街頭火鍋

Open Now

Now Closed

同朋友游完水超餓，唔食火鍋都對不起自己，見到銅鑼灣既街頭火鍋，咁就入咗去啦，入到去員工好親切咁樣問我哋揀咩湯底，好快就安排入咗去卡位，兩個人坐四個人卡位，真係覺得好舒服湯底我地簡左花膠濃雞湯，個花膠雞濃湯絕無味精，一啲都唔口渴，雞味好濃，成個湯都好鮮甜，入面仲好多花膠，比足料，花膠又滑又大舊，個鍋就咁食都正，用黎打邊爐仲一流😆😆配料叫左新鮮三黃雞、牛胸爽、封門柳，一睇就知我地係食肉獸，先講下三黃雞，雞肉都好滑，好滿足，啖啖肉，唔會多骨，又唔會勁厚皮，啱啱好👍👍

唔講太多，淨講呢個象拔蚌，如果唔同大家講幾多錢，大家估幾多呢？店員話呢隻象拔蚌有一斤，但我數過大概有20片左右，盛專$1388。雖然我唔係成日去打邊爐，但如果呢個價錢我相信唔係得咁少囉。之後我哋再一次詢問店員，這隻象拔蚌到底有幾重，佢堅稱話有一斤重比多我哋。另外我哋四個人，都只係食咗啲好普通嘅嘢，但落樓每人$1000。抵唔抵食，就大家諗下，因為每個人嘅價值都唔同。但呢間野可一不可再。下次唔會再幫襯。

今日同朋友慶祝生日因為佢鐘意邊爐 就揀左呢間試下街頭邊爐入面裝修好”街頭”但佢嘅食物就一啲都唔街頭全部都係有質素的-湯底:胡椒豬肚粉腸+味噌蝴蝶腩 $188分數:9/109分係比十分出色嘅胡椒豬肚粉腸胡椒夠辣 粉腸夠新鮮 飲落無味精味噌就偏咸 做邊爐湯底一般.牛王莫六盛盒 $398分數:6/10六盛盒入面有牛頸脊、抓邊、金錢展、牛胸爽、封門柳、黑柏葉有出名嘅牛王莫當然要試下肉係新鮮嘅 但牛味唔重CP值黎講一般.極品第一刀 $128分數:8/10大約有7片 每片都算厚身食落好爽脆 好有肉味本身佢會跟碟鹽比你淥完點但我覺得唔點好食啲.安利墨魚丸 $88潮州靚魚蛋 $68手包餃拼盤 $88分數:9/102款丸都好好食由其係潮州魚蛋味道係以前屋邨粉麵舖食到個隻又彈牙又有魚味手包餃嘅雲吞最好食包薄同滑但唔爛 蝦又大又爽.炸魚皮 $48炸響鈴 $48分數:7/10魚皮超大一碗 夠5-6個人食響鈴鬆化但唔夠吸湯 一般.皇帝菜 $38分數:9/10皇帝菜似係菜苗 好嫩好好食.烏冬 $38分數:6/10正常嘅稻庭烏冬但份量偏細-總括佢嘅食物質素都好高食材都係真材實料 無啲咩添加-值得一讚嘅係呢度服務好好

台式麻辣新鮮雞紅冰豆腐鍋辣度🌶🌶🌶食得辣既朋友一定要試，辣度十足，好香濃，新鮮既雞紅好滑，吸埋啲辣味好正，冰豆腐都係入味十足，辣得好爽！極品第一刀豬近頸既部位，超嫩超滑，油脂十足，香濃豬味，放落麻辣湯入味十足！🤤豬天梯豬既上顎，重點好爽脆，口感好特別，豬味唔濃，但配上麻辣湯就好惹味👍🏻狀元及第豬什豬什有豬潤，豬腰，豬肚，豬腳筋，好豐富，每款都好新鮮，唔會有豬騷味，好滿足😍清酒一個清酒兩個人飲就岩晒，清酒好香醇，配搭麻辣火鍋酒味更濃更突出，超級好飲！

四個女人拋夫棄子、良朋共聚的一夜，和三個好朋友的每月定時聚會都是火鍋。這次選了銅鑼灣既街頭火鍋，份量充足，環境舒服，食材選擇頗多，大部份都新鮮、好吃，湯底鮮味。個花膠濃雞湯一黎到已經見到好多花膠，大大舊，材料好豐富，花膠同雞都好足料！湯底好鮮甜，吸哂雞既精華，好香雞味，食材都吸哂湯底既精華，超甜超好食！😋😋試第一啖，一口咬落件花膠度，真係好膠好滿足，仲好足料，雞湯濃郁而不膩，雞件又滑又入味，超正！配料仲加左刁鑽豬腳筋、新鮮三黃雞、牛頸脊，好鍾意個三黃雞，雞肉夠滑，唔柴，雞味香，油脂夠薄，入口即溶既感覺🤣🤣牛頸脊方面，紅肉部份比油脂部份多，好香牛味，食到停唔到手😚😚

男朋友好想打邊爐，今次佢就帶咗我嚟呢間銅鑼灣嘅街頭火鍋食返夠本😋❗️湯底方面，佢哋有好多唔同嘅選擇，有辣有唔辣。最後，就揀咗超級滋潤又養生嘅花膠濃雞湯🐔❤️估唔到佢哋個湯底超濃郁，飲落非常之清甜。我仲叫咗好多唔同嘅配料，特別向大家推介牛頸脊同新鮮鵝腸。牛頸脊品質好，肥瘦適中，仲有香濃牛肉味！新鮮鵝腸洗到好乾淨，唔會有異味，入口仲好爽口添。懷舊魚肉燒賣都好好食，大大粒，魚肉十分彈牙。Lamlam 脷程度:👅👅👅👅👅✨

呢間銅鑼灣既街頭火鍋我已經食過一次，今次都冇令我失望，地點幾好，中間地帶，非常方便，餐廳嘅食物款都有好多，非常之喜歡！今次我地兩個人簡左個二人餐(豬)，呢個餐有極品第一刀、狀元及第豬什，勁多唔同部位既豬，狀元及第豬什樣樣都好新鮮，唔會腥，仲幾彈牙，唔錯👍👍至於極品第一刀，單看色澤已知非常新鮮，肉嫩滑而且很有豬肉味，唔會太肥，油脂啱啱好，正！！我地仲加左黑柏葉、頂級鮮肉眼筯，黑柏葉好爽，好彈口，冇冰鮮味，薄薄一片夠晒鮮😚😚頂級鮮肉眼筯就很彈牙，好嚼，牛肉味好重，油脂都好香，超好食！😋😋😋

喺香港火鍋關注組睇到有推介今日試到銅鑼灣既街頭火鍋，真係名不虛傳，呢間特色火鍋店真係用黎打卡一流，食物質素都唔錯 湯底叫左喜勝沙嗲萵笋，沙嗲味係呢度嘅首選！ 濃湯底得來又唔會太重口味，好香花生醬味🤣🤣我地兩個人就叫左個二人餐(豬)，豬方面有狀元及、第豬什、極品第一刀，真係勁多唔同既部位，平時係出面都好少見😆😆極品第一刀既豬肉味好濃，唔會好薄一片，啖啖肉，又唔會太肥，啱啱好，油脂都好香，好好食😚😚😚除左豬之外，呢個二人餐仲有好多野食，特別係水餃同手打丸，有好多款式，差唔多粒粒都唔一樣，夠彈牙好食，呢個二人餐真係好飽好滿足😋😋

同好閨蜜約咗星期五happy Friday就可以慢慢打邊爐，因為就腳就約好去銅鑼灣呢間新開嘅火鍋店。今次揀左個二人餐，預先已經包左豬豚肉、丸類、餃子、蔬菜等等，非常之豐富。呢款喜勝沙嗲萵笋湯底，沙嗲味好濃，唔會太鹹，味道岩岩好😋唔夠多仲可以加散叫其他食材，咁就食到唔同款式唔同部位❗️我地追加左狀元及第豬什，豬雜0腥臭味，洗得好乾淨，仲要入口滑嫩，口感又爽口，掂😆豬黃喉都係好爽脆，加上沙嗲湯辣香濃味道，十分滋味😍環境:⭐️⭐️⭐️⭐️⭐️（5星滿分）食物:⭐️⭐️⭐️⭐️⭐️（5星滿分）服務:⭐️⭐️⭐️⭐️⭐️（5星滿分）

最近想試下一啲養生但係邪惡嘅菜式😈俾我哋發現到喺銅鑼灣新開嘅火鍋店，上網經過一番嘅搜尋之後，發現佢哋嘅湯底都係新鮮熬製🥰湯底之選：湯底方面，特別推薦女士們叫呢一個杏汁新鮮豬肺湯，佢唔單止可以當老火靚湯咁飲，仲可以俾你享受到一路打邊爐一路飲湯嘅滋味👍🏻而且湯底方面可以感受到佢處理得非常之好，絕對可以放心咁樣去食佢哋嘅豬肺！火鍋配料之選一：黑柏葉，呢一種黑柏葉出邊通常都比較少見，但係佢識落嘅口感比普通食開嘅牛柏葉，仲要爽口彈牙，配合埋一個非常之好嘅湯底💓火鍋配料之選二：牛頸脊，佢入口即化嘅口感，配合埋個好養生嘅湯底👍🏻佢哋加埋嘅口感十分之好味，而且湯底唔會掩蓋左牛頸脊嘅牛味🐮

最近天寒地凍，最好一定係去打個邊爐，三年疫情，食開好嘅火鍋店唔係執咗就係經營困難被逼質素下降。難得响銅鑼灣搵到間新嘅火鍋店，有機會即刻嚟試吓。餐廳地點金利文廣場，銅鑼灣C出口，就腳。餐廳叫街頭火鍋，但裝修環境企理，乾淨衛生。餐廳侍應招呼親切，會為你詳細介紹食物。是晚叫咗蕃茄薯仔併沙嗲湯底，蕃茄薯仔湯底好濃郁，但估都估唔到佢個沙嗲湯底好味到可以同九龍城某間火鍋店比較。打邊爐一般會注重牛肉，但呢間餐廳豬肉都可以俾到好多有質素嘅嘢你選擇，唔食牛但又鍾意打邊爐嘅朋友，呢度係一個好適合你嘅選擇。餐廳除咗牛同豬出色，竟然仲有新鮮雞腸同台山蠔，強烈建議大家一定要嚟試吓。

今日終於有啲時間同屋企人食餐好既，帶屋企人黎到銅鑼灣呢間街頭火鍋，好大間，食物選擇又多😸湯底我地先簡好香港特式既喜勝沙嗲萵笋，打邊爐既話愈滾愈出味，出色👏🏻配料我地好多款都想試，見到有牛二人餐就即刻叫左，試到唔同部位既牛，唔駛簡😹一大碟牛肉有牛頸脊、封門柳、牛胸爽🐄唔同口感既部位都食到，最腍最滑既牛頸脊，硬口啲有咬口啲既封門柳，爽脆嫩身既牛胸爽，每款都好正，配埋香濃既花膠雞湯，好好味😋二人餐另外仲包左雜丸同雜餃，啲丸好彈牙，啲餃餡料豐富又好味🥟🍢我地另外見到極品第一刀，被呢個名吸引住就叫埋🤣原來係豬肉黎，但好滑，碌完黎食好似和牛咁，好嫩又香豬味，好好食！

匆忙下搵嘅邊爐🙌🏻，黎左呢間銅鑼灣既街頭火鍋，竟然好唔錯，食物質素都好好👍🏻環境亦都闊落唔會逼，staff服務同態度都好好👍🏻⭐️杏汁新鮮豬肺湯杏汁豬肺湯有一貫水準，材料十足，好香杏仁味，豬肺有用鑊煎過，豬肺洗得非常乾淨完全冇異味，忍唔住每人都飲左兩碗🤩🤩⭐️牛頸脊最愛的牛肉份量意料之外大，牛味濃郁，又唔會太肥，油脂夠香，紅肉多，正！😋😋⭐️新鮮鵝腸鵝腸好新鮮，唔會腥，冇漂香水味，薄薄地幾爽，幾彈牙😚😚👍👍

街頭火鍋唔係位於街上，係金利文廣場2樓，闊落既環境舒適好chill，一班朋友去食就岩晒！呢度既湯底都唔普通，我地簡既台式麻辣新鮮雞紅冰豆腐鍋麻辣味濃，辣椒花椒都炒香左，雞紅呢鮮味嫩滑，冰豆腐吸收晒啲麻辣汁，超正🌶🌶火鍋配料就太多啦，我地簡左一個豬二人餐，豬既唔同部位都試到，好特別既極品第一刀都有，which is豬第一刀被切割既部位，最嫩最滑，肥美香口🌟另外包括既狀元及第豬什都好新鮮，豬腳筋都有得食，爽脆彈牙，真係新奇有趣🤣呢個二人餐仲會包埋丸同餃子雲吞🥟餃子雲吞都皮薄餡靚，好好食！

同老公今日黎到街頭火鍋打邊爐，暖笠笠，好舒服💆🏻‍♀️呢度好用心，供應既配料唔止普通見到果啲，仲有啲限量供應既少見配料，好特別(≧▽≦)就好似我地有叫既豬天梯同極品第一刀，好少見既豬既部位🐷豬天梯係豬既上顎，果樣好似一層層樓梯，所以就叫豬天梯，軟骨黎，所以碌完好爽脆，要有啲牙力先食到呀😆我地配呢個丹波赤麵豉味噌蝴蝶腩湯就好夾，咸鮮既湯帶出豬天梯既香味。另外極品第一刀就係啲豬被殺之後第一刀被人斬既位，最滑既，呢度既第一刀仲要好肥美，膏紋紋路清晰，豬香滲晒出黎🤤我地另外叫埋新鮮雞紅新鮮鵝腸，兩款都好鮮味，完全無腥臭味，雞紅好綿滑，一啲鞋口都無，鵝膠爽爽嫩嫩，配麵豉湯鮮味好突出👏🏻我地仲有叫即食小食台式臭豆腐，啲野未碌熟都有野咬下👄臭豆腐新鮮即炸，好香好脆，點埋台式辣醬同台式醬油，香濃惹味！