香港站餐廳小廚

Open Now

Now Closed

前幾日，去左旺角行街，食過就試下揀香港站食下。兩個人叫左兩個小菜晚餐，叫左一個雜菜粉絲煲同黑椒牛仔骨，雜菜粉絲煲我個人覺得都入味的，係男友覺得啲蝦乾有少少腥。牛仔骨的黑椒夠濃味，送飯不錯，不過黑椒都有少少辣，唔太食得辣的人要注意。奶茶方面，都好香滑，不會因太多奶令茶味失分。

呢間餐廳都開左一段時間，一直都冇時間食下，是日有要事要搞，一於去佢度食個靚早餐先去。我揀左5號餐，朋友揀左3號餐。5號餐: 值得讚既係佢個厚多士好脆，有別於一段厚多士，佢係有少少似酥皮果種，好味。個磨菇奄列不過不失。蕃茄牛肉麵: 望落去見到咁多蕃茄果陣，以為好正，但食落口淨係食到茄膏味，好甜，我仲要嗌左公仔麵...甜既公仔麵...所以最後我食晒D餸同幾淡麵就冇食。3號餐: 朋友話個炒蛋幾好，但個沙嗲牛肉麵偏咸，減左分。總括而言，兩個餐個麵都唔合格，早餐就唔會再係度食啦，下次試埋午餐/晚餐再決定究竟係早餐不濟定成間都係先。

等朋友嘅時候又餓又攰，所以入咗呢間又近地鐵站形象又鮮明嘅店。通常都係俾佢外貌欺騙。$60個咖喱牛腩飯，飯大，汁多，肉個兜大約手板大的咁der..顏色有別於一般鮮艷黃色或帶紅色辣椒油嘅咖哩，佢又唔係芥末黃，如圖啡色。無啦啦有隻蛋，因為佢都知道啲料好唔好卦 牛腩好硬。無言。雖然服務態度可以，但其他菜式都冇乜好選擇，比較同類而質素較佳嘅茶餐廳貴。下午茶時段都要$40，而且剛剛黎嘅時候張枱有點污糟，菜單有條菜😂😂😂應該只此一次。

出旺角行街街，又到夜晚搵食既時間，唔知食咩好經過呢間，門口個姐姐又幾好禮貌，就食呢間啦，反正我地都係鍾意食小菜小炒入到去環境都舒服既，有卡位坐幾好😁叫左梅菜肉餅， 蒜蓉炒白菜仔，同清蒸筍殼魚，一般家常小菜囉😊最鍾意食家常小菜先黎既係白菜仔，味道幾好丫，不過食食下有沙...... 😅再黎個清蒸筍殼魚，嗯🤔麻麻地啦冇咩魚味應該油浸就好食d，70幾蚊算係咁啦最好食就係呢個梅菜肉餅，肉係新鮮既，唔會太肥有咬口，但最最最可惜d梅菜有沙......整體ok 啦$200蚊，2個人食3個餸，不過有沙呢嫁野真係要搞搞😐

這間餐廳，論食物，沒什麼好挑剔的。當日一行三人，分別點了瑞士雞翼公仔麵，乾炒肉絲河，及香脆豬扒包，然後分著吃，大家都覺得很好味，夠鑊氣，完全港式茶餐廳風味，雖然價錢不算太便宜。然而，體現港式風味的，並不只限於食物的味道，連侍應的服務亦充份發揮「唔使急，最緊要快」的港人生活急促節奏！餐牌裡單是茶餐已經有十多款，ABC朋友花多眼亂，本身又看不懂中文，不知要食哪樣，那個侍應就不斷追、不斷問吃什麼！好啦，我想好，我先點，說明還有朋友未想好，稍後想好會通知你。已經說到這份上，正常人都應該走開，不再煩著客人。誰知落單後不到半分鐘，侍應又過來，索性站著不走，我再說，還未想好，這次侍應更是充耳不聞！好困擾！急什麼？難道你以為我們三個人只會點一個茶餐？不然為什麼在我們旁邊屹立不動？？這樣的服務，食物再怎好味也要扣分！！

一日普通日常同女朋友嘅假期一個好普通嘅星期日同女朋友出咗太子食個下午茶先之後再去行下街拍下拖我路過睇中呢間食個tea門面就係咁唔駛等位一入去就有位坐揀咗一人一個下午茶黎食辛辣雞扒麵女朋友話見到就想食辛辣麵同屋企煮差唔多喎不過不失雞扒都唔係特別香口豬扒包一個好好好普通嘅豬扒包豬扒有啲乾唔算好食但係可以醫下肚嘅整體間茶記都一般般坐得都迫嘅但價錢唔貴三十幾蚊一個tea味道一般但唔算難食諗唔到食咩亂入一間都叫ok嘅

路過太子，見到這間茶餐廳好像很多選擇，入內一試， 叫了炸脾沙律餐加凍檸茶，等了15分鐘，食物來了......凍冰冰沙律跟熱辣辣炸脾，初步算是合格了，沙律口感豐富，材料可口，非常好味，炸脾第一刀切下去有點動不了，炸過火了，很硬，很乾，好像吃風乾肉一樣，皮是脆的，但沒什麼肉味。凍檸茶沒檸檬味，沒茶味，只是一杯有色的凍水。埋單40個大洋，不過不失啦！

垃圾之中更加垃圾！非常嬲，原本一家人開心坐低食個tea,嗌左3個餐，最先嚟左杯凍朱古力，仲係阿仔飲，阿仔話係口𥚃發現有一粒嘢，吐出一看竟然是一隻小強，叫餐廳老闆或經理過來处理，竟然冇嚟，只有個樓面仔過嚟話杯飲品吾收錢，換一杯，我當場o哂嘴，送俾我都吾要，我同老公都很少會同人炒大鍋，老公話左幾句水吧，我地決定走人

今日去左吃星期四 set lunch 嘅 蘇茄焗雞扒飯,要左一杯涷嘅好立克,野飲先黎,之後正常咁搞拌,無留意到有問題,結果到吃吃下中間位想飲野個陣先發現有舊好細嘅黑色物體,唔知係咩野,所以即刻找左個侍應問係咩,之後個侍應拎走左杯野,有見水吧問咩事,我無理到,再之後比左杯新嘅我(我估),所以照飲左,點知到臨收工前就開始肚痛啦!!😞😷以後唔敢換啦!唔飲算啦!唔黎呢間吃算啦!

👌XO醬乾炒牛河。$48炒河尚算滑牛肉好多，大大塊，如可切細D就好了，會食得方便D👌椒鹽豬扒 配飯 同例湯。$58份量足，少少辣，我重口味都感覺有點咸，炸香蒜送飯幾惹味👌鐵板洋蔥汁牛扒意粉。$68有d失望，洋蔥汁味唔出，牛肉嗌5成，但太熟

今晚去左間走年青風格路線嘅茶餐廳，沒有傳統茶餐廳舊式裝修，綠白色的霓虹招牌，以白色和青綠色的木製門窗框，清新企理簡潔蜜桃咕嚕肉肉汁均匀，入口香脆微，因加上蜜桃味道略带酸甜，開胃醒神，而將咕嚕肉的菠蘿改成蜜桃，意念不錯，但由於蜜桃味不太突出，感覺前者酸甜，後者甜，個人覺得還是菠蘿比較㚒想食魚香茄子又想食魚，就叫個茄子炆黃立倉，將倉魚煎香再連埋茄子一齊去炆,，咁樣令到茄子吸收晒魚既味道，反而有d奇怪，不過份量都算大份整體都OK