街頭火鍋

Open Now

Now Closed

今次竟然喺銅鑼灣畀我發掘到呢間罕有嘅火鍋店！因為竟然有豬天梯呢個部分可以食到！湯底仲有得揀杏汁新鮮豬肺湯！😍😍杏汁新鮮豬肺湯似係平時阿媽煲嘅湯，估唔到會有火鍋店攞嚟做火鍋湯底。淨係呢個湯都值回票價，真係非常滋潤非常補。💓驚世發現嘅豬天梯係一個好罕有嘅部位。佢係豬上顎連接牙齦部位，量非常少，一隻豬不足1兩。質感好正，比豬耳更爽。😋黑柏葉係比較新鮮健康嘅。爽口非常。👅新鮮雞紅落去都好豐富好厚實，夾落去唔會散，味道唔腥。😜雲吞餃子全部都皮薄餡靚，味道剛剛好唔會太油 。🪔

網上見到呢間幾特別嘅火鍋店，夠曬刁鑽幾啱滿足我哋嘅好奇心。我哋選咗一個幾新奇獨特嘅湯底😺台式麻辣新鮮雞紅冰豆腐😺好彩我哋都鍾意食辣，呢個湯底真係啱曬我哋啦。想問食得刁鑽當然就要嚟返個😺刁鑽豬腳筋😺。完全冇豬臭味仲好香口。食落充滿骨膠原好正。另一個刁鑽嘅配料係😺豬天梯😺原來係一個好罕有嘅部位，我見都未見過。形狀好似梯咁，食落有啲似豬耳但係比豬耳更爽。😺台式臭豆腐😺都算刁鑽嘅因為火鍋店都好少有。台式就冇港色咁大舊，一粒一口幾易入口 ，味道亦都保持嗰種臭味。

哇❗️銅鑼灣開咗間街頭火鍋店，夜晚涼涼地就梗係要同男朋友去打邊爐溫暖下🍲❤️ 同男朋友叫左如果個牛嘅二人餐，湯底就揀左台式麻辣新鮮雞紅冰豆腐，WoW 真係超級辣勁惹味，真係不得了😈唔可以睇小呢❗️而個餐都幾多野食🤤主角牛質素都唔錯，幾大盤，兩個share實夠！而且牛肉油花分布岩岩好，牛肉味濃✨仲要有啲丸類、蔬菜等等嘅配料，其他已經好夠食，真係超值二人餐。但係為食嘅男朋友仲想食埋豬天梯同新鮮雞紅。所以呢個係額外單點嘅😆 豬天梯入口特别脆嫩，雞紅入口都好滑溜溜🥰

見到網民大讚呢間“街頭火鍋”充滿特色小食同埋罕見嘅火鍋配料, 尤其係豬天梯同極品第一刀。於是小編今次決定為呢兩樣嘢而來。🚘❤️火鍋湯底：台式麻辣新鮮雞紅冰豆腐全鮮紅色係幾吸引嘅，上面滿滿辣椒，加上會索汁嘅硬豆腐係愛辣之人必選。❤️火鍋配料之一：厚切牛舌芯都算係牛比較罕見嘅部位。一碟分量都幾多，有成十五塊。食落去特別淋滑，算鮮甜。❤️火鍋配料之二：極品第一刀小編都係第一次試呢個第一刀。就咁睇佢嘅外貌係肥肉居多嘅。鍾意食肥豬肉嘅人應該都幾啱。不過熟咗之後又唔係想像中咁油，肥膏之中有啲肉地都幾鮮嫩可口。❤️火鍋配料之三：豬天梯真係難得一見。其實佢係豬口腔內上顎連接牙銀嘅肉，係一塊軟骨。平時街邊真係唔覺邊度有得買。食落嘅質感係脆嫩嘅感覺，都幾值得一試嘅。食物質素：7.6/10食物款式：9.6/10環境：7.8/10地區：8/10推介度：8/10

丹波赤麵豉味噌蝴蝶腩湯🍲打邊爐最緊要就係湯底，今次呢個『丹波赤麵豉味噌蝴蝶腩湯』個名夠長夠吸引＇＇最重要係我本人好想蝴蝶腩，哈哈，估唔到真係幾好味！呢個其實係日本直送麵豉同豬既蝴蝶腩滾出黎既湯，香濃又唔會ONLY得個咸字，帶甘甜味，好少見既湯底。豬天梯👅又係平時好少食既豬部位，係豬上顎位置黎，本身味道唔濃，但好爽脆，配埋香濃既火鍋湯底黎食味道就岩岩好！新鮮雞紅🐤係出面好難食到既配料，新鮮雞紅依家真係好難食到，質地好滑，無腥味，配麵豉湯好入味。極品第一刀🔪原來都係豬肉黎，係殺豬後既第一刀切割位置，肥瘦適中肉質嫩滑，打邊爐就岩晒，比一般豬部位好食！

喺銅鑼灣街頭一上OpenRice，就見到最近有一間街頭火鍋，行街行到太攰都唔想再搵其他餐廳，就去咗坐低慢慢食。睇到個Menu見到佢哋有個二人餐，我地叫左呢個餐，真係幾抵食，有好多唔同嘅款式食物包埋。如果唔夠仲可以自己單點加配散叫同埋小食❤️🍲湯底:台式麻辣新鮮雞紅冰豆腐❤️湯底辣味十足，麻麻辣辣食到個嘴痹痹地，真係好爽✨🐷肉類:豚肉肥瘦適中，入口肉質嫩滑，放埋落湯底到十分之入味。濃濃嘅辣味已經收晒入去豬肉裏面。🦐🥟🥬打邊爐配料:仲有丸類、蔬菜、餃子、海鮮等，兩個人可以食晒咁多嘢真係非常之高CP值😍整體嚟講:價錢抵食，食物選擇都好多，下次嚟開銅鑼灣一定會再回訪👍🏻✨

同呀妹黎到銅鑼灣呢間街頭火銅打邊爐，呢度除左有散叫既配料，仲有二人餐，岩晒心大心細既我地😁今日叫左一個牛既二人餐🐮一次過試到唔同款式唔同部位既牛肉，仲有其他配料，好豐富！主角牛肉係一半牛頸脊一半封門柳，牛頸脊油花較多，肉質比較柔嫩，封門柳就有咬口啲，兩款都好濃牛味，好香好好食！另一重點湯底就係花膠濃雞湯，足料雞湯好香濃，花膠令到湯底好重骨膠原，好滋補✨我地另外加佐新鮮三黃雞，雞肉好嫩滑成個湯底滾完雞味更濃🐥二人餐仲有黑柏葉，其他手打丸，餃子雲吞等等既配料，全部都好好食，兩個人食份量岩岩好🙂我地仲加左1小食台式臭豆腐，香脆既臭豆腐聞落勁香勁重正宗味道，加埋甜醬辣醬黎配搭，超正！

週末中午約了朋友，打算食餐好再慢慢傾計。銅鑼灣有好多好餐廳，但我們都是想食餐飽d，在中午時段食個任食火鍋可以讓肚子可以有多點時間消化這樣的話，最後簡左呢間銅鑼灣既街頭火鍋我地叫左個二人餐(牛)，一個牛肉餐有哂唔同部位既牛食！😋😋有一半牛頸脊加一半既封門柳，牛肉新鮮，肥瘦分明，重牛味，超正😚😚二人餐仲有水餃、多款手打丸、牛柏葉、菜等等，勁多唔同既配料，每款都新鮮好食，仲要夠多款！湯底我地係台式麻辣新鮮雞紅冰豆腐湯，麻辣味好香，好過癮，冰豆腐吸哂麻辣湯超好食！！一定要試下🤣🤣我地兩個大胃王仲叫多左碟頂級鮮肉眼同牛頸爽，呢度真係有好多特別既部位食，平時出面都冇見過有牛頸爽，一試難忘，薄薄地一塊，又幾爽，好香油脂味，正！！😆😆下次再食！

一家人喺銅鑼灣睇完戲，時間都已經六點幾，太攰唔想再返去煮飯，就去咗呢一間街頭火鍋到打邊爐。小朋友話見到魚肉燒賣，估唔到呢到都有咁港式嘅地道小食🤤既然佢想食就叫左比佢，燒賣都大大粒，熱辣辣。打邊爐揀左大人細佬都岩嘅杏汁新鮮豬肺湯🍲好清甜嘅味道，飲完喉嚨好舒服好滋潤。打邊爐食材方面方面，我哋都叫咗好多，不過最介紹以下呢三樣。✨黑柏葉1️⃣冇經過漂白，真係原汁原味，入口超爽口。✨牛胸爽2️⃣含豐富的骨膠原，食落十分爽口，牛味豐富！✨狀元及第豬什3️⃣非常鮮嫩可口，件件都切到大小適中，好容易就入口。

同朋友喺水上樂園玩完大家都好想打邊爐🤣就諗起呢間好出名嘅邊爐店，銅鑼灣既街頭火鍋，每次食都覺得好正，今日就一於再嚟食多次，一樣都係冇失望，個個都超滿意！湯底就係佢好出名嘅喜勝沙嗲萵笋湯底，沙嗲味好濃，入面仲有啲萵笋，如果你鍾意食沙嗲湯底嘅就一定去試下😋😋我地就叫左個二人餐(牛)，牛就有有一半牛頸脊加一半既封門柳，除左牛，仲有好多唔同既配料，包括水餃、手打丸、牛柏葉、菜等等，水餃同手打丸都係有好多款，粒粒都唔同味，幾過癮😚😚牛肉黎講，牛肉片唔會太肥，而且牛味濃郁，配料方面，我地仲叫左個極品第一刀、牛胸爽，牛肉薄薄一片夠晒鮮，牛味一樣係咁濃，配埋沙嗲湯底好正，濃濃既沙嗲味！！超正👍👍👍

已經係第四次帶埋朋友去銅鑼灣既街頭火鍋度打邊爐！每次打邊爐都唔會令人失望、唔單止可以慢慢坐、更加唔會趕客。可以慢慢同啲Frd 啤啤佢杏汁新鮮豬肺湯，本人其實非常討厭杏仁的味道，覺得很臭，這個豬肺湯卻完全沒有這問題，杏仁味清香，豬肺給煮得完全不腥，配合起來潤喉濃郁清甜，忍不住打邊爐前連飲左兩碗🤣🤣🤣牛胸爽，薄切得黎，咬落去唔會點硬同鞋身，好爽！狀元及第豬什，好香豬味，口感豐富！有咩爽得過打邊爐飲啤酒，Asahi啤酒永遠係no.1！

因為老公超鍾意打邊爐，聽同事推介銅鑼灣既街頭火鍋啲食物好正，我哋咁啱去開銅鑼灣行街，所以就同老公嚟試吓佢地既特色火鍋，環境很寬敞，食得好舒服！台式麻辣新鮮雞紅冰豆腐，麻辣味好香好過癮，鍾意食辣既朋友一定要黎試下，入面仲有好多辣椒仔，睇到出好有誠意🤣🤣係真材實料既麻辣湯，重點係入面既冰豆腐，冰豆腐完全吸哂麻辣湯既精華，一咬落去係濃濃既麻辣湯出哂黎，真係勁正，諗返起都流口水😋😋😋仲有其他配料，包括極品第一刀、新鮮雞紅、豬天梯、台式臭豆腐、沙薑雞腳，最鍾意係極品第一刀，單看色澤已知非常新鮮，肉質嫩滑而且很有豬肉味，唔會太肥，油脂啱啱好，咬落去唔會點硬同鞋身，正😚😚😚仲估唔到呢度會有臭豆腐食，炸得好脆好香，有臭豆腐既風味，打打下邊爐做小食都幾過癮🤣🤣

街頭火鍋係銅鑼灣，大大間鋪頭坐得好舒服，呢度既火鍋配料好多，除佐常見既配料仲有好多特別好難搵既配料，真係唔可以唔試。台式麻辣新鮮雞紅冰豆腐鍋深紅色既湯底一睇就知辣得唔可以睇少，炒過既辣椒好香，仲有炒過既花椒，麻度都十足，又麻又辣，好香濃，湯底有埋好難搵既新鮮雞紅，新鮮既雞紅唔會腥臭反而好鮮味，滑捋捋既雞紅口感好好，同麻辣湯好夾，好似食緊麻辣鴨血咁，而冰豆腐都做得好好，好吸收啲辣湯，好有層次既口感！😙😎🤗極品第一刀呢個係限量供應既，因為真係太難搵，每隻豬都係得一舊，好珍貴😳最重要係口感超好，好嫩，適當既油花令豬肉好滑嫩，配埋麻辣湯味道更突出，特別好食！豬天梯豬既軟骨之一，好似雞軟骨咁，好爽脆好有咬口，豬味本身唔太濃，但配上麻辣湯就岩岩好啦，帶出豬既鮮味，口感好爽，好新鮮🌟刁鑽豬腳筋一隻豬得兩條既豬腳筋又係好珍貴，都係限量發售，筋位好脆好爽，口感好好，豬腳既肉連埋筋位好香，煙韌有咬口，骨膠原補充晒🤤我地仲叫但其他唔同既配料都好好食好出色，無論同朋友定屋企人黎都好適合！

街頭火鍋有好多唔同既火鍋配料選擇，仲要係啲好特別既火鍋配料都有，打邊爐食到唔同既火鍋配料真係好開心，好好既體驗🤗😍牛頸脊牛頸脊好嫩好滑，每塊都厚薄適中，超級肥美，充滿油香，配埋杏汁豬肺湯好鮮好香。🥸牛胸爽牛胸爽真係幾爽，口感爽嫩有咬口，牛味無牛頸脊咁濃，但口感特別，平時好少食，唔錯唔錯！🤪新鮮鵝腸鵝腸橙黃色一睇就知好新鮮，香濃鵝味，好爽脆，配埋杏汁新鮮豬肺湯就更補更滋潤！🙆🏻‍♀️狀元及第豬什叫得做及第豬什，內容好豐富，豬腰、豬潤有，連豬腳筋呢啲咁難搵既都有，豬腰豬潤碌一碌就熟，新鮮好食，好香好綿好滑，豬腳筋煙煙韌韌，口感好好呀！

銅鑼灣呢間街頭火鍋開左唔係好耐，但依家有幾多客下，個環境仲要好有特色，個二人餐仲要超級抵食！我地今日就食個二人牛餐，可以一次過食到唔同牛既部位，仲有其他配料🤓牛肉就係牛頸脊拼封門柳，兩種牛既肉質都好好，牛頸脊夠晒柔嫩，好滑，封門柳都好軟腍，牛味超濃，碌一碌就食得🤗一碟牛中間仲有整到玫瑰花樣既牛胸爽添，爽脆既口感好特別，正！二人餐仲有手打丸加魚角拼盤，手打丸好爽好彈牙，牛丸有啲牛筋但好有咬口，好香好好食🧆另外唔可以唔食既牛柏葉都包埋，仲要係黑柏葉，無經加工既黑柏葉牛味特別濃，爽口新鮮🖤二人餐仲有炸魚皮同台式臭豆腐，好脆口好惹味，臭豆腐可以點甜醬同特製醬油，好有台灣既味道呀🫶🏻我地另外叫佐沙薑雞腳，香濃既沙薑味令雞腳好香，爽脆既雞腳令人食唔停口，爽！