Hugo Le Resto Grill (Closed)

今日帶爸爸黎銅鑼灣樓上扒房🥩環境都幾舒服佢地有set都有散叫，set跟埋自助沙律吧同任飲龍蝦湯🦞首先就黎左餐包，我見佢有好多款唔同餐包！自助沙律吧都幾多野食嫁蕃茄仔同哈蜜瓜都好甜好多汁！高質《美國頂級牛腹肉扒》$298上菜既時候仲有鐵板熱住，炸炸聲熱辣辣！叫左五成熟，牛味都幾足，而且肉質軟腍，本身週味都好足夠，唔點汁都得！《香煎老虎大蝦配黑松露鮮忌廉飯》$298有兩隻開邊大蝦🍤，表面煎到黃金色，黑松露鮮忌廉飯松露味就唔算好出，但係勝在夠creamy！仲有，份量都幾多下，share先食得晒～～最後有呢個唔知係跟個扒定跟個餐既即炸粗薯條🍟仲可以添食嫁！同埋終於唔係跟茄汁，係跟Mayo!!個人覺得性價比幾高，會再黎！

銅鑼灣越來越多樓上食店，無計啦租金昂貴，唯有向上發展… Hugo Le Resto Grill 位於怡和街恆隆中心，今日做完Facial就同男朋友響度食晚餐，抵食而且質素高，仲有無限次Salad Bar!幾時都係食Set最抵，餐湯+ Salad Bar + 主菜 + 餐飲 都只係由$268起點餐後就出去攞個沙律, 我超愛薯仔沙律，仲有粟米，桃，新鮮蔬菜等等廿幾款食物，而且仲有多款沙律醬/油選擇!干邑龍蝦湯好好味，份量都唔算細碗，仲有粒粒龍蝦肉！我點左香煎格陵蘭比目魚配清新柚子汁，比目魚煎得剛剛好，外脆內軟鎖住鮮味，加上啖啖肉唔洗驚啃骨XD伴碟配上露筍及紫薯，仲有清新柚子汁，夠飽得黎又唔會濟～而男朋友就點左美國頂級牛肩肉扒，5成熟就岩岩好！軟嫩且肉汁飽滿，男友食到lam lam脷

銅鑼灣食市林立，今日黎到上樓既Hugo Le Resto Grill 食午餐，睇呢度既裝潢就知係一間傳統既扒房，燈光昏暗，有好舒服既 sofa 椅，空間闊落。不過呢度仲有好大既窗，可以欣賞到街景，感覺份外悠閑。午餐是半自助餐既形式，有湯，包，沙律吧，主菜及飲品，主菜有多款主菜選擇，價位大約$70～140，都幾抵食。餐湯係磨菇湯，忌廉湯入面有打碎既磨菇，好有口感。面包香脆熱辣辣。沙律吧要各種沙律菜，粟米，蕃茄，青瓜，煙肉粒，面包粒，生果等等，另有多款沙律醬汁選擇。扒鱈魚柳配普羅旺斯燉菜鱈魚柳表面煎得好香脆，沾少許岩鹽，好好味！😋香煎美國厚砌豬扒伴芥末蘋果汁豬扒有一吋厚有多，煎得剛好，把肉汁鎖著。

今日放工要好好獎勵自己一下，黎到這間在銅鑼灣怡和街附近的樓上cafe, 好方便我搭車位置。2樓全層，幾寬敞有空間的環境，藍灰色的牆色配上紅色大大梳化，搶眼又舒服，也有2-4人枱；配上輕快的純音樂，可以輕鬆休閒享受了！食物方面，午餐餐牌選擇有飯、意粉、扒類等，更包了餐湯餐包及自助沙律吧！沙律吧有不同蔬菜，如：大大粒車厘茄、粟米仔、沙律菜、粟米粒等等，更有不同的醬汁（黑醋、Oliver oil、千島醬等），配上脆脆麵包粒或炸煙肉片，有口感又香口！我喜歡雞肉，所以點了香煎雞脾扒配麻辣黑椒汁，可選飯/意粉/薯菜。（餐湯及餐包）餐湯是西蘭花蓉湯，好香滑，西蘭花打成蓉好清新喔！餐包是香脆牛油多士，厚厚口感脆脆（香煎雞脾扒配麻辣黑椒汁配薯菜）好香噴噴超吸引，雞扒好大塊又厚厚的，咬落好嫩好滑無雪味，雞皮好香又吸了麻辣黑椒汁，醬汁好野味唔辣的；配菜有西蘭花、椰菜花、紅蘿蔔仔，清甜健康；薯條好熱辣辣、脆口又大條

Tdy online saw the discount and went to this restaurant We booked 8:00,however waited for 30 mins in order to get the table Later we ordered some food , waited for another 30 mins for my steak and ribs , super super slow The steak was too salty and the proportion isn’t large The ribs with strawberry sauce, but the sauce didn’t mix with the ribs well Around $360 for two people after 50%off discount Not worth it. Too expensive and taste bad

Happy Friday🤩忙完一個星期當然要獎勵自己！選定這間西餐廳與朋友開心聚會😌 餐廳位於銅鑼灣鬧市，不過環境闊落，坐得很舒適😆餐牌選擇多，我地見左一個意大利飯同一個牛扒share😆呢度既晚餐時段是有自助沙律吧的！可以自製醃口味既沙律，或者試下餐廳調製的都可以。我要特別讚賞沙律吧的鮮蝦，隻隻新鮮彈牙😆其他款式都好新鮮，同埋有餐廳調味的沙律都值得一試㗎！餐湯是龍蝦湯，味道濃郁，湯入面仲有少量龍蝦 🎈美國頂級牛肩肉扒$298賣相精緻，看起來已經非常有食慾！牛扒充滿肉味而且比較少筋，感覺是塊靚牛扒！🎈香煎老虎大蝦配黑松露忌廉飯$298這道意大利飯完全吸收了忌廉同芝士入飯心內，每粒都香滑飽滿，配上大量既雜菇同黑松露，非常有層次，好好食！另外虎蝦有半個手掌咁大，煎得剛剛好熟，咬落充滿蝦既鮮味，好正。🤤🤤大推！最後還有餐茶，真係令呢個禮拜既疲倦一掃而空啊！

百物騰貴，但想吃好東西不一定要付高昂價格。位於熙來讓往的怡和街有一樓上店質素與服務也相當不錯的啊！這裡有自助沙拉吧，款式不少而且新鮮；店員還不停添加食物，確保客人有足夠食物揀選。新鮮食材是基本。這裡的自助沙拉吧食材不單新鮮，而且還配有多款沙拉醬汁，值得讚賞～Set Dinner除了無限次自助沙拉吧外，餐湯干邑龍蝦濃湯用料十足，也是非常出色！我點了香煎老虎大蝦配黑松露鮮忌廉飯，超好吃！！！兩大隻超大虎蝦，配上濃郁黑松露鮮忌廉飯，實在太美滿！友人點的美國頂級牛肩肉扒賣賞相當吸引！我品嚐了一小塊，香味四溢且充滿肉汁…價錢不到$300卻有如此好質素，實屬難得啊！

今日朋友帶去銅鑼灣去食西餐，話有訂座優惠，都好多人等位，等左好耐先至有得入座。呢一度有自助沙律吧，加錢嘅話可以任食沙律。今次我哋冇叫沙律吧，在a-la-carte menu 揀咗兩樣菜，美國頂級牛肩肉扒及草莓醬燒美國豬仔骨，如果冇特價的話都偏貴。餐包：有兩款唔同嘅餐包，熱辣辣，軟熟!美國頂級牛肩肉扒（$288）: 叫左五成熟，侍應介紹呢一款牛肉比起其他冇咁鞋，上網睇返其實「Flat Iron」雖然算比較嫩的部份，但呢一個部份肉質都算係比較紮實，而且中間有好多筋，食落同介紹的差不多，都係覺得好實而且有筋，但係好鹹。草莓醬燒美國豬仔骨（$298）：草莓醬食唔出草莓味，但豬仔骨醃得入味，亦都唔會太實，但係洋蔥圈炸得唔夠鬆化。

2019 年3月21日星期四朋友介紹咗一間喺銅鑼灣嘅樓上扒房，Book咗今日同老婆兩個人撐枱腳環境唔錯坐得幾舒適適合同老婆或者同屋企人嚟牛扒嘅選擇都唔少，適合對牛扒有唔同喜好嘅人士我哋嘅係窗口位對正銅鑼灣大街環境真係幾正呢度仲有一個任食嘅沙律吧，質素唔錯款式亦都幾多，仲有青口同埋秋葵添望落去仲好新鮮。旁邊仲有一碟火龍果啱做飯後甜品外貌同埋味道一樣吸引一定唔會令你失望特別推介秋葵同埋車厘茄。餐湯係龍蝦湯。你冇睇錯到係有龍蝦肉嘅龍蝦湯唔怪得知碗湯非常香同埋好味經理話返俾我哋聽佢個龍蝦湯真係用龍蝦肉同埋龍蝦來整的呢間餐廳一啲都唔孤寒!湯係可以refill 餐湯配蒜蓉包令你胃口大開。蒜蓉包非常香脆香煎老虎蝦配黑松露忌廉飯老虎蝦煎得啱啱好仲要開邊唔使整污糟隻手叫咗一份5成熟嘅牛肩肉。好香好有牛肉味牛扒上面仲有塊蒜蓉牛油。令到牛扒食落去嘅時候更加好味牛扒下邊仲有唔少雜菜食完牛扒之後牛油同牛肉汁落晒去蔬菜都非常好味薯條配香黑松露汁。第一次咁樣食。雖然有啲邪惡但係真係好好食咁豐富嘅晚餐埋單唔使$700。下次周年紀念日可以再嚟最後要讚一讚個經理非常之細心。除咗經常走過來幫我地加水之外仲會問顧客嘢食如何！

平時經過怡和街時見到Hugo de grill 既海報但每次都己應約。 今天特急地約了朋友！ 進入後，旁邊己看到 自助沙津吧，有蝦同螺及各種蔬菜～ 蝦鮮甜，彈牙👍🏻 蔬菜類別挺多也仍合我們口味！ 環境舒適牛控的我點少得叫 美國頂級牛肩扒等了一會兒後便到了！ 跟要求的5成熟做到很到位！ 粉粉地色～ 香煎老虎蝦配黑松露鮮忌廉除了扒做得出色外，老虎蝦亦都得不錯。 巨型size 吸引外，邊位仲烤得點點焦添。 蝦肉清潔得乾淨又彈牙！ !

星期六出銅鑼灣行街超多人，想食個午餐又怕人迫要等位，所以就黎依一間樓上高級啲嘅餐廳，可以慢慢食得舒服啲🤗🤗🤗依間餐廳係正怡和街條天橋隔離既華人東區銀行大廈2樓，都幾易搵嘅，係對面街可以睇到2樓大大個招牌👍👍👍今日大約12點零上到嚟，book左枱即刻入得，環境好清幽，同喺樓下人來人往真係有天淵之別。依度嘅set lunch都幾多選擇，我同朋友今次就點左牛扒同銀鱈魚。每個set lunch都包一個自助沙律吧，蒜蓉包，餐湯同飲品。沙律吧都幾多選擇，竟然有少見嘅秋葵同桃!!!!!仲有唔同醬汁俾大家任揀，材料都好新鮮。今日既餐湯係南瓜湯，香濃美味👍👍美國頂級牛板腱扒🐂🐂🐂牛扒點左5成熟，外皮煎得香脆，內軟腍好juicy，成塊牛扒都完全無筋，好有牛味。鱈魚柳配普羅旺斯燉菜🐟🐟成塊魚只係用左少少鹽去調味，魚皮焗得脆卜卜，肉質非常結實，好味👍🏻👍🏻👍🏻咖啡☕☕依度既咖啡香濃得黎唔會太酸係銅鑼灣黎講依間餐廳cp值都幾高，食物環境同服務都係一流，埋單都只係每人百零蚊！抵！

同朋友覓食之時，響某app上見到呢間樓上西餐廳有半價優惠，就決定一於去試下啦。佢嘅食物水準都非常平均，牛排好淋亦重牛味。三文魚排焗得唔老，肉質唔鞋，面頭嘅層麵包糠焗得好香脆。海鮮意粉好香basil味亦好足料。而poke rib個bbq醬好特別，唔係普通嗰種勁甜咁，反而係有少少煙燻味整體食物質素都好高質。但唯一問題係由於佢係樓上舖，所以佢嘅樓底太低，令到成間餐廳嘅環境太吵，將一間西餐廳變到好似酒吧咁

呢幾個星期工作實在太忙，於是今天同事話帶我出去食個靚lunch!呢間餐廳位於銅鑼灣鬧市我大廈裡，午餐時段不算多人，總算繁忙給予一些寧靜！這間餐廳lunch時段有自助沙律吧，岩哂想下午食多啲菜既女士們！Lunch set有餐湯、餐包及飲品！餐包是法包，雖然是法包，但都很軟！餐湯是什菌湯，有濃濃的菇味，亦不是很cream的忌廉湯，所以唔怕會好漏！美國頂級牛板腱扒($138)，扒餐可以揀跟飯、意粉或者薯菜，而我揀選了配飯，這裡的飯是用上珍珠米！牛扒點了五成熟，沒有整得過熟，牛肉鬆軟多汁，牛肉味濃！配有醬汁特別惹味！香辣蒜片海鮮扁意粉($108)，意粉有少少辣味，能夠刺激味蕾！海鮮方面有蝦有蜆有魷魚，而且海鮮都幾彈牙！總括黎講，餐廳食物質素高，而且可以lunch的時候靜靜地傾同事朋友傾計！而下午又有沙律吧食，是一間很好的餐廳！

朋友約咗我去這間餐廳，我路痴居然都好快找到。它就正正在Sogo對面。Cafe的格局很美式，有簡約的salad bar，方便客人選取食物，而最驚喜是有秋葵這種健康食材。來到就一定要食牛排啦!朋友一早鎖定七成熟的頂級牛板腱扒(6 oz US Prime Flat Iron Steak)。佢話美國牛扒好食過澳洲，我絕對信佢，因為佢係澳洲返來的。佢話佢塊扒okay juicy，價錢合理。我就叫咗美國頂級西冷牛扒(6 oz US Prime Sirloin Steak)，也是七成熟，我的扒帶有脂肪部份，較有口感，也是okay juicy。以$138一個set lunch，銅鑼灣區，性價比屬於高。今日提供嘅係西蘭花湯，味道okay。

坐位都算寬敞，一行四人坐卡位，都還可以坐多兩個人。店內環境舒適，店員服務態度也很好。食物方面，當天點了以下菜餚:黑毛豬豬鞍，又不錯，味道各樣都好平均，但份量少了一點，可以多少少配菜會更佳！三文魚凱撒沙拉，普通一般沙拉，多了三文魚，份量又過少了，兩三下食完！香草雪糕蘋果批，好食，蘋果配香脆千層皮，再配雪糕，好味，飯後甜點都算好食又不膩，正呀！雪糕配朱古力心太軟，都不錯！原本以為來餐廳就有自助沙拉吧提，但因為所叫的是單點，所以就無得自助啦，好可惜，本想食多點菜，失敗了！但餐廳都算是聊天的好地方！