檀島咖啡餅店 (軒尼詩道)

Open Now

Now Closed

中午十二點來灣仔，很久沒有來這間老店了，從外面看位子還比較多，不用排隊，就進來食。選了是日午餐- 滑蛋蝦仁炒河，送中湯加飲品我選了熱奶茶。價格都實惠$62。上菜算是快。到我吃完，座位基本都滿了，不過中午大家都是進來點餐吃完就走，流轉很快。中湯好飲，胡蘿蔔都夠香甜。滑蛋蝦仁炒河，河粉都很大份，蝦仁有驚喜比我想像中大，滑蛋就很少了，是打散的蛋花湯淋在上面，加了些韭黃和蘑菇，味道比較清淡。我吃了幾口還是覺得太淡，要自己加些辣椒醬調味。熱奶茶比較正宗。

一心想去食蛋撻，但5點幾去到已經賣哂😮‍💨。入到去冇咩人，唔洗等位，好多枱隨便揀黎坐。因為好快就食晚飯，唔想太heavy，所以揀左好耐先揀到隻瑞士雞髀做下午茶，上菜速度正常，侍應還算有禮貌。至於個茶餐，雞髀偏細同偏鹹，唔太餓都可以接受；而薯角份量算多，而且新鮮熱辣，唔鹹，唔係炸太透，唔算好熱氣，又可以中和隻鹹鹹雞髀。整體黎講，老牌子茶餐廳，價錢偏貴，環境好一般，有一陣味道，都係想快手食完快走算。

今日帶同事去試吓這間歷史悠久，在灣仔都幾出名的老店。滿心歡喜同期待，睇完餐牌，叫咗個「豉油皇三絲炒麵」，配上茶餐廳一定要試的奶茶，多謝你$65，價錢都算咁上下，性價比高就唔算貴。上餐時，飄來陣陣的香味。急不及待試一吓！噢！個麵炒到好乾，好硬，可能我口味重，感覺佢無味！碟麵，越食越頂。個心越食越沉。反之個奶茶還算唔錯，雖然未算好好飲，但對比其他茶記，都算唔錯！總結，性價比低，懷緬一下傳統的茶餐廳係可以，但下次就要諗清楚先會再去了！

堅失望下午1:15食個快lunch叫左蛋撻、雞批、茶走、葱油豬扒飯落order時好無聊咁問係咪新鮮出爐哥哥話係今日新鮮出爐拎起個雞肶已深感不妙凍嘅…暖都唔暖下…咬左兩淡已經交比老公食埋佢🙈個雞肶唔鬆，個涵一pat野咁蛋撻好少少，微暖個皮唔鬆…個蛋偏甜，無咩蛋味，但幾中意佢郎郎下蔥油豬扒飯幾好食但作為主角之一嘅勁少蔥油，得勁少…完全唔夠撈飯豬扒幾鬆，一厚一薄茶走…對於好少飲嘅我覺得幾好飲，但老公話金鳳嘅好味太 多總括黎講…無下次

成日聽聞呢到既咖啡奶茶同炸脾好岀色，所以趁書展順便試下大約3點去到，職員話書展期間冇炸雞脾下午茶，所有餐都寫哂係常餐張Menu到揀左好耐因為唔知食咩好，最後見個提子多士幾特別所以叫左個常餐A沙嗲公肉麵：港式茶餐廳經典食物，一定好食啦！點知個沙嗲牛肉係凍既…個麵唔夠熱整暖佢…牛肉冇肉味同唔係新鮮牛肉口感，始終醃左咁耐都明既，味道偏咸凍奶茶（$24）：茶底濃，有回甘，但唔算滑。叫左正常甜度但飲多幾啖係覺得茶太苦提子多士：原來係提子方包，提子個量都幾多，甜甜地幾好食，食到中間原來佢加左牛油係中間，呢種甜度既包加牛油唔夾香蕉斑蘭蛋糕幾好食，香蕉味好突出，加上淡淡既斑蘭味，而且成個蛋糕都好鬆軟，好食腸仔煎蛋勁多油，腸仔好咸凍咖啡冇咩特别，係預期內一般茶餐廳既味道

🏳️ 伏到無朋友 🏳️如果大家有睇開我嘅食評，都知道我支筆係比較 [ 厚道 ]，絕少會比負評，但今天我嘅小宇宙確實要爆了，真係好耐無食過咁差勁嘅野，真係不吐不快。😖檀島 呢個名字，相信老一輩嘅人必定聽過或食過，我亦係從我媽口中得知呢間餐廳嘅存在，見今天一個人嚟開灣仔，就即管會一會您。😝坐底後環顧四周，見食客唔多，心已涼涼地，因為依家正係晚上七時，無可能咁少人架？不過我見既然已經坐底了就試一試吧。🧐他們的價錢喺茶記來說並非好平，反而我覺得有一點進取添，當時我仲以為可能價錢貴所以少人食，最後我梗係錯哂喇。😞😔餐牌上有一道喺茶記極少睇到嘅食物，[ 馬來肉骨茶 ]，一向喜歡食馬拉菜嘅我，梗係即刻 order 啦 .... 😁老實講，無論我喺馬來西亞或其他地方，我真係食過好多好多次肉骨茶，但呢度所比我嘅，確實係最差的體驗。👎1) 湯頭顏色正常，但上枱時個湯只係微熱，淨係呢點已經扣佐好多分，而最重要係個味道，大佬 ! 個湯非但一點藥材味都無，更甚個湯係甜㗎，重要係好甜，搞乜呀？😡2) 湯裡嘅腐竹同豆卜究竟煮熟未？點解咁硬嘅？🤨3) 排骨完全唔嫩滑，甚至有部份重要咬唔入，究竟我食緊乜野？😩原來老字號未必

2022年5月26日下午二時半，我同朋友到來叫咗兩個蛋撻兩杯熱飲，當時侍應話蛋撻要等，咁我哋話冇所謂啦。但無耐不到一分鍾兩個蛋撻就嚟咗，一食之下原來唔係新鮮出爐嘅蛋撻，係翻熱嘅蛋撻！我們非常失望！跟住臨走我哋同侍應及收銀反映，侍應死撐話係新鮮出爐嘅！我唔係第一次食蛋撻，亦唔係第一次幫襯檀島！你用啲翻熱嘅蛋撻嚟頂替新鮮出爐嘅蛋撻就非常之唔誠實！我唔會再幫襯！😡

久聞其名一直想要試吓正好住附近嘅酒店早上起床就直奔檀島早餐唔平兩人兩個餐一個蛋撻一個菠蘿油心中所想的美味正在眼前出現😵😵😵你諗多咗雪菜肉絲米沒味而且雪菜可咬出渣架豬扒公仔麵豬扒鞋到食唔落蛋撻尚好，唔太甜，但酥皮脆唔脆？見人見智啦仲有馳名嘅菠蘿油🤬🤬🤬你有冇試過凍菠蘿包夾片牛油？？？如果冇試過可以入去一試包你終生難忘結果勉強喝完杯馳名奶茶☕️終於百幾蚊買左個早餐單失敗失望😞尼個年代靠食老本應該會執笠唔明點解仲可以生存咁耐🥶🥶🥶🥶🥶🥶

自從移居臺灣後，十分想念港式日常食物，更傻得自學了沙嗲牛肉，以安慰自己的口慾😂。在臺灣，近幾個月，在竹北大遠百（遠東百貨）Basenent，都開咗間檀島（但是否與香港檀島有關？這個我就不得而知了），番開嚟香港，過嚟灣仔辦些文件，順便嚟檀島朝聖，食個常餐、蛋撻及嘆杯靚啡，對上一次過嚟，睇番Google Map已是八年前了。 香港茶餐廳通街都係，做得好的，比比皆是，它到底有何獨特之處？ 食後感....檀島煮食的基本功打得好，還有與食客的互動（Cashier靚姐與我老媽吹水閒聊），還有一般茶餐廳看不到蛋球、沙翁（兒時在酒樓也能吃到的），這都是我們值得懷念既地道香港人口味及人情味，可能係這個原因，在疫情下，對檀島依然沒影響。

而家堂食下午茶堂晚飯再食消夜是常識吧！講返堂食，選擇都算多，常餐一向my favour.尤其最好有提子多士嘛，雖然要加$3。點知...叫到時話無提子多士，傷心，又廢時再唸食乜，算。食住多士先。個意粉質感幾好，唔太林，爽身，硬硬地我最like.炒蛋算大份，鮮奶味唔重但都夠滑，唔錯，多士係厚多士黎嫁，正。另一個餐叫左all day breakfast..呢個價錢$55一個all day，個魚柳算大塊，唔散，夠脆身，出面all day可能多幾條沙律菜，就買八十幾九十蚊嫁啦！個煙肉唔太油，有D成百蚊嘅，塊煙肉都油林林嘅。裡面仲有條腸仔嫁，係傳統廚師腸，咸腸一條，但都已經夠抵食啦！呢間舊式茶記，佢出面嘅包點好引我，每次堂食都出去買埋先走。有機會經 過可以買，最愛朱古力曲奇。最後，仲有笑位，幾幽默

一早經過灣仔，就想起檀島，佢係歷史悠久嘅茶餐廳，就去食個早餐～🐮沙嗲牛肉麵：好多沙嗲醬，攪到成個麵偏咸。麵就正常，唔會太硬或者淋晒🥪火腿蛋厚多士：多士都好脆，火腿正常，蛋就唔係滑蛋。☕️熱檸茶：茶味都好足，帶有少少澀。整體只係一般😐

今日過黎灣仔做野，經過呢間有甘上下歷史既茶餐廳。早餐沙嗲牛肉米粉 $42推介指數⭐️⭐️⭐️⭐️黎到茶餐廳第一時間梗係要試吓佢杯奶茶夠唔夠正宗！熱奶茶茶香奶滑 我冇落糖 都非常好飲 冇澀味！塊包同蛋就不過不失 蛋都幾香。沙嗲牛肉米入邊勁多塊牛肉，沙爹不錯 唔喊。

明明叫左葡國雞飯，上到黎係番茄焗雞扒飯，confirm多次兜嘢究竟係咩啲服務員都好肯定咁答係葡國雞飯🙂冇嘢講🙂仲要兜嘢唔好食，都要收75蚊…同埋點解西多可以咁難食？？入面加左啲唔知咩柚子果醬定咩，味道超唔夾，啲麵包又綿綿爛爛，成個口感同埋味道都超奇怪…啲人侍應仲要好似巡樓咁行黎行去望黎望去 食到好唔自在千祈千祈唔好入去呢間垃圾餐廳

周五放工比较早，想着吃点自己喜欢的comfort food，正好还在下午茶时间，点了一个番茄滑蛋餐肉菠萝包，同埋一杯牛奶红豆冰，去pickup。经过外面的橱窗望见banana pandan cake，啊下手了！就当是一次放纵的碳水开会~~！还会再来帮衬~~红豆冰就红豆冰咯，比较正常水准，但是这个菠萝包三明治真的是太好吃！！！我想，如果是堂食味道可能更好，因为我拎返屋企已经凉咗~但依然好吃😋！那个香蕉斑兰卷超意外，竟然好吃！！！质地非常细腻！！！总之呢这家就是外表包装普通平凡但质素都很不错的下午茶不二之选~

返工去到灣仔，走咗入一間舊式嘅茶餐廳，有一啲舊式嘅情懷，都係食佢哋嘅午餐套餐，叫咗個蒜蓉雞扒飯，蒜蓉汁都幾有蒜蓉味，但係橙色嘅汁只係落得太多食用色素。雞扒都幾軟熟，但係雞味就唔重，都會當自己食緊一舊肉，但係唔講唔會知係雞肉。個飯就偏硬，吾撈埋啲汁會比較難食，但係食得太多汁就會好唔健康。舊式嘅茶餐廳姐出名同埋最唔會中計應該都係熱奶茶，茶味幾香濃，花奶幾香滑，果然無論係任何天氣點都要飲熱奶茶，但係人就比較多，午餐時間預咗要同人搭枱