滿記甜品

Open Now

Now Closed

今日假期同屋企人去西貢行山郊遊，行完之後梗係去返附近嘅海鮮檔食吓海鮮啦，食完海鮮之後大家都好有興趣嚟到西貢一定要試吓當地好出名嘅甜品，其實滿記我都食咗好多次，但係西貢嘅滿記真係未食過，我叫咗個杏仁蛋白食，因為我始終都鍾意食啲養顏嘅甜品，碗杏仁蛋白一到，已經聞到陣陣嘅杏仁香味😋聞落已經覺得好養顏養生嘅感覺，蛋白好嫩滑杏仁又好香，佢又唔會話太甜，因為出邊有啲杏仁蛋白會過甜，呢個甜度啱啱好，最緊要啲杏仁配蛋白真係好正，好味道難以形容，可能我本人鍾意食杏仁嘅食物再加蛋白簡直係絕配👍🏼

因為公司去左西貢BBQ燒完成班同事去左食滿記，自然香港湯水甜品越開越多後，都冇咩機會會去食滿記，甘岩黎到西貢就去左食～以前人話黎西貢要食滿記。水準從以前一樣冇變過可能減少人手關係定請唔到洗碗姐姐～所以都係用即棄用具～少左啲以前懷舊風味～我哋叫左10碗我食左個楊枝甘露～芒果同柚子都好甜

好耐冇食過滿記甜品，今日經過西貢，順便去食一食，點咗個榴槤忘返，雲呢拿冰，但係今次嗰個係完全冇雲呢拿味，榴槤味道亦都非常之唔得，但係紫米埋入邊沒有了粟米粒，味道差咗，整體上成個甜品都係差，印象以前係好好食，冇諗到可以咁差，應該唔會再有下一次幫襯

是日同事突然約放工後去西貢食晚飯，最後仲覺得唔喉要食埋宵夜，近近哋就滿記甜品啦可能係星期五的關係，店內坐滿了食客。由於同行有隻毛孩，只可坐外面帳篷搭出來的位置。店入內雖然提供多部冷風機，惟天氣實在太熱，因此快快手食完就走人。因太飽同天氣太熱的關係，大家都袛係叫凍及簡單的甜品。芒果西米露椰汁西米露仙草紅豆沙仙草配雲呢拿雪糕綠豆沙綜合所有人意見，所有甜品均不過不失，没有特別出色既感覺。毛孩友善食店

禮拜日夜晚十點幾專程去西貢買個甜品食，喺西貢兜咗一個圈，淨係發現滿記甜品仲開緊，於是我order了一個白雪仙草芋圓盛為$42，點知個外賣盒比豉油盒大小小，咁都算啦！打開個盒之後第一啖食落去係薏米嚟嘅！心諗以為佢比錯咗，再撈下就發現一細球芋泥、三至四粒芋圓和幾粒紅豆，其餘都係薏米，我心諗有冇搞錯比40幾蚊有一半都係薏米，如果太夜唔夠賣就同個我講，叫我order其他甜品好過比薏米囉！薏米我都鍾意食，只不過比42蚊買半盒薏米有點不合理

今日入西貢遊一轉，夜晚就梗係食甜品啦，最後選擇左滿記，因為附近得滿記。入去之後叫左個白雪黑糯米加雪糕，同埋咖哩三寶。兩個圓圓既黑糯米球，陪上白雪（牛奶冰底）加上雲呢拿雪糕，口感好特別，糯米煙韌甜度唔大，陪上雲呢拿雪糕，口感相得益彰。跟住個咖哩三寶唔知道係咪肚餓，出奇地好食wor。魚蛋+豬皮全部都充滿咖哩香味，真係炆到入曬味道。唔係話就咁淋上去。不過原來隔離鋪頭係無人排隊多d，總店好多人所以大家記得識得穩地方啦！

通常我同老公在西貢海傍散步後就會到了滿記食糖水我估好多西貢人都有呢個習慣，所以滿記長期都有人甚至愈夜愈多人今晚，老公點了九份芋圓五顏六色的！賣相非常吸引！芋圓彈牙有口感！老公說好味道！但我今天想食熱的就點了紅豆沙湯圓紅豆沙不會太甜，好合我口味而滿記的湯圓永遠不會令我失望皮薄多餡！我通常是食花生餡的，花生味很香很濃我記得農曆新年期間，滿記還出了急凍版的湯圓可以俾客人買回家自己煮來食煮出來跟在店裡食的一樣，很好味！

嚟到西貢，夜晚十點零鐘梗係搵個地方食甜品。 同啲朋友一齊吹下水。我就選擇咗麻薯，都唔知話係特色定係話佢哋店員懶，一pat麵粉仲要係我哋食客自己去整，都幾好玩下嘅😅。

之前fat boy我女朋友想食糖水，咁我收咗工咪去附近間滿記買囉。女友話想食薑汁桃膠，但一碗要成40幾蚊，女友點都話要食，咁無辦法啦！結果，原來碗糖水好細碗，而且好水狀，薑汁同d料好似分開煲，一次過溝埋咁……一d都唔覺得滋潤，d桃膠又少，又煲得唔夠耐…..總之，自己煲都應該好食過佢囉……$40幾蚊買碗咁嘅糖水真係一d都唔ok，下次女朋友再想食，fat boy我都會阻止佢……不過可能食其他糖水會好d嘅……

夏日炎炎，食個冰涼嘅甜品就最岩，去到西貢，還是比有好多分店嘅滿記甜品吸引，已經好多年冇食過了。我哋叫咗「白雪芒果布甸」、「白雪黑珍珠配芒果雪糕」和「雪山芒果西米露小丸子」。甜品嚟到我哋先發覺全部都係芒果🥭🤣估唔到三個甜品都好好味，份量亦都足夠，驚喜嘅係「白雪黑珍珠」，除咗有最愛嘅黑珍珠之外，竟然還有圓肉響裡面，平時食甜品好少食到😋唯一美中不足係「雪山芒果西米露小丸子」唔夠凍（可能我哋太熱），好彩有雪糕搭夠。

又到夜晚食宵夜時間，食個甜品，遊個車河滿記甜品嘅第一間店就開係西貢區，呢間位置都算闊落，恢復堂食後一般11點先去到餐廳。人均消費約$50-$60，加埋小食都唔會超過$100，呢點都係正常價錢。呢間最驚喜嘅係，即時座落在偏遠地區，質素都可以非常有水準，相比其他連鎖糖水舖，滿記甜品算係滿意之選，feel到用心整嘅糖水，一般糖水舖都係快餐式咁。餐單有港式同中式糖水，美中不足係小食比較少。咖喱三寶都算過得去，一般水平。

為食貓好耐都無食過滿記甜品啦記得以前無咁多糖水舖既時候，滿記係相當出名，d人成日去食😀不過就係因為做得咁勁咁出名，佢既食物質素就每況越下不過今次為食貓食過之後，對佢有所改觀，發覺好似比之前好食左👍🏾我地4個人叫外賣自取，重有折都幾抵食芒果西米露 $28D芒果都算多，同幾新鮮，同埋唔算太甜，不過略嫌西米露同糖水份量有d少芝麻糊 $20.8綠豆沙 $18.2宜家好多糖水舖一碗糖水都要成39幾蚊起，咁既價錢真係有d貴，而滿記有折既話，性價比都算高

滿記甜品，大型連鎖甜品店，質量時好時壞，之前係沙田新城市嘅滿記甜品食就麻麻地😂尤其玩特色嘅咩咖喱湯圓😂🤣🤣真係搞唔掂🤣 咁上次唔知食乜好，咁就照食滿記，咁估唔到呢度嘅滿記好食過其他分店，應該廚師問題😂 滿記甜品間間有嘅甜品差唔多，呢度嘅抹茶雪糕幾好食，抹茶味濃 仲食距嘅oreo配牛奶麻糬咁嘅野😂唔記得左個名，味道我覺得ok嘅，我d fd食曬，可能我要求高，有咁多甜品，無必要揀呢個 滿記嘅海底椰都好好味😋 總結黎講，如果附近無咩特別好食甜品，滿記係唔錯嘅選擇😛

食完晚飯又去遊下車河😉今次去左西貢食甜品兼散下步滿記甜品已經好多年冇食，menu款式花多眼亂🤣見到佢有滿記三寶，就揀左碗熱既芝麻糊腰果花生糊（$31）🥣腰果花生糊好香滑，溝埋芝麻糊好好食😋傳統得黎又有啲新意，而且唔太甜👍冬天食完飯整返碗真係好正😝/😋食物質素：7/10🍽️用餐環境：6/10💰性價比：6.5/10👣回頭率：6/10📌滿記甜品 (普通道)西貢普通道9及10D號地舖

🍽🍽☕☕🌭 🍔 🍟 🍕☕☕🍽🍽-滿記甜品係香港都算出晒名，今次嚟總站試真啲佢到底係咪咁好食定係名過其實！本身舖頭唔算難搵，路邊大大個招牌都好易講到，可能係因為下午時間唔算太多人，好多位都可以揀。餐牌上面都唔少選擇，好多都比較大路，不過今次就揀咗兩樣，睇吓佢嘅水準去到邊。-🥢🥢楊枝甘露配小丸子比想像中酸而且無咩芒果味，小丸子不過不失，連最基本嘅甜品都做得麻麻哋，睇嚟水準差好遠。-🥢🥢麻糬仙草冰睇餐牌佢話係最新推出產品，一次過滿足晒我嘅口味，黑糖刨冰底配埋三色芋圓，仲有紅豆同滑捋捋嘅仙草凍，而最特別係有煙韌鮮奶麻糬，幾種材料夾埋有層次同埋口感，好食！-🦁評價🦁食物 7.5/10環境 8.5/10服務 7.5/10性價比 7/10整體 7.5/10-🍽🍽☕☕🌭 🍔 🍟 🍕☕☕🍽🍽