潮食 (乙明邨街市) (Closed)

因為疫情沒有堂食意欲，祇有繼續「潮食」雞蛋仔，現在雞蛋仔豈止重拾街頭小食的味道，鹹、甜、有餡、有肉....應有盡有！原味雞蛋仔、芝麻雞蛋仔、朱古力雞蛋仔，嘗味都分別分享過，今次嘗味抹茶雞蛋仔，我對食物加入抹茶感覺一般，但今次味道給我感覺良好，都想不到原來很夾。焦糖雞蛋仔是有焦糖餡，多一份甜，沒有怎麼特別。豬柳雞蛋仔，粒粒豬柳在烘焙中，完成豬柳雞蛋仔，放上一片芝士對摺便完成。我舌根對芝士如天敵，所以沒有嘗試。還有加隻蛋的焦糖蛋的雞蛋仔。

詢問度好高嘅雞蛋仔早兩日去嗰頭踩單車 無意中search到呢間小店🤍芝士豬柳蛋雞蛋仔($31) | Rating: 8.8/10其實佢有啲似格餅咁樣 整好成塊摺埋夾住芝士唔同平時嘅雞蛋仔會搣到完整一粒所以我只能好核突咁撕走少少先影到入面 sorry for柒相欣賞佢蛋漿比起普通嘅冇咁甜 咁會同鹹嘅餡夾啲 又保留到少少味道層次每粒都會食到豬柳同蛋 足料之餘做到每粒都外面脆卜卜!加上微甜嘅蛋漿 外脆內軟嘅口感調味應該有落少少胡椒 微辣更加香口個人覺得比起豬柳蛋漢堡with嗰塊夠極乾嘅包 呢個真係好食太多!!! (〃∀〃)小店喺沙田屋邨入面一個唔起眼嘅舖位仲有賣好多幾特別嘅雞蛋仔 例如手撕雞 香辣 蘋果肉桂味等不過嗰日太飽買唔到多一個了有機會經過可以試下

潮食 (乙明邨街市) (沙田)沙田乙明邨街9號地下乙明邨街市2-3號舖實不相瞞，我都好耐冇食港式小食！但係今次睇到雞蛋仔關注組既組員介紹，屋村竟然有隱世好味創新雞蛋仔，而且有組員係專程渣車入去，一見又喺我屋企嗰頭，就決定搵下～睇到menu，見到又真係好多唔同種類雞蛋仔，又pizza又餐肉蛋又豬柳蛋，好似好新鮮既配搭，唔知食落會點呢？💕 抹茶黑櫻米雞蛋仔 $21 (9/10)呢個雞蛋仔！係我暫時食過覺得最濃抹茶味既雞蛋仔（都可能因為我食得少🤣但係佢抹茶味真係好出，配搭黑櫻米咬感十足又香脆，好正呀🥳食完嘴邊仲係掛住一陣抹茶味，正到爆！建議熱辣辣食！😍 餐肉蛋雞蛋仔 $31 (9/10)呢個都一樣好好味！師傅真係好比足料，啖啖雞蛋仔都有餐肉咬到，好正，而且餐肉蛋同雞蛋仔都中和到鹹甜，真係唔錯既配搭！！而且望見佢既背面，勁吸引！！因為新鮮即製，所以都要等翻10-15分鐘～我閒日下午去都已經有幾個人一齊等～下次會好想試佢個蘋果肉桂，傳聞話好好味～～

與朋友閒談間推介「潮食」雞蛋仔，被我多年冷淡的雞蛋仔，因為疫情沒有堂食意欲，而重拾街頭小食的味道，第一次嘗味原味雞蛋仔$18，外脆尚欠完美，內軟有雞味。第二次嘗味芝麻雞蛋仔$20，雞蛋仔舖滿芝麻粒粒，賣相比原味雞蛋仔稍遜，但今次烘焙比上次香脆加埋烘香的黑芝麻粒，更香及口感更好。第三次嘗味朱古力雞蛋仔$24，我留意到製作過程，灌入朱古力漿後灑下朱古力粒，看來蠻豐富，有很香濃的朱古力味道，朱古力粒令口感多一份層次，甜而不膩。穿孔的紙袋可以疏熱，不錯。

無錯！真係豬柳強！❤️之前在fb關注組看到很多人推薦過，但小店位置比較遠，一直沒機會來～最近剛好到附近行山，肯定要來朝聖一下！😋⁡▪️豬柳蛋雞蛋仔 $31終於知道為什麼這款招牌會那麼受歡迎～因為真的是外脆內軟，粒粒飽滿，又夠熱辣辣！裡面有鹹香的半溶芝士、蛋和豬柳粒🧀🍳🐽有雞蛋仔的甜味，又有胡椒的辛辣❤️鹹甜交織很特別，不妨一試！價錢略貴，而且始終覺得甜味和茶味的雞蛋仔比較夾🤣純屬個人口味喜好～

潮食 (乙明邨街市)地址: 沙田乙明邨街9號地下乙明邨街市2-3號舖🔹🔹🔹🔹🔹🔹🔹🔹🔹🔹🔹🔹見到我個簡介都講咗我係好鐘意食雞蛋仔夾餅🧇嘅。以前最愛長洲阿婆雞蛋仔，不過無做喇。Follow 咗個雞蛋仔關注組見到個個勁讚，我都去潮聖潮食下先！地點起乙明村街市出面啲舖頭，地方唔大，都叫易搵。見到個舖面都好屋村feel，睇落都係賣啲普通嘢，撈麵呀燒賣魚蛋果啲。心諗，會有咩驚喜呀？所以無乜抱好大期望。見到個餐牌仲覺得雞蛋仔洗唔洗咁多款？！點知真係隱世小店，臥虎藏龍果隻！！！1️⃣豬柳蛋雞蛋仔（$26）拎上手好熱！比一般一底雞蛋仔扁但實同重！我一咬落去！嘩！好好味‼️‼️‼️‼️每粒雞蛋仔都有豬柳肉粒，仲有黑椒，芝士同蛋起入面夾住，係大量芝士一啲都唔手緊果隻！如果同普通雞蛋仔比，佢係貴咗啲。不過呢個味道我覺得值回票價。尤其我呢啲唔食金拱門嘅人，食佢好似食咗兩個豬柳蛋漢堡咁多嘅分量！2️⃣抹茶紅豆（$22）我太低估一個雞蛋仔嘅分量，所以無試到，友人食話ok。我覺得賣相都出色。下次一定要再黎試。整體好食指數：🤤🤤🤤🤤🤤（5/ 5）🔹🔹🔹🔹🔹🔹🔹🔹🔹🔹🔹🔹

星期日中午經過這間小店，看見有2-3人在店外等候並討論要朱柳蛋味雞蛋做還是玉桂味雞蛋仔，本人由於是街坊，看到有新奇有趣的小食，當然要試一試。我買了朱古力味雞蛋仔，下單後大約等了5分鐘便完成，十分快。很脆口，有朱古力粒在中間，但朱古力粒可更多，整體而言，性價比高，下次可試抹茶系列或有名的豬柳蛋

今日發現到街市既小店有好多款唔同口味既雞蛋仔，就買左款蘋果玉桂味既試下，應該會同雞蛋仔幾夾。雞蛋仔中間夾左一層蘋果玉桂醬，個感覺好新鮮，又幾夾，有小小似食緊蘋果批咁。$23價錢都合理！下次會試埋其他口味。

朋友見到有人介紹沙田呢間嘅豬柳蛋雞蛋仔，好似幾吸引就拉埋我一齊去食🤩 雖然依加越嚟越多唔同口味嘅雞蛋仔，但鹹嘅都無咩幾間有，更何況係豬柳蛋，就試下係夾唔夾先！等緊嘅時候見到都有唔少人幫襯，不過應該都係做街坊生意為主～•🥢 豬柳蛋雞蛋仔 $29係豬柳蛋包同雞蛋仔嘅混合版🤣睇樣係有啲醜，但食落幾驚喜喎！豬柳切咗粒，平均分佈喺每粒雞蛋仔入面，幾有誠意！芝士同蛋就喺其中一半嘅雞蛋仔到，上下夾埋一齊咬都同時食到晒豬柳、蛋、芝士同雞蛋仔，因為呢個雞蛋仔嘅質地就比較厚實同飽滿，食落真係似蛋味濃啲嘅豬柳蛋包🤩 不過就算即食個面都唔太脆，可能要原味嘅先做到脆面😢 但豬柳蛋就值得一試嘅！•🥢 蘋果玉桂雞蛋仔 $23呢個對比豬柳蛋就落差有啲大，雖然蘋果玉桂好多，鋪滿大半個雞蛋仔，甚至差啲爆晒出嚟，但蘋果玉桂嘅玉桂味唔夠，而且蘋果玉桂醬偏濕，令到成個雞蛋仔淋咗😢 口感唔似食緊雞蛋仔。

；豬柳蛋雞蛋仔 $29今日興致勃勃地試下佢個招牌，睇落普通，其實內有乾坤。一咬開入面係滿滿嘅豬柳粒，蛋香濃，仲有大量芝士，同麥記個早餐呀豬柳蛋bell一模一樣味。不過始終覺得甜嘢同雞蛋仔夾啲，呢個絕對可一試，但一次夠鳥，下次都係要返原味（平一半呀喂(* .ˬ.)"。\；原味雞蛋仔 $14；抹茶味雞蛋仔 $15好耐無見過廿蚊以下嘅雞蛋仔嚕。呢間小店本身喺上水已經略有名氣，之後搬咗嚟乙明。豬柳蛋雞蛋仔係招牌，今日唔太餓就無試，決定試原味再加個抹茶。雞蛋仔即叫即整，要等大約十分鐘；食落內軟外脆，夠曬蛋香又唔會太甜，抹茶味意外突出，推！(*•̀ㅂ•́)و✧btw，雞蛋仔定格仔餅？（why not both?)

放假冇野做，心血來潮就同屋企人去文化博物館做偽文青🤫因為唔想同人係新城市度迫，所以揀左好少去嘅乙明邨食午餐。食飽飽先醒起附近有沙田名物豬柳蛋雞蛋仔，決定去下潮聖🤘豬柳蛋雞蛋仔 $26 無諗到咁嘅組合會咁好食🤩每粒雞蛋仔都包住粒豬柳，絕對冇比少！夾埋芝士同蛋一齊食，一時甜一時咸，係味覺嘅衝擊呀💣見到佢有好多其他特別味雞蛋仔，下次試埋佢款夾心手撕雞雞蛋仔先🐤

係一個頻道見到"全香港最好食既雞蛋仔"標題，立即去試試佢位置當然唔方便，由沙田火車站行過去，快則都要15分鐘，被評為全香港最好食嘅雞蛋仔第一名，點都要幫襯下既當日試咗蘋果🍎肉桂口味，新鮮熱辣辣，即叫即整，可能期望越大，所以換來失望越大，真心講，餡料係十分之足夠既👍至於雞蛋仔應有嘅脆面就見唔到，🍎蘋果粒酸酸甜甜，幾開胃，但肉桂味就唔係好食得出😑以即整即食既出品來講，唔值得被評為"全香港最好食既雞蛋仔"😂

布布真係越嚟越為食居然走到去乙明村搵嘢食.小食店好多嘢食，多款口味嘅雞蛋仔，格仔餅，撈麵，燒賣魚蛋又點少得.我就揀咗夾心系列雞蛋仔-豬柳蛋口($26).睇住叔叔整已經覺得功夫好多，一層層加料，真係好似豬柳蛋漢堡咁一層層加落去.終於整好喇！熱㷫㷫特別正！.試下先，芝士份量好多，每粒雞蛋仔中間都有豬柳蛋架，非常足料！ 食到底又有原本雞蛋仔嘅香味，略嫌黑椒味有啲太重遮蓋咗原本嘅豬頭蛋同芝士嘅香味.PS最後有製作片段，記得睇呀😚😚 .潮食 (乙明邨街市) (沙田)沙田乙明邨街9號地下乙明邨街市2-3號舖.#第一次剪片 #3段剪成1段 #希望大家支持下 #剪左成個鐘 #ryanfoodie #foodie #hkfoodie #foodiehk #foodstagram #foodblog #eggpuff #shatinfood #yummy #delicious #foodphotography #潮食 #沙田美食 #乙明邨 #沙田乙明邨潮食 #雞蛋仔 #豬柳蛋雞蛋仔 #好好味

如果要介紹香港街頭小食咁就一定要講雞蛋仔咧間小店嘅雞蛋仔絕對係榜上有名甚至有好多人會慕名而去買佢地嘅雞蛋仔每一粒都係脹卜卜外脆內軟仲有超香嘅蛋味同埋佢嘅價錢係非常親民😍只需要$13就可以買到了小店仲有好多款新奇有趣嘅味道例如豬柳蛋，椒鹽蛋，香辣口味，蘋果肉桂，夾心芝士etc.佢地除咗雞蛋仔之外仲有好多嘢食咖格仔餅🧇撈麵手撕雞🐔仲有一樣野就係店員非常之Nice可能我真係買得太多個店員已經記得晒我嘅口味每次去到都知我要咩😂

\\香港街頭小食除咗燒賣、魚蛋，邊小得雞蛋仔🤤🤤，呢間平平無奇嘅屋邨小食店有煎餅、撈麵、飯、雞蛋仔賣～～ 而佢個雞蛋仔係非常出色🌟·一心以試伏嘅心態挑戰呢款【豬 柳 蛋 雞 蛋 仔】，一咬落去，超驚喜‼️ 鍾意食金拱門嘅豬柳蛋包嘅一定一定要試!! 每粒都有豬柳粒，夾心有隻蛋🥚同芝士，而雞蛋仔外脆內軟，具蛋香，係非常有口感嘅豬柳蛋漢堡包🤤🤤，而家每次去沙田都一定去買一底🙈·同場加映，夾心朱古力正常發揮～ 有豬柳蛋嘅出現，有種比下去嘅感覺🙁··推薦指數：★ ★ ★ ★ ★·📍 潮食 (乙明邨街市) (沙田)沙田乙明邨街9號地下乙明邨街市2-3號舖🚇沙田圍黨鐵站B出口，步行6分鐘🚶🏻‍♀️🚍鄰近乙明邨巴士站，步行1分鐘🚶🏻‍♀️··🍚𝐎𝐩𝐞𝐧𝐫𝐢𝐜𝐞: 𝐀𝐋𝐊𝐘𝐘