香港老飯店 (Moved) New Location

尖沙咀有兩間，但呢度應該環境比較靚，所以黎左呢間。人唔多，有得錯窗口位，睇到九龍公園泳池，環境算唔錯，但個上海模式上面個句標語幾老土。另外一樣老土就係，冷麵叫「衛生冷麵」，你唔衛生就執左啦~~今次主要食點心，呢度D點心四件一碟，份量比出面多：夫妻肺片- 好得意，係雪到成膏狀，切成片狀，好似肴肉的牛肉薄片版，但又唔辣菜盒- 肉比菜多，如果多D菜會好D小籠包- 比較傳統，唔係爆汁個種，但都好好食擔擔麵- 都係比較傳統，只有好少花生醬，亦唔係拉麵，但個湯好靚牛肉餡餅- 有菜有肉，細細件咁蜜汁雙方- 絕對推介，之前係翡翠食，塊腐片的味仲搶過火腿，滬翠園又係冇火腿味，今次食個火腿味真係好出，加埋腐皮個感覺幾好。翡翠要賣$40/2件，非常唔值但呢度$50/2件就值喇~不過要講平又好食，都係洞庭樓~蘿蔔絲酥餅- 唔同其他舖的酥皮，而係好似叉燒酥咁o既樣，裡面蘿蔔絲都唔同喎~幾有特色家常餅- 都係咁o既樣，好食~最後仲有果盤(西瓜)送，咁都樣夾埋$340，都值得食~~

我o地七個人只係叫o左d普通菜食, 但水準都好ok wo..... (括弧係分數, 5最高/好)1. 冷盤- 燻魚(4.5), 鴨舌(3)2. 主菜- 漕溜魚柳(4), 咸肉津白(4)3. 主食- 小籠包(3), 雞煨麵(4), 蒸炸銀絲卷(3), 楊州炒飯(3)4. 湯- 砂鍋豆腐(4) (有菜, 有豆腐, 有蛋角, 有魚肚, 有雞肉)5. 甜品- 雷沙湯丸(3.5), 酒釀丸子(4)portion 幾大, 我o地都好飽, $1,000 到, 不過d呀叔就當然對我o地d生客冇咁好服務啦, 總括o黎講都可以, 我會再去!

去過一次，呻笨！服務差係事實，食物質素物非所值，完全不值一提，只做到三流食肆的水準，但收一流的價錢，完全唔得！冇下次呀！詳細我食乜就忘了。最重要係咁的質素，完全不值呀！去都無謂！

蟹粉小籠飽真係好正呀!皮夠薄,入面D湯汁先係主角,一啖食一隻,好好味呀!但就幾貴,所以叫一客就夠啦!普通小籠飽都好味,抵食D,食多D都唔怕肉痛嘛!另外,個砂鍋雲吞雞都好味,D湯好有雞味,仲有成半隻雞架,好足料!但可能客多,waiter 唔夠,服務差D啦!

尋晚去到,一早講明兩圍最低消費加埋4,000(因為有房),但點知去到話每圍4,000,唔係兩圍,我聽到勁興,咁樣臨時變卦,點做生意呀.我叫經理入黎,佢話佢D同事唔會咁應承,態度勁寸,根本唔想做生意,仲想叫我地走,呢個經理叫應立懿,肥佬一名,咁O既態度,我唔知佢點做到經理.結果埋單我一毫子點士都無俾.

最近親友請飲，有驚喜 <br>食物味道在水準以上 <br>有一道菜，不知名，是用兩片蒸包，夾著片雲腿和一片炸脆腐皮，味道配合非常好，一絕 <br>上海生煎包，我一向很少吃，但這次我吃了三個，因為包皮實在很軟，很薄， <br>味道實在太好 <br>地方相當整潔，服務又好， <br>好多明星光顧， <br>價錢，唔清楚，知係貴，但值得幫襯

食物質素OK, 但以上海菜來講, 價錢偏貴, 其中一款" 南瓜八寶飯" 好特別, 唔錯, 八寶飯饟落一個小南瓜裡面, 喜歡吃甜的一定鍾意! 仲有, 呢度常常有明星幫襯, 每次去都會見到幾個, 永不落空!