壹玖捌叁

Open Now

Now Closed

應朋友邀請到跑馬地一家好有上海灘感覺的飯店食晚飯, 餐廳格調高雅, 服務員專業細心, 用餐過程很舒適。但重點是菜式特別, 好像新派的fusion菜, 特別令我印象深刻的有:杏汁豬肚帶子慕絲花膠湯 - 初次品嚐豬肚花膠夾心的吃法, 再加上香濃的杏汁湯底, 將一味普通既養生湯水提升到另一個層次!帶子粒薯蓉慕絲配鱘魚子醬 - 聽個名就覺得好矜貴, 食落口感好特別, 薯蓉打得又輕又滑個質感好似食雪榚咁, 加埋帶子刺身既鮮甜同鱘魚子醬既味道簡直絕配! 川椒皇帝蟹 - 皇帝蟹鮮甜咬落仲好juicy, 香料及辣度都拿捏得洽到好處, 唔會蓋過皇帝蟹的鮮甜。蒸蛋白配薑汁吉士醬、薑汁牛油酥餅脆、薑汁蛋白脆 - 呢款甜品真係不得了! 一定要試! 試左你就明! 呢一餐真係味覺同視覺既享受! 好多謝朋友請客(呢餐一定唔平) 有機會一定會再黎試下午餐係食D咩!

為了慶祝Aunties食生日飯， 要揾啲好味的中菜， 實在傷腦筋⋯ 跑馬地呢間隱世fine Chinese dining, 最近見有好多報導， 今次過來一嚐晚餐的滋味， 大家真係食到舔舔脷😋😋😋前菜先叫一碟風味三小碟， 當中的花雕蟹粉慕絲，酒香撲鼻又香軟。 然後再來一碗補肺潤燥杏汁豬肺湯， 滋潤一下！正值蟹季時節， 嚐了時令餐牌中的蟹粉焗蟹蓋。 這個啖啖肉又熱騰騰的， 唔駛用手拆蟹肉食， 不失為懶人之選！ 之後還有拔絲豬油渣咕嚕肉， 豬油渣炸乾了原來又脆又香， 很好吃！ 脆口的咕嚕肉酸甜味又很好！ 接住係鮮花椒蒸釀星斑卷配香蔥鮮百合蓉， 食完條脷有一些麻的感覺，味蕾有一點新刺激！生日飯不少得叫返隻雞， 煙燻豉油雞十分出色， 雞肉很嫩滑，很可口！ 最後不少得充滿驚喜的甜品！ 叫了三款各有特色， 賣相跟味道都一流 😋😋😋P.S. 食得太開心有啲相唔記得影😂

想 請 朋友 食 生日 飯 ， 朋友話想食中菜，所以就選擇了跑馬地的1983 ，因為之前食過都好滿意，而且報章上見到有些新菜式，果然沒有令人失望，朋友都吃得很開心！首先叫咗前菜三味 - 有黑醋排骨，炸小魚，和創新的蟹膏花雕冷凍。另加邪悪的鹹蛋黃炸魚皮，好正!當然有叫名菜，脆皮炸子雞，朋友都話，可能係香港最好食的炸子雞。雞同鴨講，即係將鵝掌去骨釀在雞翼裏面，味道好，口感很複雜，又得意，送紅酒，一流！本來想試吓叉燒，但原來要預訂，唯有下一次啦。仲有一個黃花魚加琵琶豆腐，味道啱啱好！更精彩的當然是甜品，朋友剛好有另外一個胃，專食甜品，所以試了三款，最出色的，是蜜餞金橘皮釀雪芭，很清新，吃完中菜，這個甜品可謂絕配！

讚1 大部份嘢食都做得有水準 雞味道最好 皮薄肉香夠入味 蒸蛋白配澤蟹都好鮮甜 大部份嘢食都幾好2 環境幾寧靜下 唔嘈彈1 有啲嘢食唔太啱胃口 有芡既飯唔係個人喜好2 價錢堅係貴 同星級酒店同價

Lunch with boss at the newly (ard 2 months) revamped restaurant. (My first time here so didn’t know what it was like before.) Apparently the recently hired chef was previously in London working for the Harvey Nichols group. Not a very big restaurant: 7 tables in the main hall and 4 private connecting rooms. Restaurant was quite full. Boss was impressed; since not many offices in the area. Executive lunch set seemed quite nice: $398 pp. Server apologetically noted that no dim sum was available ye

一期一會，又去我至愛餐廳食飯，一心諗住食佢的juicy 乳鴿同勁羔大閘🦀️，點知，個大廚玩野，新出幾款fusion手工菜，那隻雞蛋，係由3⃣️層食材（蛋白、蟹肉、百合泡）逐層蒸出來，一個字鮮，仲有炸雞皮包住粒糯米雞，切落去塊雞皮仲聽到脆，那隻煙燻雞，啲肉滑到BB仔嘅肉咁，再來個海山骨，那種特色醬（保持神秘感）係我估唔到，加埋pairing 特色酒。食完一餐可以令人難忘，會叫句好過癮呀，真係唔講得笑。

朋友從美國回來，想找個地方飲茶和敘舊， 問食神朋友，佢推薦跑馬地的1983，果然冇介紹錯。首先環境很安靜，服務非常之好，最啱三兩知己，傾吓計，飲杯茶，食個包。雖然午市套餐很吸引，但朋友想食美國食唔到的傳統點心，所以決定散叫。晶瑩蝦餃王，食得出蝦係靚料。一口灌湯小籠包，入面大把湯汁，加醋和薑絲，好好食。美國食唔到嘅點心，包括藥膳魚肚棉花雞，錦鹵雲吞，鱷魚膠燴金錢肚，朋友相當滿意。但最叫人興奮的，就是陳皮牛肉蒸腸粉，腸粉又滑又薄，陳皮的味道，也加了在是豉油裏面，非常精彩。忍唔住加了鮮蝦腸粉，配埋櫻花蝦豉油，很快便吃光了。甜品是紫薯芝麻球，和法式燉蛋撻，創新又好味，大家都話要再來！

餐廳裝修之後，有朋友食完晚飯後讚不絕口。所以特登約埋一齊試吓佢午市嘅點心！由於太多嘢想試，最後決定叫行政午餐($398/位)。熱情嘅staff，推介我哋食貴妃雞，所以就另外加咗半隻貴妃雞($350)。餐廳設有大小不同嘅VIP房，而大廳就有5、6 張中枱。我哋平日去，即使枱都坐滿晒，但因為食客係2、3人一枱，所以都唔會覺得嘈。點心係逐位上，而且樣樣都好高質、好好食，淨係食蝦餃、燒賣、蝦角、擔擔麵同黑糖豆腐花新地，都已經值回票價！而雪山焗水牛奶包，就同我期望有啲落差，我以為個餡會係類似燉奶嘅口感，但佢係似煉奶多啲嘅😅。今餐最難忘嘅係嗰半隻貴妃雞，我從來唔食雞皮，但今次都忍唔住食晒佢啲皮😂。隻雞唔止滑，而且係好香、好油潤，即使我哋食唔切攤凍左，佢都一啲都唔膩！總括嚟講，我同朋友都好滿意呢個點心omakase 嘅體驗！

放假早上到銅鑼灣辦點事，完成後友人建議去跑馬地午膳，放假也應該慢活、放慢一點腳步，便一起坐叮叮過去點了行政午餐，頭盤已相當有驚喜 三款都各有特色，青瓜卷很清新開胃，酥炸小黃魚很香口，日本芥末蟹肉迷你千層酥超正黑松露鵝肝蝦餃味道很夾，花膠燒賣份量很足，小籠包水準也不錯。牛奶雪山包外脆內奶香味道，只怕再想吃時又要再特別過來跑馬地了，明蝦角的味道很傳統，好味海山骨香酥，擔擔面正宗，全部吃完同行友人很喜歡鳳爪，故另外再追加最後上的甜品黑糖豆腐花新地完全合我們的口味，豆香不太甜加上豆腐雪糕，太完美了

新裝修後去過一次飲茶，環境無咩改變，服務殷勤，照樣都係舊果班員工，只係食物上大不如前…以前好多主打既點心已人去樓空，選擇上比以前更加少，只係名字上多左好多名貴的添加，好老實講，真係好失望，加上分量上每碟都係一舊起兩舊止…但價錢上就係酒店級價格，價格高左唔緊要，但作為一個聰明食客，其實用肉眼都識得分貴與平的食才，而唔係係菜單名字添加色彩！服務同擺碟上雖然係好乾淨，好殷勤，但尼樣野應該係一間酒店價格經已包括在內的服務！好可惜，試問一間無景，無停車位，上樓店，如果連咁既服務都無，仲有人肯會比中環酒店級價格去飲茶咩？人地酒店既分量都唔會係一碟野得兩舊或一粒啦！重點係我唔係食緊某位出名大廚既出品，只係好普通飲茶食點心，點心只係出自普通食材，或許新裝修後賣點係（服務）而唔係食物，十分明白但我真係好想講我未試過比成接近100蚊，得一粒仲要有個蓋打開比你望下一粒既蝦餃，好似好珍貴，仲話配上自家既特製豉油，咁我想問一下，4個人係唔係要叫4碟？其他點心基本上都要叫2碟先剛剛夠一人一口分！如果係點心Omekase ,我唔介意咁既玩法，但奈何我唔係去左一間米芝連咩星餐廳或某位出名廚師既出品級咯！未試過飲完茶會

二訪1983，試了不同的菜式，依家充滿驚喜，前菜、主菜、甜品各有特色。朋友喜歡品酒，帶了一瓶老香檳、一瓶新世界白酒、一瓶西班牙紅酒，和一瓶法國紅酒。我們請品酒師為我們配菜，令晚飯更精采！前菜先來邪惡的黃金魚皮，和坊間的不一樣，這魚皮一點也不油膩，而家鹹蛋味都唔會太重，和冰凍白酒是絕配！法式酥皮配牛乳奶油加上魚子醬，外型固然非常華麗，味道亦很有層次，在口中慢慢爆發出來，讚！相機和朋友都很滿意！為了配合紅酒，我們點了兩個肉食。脆皮炸雞是最受歡迎的菜式，皮脆肉幼嫩，原來工序非常繁複，絕對是必吃的菜式。海山骨是有少少腐乳美的炸排骨，送法國紅酒，很好！鮮花蟹大良牛乳炒水牛奶，蟹肉係鮮花蟹拆出來，水牛奶炒得很乾身，一點也不油膩，配香檳，真是享受！甜品是西式疏乎厘，加熱情果醬自家製雲呢拿雪糕！完美的句號！

朋友從外國回來，一大班人食飯，最好梗係食中國嘢啦。跑馬地街坊推介，有間特色中菜裝修過，於是我們興致勃勃，吃了一頓很滿意的晚餐。朋友點菜，我十分放心。 淨係前菜，已經叫人目不暇給。海蜇頭，酒釀日本蕃茄，柚子青瓜，羊菌菇釀龍蝦醬。開胃又靚仔！ 下一味係菊花玻璃蝦球配蓮子泡，上面再加特製蝦油，蝦好新鮮，又爽。配了一瓶白酒，大快朵頤。接下來的炸雞皮糯米雞，和煙燻豉油雞都很出色。雖然是粵菜，個湯係腌篤鮮配蛋角，味道又鮮又濃，正我覺得這餐廳最特別的，就是雖然是中菜，但甜品有西式的選擇，其中法式燉蛋撻，和疏乎厘配熱情果汁，仲有朱古力疏乎厘，直程米芝蓮水準。好想買返屋企比屋企人試吓！

好滿足  !!~~ 同個朋友食晚飯，去咗跑馬地一間粵菜餐廳，餐廳菜式特別，廚師又有心思~~ 餐廳佈置富中國色彩，環境舒適，服務熱情親切 脆皮炸雞，個皮好似薯片脆卜卜又薄又脆， 香氣撲鼻，食落去真係卜卜聲，雞肉嫩滑，雞胸肉唔(鞋)口，好好味。海山骨，又脆身又香酥，香口惹味，食落去一啲都不油膩。最後，當然唔少得甜品，黑糖豆腐花新地。   我同個朋友覺得好滿足 !! 

太座生日, 請佢食生日晚飯, 點可以失禮呢~~~朋友介紹到跑馬地新裝修的”香港菜”。第一次聽有香港菜, 好似好型咁, 友人拍哂心口話唔會甩拖, 放心去馬, 咁就信你一成先!去到餐廳, 環境寧靜典雅, 空間感十足, 第一感覺系舒服, 加埋侍應甜到漏笑容同殷勤服務, 我就知今晚冇得輸, Sure Win!聽侍應專業意見, 點左:1.甜薑番茄啫喱釀花雕甜話梅櫻桃小番茄(強烈推薦、清新醒胃!)、2.花雕蟹蒸蛋白配百合泡、3.菊花玻璃蝦球配蓮子泡+蝦油、4.炸雞皮燸米雞(估唔到系太庭最愛, 上枱時仲以為系獅子球, 雞皮包燸米飯及嫩滑雞肉, 大廚將傳統菜式加上創新技藝, 非常惹味, 進食時又可以不失儀態, 對女仕系貼心之作, 男女都愛, 有驚喜!) 5.南非鮑魚金菇炆伊麵 6.黑糖豆腐新地(女仕必點!)用餐完畢, 埋單價位合理, 整體(環境、服務及食物品質口味)黎講, 性價比超標、爆燈!老婆食得開心, 大家都笑得開懷,  開開心心, 簡簡單單又拎100分, 最後就以長相廝守歌詞作結:“難道我可以擺脫宿命 重遇你多次還沒跟你相約他世再會 夢已化煙無論要經過轉世千次百萬次跟你的虛線不變緣盡了又有下次

星期五約了朋友到這間餐廳吃午餐，原因是這餐廳在裝修前已來數次，一直也覺得食物非常美味，現在餐廳在裝修後再來品嚐。餐廳在裝修後更顯出高級格調，餐具也看來全部換上全新的。今次點了一個餐廳新推出的10週年午市套餐，價格合理，只需每位$338(在未加一前)，便可品嘗到點心、小菜、湯及甜品。現在單點的餐牌也換了全新菜式，品項煥然一新，食物質素也能保持以往水準，雖然有些菜式不見了，但現在增加了更多更有創意的料理，運用的食材更加高級，製作更加精美，絕對能感受得到廚師的用心製作。除了食物質素優越之外，餐廳服務也值得一贊，服務員能捉緊客人用膳的每個節奏，知道客人什麼時候需要些什麼，不用提出要求已經能滿足到客人下一步的需要，這絕對是五星級的服務。是次用餐後結果沒有失望，感覺仍然很好，絕對是會再光顧的，下一次會再試晚餐。