檀島咖啡餅店 (軒尼詩道)

Open Now

Now Closed

朋友帶我黎灣仔出名既茶記下午茶,我地坐低左睇左個餐牌好多選擇,下午茶同小菜都有,我地叫左一碗肉骨茶飯,肉骨茶好濃味仲有好多豬軟骨好有咬口,呢度必食推介一定要叫自家制拿破崙,好傳統同埋好巧工夫去整既一款甜品,呢度整到每一層都好厚同香脆既餅底加埋d涵好正,勁鬆脆,配埋樽裝奶茶冰鎮既香滑口感,另一杯必叫檀島超牌咖啡,香濃咖啡味入口好香同味道好夾食拿破崙時候飲,乾炒牛河牛肉好多好大碟抵食,上菜速度快,牛河炒到好乾身唔會勁油膩。

灣仔本店，分兩個區域，一邊是麵包區，另一邊就是茶餐廳，座位很多，裝潢走懷舊港式茶餐廳設計，牆上仲有印有香港景點，非常有本地特色😍餐廳以酥皮蛋撻、菠蘿包、西多士最為人熟悉，當然亦有其他炒粉麵飯，及羊腩煲等粵式小菜必食之選：極品蛋撻最有名的酥皮蛋撻，熱辣辣的，牛油香撲鼻😌，咬開可以見到脆皮層次，口感鬆化😋 至於蛋心香滑軟熟，甜而不膩菠蘿包新餅店的菠蘿包，不是太扎實，就是太輕身，有些連外層也不脆😅呢度嘅菠蘿包，上碟還是暖暖的，外層嘅酥皮金黃色的好搶眼，包滿大半個麵包，香甜脆口，而麵包亦好鬆軟🥰下午茶餐都推介😍花生醬西多士、香蔥碎牛炒蛋三文治港式花生醬西多士，即叫即整，上面放上牛油🧈，立即溶化，加上糖漿，全件都金黃色，口感外酥內軟，混合蛋及花生醬香，難以抗拒的誘惑😋三文治餡料有滿滿的蔥花、碎牛及炒蛋，雞蛋好嫩滑，蔥香濃郁，牛肉鹹鹹香香，麵包軟熟

茶餐廳是香港歷史飲食文化佔重要位置，第一次來到這一間灣仔老字號打卡，平常在這邊搭巴士回家，難得在看完花展後來嘆一個港式下午茶。📍位置：灣仔站 A5 出口，轉左步行約4分鐘，餐廳門口正是往新界區的巴士站。🏠環境：以黃色的招牌，分開兩部分經營，一邊是普通茶記，另一邊是賣出爐麵包、蛋撻或蛋糕等。室內頗大，近門口的右邊是收銀，左邊是淺綠色卡座配玻璃枱面，牆身是貼上反光鏡，四處都掛上菜名和香港電影《月滿軒尼斯》的場照，充滿懷舊氣息。🤵🏻服務：以人手點單，不收加一。🍽️下午茶：下午二時開始供應四款下午茶套餐，設最低消費22元。🍞咖央西多士 $45是一道非常邪惡的多士😆，因為有一片厚牛油在麵包面🥹，正慢慢溶化，並附上一樽糖漿。個人認為不需要下糖漿，味道已夠甜香😋，麵包中間塗上甜香的咖央，炸得外脆內軟😍，加上方形麵包大份😉，所以吃完後都滿足到不需要吃晚餐了。🥧酥皮蛋撻 $10酥皮很厚身且多層摺起，咬下去是感受到非常鬆脆🤩，中間的蛋就很滑溜，甜度剛好，充滿蛋香，難怪成為招牌☺️。🍵熱奶茶 (跟餐)茶香奶滑，味道回甘，不需加糖，是很正宗的港式奶茶。

行行下見到對面有間舊式咖啡餐廳，過去睇下有咩食，門口既蛋糕西餅已經賣得七七八八，想試下d蛋撻都冇機會添，咁就入去試下其他野餐廳好大間，仲係舊式既風貌，待應仲係著白色工作服，人手落單，仲要好好禮貌添，好有親切感🥰中式晚餐有七款比你揀，我揀左沙薑蔥油雞，感覺一次食到兩種口味🤣，呢到有半隻雞，雞肉好嫩油，蔥油味道好突出，豉油用來撈飯好好味，配返杯好耐冇飲過既童年回憶利賓納，一個人既晚餐都相當唔錯👍🏻

「檀島」呢個名年輕一輩未必識。我是一名九十後，聽過呢個名。記憶中檀島有開過麵包鋪但不知何時消失了。之前都唔知有間「檀島咖啡餅店」，是次特意去幫襯。❤️黎到一定要試呢度好出名嘅「合桃拿破崙」實淨得黎好脆。入面有d忌廉，為拿破崙增添油份，入口唔會乾。合桃令拿破崙食黎更有口感。❤️今日終於見識到咩係檀島咖啡☕️啦！😍咖啡真係好香濃幼滑又唔澀👍🏻。咖啡配拿破崙簡直係絕配！拿破崙嘅甜同咖啡嘅苦互相中和，呢個配搭真係無得頂！👏🏻朋友自創拿破崙點咖啡食法，呀，又幾好味喎～😍❤️紅豆冰唔會太甜，紅豆夠粉。鍾意佢用碎冰唔會太凍👍🏻。❤️焗豬扒意粉鮮茄豬扒味道似京都豬扒，肉質靚，肥瘦適中，唔會乾爭爭又唔會太油膩。豬扒份量都有成5-6塊好多。意粉撈左茄汁好掛汁。加上洋蔥🧅好香。❤️另外加左$28 追加小食：上湯雜菇浸娃娃菜。娃娃菜爽脆。湯底夠曬熱，食到最尾仲熱！雞湯帶出菇嘅鮮味。份量啱啱好，雖然睇落係一碗嘅份量，但係其實已經差唔多成碟，$28真係超值！❤️咖哩牛筋腩飯🍛用上港式咖喱，咖喱調配成適合香港人的口味。咖喱好香，唔辣仲有啲甜甜地，送飯一流！牛筋腩軟腍入味。重有薯仔做配菜。薯仔夠粉，正！

🐳檀島茶餐廳係一間非常有名的茶餐廳，我細細個就聽過，但今次就係第一次黎幫襯！🐳由於已經係晚市8點多，食客唔算太多，店員相信一部分都已收工了，樓面只有三個人。😅🐳咖哩吉列豬扒飯💰80由於員工唔係好多，所以出餐嘅時間都比較慢，但係慢工出細貨，呢度嘅馳名咖喱真係要試一試。咖喱汁又濃又香，豬扒有一大件新鮮即炸，另外有勁大碟飯。🐳台式炒米粉💰70呢個炒米粉絕對係有驚喜，唔好睇佢個樣麻麻哋，但係原來係好好味架，吵得非常之乾身，又有海鮮喺入面，所以又鮮又好味！其實我係見隔離枱個熟客叫呢個炒米粉，而我又唔係好肚餓，所以先叫吓呢個嚟食，但估唔到又真係幾好食！🐳冰鎮檀島奶茶💰25 / 跟餐價💰5好飲！仲有冰鎮住，keep住凍，正！

灣仔舊式茶餐廳由張學友、湯唯主演的「月滿軒尼斯」的香港電影選取場景的餐廳。環境保持著懷舊的氣氛，打卡位滿滿。餐廳的奶茶也是賣點之一，當然不少得舊式茶餐廳必有的麵包、蛋糕、撻類等的小角落，很有氣氛！《馬來肉骨茶配白飯配油條》$66晚餐時段的廚師推介，馬來肉骨茶的湯底有著鮮甜的美味，而且相當足料，排骨也有很多件，自行加入油條到湯中再品嚐，惹味十足！《豬扒擔擔丁麺》$60濃濃的花生香味融入公仔麵之中，配搭份量感重重的豬扒。《明星瑞士卷》$13《斑斕香蕉瑞士卷》$19經典的瑞士卷，除了有原味外，更有特色的斑斕香蕉味，蛋糕很厚切！《雞批》$16足料的雞批，熱辣辣，可口美味！總結：懷舊的茶餐廳。

呢間老子號既茶餐廳，雖然環境比較舊，識食一定要試佢既奶茶&港式蛋撻😎同以前一樣，例牌都係會叫佢地出名既港式奶茶先😏奶茶唔會好甜，順口😬叫左馳名新年出爐蛋撻，拿破崙同埋鮮香蕉斑蘭卷蛋😎蛋撻同以前一樣，多層既酥皮蛋撻，好鬆化，蛋漿足料，香滑，唔會死甜～拿破崙唔太似傳統果款，食落口感係好豐富，實淨，多合桃，幾煙韌，餅底鬆化，帶有少少椰絲味，以拿破崙呢個咁多工夫既甜點黎講，價錢真係超親民～鮮香蕉斑蘭卷蛋係幾特別，原來2隻味都幾夾，雖然香蕉味偏重，不過都食到斑蘭味，蛋糕似係用新鮮香蕉黎整，唔似用香精黎整😬，覺得唔會好甜，卷蛋鬆軟，有一仲懷舊既古早蛋糕既感覺～下午茶黎食一件蛋撻/蛋糕/面包(仲有好多款新鮮出爐既蛋糕/面包揀)配杯奶茶真係好配，再加多一份懷舊感🤣另外都叫左個港式瑞士汁炒牛河，牛河好有鑊氣，色澤，牛肉嫩口，而且唔算好油，好夠味，份量好多，2個女仔share1碟都好夠飽～

灣仔可以話係代表香港的一個地標而這間餐廳可以話係灣仔的一個重要地標一間餐廳嘅靈魂莫過於香港人最喜歡的奶茶出色嘅奶茶，無論凍同埋熱都一樣咁出色好飲嘅熱奶茶絕對無需要加糖，因為茶香同埋奶滑配合得天衣無縫，可以見到師傅嘅功夫不是所有同行都能夠媲美再來三件西餅瑞士卷傳統 柔滑 香濃味道 實淨嘅糕身 有一種實而不華嘅感覺鮮香蕉斑斕蛋卷賣相非常美麗，而且放在枱面已經聞到香噴噴嘅香蕉味 這是一種美麗玲瓏嘅感覺 在傳統上擺上餐廳獨有嘅特色 這點心思，簡直係令人自豪雞批依家唔使批，完全係豪華大滿足嘅感覺從來冇見過咁抵食嘅雞批 又大又厚餡料又多而且會翻熱才放上枱面給人客咬落去熱辣辣，香噴噴 脆口 雞肉豐富 餅皮一流 肉骨茶來到這間餐廳當然要試吓這裏的肉骨茶吃入口完全一種地道嘅感覺 真係好似去咗新加坡，咁因為湯底濃郁，而且所有味道完全滲透入肉質入面 每一舊排骨肥瘦均勻咬落去非常送貨，無論味道與口感都令人回味無窮，好容易就餸晒一碗白飯豬扒擔擔公仔麵這個湯底實在實在太好飲會好唔小心咁飲晒啲湯，因為濃郁嘅味道無論佢嘅香辣甚至乎沙嗲味道都非常出色，而且公仔麵非常爽口 還有香茅味道好好嘅豬扒 爽爽爽這裏餐廳另外一種可

又是發掘灣仔美食的一天。今日午餐去了檀島咖啡餅店。以前亦常來。我們分別點了焗葡國雞飯及菜遠炒牛河。我點的是焗飯所以需時制作， 但想不到菜遠炒牛河也需要等。同事說是因為即點即炒，加上是生炒，午市人流多，所以也要等。炒河早了一點到，看著賣相奇佳，一看就覺得夠鑊氣，牛肉炒得帶有一點焦香味，上面澆了醬汁，河粉也沾滿了。到我的焗飯，濃郁香口的白醬舖蓋面上烤焗後特香口，葡國雞很多，肉質鮮嫩但不肥， 配上炒底飯很的好吃到停不了口， 雖然滾燙，但我還是一口接一口的很快就吃完了，幸好點了杯凍檸菜走甜。

坊間難找拿破崙，今次吃到了驚喜。雖然不像舊時的拿破崙中間有純蛋白糖脆，但是這個拿破崙整體口感豐富、實淨，我會形容為：香脆、鬆化、煙韌。味道方面，甜道適中，有合桃，應該還有椰絲，都幾特別。總結，本人覺得這個性價比頗高！

好想食下午茶☕️經過呢到就試吓睇落平平無奇茶餐廳叫左西多士同炸雞髀西多士非常厚身，炸得好好味～加上牛油糖漿！好味到不得了炸雞髀簡直冇得頂，肉質嫩滑，味道非常新鮮！啖啖肉！價錢係比較貴但值得

今日屋企人想食免治牛肉飯，第一時間就係諗起檀島，所以去咗買外賣返嚟。免治牛肉飯係簡單嘅茶記西式飯，但唔係咁多間做得好，呢間個人覺得算係上游級別，我叫嘅係煎蛋免治牛飯，最鍾意佢嘅可口，免治牛肉醬入面嗰種牛肉香味同茄膏嘅甜味拍埋一齊，有種好滿足嘅感覺，仲有種衝動要所有飯都沾到肉醬，啲白飯老實講米質一般，但係因為撈咗啲肉醬嘅關係，令自己好想食晒佢。蛋係一般質地，可以揀煎或者窩蛋而我揀煎蛋，拎返嚟時已經無咁熱，亦少咗嗰種油滯感，又唔會搶咗個飯嘅味道。呢間嘅免治牛肉飯，其實好似旺角某名校飯堂嘅質地，唔知係咪前員工，但一食就有番當時嘅回憶。

大澳既沙翁好岀名🤤但去到咁遠實在太唔方便啦!! 之前見到港島有呢間可以買蛋球既茶餐廳~ 就近近地去左試吓~ 佢既蛋撻好似都岀名☺️ 其實佢係有分沙翁同埋蛋球~ 但係望個樣嘅話, 就覺得佢嘅蛋球同大澳嘅沙翁似係同一樣嘢多啲🤣 所以就試咗佢嘅蛋球🫶🏻🤍蛋球 $15我嗰日食既蛋球唔係啱啱岀爐🥲所以偏凍, 亦唔香脆🥺 食左一啖之後就攞左翻屋企焗熱黎食😋 焗一焗翻之後就好好食!! 外脆內軟🤤 好香蛋味之餘, 糖粉份量啱啱好唔會過甜☺️

中午十二點來灣仔，很久沒有來這間老店了，從外面看位子還比較多，不用排隊，就進來食。選了是日午餐- 滑蛋蝦仁炒河，送中湯加飲品我選了熱奶茶。價格都實惠$62。上菜算是快。到我吃完，座位基本都滿了，不過中午大家都是進來點餐吃完就走，流轉很快。中湯好飲，胡蘿蔔都夠香甜。滑蛋蝦仁炒河，河粉都很大份，蝦仁有驚喜比我想像中大，滑蛋就很少了，是打散的蛋花湯淋在上面，加了些韭黃和蘑菇，味道比較清淡。我吃了幾口還是覺得太淡，要自己加些辣椒醬調味。熱奶茶比較正宗。