Horizon

Open Now

Now Closed

👧🏻😋👅🍽✨工廈出色蛋糕🎂-⚖️ 工廈甜品工場+餐廳, 裝修簡潔有少量打卡位置進食; 水泥色牆身用卷紙寫低是日有售既款式, open kitchen好開揚企理⚖️ 主打軟心芝士蛋糕同生乳卷, 都係用日本原材料, 唔同口味都按時令提供-🍰軟心芝士蛋糕 - 意大利西西里開心果 $78💯層次極豐富, 有軟心芝士, 果仁餅底, 果仁碎同無糖純開心果醬, 全部都好香開心果味💯軟心芝士無需流心, 做到成件都好香滑軟糯, 最欣賞面頭個開心果醬係用純開心果打成好突出! -🍑生乳卷 - 山梨縣北海道芝士水蜜桃 $52✨戚風蛋糕口感濕潤一啲都唔乾, 包住香滑生乳忌廉同香甜多汁水蜜桃, 配搭簡單而完美

🥛佢個開心果牛乳真係好正！用足日本100%純生乳再配搭自家製開心果醬，開心果醬味道勁出，好濃郁。上面層奶蓋同香烤開心果碎，飲落去有層次感，連啲開心果碎都脆咖。唔會過甜，味道非常balance，成個口感都好豐富，係開心果控必試之選！🧀蘭王蛋北海道煉乳芝士蛋糕偏向輕盈，入口即溶，好smooth。用咗蘭王蛋，蛋味好出，味道唔會太膩。上面即燒咗層焦糖，適合鍾意食唔係太甜嘅朋友。去之前記得去佢哋社交平台嘅story睇吓當日有啲咩款先呀❤️

今次到訪觀塘工廈入面嘅一間蛋糕店🥰 裡面設有少量座位可供客人堂食打卡👍 設計簡約又清新，文青風濃濃❤️ 店舖有多款口味款式嘅甜品提供，包括生乳卷、軟心芝士蛋糕、奶酥磅蛋糕等，仲有特調嘅開心果牛乳提供🤩🌟 款款精緻又富特色😘 今次㨂咗香印提子蜂蜜乳酪配焦糖脆脆口味嘅生乳卷😍 戚風蛋糕好軟熟鬆化，濕潤易入口，中間填滿輕盈滑順嘅生乳忌廉、爽口甘甜嘅香印提子，再加入蜂蜜、乳酪同埋焦糖脆脆，口感味道都非常豐富❤️ 另外㨂多咗一款意大利西西里開心果口味嘅軟心芝士蛋糕😋 蛋糕口感香滑軟糯，外層結實，內裡軟心柔軟富口感，食落帶有香濃嘅芝士味，結合開心果嘅堅果香，滋味極佳❣️

喺觀塘食完Lunch，意外發現附近嘅工業中心有間好味嘅蛋糕店，聽講遲啲仲會開埋門市好期待呀！近排好鍾意開心果😍就揀咗佢哋嘅開心果cheesecake同開心果牛乳🥛ღ LAVA CHEESE CAKE 軟心芝士6"切件意大利開心果芝士蛋糕開心果味香濃，再加埋面頭自家製嘅開心果醬同最底嘅開心果脆脆，濃郁而不膩ღ Pistachio milk 自家製嘅開心果醬加埋日本嘅純生乳，再加上面層濃郁嘅開心果奶蓋，飲落仲有粒粒嘅開心果碎，層次感豐富(¯`◕‿◕´¯)ღ

《Horizon - 觀塘》觀塘一向出名多工廈小店，cafe、cake shop 尤其為多，除左最出名果幾間人龍店外，原來近期都開左幾間不錯既餅店🤓機緣巧合之下，我喺搵開心果甜品時搵到呢間清新小店😎撞下手神午飯之後去望下有無現貨買啦😏店舖有少量位置可以坐底食件cake 飲杯野，靚靚店主由沖飲品到招待客人都一手包辦，令到客人更感受到小店對整餅及run cafe既熱誠同親切感，今次試左兩款蛋糕同一杯飲品🥃全部都係我最愛既開心果味呢💁🏻‍♀️開心果仁麻薯Roll Cake $48Roll cake 係Horizon 既招牌之一，可以叫店主將roll cake加糖炙燒，會有一層脆卜卜既糖塊，令到件cake 食落質感同味道都更有層次☺️Roll cake 入面既cream好清新又唔會太漏，食到粒粒果仁之餘仲有煙韌既麻薯，整體感覺唔會太甜，各種食材可以充分地互相balance 👍🏻炙燒絕對加分💁🏻‍♀️開心果仁奶酥磅蛋糕 $36磅蛋糕既質感同roll cake 都幾大對比，磅蛋糕質地較實一點，食得到牛油既香氣同埋果仁碎，味道算係一款比較傳統既西餅感覺💁🏻‍♀️開心果奶(L) $58坊間有好多開心果奶既飲品

星期六吃晚飯前先到觀塘Horizon 吃甜品。甜品店提供卷蛋、磅蛋糕、芝士蛋糕和開心果牛乳。我們選了一個山梨縣水蜜桃芝士卷蛋和蘭王蛋北海道煉乳軟心芝士蛋糕現場吃。山梨縣水蜜桃芝士卷蛋卷蛋和水蜜桃非常搭配，水蜜桃水潤的口感配上卷蛋的蛋糕口感，變得非常濕潤可口，中間夾着芝士忌廉，增添軟綿綿的口感，有驚喜。蘭王蛋北海道煉乳軟心芝士蛋糕(炙燒版)軟心芝士蛋糕走實心路線，沒有流心效果，但芝士味道和蛋味突出，還有炙燒過的味道和口感。

📍觀塘 Horizon不嬲都知觀塘工廈嘅區域好多隱藏正食店🫖，而甜品店就更加多🧁。今日就嚟到位於開源工業大廈嘅一間新開卷蛋專門店，入面嘅裝修非常之簡潔，但又超有設計感😽。對於鍾意打卡、食甜品嘅朋友，呢一間餐廳一定係一個best choice🤍。而且佢除咗堂食之外，仲有外賣可以選擇，而且更加可以訂製生日蛋糕，有唔同人數可以選擇，唔使擔心約朋友出去會食唔晒，但係因為係新鮮製造，而且係選用當季當造嘅食材，例如士多啤梨就淨係會冬天先可以提供，所以店主都提醒我如果要訂蛋糕，要早少少同返佢哋講，或者提早查詢定🫰🏻。焦糖奶醬香蕉lotus卷蛋今次試咗佢呢一款卷蛋，入面係採用咗香蕉加奶醬，以免頭有一層香濃嘅焦糖。整體嚟講味道唔會過甜，而且非常有特色，奶醬同香蕉亦都好夾，而且因為係新鮮製造，所以卷蛋口感好幼滑，唔會有雪咗好耐嘅感覺。🙂‍↕️開心果牛乳今次真係第一次飲開心果味嘅牛乳，呢個飲品係有三層，最底嗰一層係開心果肉，中間係牛乳，上層仲有一個奶蓋🐮。店長仲好好咁提醒我哋飲之前要攪勻佢，果然層次非常豐富，而且味道好夾，仲要有啲開心果肉嘅口感，超讚❣️。

等家姐收工的時候，去左觀塘的工業大廈物色一下蛋糕、甜品製作班，可以襯暑假帶姨甥👦🏻👶🏻去學下。留意到【Horizon】尚算新開，主要環境不大，但乾淨企理。店內還有小許位置可以坐下來，食件cake，嘆杯飲品，放鬆一下。最後我決定買件cake坐低等家姐！😂 ⦁竹炭九鬼黑芝麻麻糬奶酥 $34入口芝麻味香而濃郁，搭配麻糬，口感酥脆之間帶點煙韌。  ⦁開心果紅莓乳酪雙色卷 $52現場即食，店主會特製焦糖脆面，外圍蛋糕軟滑濕潤有濃濃的豆香味，內裏有乳酪紅莓餡料酸酸甜甜。整體蛋糕有多重口感，面脆底滑，上甜下酸，但出奇地融合好味😋😋。  ⦁Pistachio milk $48香濃豆奶味🥛，配上淡淡的開心果味，味道清香不太甜。  🍰生乳卷製作班🍰✦課程時間：每堂大概2.5~3小時✦課程費用：費用包含師資、配方講義、材料費一人製作一卷：$680（試堂價）製作25 cm卷蛋二人製作一卷 +$320：製作38 cm卷蛋，每人可帶走19cm成品✦課程形式：實作及示範✦開課標準：以小班形式教授，每堂最多1-3人