫d staff執下台(太多食完既碟)佢吾知係聽吾到or扮聽吾到算啦，整體上都幾ok同抵食，野飲又任飲地方又幾大又吾嘈咁既價錢認真吾錯

真係如果要蒙眼試食就死啦。。豬，牛，雞，雞亦，腎，通通都一樣味道。。真係好神奇。熟食區就普普通通，無咩期望。壽司反而出奇地新鮮同好食。甜品都係有驚喜的。種類在韓燒黎講都算多。但應該唔會有下次。