養和醫院餐廳

Open Now

Now Closed

鮮果雜莓撻 （$38）大量新鮮嘅生果，清甜美味，配上杏仁片，更有層次感。生果底下係吉士餡，一如以往甜度適中，口感香滑。撻皮係曲奇皮嘅口感，令我諗起細個最鍾意食嘅曲奇皮蛋撻。養和出品，真係每次都好有驚喜👍🏻。

留院病人餐牌選擇減少了, 但以住院的病人送餐 服務及質素來說, 仍是優良. 性價比最高是早餐. 如是日午餐及晚餐可以送到病房,可令病人有更多選擇,可惜他們只會送病人餐牌內的餐點到病房.

養和醫院餐廳一直久仰大名，個個都話呢度係私家醫院餐廳中嘅極品。逐之有機會一試。Weekend入住醫院作輕度維修，可以食足幾餐，試了很多道”名菜”。揚州炒飯😃味道不錯，鮮蝦大隻彈牙，有很多叉燒粒，飯粒乾身分明。乾炒XO醬蝦球烏冬😃新鮮珍寶大蝦球，烏冬充滿色澤，賣相吸引。菠蘿咕嚕肉☹️此餐廳標榜即叫即做，所以等候需時。但如果係即做的話，點解一舊脆口嘅咕嚕肉也沒有？青椒也焗到發黃，口感係街坊小店兩餸飯，整好擺咗3個鐘頭嗰D質素。真係唔知佢憑咩收$158！上海回鍋肉😃夠味道，比坊間一般回鍋不算多油，回鍋肉肥瘦適中。原㷛雞球飯☹️特意點了此養和名物，賣相還可以，配上點點薑絲，㷛底留有脆口飯焦，但飯心爛pat乃超失敗之作，係我食過最差嘅㷛仔飯。陳醋鱈魚球㷛😡份量少不特止，仲係油浸鱈魚㷛，伏到爆。燒味雙拼😑可選燒腩仔、叉燒、燒鴨、雞。燒腩仔夠脆皮，肥瘦稱均，着實不錯。叉燒算把啦，都係返出去食好味得多。星州炒米😃色香味俱全，夠乾身，沒有多餘油份，好味！貴妃雞🙂味道、賣相還可以，但係要$518⋯薑米酒炒西蘭花😃薑汁、酒味濃郁，新鮮即炒，小菜之中算係最佳之選！總結：名不符實，呢度係我食過嘅私家醫院餐廳收費最貴

陪老爸入院做身體檢查，順便在食堂吃完晚飯才離開，對這間食堂一點也不陌生，吃過很多次，常吃的是滑雞煲仔飯🐥價錢不算便宜，但份量和質素都不錯👍可惜今次再吃就見失色了一點😲雞還是嫩滑，但飯太難，口感不好，菜沒有下油，湯也清淡，頗健康👌咖哩味道適中，少少香少少辣，失敗的是我轉了糙米飯，還要額外加10蚊，我本身在家長期食開糙米飯沒有問題🍚但這個糙米味道得無法食得落😖要用大量咖哩汁掩蓋這味，吃了幾口就作罷😒值得讚賞的是服務質素一向不錯👍，無論是收銀員還是男女侍應，態度都頗有禮💁🏻‍♀️💁🏻‍♂️

之前因為老公要入養和醫院做手術，留院一晚，所以有機會品嚐到馳名嘅養和醫院餐廳。朋友事前得知，已經同我推介左幾樣必食嘅食物，尤其係雪菜肉絲湯米，佢話係佢人生食過最好食嘅雪菜肉絲湯米，叫我一定要試試。係老公留院兩日一夜嘅期間，係嗰度食左早午晚3餐，全部都係在病房點餐，食物再送上病房，由點餐到送餐需要一個鐘或以上，所以要預早點定，肚餓嘅話有排等。病房景觀因為始終都唔係平時出去食野嘅心情，所以食物都無影相，只係臨走時影左個餐牌。美式早餐，夠豐富，不過不失。奄列同通粉，正正常常，無咩特別。蜜汁叉燒，肉汁豐富，肉身嫰滑，配埋蜜汁，好好味，超水準！必食！星斑球粥，d星斑球啖啖肉，又鮮甜又滑，好正！必食！飽魚雞球煲仔飯，後尾上網睇返先知原來呢道菜好出名。真係好好食，d飯吸晒d雞汁同飽魚味，好入味，雞又夠嫰身，好食到可以一個人清晒d飯，強烈推薦！雪菜肉絲湯米，朋友真係無介紹錯，湯底濃，又足料，成碗麵好夠味，唔係出面嘅淡茂茂味精粉湯底嗰種，而個米粉亦都唔係出面食開嘅米粉，有點彈牙，好味道以上食物雖然係好食，不過都唔想再食到，始終係醫院地方，無咩事都唔想再尼～希望人人身體健康啊！

來到富貴醫院探訪，走之前去醫院餐廳食晚飯。飯堂在4樓，侍應會帶位入座，餐點比一般飯堂高檔，不是快餐類. 眼見差不多每一枱都點煲仔飯煲仔菜，想必是這裡的名菜吧。由點餐到上菜，不到10分鐘，幾肯定不是由生米開始煮成的。但不要緊, 正如宜家都無生炒糯米飯啦，都係電飯煲煮好再炒的。雞煲飯盛惠$108, 加$30有老火例湯加豆腐花。是日老火湯係苦瓜瘦肉，好夠熱，無味精。跟餐有單純的水煮菜，無多餘的蠔油生油淋面，我好喜歡。雞煲做到有飯焦，雞件滑冬菇厚肉又入味。豆腐花的桂花糖水清香，完美的句點。

食物直程係酒店級質素但無咩嘢唔想去食Btw 個Mango Tart 真係勁勁勁勁好食啲芒果粒粒勁甜 個曲奇批 係我鐘意既曲奇 又厚又脆平時最憎食白朱古力 個呢舊唔甜又恰到好處Mango Tart 10/10!-個香蕉朱古力蛋糕 雖然朱古力好rich 入面嘅蕉味都好balance 到但太漏 我呢啲嗜甜怪都頂唔順 同埋入面喔蕉蓉唔係話做得特別好 7.5/10-太on x 揀左食海南雞飯唔記得呢個地方一定要做到好健康唔油膩個海南雞唔肥少少其實唔好食仲有飯太鞋口 大易散 唔夠椰香湯又係太健康 我覺得偏淡但事實係佢suppose 就應該係咁健康至岩所以 正常人係唔應該叫海南雞飯嘅 7/10P.S. 啲醬汁好食hehe-嚟到全城熱棒嘅煲仔飯 9/10我哋叫咗北菇雞非常好食！！！！！睇個樣已經好足料冬菇又多lum 又入味 而且大大舊 一啖咬落去啲汁會成個口都係個飯又係世界級 唔會太硬 又夠乾身 唔洗落鼓油已經好夠味仲要個飯焦 岩岩好熟到脆 一啲燶都無放左成15mins 先食食焦都仲係咁脆無食雞但睇圖應該都ok怪不得賣到咁貴差一分無俾滿分因為第二次食嘅時候竟然無咗飯焦 煮得唔夠耐-結論係 真係好唔錯

特意到養和醫院餐廳吃午飯，意想不到的驚喜好味！午市套餐比起街上的稍微有點貴，食過才知道是值得的！餐廳對正馬場，個view勁舒服悠閒，擔擔麵無論湯底、排骨同配料都絕對不馬虎，食完味蕾感覺好幸運呀！不過對於大胃王本人，麵嘅份最有dddd小。。。整體都係好滿意喔！！

［雞肉芝士忌廉汁意粉］跟湯、餐包、香蕉紫蘇番茄忌廉湯偏酸，我中意意粉汁質感濃厚，好香，麵好好咬.［炸龍脷魚柳漢堡］跟湯、香蕉薯條炸得好香脆，無燶，略偏鹹漢堡幾好食，如果夾多啲菜更好.呢間canteen宜食西餐，係度食燒味飯/雪菜肉絲米一樣收$88 😂😂😂😂😂

一打開餐牌可能覺得貴，其實係跑馬地黎講，係少少貴得黎好好食嫁啦加上我已經食過同區嘅餐廳，如果講中菜當然有俾佢更平嘅選擇，但係質素參差。尤其是係煲仔飯真係無得輸！其實就算係其他嘅小菜質素都有返咁上下，最緊要係我相信佢嘅衛生一定會比外面嘅餐廳好，所以誠意推薦。當然喇如果講西餐，跑馬地又真係多好多其他嘅選擇嘅，淨係講食牛扒都有好多唔同嘅選擇啦點好食法呢熱辣辣上台，淋豉油，犯有雞油香味，雞肉質嫩滑，飯有少少煙un 嘅口感，我覺得仲好食過廟街嘅煲仔飯。栗子芒果慕絲蛋糕西式甜品$38件，個樣比未得到酒店嘅，味道都可以，食完飯不妨試一件仲有一樣值得分享就係我地all day breakfast 最緊要係抵有炒蛋蘑菇煙肉兩塊薯餅兩條腸仔牛奶麥皮多士果汁茶或咖啡都只係$11x

身體出了毛病，要入廠小修，三日兩夜裏，有些膳食由太座帶來，而其中一餐，我想點送餐服務，因為我想試這裏的煲仔飯。曾聽聞及看報張專欄的報導，大都稱讚這裏的煲仔飯，算是有點名氣。這間是香港最頂級的醫院，各方面都力求盡善盡美，包括膳食，餐牌印刷精美，每項食品都列明有多少加路里，脂肪，蛋白質，碳水化合物等。在病房裏按下呼喚鐘，有護士進來幫你落單，點了原煲滑雞飯(有骨)$108，大約等了一小時，食物送來了。煲仔飯以餐盤盛著，除碗，筷，湯匙外，還有一隻金屬匙羹，方便用來刮煲底的飯焦，揭開煲蓋，雞的香味撲鼻而來，飯面放滿雞件和冬菇，我打開附上的李錦記甜豉油包，放些少甜豉油，並用鐵匙翻土般將飯從底翻上翻勻，發現有不少金黃色的飯焦。雞件是有骨的，我認為無論魚或肉，連骨的會好味些，事實上，這些雞真的很好味，很香，也算嫩滑，冬菇厚肉，飯，是主角，雞油和薑的辣味統統都跑進飯裏，每一口都很滋味，而飯焦都是金黃，沒有過燶，香脆可口，不知不覺整煲吃光。過了一段時間，敏感的口腔因吃到味精而出現了苦味，相信雞件沒有問題，應該來自那包甜豉油。翌日，點了一杯咖啡$21，質素很好，比名牌連鎖店的好得多！

係醫院住左近百日，食左過百餐，我諗可以開一篇食評俾住院既病人。住養和好處係選擇多，食得開心，快d好返我食既係低菌餐（即係唔可以生、醃製）係餐牌上選擇得返一半，如果你冇揀低菌，護士一定彈回頭要你再揀過。（有d野越係禁止就越想食）早餐：低菌餐選擇得幾種粥、麥皮、通粉。餐牌上三文治唔食得！ 我自己最鍾意食麵包類，原來係可以架！三文治可以要求廚房用錫紙包裝，焗熱上，價錢另計。營養師話破例呢個安排係方便外國人。選擇方面，我多數揀雞蛋或花生醬，係有質素既高蛋白食物。雞蛋係碎炒蛋，花生醬要自己搽。有時我會加奶茶，呢度奶茶唔錯架！午餐：病人消化慢，下午我通常會叫粉麵。呢度我推介星斑球麵、牛腩麵（可轉米粉），都係上品味道！ 有時我會叫低敏餐牌入面既雞肉米粉（正常餐牌冇），因為低敏所以非常淡，近乎冇味！我之後開始叫多一個意大利雜菜湯或酸辣羹，撈落去d粉麵度，又可以開胃啦！酸辣羹比較稀，唔似出面d上海餐廳，餡料豆腐比較多。有時我會叫老火例湯，好足味。可惜低菌餐完全冇湯渣，各人喜好唔同，我就喜歡有湯渣。晚餐（西式）低菌餐一定要全熟，基本上全熟都比較乾，價錢許可的，可以叫多個西湯送。不過有驚喜既係，絕對可以叫牛

新增一個中式湯套餐$280， 早一日預訂。湯會分三次送到 房間,10:00am,12:00pm,6:00pm。每次都有一份湯渣及約600ml的湯. 湯比起平時的例湯煲得更好。材料更新鮮，煲完湯的 瘦肉依然非常鮮甜。 湯不是太濃味， 不過湯渣的擺盤都精緻， 份量多有定時會送到 ，所以每天都叫一份。 當然一天要喝三次同品種的湯可能有點悶。基本上過去九年， 一年會住四丶五次醫院 。每次住養和都不太擔心膳食。 另一間有這個質素的是仁安。置於法國及浸會就十分差，次次入這兩間醫院都很苦惱。 需要每天叫 家人送食物。

今日又來到富貴飯堂進餐，超開心呢，又有好東西吃。今次叫了一個海南雞飯套餐($128)，加配了西餅乙個，自選榛子朱古力芝士批($30，原價$38)。雖然以午餐價錢來說比較價，但質素保證，果然沒有失望。先講海南雞飯套餐(評分8/10)，海南雞件肥瘦適中，滑而有汁，即使胸位亦依然濕潤，不會過老。正。飯有雞油味，香味四溢。菜心清甜無渣。而跟餐的湯不像坊間的例湯，十分高質素。清而甜，不會死咸，我想應該是放了海味一起煲煮。好味道。吃完美味的海南雞飯，又豈能不加配一個甜品。難得跟餐價只是$30。但提提大家，不是所有套餐都可以以優惠價加配的喔！買前請詢問一下餐廳員工吧！是次我叫了榛子朱古力芝士批(評分7/10)。這個甜品對於我來說比較甜了一些。原因是我平時都食慣了少甜或是微甜，哈哈。不過，榛子朱古力芝士批是值得一嚐的。榛子朱古力和芝士神奇地合襯，合二為一，一點違和感也沒有。批上的朱古力片入口即化，大滿足。加上金箔，整道甜品變得更高貴。正正是內外兼備。養和醫院有獨立自家餅房，保證每日新鮮製造，獨一無二之made in 養和，別的餅店找不到喔。養和醫院的甜品蛋糕之所以這樣講究，全因為院長而嗜吃之人。所以，

養和醫院是全港最頂級的私立醫院就人所共知的，但他的餐廳是由五星級大廚主理就未必人人知曉。工作關係，有幸來到這富豪醫院裏的富豪飯堂進餐，也是一樂也。今次，我叫了一個午市套餐，芝士火箭菜肉醬軟法包薄餅配薯條，隨餐有蘑菇忌廉湯和小蘋果乙個($80)。先贊軟法包，烘焗過的軟法包外碎內軟，熱烘烘的。美味！加上火箭菜更是一絕，大大減低了芝士的油腻感。唯一可惜的是，芝士味沒有層次感，為此包略減分數。此菜加分位是薯條，薯條鮮炸香口，比起m字頭薯條有過之而無不及。而跟餐的蘑菇湯絕不馬夫，蘑菇打碎和湯合二為一，一個字，香！ 整體而言，養和醫院的餐廳實名不虛傳，有很不錯的評價。我會再來的！補充一下，養和醫院午市套餐$80，有中餐和西餐選擇，各有大約四至五款。雖然餐不跟飲料，但跟湯和水果(蘋果、香蕉、橙等)。價錢實在合理。當然，賣點是由五星級大廚主理，質素確有保證。還有，午市套餐款式一星期轉一次，保持新鮮感。當然，還有例牌菜單，下次有機會，再同大家介紹養和三寶，其中一寶的煲仔飯！順帶一提，甫入到餐廳就會有親切的店員帶你到座位，看過餐牌後，要自行到收銀處叫餐喔！食物準備好時，就會有禮貌的店員為你送餐呢！