烤魚工房 (南天大厦) (Moved) New Location

真係太耐冇食辣嘢喇 平時經過呢間烤魚工房成日都好想試 終於心血來潮同朋友們一齊食😋叫咗啲咩嘢食就唔多講啦 因為叫得太多個人認為佢嘅辣味啱啱好 (我哋叫咗小辣) 而烤魚入面就算你唔叫其他配菜佢都會有少量配菜係入面 除咗烤魚嘅配菜之外 呢間餐廳仲有其他小食我覺得燒茄子都幾正👍🏻

由於實在太想食烤魚嘅關係，所以揀左呢間朋友極力推薦嘅烤魚試下，今次外賣自取拎返屋企食，加$30有埋鐵架同埋兩個用完即棄嘅火鍋酒精，仲有即棄餐具，就算拎返屋企食都乾手淨腳啦🤭烤魚都係現點現烤都等左一陣架！外賣係有個大盒裝住然後再放落特大環保袋入面，拎到返屋企攤開晒就得，真係非常方便！👏🏻◾️香辣豆花江團魚 （中辣）• $298係佢滾緊嘅時候麻辣香料味擁晒出黎🤤🤤🤤🤤烤魚經過燒烤後再放落麻辣濃湯，非常入味又濃郁，覺得味道正宗到同大陸嘅探魚不相上下🤤推薦送返碗白飯黎食🤣我另外加左鴨血（$18）十分嫩滑🤤仲有豆花煮到入晒味，真係好好食😋◾️麻辣牛展 $47除左烤魚，估唔到啲小食同樣出色，經過滷水嘅牛展嘅再加落秘製麻辣醬汁，醬汁係精粹，重口味得黎又忍唔住係咁食！◾️串燒海蝦/羊肉串 • $41/$30仲有重慶燒烤，重點係燒緊嘅時候加大量調味料，呢道嘅燒烤都做得唔錯，可惜拎返屋企果陣凍左🙈

今日食既呢間係叫做烤魚工房既烤魚專門店，我到店既時間大約係7點，我用既係openrice訂餐，一去到等左一陣就有我點左既係香辣豆花桂花魚，味道係中辣，但唔算太辣，佢仲好細心的可以選唔同既辣同麻度，非常細心！！味道同國內既探魚有得fight魚質好嫩滑，桂花魚係咁多種入面最嫩滑同最有魚味既，所以真係貴得有道理加左個闊粉，味道不錯，最緊要係個口感夠哂彈牙同入哂味！！無得彈就咁睇以為份量算少，但其實都唔少架

青椒魚加鴨血魔芋，炸魷魚蘇，口水雞好食，送2個火爐同鐵架，屋企餐檯上用火爐危險，無用，結果要將2個火爐攞出室外，燃燒好耐先丟棄，下次唔要2個火爐可唔可以平D？ D嘢其實幾好味㗎，好快會再幫親，謝謝🙏

左好多新鮮花椒😍青椒都唔少愈食愈香愈食愈麻～條魚幾大下架！😍不過最重要係無魚腥味！！（最怕有🙄）〰️手打墨魚滑 $78加配左落烤魚到，勁好食😚唔似平時食嘅墨魚丸！而且佢一啲都唔粉，食得出係真材實料〰️火鍋寬粉 $18寬粉煙韌，吸收晒啲湯汁！正！😙😙〰️蒜蓉燒扇貝 $76份點餐紙上面話係選用日本嘅大扇貝～不過都唔係好大粒😂配料好似蒜蓉、辣椒、蔥一啲都唔孤寒！〰️烤茄子🍆 $36好入味😍！！必食！！！〰️健康百香果水果茶 🍵 $40哇～依杯野勁大杯有蘋果、百香果、🍊兩個人飲都可以😂好多百香果！不過我就覺得愈飲愈酸咁😖〰️金桔青檸特飲 $33無對比無傷害，依杯相對水果茶細好多🥲不過感覺就清新過水果茶🤗

每秒鐘都不停聽到「借歪」、「睇住」、「小心後面」、追單、侍應吵鬧...氣氛猶如打仗，比大排檔更差😤儘管有多小心，亦避不了「偶然」失手弄到一地一腳都係，問佢攞張紙巾抺返竟然喊「紙巾要$2喎！」😡今時今日有仲咁嘅服務態度⚠️實在係無敵‼️其實這家店近年我都來過很多次，只是疫情期間來不了，怎知原來已經變咗好多，如果自己應付唔嚟，又何必要逼住客人90分鐘交枱，迫自己打仗，在這樣環境下，縱有龍肉在前，亦只能早早了事，何來品嚐之意！如果生意太好是令服務變差的原因，那只好「幫幫手以後唔好嚟」算喇。本來食物出品都算不錯，魚種及烹調方式都有不同選擇，有辣有唔辣，辣度的亦可選多少，再配上多款自選配料，效果還不錯，萵筍及凍豆腐都是每次必選。其他多款小食亦有驚喜，燒蝦及羊肉串都值得一試，還有冷盤芥辣魚皮都有驚喜，不過唔食辣就記得走辣椒，否則雙辣加埋都唔講得少。飲品亦有特色，水果茶值得一讚，對解辣頗有功效。

食左兩次，真心覺得係全港最好食烤魚，味道幾似以前係深圳食。價錢偏貴～配菜份量較少～烤魚味道偏辣，要叫小一個辣度。最推介係燒茄子， 真係好好食！亞姐們服務態度幾好，有時太忙做到躁係會無表情～大家體諒下就好～我食到面紅，話好辣，佢哋即刻幫我加水，加清湯。有位亞姐仲叫我下次食BB辣舒服啲。但唔知係咪有點污糟，食左兩次，兩次埋單後⋯⋯都忍唔住跑去元朗廣場嘔半個鐘。我係其它地方就算食差不多辣，都唔會唔舒服到嘔⋯ 我老公已經唔準我再食呢間嘢。腸胃好既人，可以一試！

聽朋友講喺元朗有一間正宗地道口味，國內探魚有得揮既烤魚食店，見到門口勁多人排隊，另外，發覺可以外賣自取/Openrice自取/Foodpanda，所以決定嚟個「宅烤魚」！MENU都有好多選擇，烤魚有辣有唔辣，仲有好多燒烤小食添，夠哂惹味~拎到返屋企，發覺配件齊備，而且包裝企理，非常衛生！個重點當然係烤魚既火爐喇！夠哂火力！經詳細圖解跟足指示，就可以在家都可以神還原堂食風味~香辣豆花江團魚~一開既時候，見到一大堆調味配料蓋住新鮮既烤魚、豆腐、香辣又滾熱既湯汁，成個畫面都好震撼，江團魚的魚肉很滑，而且骨不算很多，豆腐非常厚，吸哂湯汁，很入味呀！另外，加咗啲配料都係吸湯能力極高，分別係腐竹同鍋粉，真係super yummy!

禁堂食關係好耐冇食過晚市9點鐘啱啱收工見到佢仲未截單就即刻坐低order 魚得返一款冇得揀 全部賣哂賣相好好 好開心條魚都冇乜骨整體唔會剩係得辣味 配菜個牛油金菇我都encore多次 員工服務態度幾好 唔會因為最遲入嚟而催促我哋 剩係杯蘋果茶非常甜 其他都好好

記得之前嚟過元朗食烤魚突然之間又好想食，所以就嗌咗一個外賣返屋企慢慢，依家可外賣自取/Openrice自取/Foodpanda，叫左一個江團魚，好小骨，返到屋企再加熱返都係好滑🤤正宗地道口味，質國內探魚有得揮（8分），個芥末魚皮好食但係好勁芥末勁過食壽司🤣食到喊哂口，個燒蒜蓉蠔（7分）仲有個冇得輸牛脷（10分） 燒茄子都唔錯（9分）不過羊肉串就普通啲（5分），個場好爆都有服務👍 返到去淨係點火整返熱啲嘢就食得都好方便，新鮮，衛生，整體（8分）*烤魚工房🐟*地址：元朗教育路南天大廈地下8-9號鋪 (中國旅行社旁邊)星期五六日12點開門

星期六去咗元朗探女朋友個阿婆 探完之後阿婆就話想食魚 由於已經好夜 街市都閂曬門嘅關係 就出去睇下有冇啲外賣嘅魚類菜式啦 見到呢間烤魚工房 星期五六日中午十二點開門 好多人排隊 又可外賣自取/Openrice自取/Foodpanda 睇落新鮮又衛生 唔錯唔錯 就決定買返兩條烤魚返去試下叫咗個江團魚 因為正常街市都應該冇得賣 聽落好新奇 就決定試呢種魚 食落口感好嫩滑而且就算佢係淡水魚 但係都無泥味 反而好鮮甜可口 魚肉好少骨 食落啖啖肉 值得一讚口水雞 充滿住辣椒油同辣椒粒等等嘅香料 但係總體嚟講味道唔算好辣 岩曬我呢啲怕太辣嘅人食用 而且味道又好惹味 令到我食指大動烤羊架 有非常多香草孜然等等嘅味道 非常之惹味 羊肉唔太羶 幾好食烤魷魚乾 覺得真係幾乾下 但同時令到成隻魷魚嘅味道精華都鎖咗喺魷魚入面

烤魚工房 網址: https://s.openrice.com/QrbS04Ty400~uCqoHAA地址: 元朗教育路37號南天大厦地下8-9號舖好耐都返唔到深圳食美食，最掛念是香港沒有得魚鍋，因邊爐同珍奶香港都有分店，癮起要食都唔難星期五六日12點開門，吩咐男友去買外賣自取（外賣自取抵好多，唔洗加一服務費）Openrice 都落到自取，叫定唔洗等好耐，懶人叫Foodpanda又得。用錫紙盤同保溫袋包裝好，加熱用工具同架只需加$30，大大條魚新鮮衛生好食$338 毛血旺江團魚另外配菜一款$18我就要了萵筍及花菜。毛豬旺即是豬紅，男朋友食親辣火鍋都一定要加，算是男人的另類浪漫吧！魚骨唔多好易起出，魚肉夠多兩個人食一條岩岩好，魚肉紮實唔鬆散索了層辣汁，越食越過癮，我食到流鼻水呀，不停用紙巾抹。$47 口水雞都係惹味之作，沉住辣醬油皮肉爽身，但稍為細盒。$40 雞絲涼麵，拎返屋企麵有d黏在一起，撈埋個煮魚醬汁好開胃，極之好食。因為我鍾意食炸野同濃味食物，開罐凍啤酒，人生樂事，$40 鹽酥雞塊。仲有串燒架,有機會可以試下正宗地道口味，同國內探魚有得揮，可以說是疫情下成為探魚取代店。而且

因為疫情，我哋同屋企人已經好耐無返過內地吃喝玩樂，以前最鐘意係內地食麻辣烤魚，抵食又辣得過癮～所以今次專登落元朗買正宗地道口味嘅烤魚外賣🥡孝敬阿爸阿媽， 烤魚工房 位置就近元朗中國旅行社，晚市時段經常要排隊等位㗎，如果叫外賣可以即場order/Openrice落單自取/Foodpanda。 主菜當然要叫烤魚，現點現烤由川菜師傅主理，每條魚約重1kg，而魚類可以揀清江魚/海鱸魚/桂花魚同江團魚，我就揀咗江團魚，貪佢無細骨👍🏻口味就揀咗香辣豆花烤魚，加埋優惠組合，$59 有齊金針菇+土豆+蓮藕+海帶呢d配菜；外賣包裝靚仔衛生，包埋加熱爐具，一家人舒舒服服係屋企食麻辣烤魚，烤魚好新鮮，辣味香到流口水🤤，食入口辣得好有層次，同國內探魚有得揮👍🏻配菜煮得入晒味，同魚肉一樣咁吸引啊～我哋加咗腐竹，吸湯汁一流小食烤茄子濕潤又充滿蒜香🧄好惹味，必點啊👍🏻下次一於再食過

連假最後一日，加上又有朋友嚟屋企，就開心下，決定唔煮飯一晚，book咗屋企附近一間好出名既「烤魚工房」，呢間長期排長龍，連依家晚市外賣都係，我哋去到好好彩得返最後兩條江團魚🙈再遲少少連揀都無得揀😅蒜香酸菜江團魚 $328肉質超滑，魚味濃郁而不腥，加上蒜香味撲鼻，完全遮蓋住難聞既魚腥味，外賣關係，餐廳好貼心，附送咗兩個雙頭既火酒膏，加一個鐵架，而且外賣包裝精美，呢樣抵讚，而且貼心到見到單據上特別註明多湯，以防返到屋企唔夠湯添加，非常貼心👍🏻配菜方面，揀咗枝竹、鴨血；數量都頗多，開頭仲以為漏咗比鴨血，點知係寶物沉歸底，食食吓就浮上面，鴨血好滑，又係必點之一😆見到難得有黑栢葉揀，唔係度度有，咁更加要點嚟試吓，平時好少有黑同白栢葉揀，呢間難得起地有兩款揀，黑栢葉好爽口彈牙，鐘意食栢葉的不能錯過既菜式😍另外仲有bbq類小吃，就揀咗燒雞腎 ($23)同燒汕頭牛肉丸 ($20)各兩串，少辣，原來都好辣，辣得好過癮，越食越辣😂

今日叫左外賣自取烤魚工房,佢地星期五六日12點就開門了,都幾方便~係元朗小有既正宗地道口味烤魚~食過同國內探魚有得揮~!之前就堂食,而家有埋外賣可外賣自取/Openrice自取/外賣app呢~安坐家中就食到烤魚~!正~.烤魚有菌香豆豉,蒜香酸菜,鮮青椒,香辣豆花,小龍蝦,泡椒的味道可選~魚就江團魚,桂花魚,清江魚,鱸魚,我地選了唔辣嘅菌香豆豉的江團魚,幾新鮮,包裝又衛生食落質地嫩滑以至味道都很不錯,魚香十足,滿滿的豆豉野菌,.牛舌串燒,燒牛肉串燒,BBQ感覺十足~蒜燒飽魚原汁原味,蒜香濃郁魷魚乾鮮味濃郁,耐嚼耐吃