熱點點心專門店

Open Now

Now Closed

係平台下單叫外送，叫左6道餸1豉汁鳳爪: 蒸得唔夠淋，唔夠耐，要好用力咀嚼2蝦餃：食材唔夠鮮，落好重味精，令人口渴3牛肉球：蒸得唔夠淋，彈牙到好似龍蝦丸咁4炸芋角：可以5皮蛋瘦肉粥：多料，但我唔好皮蛋6珍珠雞：呢個最難吃，有浸漂白水味有點拿口，唔知咩事唔敢食整體來講，食材準備時間不足，預熱時間不足，沒有老牌點心的水準，用時間趕出來嘅快餐，感覺好敷衍，上到枱就算數🫠🫠🫠伏過最緊要記得餐廳名，先唔會再伏，自我提醒，唔好再嘥錢俾佢

港式茶餐廳可以來逛街之餘邊享受美食🍴-📍水晶鮮蝦餃 紮實的蝦肉 一整個滿足感喜歡吃蝦一定要點👍🏻-📍豉汁蒸鳳爪每次吃港式都必點 入口即化口味不會到太辣-📍奶皇流沙包 港式的經典 吃多有點膩鮮蝦餃 吃下來最推薦❤️

傳統節日總係想食返d傳統野食，適逢中秋節於是就決定去飲茶。但係一般茶樓大時大節都肯定會好多人，於是就決定試下呢類茶餐廳式點心茶樓。呢間熱點位置好方便，係正港鐵站隔離，平時都多人排隊，今日就特登早少少過去食。佢地裝修幾特別，牆上有好多香港特式景點插畫，都幾有心思。我地點左照牌既豬麥流沙奶皇包，日鵝夜鵝蘿蔔酥，鳳爪排骨盅飯，金牌蝦餃皇，八寶籠仔蒸飯，仲有雞扎。個豬麥流沙奶皇包造型可愛，奶黃流心好香好熱，推介！日鵝夜鵝蘿蔔酥都係貪佢造型可愛所以點，佢用左天鵝造型，都幾神似，雖然個皮硬左少少，但好足料，蘿蔔亦好滑。其他點心都好好味,八寶籠仔飯材料亦非常多，又大大盤，推介大家有時間去試下！總括而言性價比好高

話說行完半日麥理浩徑，一行6人諗住飲餐茶，係太子附近見到間有人排隊點心鋪，諗住一試佢究竟。一來我地6人就叫左8個點心，一個腸粉，一個籠仔蒸飯，侍應送餐一打開，蒸氣騰騰，食欲拌拌，蝦餃，牛肉，燒賣，粉果，芉角，咸水角，金錢肚，鮮竹卷，叉燒腸，樣樣精彩，夠熱又好味，加上籠仔蒸排骨飯一打開滿滿的蒸氣會使人食欲大增，不足20分鐘已經一干人等食飽晒肚，計埋茶位人頭4蚊都只是2百幾，每人多謝40元有找，實在市區難得等值荀餐。

約好朋友坐巴士去美孚，路途中忽然下起暴雨，暴雨持續我們也衹能呆在車上，到太子麗英大厦看見【熱點點心專門店】就在路旁，趕快下車一躍就進去了，里面座位較擁擠，但幹淨企理。我們畫了五個點心，服務員很快送來一壺熱茶。【雪山叉燒包】$22，端上枱熱烘烘，吃一口，包身軟香，餡料叉燒粒粒有咬口，醬汁亦不會過厚，很好吃。《千島醬蘿卜糕》$27，糕切成粒狀，四面煎得金黃，蘿卜和米漿份量適中，外脆香，內軟滑，配上木魚絲蘸些千島醬香甜可口。魚翅灌湯餃$20，大大衹，皮薄餡豐富。湯雖談不上濃郁，但也灌有海鮮的膠質味。蜜汁叉燒賜$22，腸粉够薄，蘸上香甜醬油很滑帶出叉燒的韌香。鮮蝦菜苗餃$23，餃皮透明，可見翠綠的菜苗和大大粒的蝦，菜嫩蝦彈牙相當爽甜。點心確實很熱，又好味。店鋪雖較擁擠，但有條理。牆身及店中的柱打造成多款精致的點心圖案相當吸睛，唯有待下次了。

這間點心店開了一段時間，但和它好像沒有什麼「緣份」，不是客人太多，就是服務員太少沒人理會，一直沒有幫襯過；早前經過見有位，就決定再來一試。早上到來，人流非常旺盛，而且大部分應該係附近街坊；看看餐牌見早上11時前，有多款特價點心，價錢相當親民；水準又不知如何呢？叫了其中三樣，鵪春蛋燒賣、皮蛋痩肉粥及雪山叉燒包。其中鵪春蛋燒賣最出色，燒賣蒸的時間剛好，不會過熟還帶有肉汁；叉燒包味道調配適宜，可惜外皮唔夠香脆，淋淋哋失色了一點；皮蛋粥就普普通通啦。吃三個點心連茶介埋單$65，都算超值，有興趣的朋友不妨一試！熱點點心專門店地址: 太子彌敦道782號麗英大廈地下C號舖電話: 26130661

「鳳爪排骨蒸飯」+「雪山包」神級炮製手法 當場宰雞+宰豬 去埋日本搬「富士山」過來 等足一個鐘🙂🙂 好好味牙 👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍👍

因為要去太子買野，又太耐冇飲茶食點心，所以上網搵左呢間。首先由花墟過去，沿途有三間點心，呢間門口冇人排隊，心諗會唔會GG… 好彩食完無失望！仲覺得好好食～藥膳鳳爪 - 煮得好淋 好入味雪山叉燒包 - 外脆內軟，但如果熱啲會再好味啲蘿蔔酥 - 正常蘿蔔酥囉，冇乜驚喜鮮蝦菜苗餃 - 蒸得好好 皮薄 鮮蝦爽口 菜苗新鮮魚翅灌湯餃 - 豐富味道餃子燒賣 - 可揀2粒/4粒，可以叫2粒，試多啲其他野餸

#熱店 晏就五點就食晚餐嗱🥰 ✨✨✨✨✨✨✨✨✨✨✨✨✨✨ 鳳凰煎米雞 👍🏻推介🎉 第一次食煎米雞 好香口 咬落去食到面頭煎香嘅蛋味 少食糯米嘅我都食咗兩嚿😋 煎得咁香自然多少少油 所以我都唔敢食太多嗱 食點心都係要開心Share先得 - 紫米脆網卷入面加入了蝦 個脆網咬落好脆口好香 不過表面紫米好似腸粉包住 唔太特岀 - 魚翅灌湯餃飲落好似食圍餐食翅咁😋 個湯餃包到脹畐畐足料 ❤️❤️❤️❤️❤️❤️❤️❤️❤️❤️ 店鋪：熱點 (太子) 地址：太子彌敦道782號麗英大廈地下C號舖

好耐冇食過點心啦！今日見得閒又同老婆一齊放假又唔使睇仔，於是乎上網睇吓有咩點心多人推介！見到呢間點心好多人話呢間好食，就決定去呢間試吓！入到去個阿姐安排過好細個位俾我地，之後就問你飲咩茶，好快就攞壺茶過嚟非常快手！我哋就叫左雪山叉燒包，蝦餃，粉果，蘿蔔酥同埋芋角！等左10分鐘左右啲食物開始上枱！先講個雪山叉燒包 ，又夠熟，個餡又唔會太鹹!蝦餃可以兩粒咁嗌，變相可以嗌多少少嘢食，又夠熱又夠大粒非常好食！芋角又係新鮮炸出嚟，又係好好食冇臭粉味！粒粉果都好足料！個蘿蔔酥賣相整得幾靚不過味道差左啲！總括嚟講（10分為滿分）味道8分環境6分服務7分價錢8分

名副其實的“熱點”。雪山叉燒包，鳳爪都是熱辣辣上台，連茶水都是水滾茶靚，偏愛熱茶的我有格外驚喜。特別一提：千島醬香脆蘿蔔糕，即點即炸，香脆可口，面上一層木魚薄片點綴，上台時隨蘿蔔糕熱度搖曳，真是難得一見的點心。

四日嘅復活節假期過得真快，襯最後一日假期想去吃點心，附近的酒樓都倒閉了，於是想起這間熱點。可能公眾假期的關係，茶位$4變了$5。正價點心：《虎皮煎釀尖椒 $22》即煎新鮮，喜歡蘸很多的豉油提味。《蜆蚧鯪魚球 $26》即炸新鮮，不腥有魚味，都算大粒，有配蜆蚧提味。《魚翅灌湯餃 $39》 這個點心總括來講算最貴的，所以都會有所期待，還好味道亦不差，有小小的一片魚翅，湯底亦鮮甜，加了醋更好味。《雪山叉燒包兩隻 $19》來到必食雪山叉燒包，皮薄軟熟又夠熱，中間的叉燒餡不會過多醬汁，很好吃。《藥膳燉鳳爪 $28》鳳爪份量算多，亦夠腍，但湯汁藥膳味不濃。《千島醬香脆蘿蔔糕 $29》很香口，蘿蔔糕 炸過外層有脆感，平時酒樓會配甜醬，但今次配千島醬感覺又不錯。《蜜汁叉燒腸$24》皮不算薄但有煙韌口感，叉燒餡都算多。點了杯《即磨豆漿 $12》分量比預期少。下午茶時段更抵食。

見依間點心專門店咁多正評，咁啱路經，決定試吓，等咗一陣有位，下午茶時間有優惠，見到魚翅灌湯餃$20 ，一定要試吓，招牌雪山叉燒包$18，值得一讚係魚翅灌湯餃雖然做特價，但D材料絕無嬉場，大大隻餃子🥟，餡料充足，魚翅大大梳，湯底濃淡適中，雪山叉燒包，熱辣辣，係幾好味，整體來講，D點心係幾好，不過我覺得個楊枝甘露糕一般，同埋環境比較窄.#點心#dimsum#太子#叉燒包#楊支甘露糕#下午茶#tea#灌湯餃

今日派消費券第一日緊係即刻攞同埋即刻出街消費幫助刺激消費！一去到太子見到周圍都好多人，見好耐冇飲茶食點心，於是上open rice睇下付近有咩點心店好食，見到呢間好少負平於是揀咗呢間點心鋪 ,一去到見到滿坐，個樓面派左張飛俾我叫我等一陣好快到我，等咗5分鐘就有位 ,（果然好快有位）睇咗點心紙都有好多點心選擇同埋都有好多特別嘅點心！蘿蔔鬚好精緻 味道都唔錯春風得意腸粉 ！呢個超好味一定要揀芋角，蝦餃同潮州粉果,三款都好食特別係潮州粉果。除咗環境比較窄,食物冇得頂同埋服務都唔錯 一定會再幫襯

在YOUTUbe，睇到有食評家，話呢間點心專門店，有我揾食肥華，早茶點心至愛之一，竽角好得，急不及待在4月3日，即時同靚媽到此店飲早茶，食此店名物，可惜當日我和靚媽在早上九點三十五分左右，到達此店，便聽到個，店員姐姐同個茶客講，芋角巳經沽清，要食明天請早，聽到呀姐呢番說話，肥華心情巳涼了一大截，但嘅然來到呢間，都係爆場嘅點心食店，就唯有轉攻佢其他點心，在點心纸上胡亂剔咗六七樣食品，發覺此店出品點心，味道不及新贊記，但又比中心店優勝，但講茶葉，此店就不敢恭維，如再來此店飲茶，肥華會自備茶葉