烤魚工房 (南天大厦) (Moved) New Location

💓值得值得🥰🥰本宮等咗個幾鐘先有得食我個人認為係本宮食過全香港最惹味嘅烤魚鍾意食烤魚嘅朋友我推介我推介 #烤魚工房👍🏻仲有就係羊肉串好好味encore我會再光臨💓辣味惹味 今次食小辣（就大圍同試水溫）…下次本宮要食中辣❤️❤️哈哈 特色飲品打卡一流 今次本宮叫左既係益力多沙冰好飲又大杯好爽~飲之前打打卡也否錯的食完烤魚我地再打邊爐十分滿足 份量接受😚地址：元朗教育路37號南天大厦地下8-9號舖

都開左好奈時間 成日經過都勁多人睇個門面又好大陸 最後試過 啲味都真大陸我覺得唔錯既 夠哂味 但唔夠辣 食得辣既可以叫大辣先講佢啲小食先😛🧚🏻‍♀️烤茄子 $36這個好吃！臭爆既蒜加埋茄子好無敵佢又唔會太多蒜油浸住 正🧚🏻‍♀️粉絲燒扇貝+燒蠔 $153我覺得佢啲串燒真係夠哂地道啲精粹就係佢啲孜然粉🧚🏻‍♀️串燒牛舌 $36牛舌都夠厚身 唔會太薄個人都偏愛厚既牛舌 個味會出啲而且佢唔會好硬咬唔開 夠哂淋身🧚🏻‍♀️燒韮菜 $13臭口+滑腸必備😂食依啲串燒真係要用心思考下當你食完要帶口罩再自己打嗝～不過佢就真係啲串燒都好夠味依個我個人都覺得係要叫既！🧚🏻‍♀️毛血旺江圑魚 $364份量巨多！係成條魚都上 啲肉多到食唔哂啲魚肉都好滑 好鮮 唔會有雪味配料方面都有啲薯仔片 青椒仔 芽菜 木耳 好正～佢會愈浸愈咸同出味既 但我覺得個麻辣就一般般唔夠勁🧚🏻‍♀️黑柏葉 $78居然有黑柏葉叫😘我自己就鐘意食黑柏葉既 因為覺得更加煙韌雖然大致上無乜分別 但你會發現無咁易攝牙隙講緊好多打邊爐都未必有得叫依款所以都正！ 多野選擇🧚🏻‍♀️寬粉 $18邊爐必備係粗既寬粉！！！！所以大家知 正啦🧚🏻‍♀️水果茶 $36佢大

🇭🇰呢間日日都排長龍嘅餐廳🍴我已經食過第四次了😍每次食都係保持到一樣嘅水準🔥同探魚差唔多好食！！今次嗌咗個毛血旺麻辣江團魚（$358）份量好多😆仲要條魚好滑 吸哂湯底嘅精華～又唔會太咸 入面仲有好多配料架～鴨血等等 試過咁多隻覺得毛血旺最好食😋烤茄子&芥末麻辣魚皮&益力多冰沙呢幾樣野都係我每次來都會嗌的😝佢仲有好多小食串燒可以揀🧐全部都性價比勁高 單價唔貴 重口味人士適合🥳總括而言呢間店 真係名不虛傳！排長龍唔係冇原因 又抵食又好食😋就算唔係住喺新界嘅你 我都覺得呢間野值得你入來食 絕對唔會失望😏🌟推介分數（4.5/5）📍烤魚工房 (元朗)元朗教育路37號南天大厦地下8-9號舖#Foodiehk #hkfoodie #comeeatwithme_yuenlong

第一次去係星期4下午，好彩無洗排隊第二次就係星期六晚上，排隊需時1個鐘多，終於等到跟住又去左第三次，星期六下午6點前，等得唔算耐解鎖唔想等可以早d去or 夜d，不過夜d會缺d餸第一次去都係朋友帶我去食，發現真係好有大陸個種烤魚既味道，而且比大陸既更好食，而佢d燒烤都係唔遜色，讓人流連忘返。孜然串燒，係最好食既top top top one是真愛先一次次都跑過去食🤩烤魚d魚係真多肉，烤的剛好，肉質鮮美，配菜也是富裕有足。一條魚4個人食剛好不多。燒烤好入味，檢驗燒烤好食與否，就要睇燒茄子及韭菜，茄子底部也烤的剛好焦，肉多而不老，而且及其入味。而韭菜更是鮮嫩多汁，口感入味。以前食其他間烤韭菜，好多都係韭菜烤得老，而韭菜又唔嫩，變相嚼得好費盡又難以下嚥。尼度d韭菜完全冇尼d情況。燒烤肉類也是特別好吃，牛舌和多春魚也是特別美味。燒烤可以盲點，全部都做的非常出色。他家百香果特飲，超級大杯，必點之飲。

去唔到其他地方食呢啲中式菜，但元朗就有一間，好就腳，喺馬路地鋪又方便叫左一條全魚，加左金針菇同豬紅，本身有豆腐吸下味，正到不得了！見到種紅色都覺得辣，所以都有叫埋特色飲品去中和一下，大杯到你唔相信！應該係平時去餐廳飲嘢嘅一倍咁多嘢飲呀！但都會飲得哂，因為條魚真係辣到噴火但唔係果種入唔到口嘅辣味，而係真係又辣又想試多幾啖果種辣，正呀！同朋友吹下水，都好快到左限定嘅時間，不過都無乜點好趕我地走，啲職員都好好人！食嘢果陣記得戴番附設嘅圍裙，果日着左白色衫都無事呀！

我同媽媽好鐘意食魚🐟，好奈已經知道元朗呢間烤魚工房既存在，不過成日行經都見人龍等位，一直都未試到。所以約左媽媽平日食午時間去試，應該無咁多人👍🏻👍🏻好幸運，平日食午時間真係唔太多人，大約4-5枱客到，亦可以安排我地坐卡位，闊落D舒適D💪🏻我地叫左鮮青椒烤海鱸魚小辣,見到好澎湃既青椒都擔心會好辣，魚都好有魚味同埋好滑，都無咩細骨，食落唔洗就住就住，兩個人食一盤魚好夠啦，份量都大店鋪抽風系統既好，食完無成身臭

我好中意食蒜香烤茄子🍆，這一間的茄子烤得很鬆軟入味，不會令人失望！叫咗蒜香酸菜清江魚，再加了金菇。建議如果想叫烤魚，不妨試下加少少辣，一定會更加惹味！店員推介的水果茶，我覺得很普通，不推介。

上次專程揸車過嚟元朗想食烤魚，點知見到長長的人龍，嚇到我掉頭走⋯⋯今次6點前入座，唔洗排隊🥳🥳🥳前菜叫左鹽酥雞同埋燒茄子1. 鹽酥雞：一個字<絕>，非常好味，香脆可口，炸得好鬆脆，加上椒鹽，鹹香惹味。👍👍👍👍2. 燒茄子： 不過不失，味道偏甜，印象中價錢要$38，覺得價錢不值3. 主角泡椒烤魚： 強調活魚現烤，我哋揀咗清江魚，辣度中，加左配料（金菇，薯仔，海帶） 烤魚基本上已熟，等鍋滾起就可以食，鍋底小辣不麻，十分惹味清江魚肉多無細骨，吃得方便，只是未夠入味，後尾我都越食越濃味，正😄⋯⋯4. 配料（酸蘿蔔好醒胃，黑柏葉新鮮爽口，指定要追加，鴨血嫩滑，豆皮好香豆味，本人超鍾意食❤️，腐竹太油啦）

外賣自取一打開黎睇 條魚散晒 得幾舊肉 感覺好似係人地食剩 然後打包比客人 嬲到爆 完全無晒食慾 太失望 幾百蚊 咁既質數 我建朋友們 千奇唔好外賣番屋企食會另你後悔 真係差到爆幾百數既質數 真係差差差差

元朗最出名除左有傳統個幾間餐廳之外，仲有質素拍得住探魚既烤魚工房，而家仲可以外賣返屋企食，某外賣APP訂好快就送到香辣豆花桂花魚桂花魚係出名少骨同嫩滑，配合埋香辣口味簡直係無得彈，仲本身有埋豆花係上面，變相係多一個餸黎到既時候係湯同魚分開的，係送既過程中就唔會浸到魚都淋哂，而且送既汁係超多，唔洗咁快加水沖淡左隻麻辣味魚既質素係同大陸既探魚有得比，甚至乎係好食過佢！外賣返屋企食既好處就係可以加自己買既材料打邊爐佢送既鐵盒仲可以直接用黎加熱！呢度既燒烤同樣出名，所以我另外點左個烤茄子，辣得黎又入味！

黎到元朗就聞到佢浸大陸味嘅烤魚，無理由唔試，6點半拎飛，排左接近一個中先入到去，真係超級多人。環境：2/5環境好迫，張枱其實都好細，而且又油蠟蠟咁，要自己用濕紙巾清潔一下先。同埋好易聽到隔離枱講嘢。食物：4.5/5毛血旺烤魚係唔錯嘅，魚唔多骨，啖啖肉，鴨血好入味，午餐肉好重口味但係我鍾意，d牛柏葉都吸收好多醬汁，好濃味。芥末魚皮唔錯，幾彈牙，加埋青瓜絲！牛舌必食，勁有油香味，有咬勁。服務：1/5基本上即係落一次單佢就唔會再理你，加湯做飲品都係要等一陣，等一陣，同等一陣性價比：2/5呢個價錢其實都幾貴，我唔知係因為鋪租貴定香港呢邊嘅所有嘢都貴，其實係比內地shopping mall入面既烤魚貴20%左右

真係朋友唔講都唔知~原來烤魚都有外賣😂疫情期間大家都想少點出去食嘢。。打邊爐類呢啲圍爐活動更加少之又少。。所以~就試左呢個外賣烤魚。首先見佢都幾多口味選擇㗎，我就揀左唔辣因為有小朋友一齊食，佢唔辣嘅口味有兩款🤭佢星期一至日都開嘅，好多呢類我都以為得晚市但係原來佢中午12點就開。。。最開心係😎可外賣自取/Openrice自取/Foodpanda，因為我想講去到門口勁多人等，真係好彩有叫定。。。講下我叫左咩先，我揀左菌香豆豉江團魚(上網見有人話呢個好味)首先講味道之前我覺得要講佢嘅包裝😂因為包裝都幾精美，佢會有個錫紙兜，再入盒，跟住有個都幾好拎嘅還保袋。。然後仲有跟埋啲枱布，濕紙巾等等，我初初仲諗，咁我加咗啲配菜點樣放落去呢所以冇加到，我喺度諗會唔會有啲未煮俾我哋咁我咪要另外攞個煲😂😂😂原來佢俾埋兩個用具一路可以熱住過錫紙兜仲會滾添㗎🤭🤭我想講一打開就超香，食落感覺係新鮮，同埋講真睇完佢個包裝都真係已經加咗分感覺好衛生，因為我加咗個組合有好多配菜我哋淨係食啲配菜都好多，佢本身啲配菜已經同魚放埋一齊所以好入味。魚嘅味道感覺好正宗地道feel不過我都唔係好識形容到佢個味🤭🤭我仲試咗佢啲燒烤，鍾

聽朋友講元朗有間烤魚店非常之出名平時都好多人排隊，母親節當日就諗住買返個烤魚返屋企同屋企人麻辣一下！六點門口已經一大堆客人買外賣同等堂食啊！店員話至少等一個鐘！最後等咗差唔多兩個鐘😳好彩都值得一等！呢個烤魚嘅味道同喺大陸食嘅味道真係一樣！我叫咗香辣豆花江團魚（小辣）一打開個已經聞到濃厚嘅香辣味！拎返屋企條魚仲係熱㗎！烤魚外賣仲包埋兩個燃燒筒，大概15分鐘左右，烤魚就發滾啦。趁熱食一口烤魚，係正宗地道嘅口味！同喺深圳食到嘅烤魚真係冇分別！而且豆花好滑，好食過喺深圳嘅探魚😂另外媽咪再買咗三磅美國肥牛，我哋自己加了放落烤魚裏面，肥牛吸滿烤魚個香味，唔使點任何醬汁已經好好味啦！香而不太辣！加萵筍同蔬菜菇菌組合！金菇薯仔給滿烤魚嘅精華非常入味！另外再叫埋手打墨魚滑簡單煮熟咗就食得！條魚咁大條，再跟單加其他配料都係$500左右！下次喺度糖食先！感覺餐廳氣氛更加熱鬧呀

早幾天鄰居阿姨誠邀我家去她家作客吃火鍋，為了答謝她的邀請，我特意去烤魚工房外賣蒜香酸菜烤魚回家，再邀她來我家品味。現在烤魚工房星期一至日下午12時已營業，故不用等到晚餐時段，在中午也可品嚐烤魚。吃烤魚前，我們先吃點前菜小吃，紅油豬耳在川菜店挺普及的，但要好吃的不是每間能做到。烤魚工房的紅油豬耳麻辣感強烈，豬耳不會過韌或過軟，膠質蠻豐富，所以對於膠原蛋白的補充頗有幫助。芥末爽口魚皮份量給得不少，魚皮跟豬耳一樣，飽含骨膠原，一口咬下魚皮，滑溜爽彈，加上醬油，芥末，青蔥與辣椒，進一步提升魚皮鮮度，芥末爽口魚皮愈吃愈想吃。烤牛仔骨簡簡單單的調味，十分考驗主廚的烤功，牛仔骨充滿紮實肉類的滋味，具有嚼勁，而且肉汁完全鎖住，細細咀嚼牛仔骨能吃出醇香的肉味。燒一口日本甜番薯簡直是為侄兒而設，這個小不點相當激賞日本甜番薯，番薯保留水份及原味，不會乾乾柴柴，充斥甜番薯的甘甜味美，大推孩子們一嚐。烤肥牛金針菇口感超棒，肥牛擁有外層焦香，內裡細嫩的肉質，並包裹著厚厚的，極水嫩的金針菇，在嘴巴一起慢慢咬，肥牛和金針菇相呼應，非常涮嘴，偶爾寵愛自己味蕾一下頗不賴。烤魚工房的烤魚跟國內探魚所吃的水準同樣高，味道超級

餐廳裝修簡潔明亮， 主打地道風味烤魚， 進入餐廳時， 已被陣陣的香氣吸引了。清江魚配蒜香酸菜 $278(跟配年糕、鴨血、娃娃菜， 每份另加$18， 餐廳建議輔菜，選擇四份以內， 保證烤魚口味)進食前， 先穿著上餐廳提供的圍裙， 貼心的安排。原條清江魚鋪滿海量的蒜蓉及酸菜， 用大鐵盤坐熱盛上 ， 賣相叫人興奮 ，令人垂涎， 加熱後， 香氣四溢， 散發著陣陣迷人的蒜蓉香氣， 清江魚魚肉嫩滑， 沒有細骨， 食得安心， 魚肉鮮味中多了一層酸味、蒜香，吃起來酸、香兼備， 越吃越過癮，充滿地道風味的烤魚， 加配的娃娃菜、年糕及鴨血， 吸塑了湯底的精華， 增添吸引， 年糕口感煙煙韌韌，鴨血嫩溜， 娃娃菜十分稔甜， 令人食指大動。蒜蓉烤鮑魚$68／3隻原隻鮑魚鋪滿上大量的蒜蓉及香蔥粒， 並且界上坑紋， 令鮑魚更加入味 ，色澤明亮， 肉質鮮味帶嚼勁， 蒜蓉烤鮑魚 ，煮法不花巧， 但卻是最佳組合， 能凸顯鮑魚的鮮味。茄子/一條$35踏入盛夏 ， 茄子正值當造， 營養豐富， 軟綿可口的茄子， 掛滿蒜香汁， 滋味吸引，眨眼間已給我吃清光。草莓多多32、荔枝沙冰32草莓多多、荔枝沙冰 ， 顏色夢幻， 十分吸睛