香港地 (Closed)

星期六下晝四點到達山頂凌霄閣 ，餐廳嘅位置係搭完纜車，一出嚟 行咗幾步，經過手信店舖，就即刻見到哩間餐廳，它位置係絕佳。 我哋畀佢啲食物相吸引咗，入咗去😅。我哋本來係為咗件西多士 入嚟，點知佢話冇曬麵包，賣曬，咁咪唯有叫其他啦😒， 其實好奇怪~佢定位係茶餐廳😮‍💨舖面啲photo主打都係西多士，奶醬多士咁，居然冇曬麵包🤔。 另外，因用qr code點餐， 局限咗飲品冇得嗌少甜少冰 ，(其實好多用qr code點餐嘅餐廳，個app入面都可以備註)，我就問一問個服務員， 嗰位肥肥哋嘅服務員哥哥(唔係著卹衫)，非常之helpful👍， 幫我哋人手落單，備註少甜少冰。 著住卹衫嗰兩位看似高級啲嘅服務員就好冷漠，西口西面咁，兩位只企喺門口附近，不停望住店出面，完全唔多理店舖入面嘅嘢。我哋嗌咗兩杯凍飲 (阿華田珍珠，另一杯係紅豆冰珍珠)， 兩杯凍飲加起係接近100蚊，再加50蚊嘅洋蔥圈配花生醬奶油pancake ，食物味道就真係一般啦~係大x樂/大x活嘅級數， 價錢就山頂價錢，唯一值得讚嘅就係個肥哥哥侍應夠nice和主動💖，埋單係大約 $150。

今日來到山頂雲霄閣的香港地食晚飯，山頂有很多人，香港地餐廳都好多人。我們叫了滑蛋三寶飯和最高肉絲麵。三寶飯的蛋也很滑，果然是名副其實的最高肉絲麵，第一次食到造型這麼高的肉絲麵。肉絲麵的份量都很多好，個面都好脆。加上有旅發局派的$100券，就抵食。

今日啱啱上到山頂 ， 搭山頂纜車一出閘口第一間見到嘅香港地茶餐廳，好方便好就腳呀！我就入嚟叫咗個好有家的味道及 兒時 味道嘅午餐肉太陽蛋公仔麵。食材都好新鮮，不過不失，其實呢啲地方最緊要係就腳、方便、食環境，同埋食完可以即刻出去跑步行山，超方便！

話說琴日年初二行山上山頂，中午肚餓搵嘢食，點知周圍都好多人得呢一間係唔需要排隊嘅，咁我哋就喺出面攞咗張飛有個中年侍侍應叫我哋Number我哋以為入得去啦，點知佢好粗聲粗氣又話：「未得住呀！」咁好啦咪照等囉，入到去係scan QR code自己點餐。我哋坐得好近門口，所以都成日聽到侍應叫號但係又話未入得住嘅呢個情況發生。可能新年都比較忙，上菜上唔切開始有其他客人催單，啲侍應睇都冇睇到啊就答「廚房整緊！」，應付完個客之後，我哋嗰枱聽到佢口噏噏喺度鬧個客。見佢態度咁差，本身都唔係好想催單，但係個簡單嘅出前一丁麵搞咗四個字都未上，咁就問吓佢啦，態度一樣都係咁差，最後成半個鐘先至上到個出前一丁😫總之就覺得佢成間嘢啲服務都真係幾差，但其實連落單都係自助嘅😂

入到去食嘢問餐牌有冇套餐，老待應態度輕佻笑笑口話呢度山頂呀大佬只可以散叫你自己睇，同朋友即時調頭走，睇返所有留言原來都係投訴佢，為何貴店仍然會聘請這態度惡劣的員工。

等咗好耐先至入到去，餐廳安排咗卡位俾我哋，卡位好闊落，前後有隔板，餐廳裝飾好靚，打卡幾好。叫咗肉絲炒麵，賣相一流，面嘅份量都好多，好脆好香口，整碎佢淋落個汁度，口感好特別，有啲好脆有啲就比較軟熟，略嫌個汁濃味咗啲。

星期日一家開開心心地山頂遊玩，見到有香港地，等位人數又吾太多，咪諗住試下囉，在門外等位時已被一男侍應不禮貌對待，隔離兩女士都異口同聲說每次嚟呢間呢度d侍應都是咁差態度架，一入到餐廳，兩個男侍應態度超差，黑口黑面，真心想問佢地，你地做服務行業既可以咁既態度？吾係要你地笑面迎人既樣，吾想做可以可好做，吾好要d食客睇你地面色，一心諗住嚟山頂遊玩下，食下野，點知兩位服務員態度令我不會再被光臨，請好好改善。

今日大年初一，同吃貨們拜個早年，祝大家天天大魚大肉。今日起床，吃左蘿蔔糕就出門上山頂，唸住行番個大運，股市贏番點錢。勁塞車，坐15巴士坐左成兩個鐘，山頂超多人，又肚餓，咁就搵下有咩好食，咁岩洗手間門口，就有間香港地(就一次食)。就攞左張飛邊行邊等。香港仔有Gulu 所以就打開個apps scan 張飛就可以睇住仲有幾多個人就到。好好彩有四人位。我們點了椒鹽豬扒麵 $58 跟腿腸炒蛋，牛油厚多士。餐飲點了 一凍一熱奶茶，凍飲加4元。多士夠厚，炒蛋夠滑，椒鹽豬扒夠味，肥肥地夠嫩超好吃。辣椒油超好味，配公仔面一流。最慘因為後面係郵局，係後面有人寫明信片，職員經過都無理到，幾影響倉野心情。

假日到山頂行山，當一日本地自由人也要醫肚餓，在凌霄閣看到這間餐廳，名字這麼地道便光顧一下。餐牌上顯示了一道菜名：黯然銷魂飯套餐，是香港人回憶的一道菜，當然要捧場啦！蛋黃是橙黃色的靚蛋，蛋香味濃，估計是湖北蛋，叉燒則瘦了一點點，多點肥肉口感會更豐富，蜜糖叉燒醬汁再濃一點味道會更有層次。脆皮雞扒飯餐不過不失，雞扒外皮不夠香脆，但黑椒汁蓋過一切。奶茶是不錯的，香滑順口，有大排檔的風味。落單的哥哥仔說話語氣不太有善，但相信是沒有惡意的，可改善一下表達方式。

疫情之下，成間都冇咩人，所以諗住快食一個下午茶就走，入到去用手機落單，好快有waiter 黎覆單，等左5-10分鐘已經有野食，食物質素正常，冇咩特別，不過d waiter幾個係到吹水大大聲唔係幾好，整體感覺一般，山頂價錢比較貴

去咗香港地食黯然叉燒飯。個餐不包括餐飲。杯熱奶茶要另外買。合共$102。個黯然叉燒飯唔算太好食。叉燒較乾身，無肉汁無得混入白飯一齊食。個煎蛋好食，混入白飯好食。配菜無蠔油，好難入口。杯熱奶茶好飲。食完重有香港地優惠券送。

見到間餐廳冇乜人，諗住食個快飯就番屋企，未入餐廳個待應就出黎同我地講BB車唔俾入餐廳入面，叫我地坐出面，諗住可能入面冇位擺BB車咪堆架車坐出面囉，點知原來出面先推唔到BB車，入面大把位都唔俾BB車入，睇住我地試左好耐都推唔到架車，到我地叫佢先好唔情願拎開分隔餐廳條鐵錬放部BB車入去。食物黎到叫佢俾個碗仔，都唔介意佢企喺度唔埋我地，行到埋黎仲要用動作同表情話俾我地知"d碗喺隔離咋，自己攞啦!" 你估我喺度做架，點知喺隔離呀？知我都費事受你氣自己攞啦!最離譜個樣:個仔醒左之後見到隔離d臘像驚到喊，所以入左入面等佢見唔到d臘像，入到去我地驚佢影響到人已經盡晒力控制佢，最後佢喊左幾聲（真係幾聲）已經停左同我地都執野走，點知個侍應行埋黎叫我地控制下個BB, 唔好影響到其他人，真係火都黎，第一，自問唔係怪獸家長，已盡力控制個仔; 第二，間餐入面一眼見晒，都冇人投訴，第三，見住我地走先過黎攞尾彩!如果唔歡迎小朋友就唔該喺門口寫明唔俾小朋友入黎啦，唔洗d客受你氣!

 上山頂欣賞我們東方之珠之美景係好多香港人同旅客既指定動作山頂廣場,除了快餐 最近美心既香港地終於重新開幕有更多選擇既港式味道如果上山頂想搵食,絕對可以考慮份量多,味道好,係山頂搵食既好選擇特設香港藝術家Agnes交通主題展覽可以用APP下單,快靚正方便先來一杯咸檸七,凍檸樂,一字爽,酸香解渴接著就來主菜了 最高銀牙肉絲麵,山頂分店限定菜將麵餅炸得如小山,炸得脆口酥香配上銀芽肉絲,口感豐富,令人回味 常餐沙嗲牛肉即食麵即炒鮮沙爹牛肉濃郁惹味,港式風味上菜時最好叫少湯,吃起來更濃香 頭抽乾炒M5澳洲和牛炒河粉 用上澳洲M5和牛肉片,加上九龍醬園生抽炒香每條河粉炒得入味,加埋辣醬食起來不錯 重量級咖喱豬扒飯 厚切豬排炸香,口感香脆有肉汁加上港式香濃咖哩汁係地地道道既港式咖哩風味砂鍋．窩蛋三蝦香菇飯  鮮蝦大隻彈牙爽口加蝦乾,蝦子,鮮味濃香,味道有層次加了湯汁炆飯,啖啖鮮香蝦味另有小菜鳳梨咕嚕魚柳金瑤柱瓜甫扒翡翠苗最合適夏天食既清爽小炒小菜

As well as the Peak Tram getting re-serviced, Hong Kong day has had a makeover with drawings of Hong Kong on the Move by Agnes Pang.As well as signature Hong Kong style dishes they also serve banquet style dishes like the wintermelon soup and vegetables.The pea sprouts topped with dried scallop gravy is another classic family dish that is ordered when there is a  large group of people like the soup above.The braised rice with dried prawn roe and prawns was fantastic, think of it as an Asian Riso

茶餐廳是香港人不可或缺的飲食文化，其經典食品，如港式奶茶、西多士、沙嗲牛肉即食麵和乾炒牛河等，都別具地道風味 。早前出席了「香港地」位於山頂凌霄閣嘅重新開幕慶祝儀式，得知餐廳除了店內外重新裝修過，搖身一變，成為一間前衛型格的茶餐廳之外，更以「香港味道．點止地道」為新店精神，將四大香港核心價值：「創新地道、細味讚賞、自強堅毅、與時俱進」發揚光大。近年有不少食肆開始應用科技，試用自動點餐機，而呢間山頂分店亦唔例外，與時俱進，客人除了可以掃描 QR Code 查閱餐牌及落單外，更可遙距網上落單付款叫外賣，極為方便。另外餐廳亦特別設置了「藝術展覽空間」，俾本土藝術家向全球客人展示本土嘅藝術同文化，而這次就誠邀咗香港藝術家彭淑儀 Agnes Pang 合作舉辦《香港地．四圍走》畫展，於店外展出多幅以交通工具為主題的畫作，讓食客享用美食之餘，更可以用幾分鐘走訪香港各處，重新認識香港人居住的地方。開餐前先點飲品，呢兩款分別係濃朱古力沙冰奶同紅豆沙冰奶，兩款沙冰的造型都好搶眼，將樽裝維他奶倒插於飲品內，最啱就係用嚟影相啱 Like。朱古力沙冰用上香濃嘅朱古力，再加入維他奶，童年回憶番曬嚟。另外粒粒紅豆