瘋鳥 (Closed)

今晚約左個舊同事提早食佢餐生日飯，我提議黎呢間瘋鳥食。餐牌選擇唔算多，我地最後叫左美式BBQ豬仔骨、三重芝士炸蝦Pizza、蜂蜜蛋糕、特濃朱古力麻糬窩夫(配雪糕)。美式BBQ豬仔骨個醬汁唔錯，唔會死鹹。豬仔骨夠軟淋，配埋薯條同沙律，正。三重芝士炸蝦Pizza有驚喜，濃濃既芝士但唔會膩，炸蝦大大隻，同pizza都幾夾。Pizza底唔係薄到冇食過野甘個種，係有啲厚度，甘先有咬口，我鍾意。蜂蜜蛋糕好多層次，口感軟綿綿，仲加左啲果仁，充滿濃濃既蜂蜜味，所以偏甜。特濃朱古力麻糬窩夫配朱古力味雪糕，賣相吸引，窩夫加左麻糬變得煙煙韌韌，甜度亦岩岩好，好食。

順寧道出名係車房街，但中間又夾雜咗唔少文青咖啡店，反差萌，感覺幾得意。今次，我就約咗朋友去一間名為瘋鳥嘅Cafe~好開心，一傾計就知大家啱咀形😌一定要再約！言歸正傳，呢度堂食位約20個，地方唔大，但彌漫濃濃嘅森林氣息，枯枝、鳥籠、實木傢俱，一坐底就有種好Chill嘅感覺～😌因為下午茶關係，簡單點咗牛肝野菌汁雜菌意大利、 雜果麻薯窩夫、芒果橙沙冰及洋金菊茶。牛肝野菌汁雜菌意大利粉🍄呢個純素意粉充滿羅勒香，感覺好清新，雜菌好多，份量足。整體正常發揮。雜果麻薯窩夫🧇呢個一般般，雜果酸甜，同甜嘅忌廉撞埋，應覺唔會死甜。不過窩夫偏乾，質感有啲硬，唔算好推薦。芒果橙沙冰🍹呢個超正！沙冰入面滿滿嘅芒果蓉及橙蓉，好fresh，解暑一流～！同埋唔算好甜，飲完都無罪惡感。洋金菊茶🍵正常發揮，不過不失，不過個壺幾復古，幾igable！P. S. 整體嚟講，瘋鳥比我感覺係放鬆好地方。至於食物，無論味道及造都屬於正常水平，唔會話好驚艷嘅感覺。

又來到 Happy Friday, 我緊係唔會錯過同仔仔去食好野的一晚啦！因平時早瞓都唔會去街或去得夜，但星期五晚唔同可以慢活一點，因第二日唔洗返學唔洗趕起身 😁。今晚帶仔仔來到瘋鳥係因為佢鍾意食意大利飯，但我又想食 burger 咁Cafe 就最好不過啦！我地叫左以下幾款美食：鏗魚蕃茄鮮蝦意大利飯 ～ 一來到仔仔已經係咁食， 我只係食左一口飯和一隻蝦，成碟比佢清哂，我只能說你太肚餓和太鍾意食意大利飯了，蝦夠新鮮，飯唔會硬唔錯。惹火菠蘿雞漢堡配美國薯條 ～ 個菠蘿燒得好焦香，夾住雞扒一齊咬，酸酸甜甜好滋味，而薯條夠長夠粗。焗西蘭花芝士卷 ～ 呢個小食幾特別，咬落去係有d 西蘭花碎和芝士拉絲薯仔蓉咁幾鬼馬。特濃朱古力麻糬窩夫（配雪糕）～ 我和仔仔最愛呢個甜品， 因為麻糬窩夫好煙韌而且熱熱地上面有香蕉又有cream 和雪糕， 一刀切落去，一野放哂入口正到暈。凍朱古力 ～ cafe 飲朱古力就最正，因為夠濃和有cream 係面，特別滑。

上一次食牛扒嘅時候見到呢間 <瘋烏> 一開始係比佢個名吸引到覺得好搞笑 食完會唔會真係瘋左 望入去入邊都幾文青feel ，今次有機會就試吓啦 ！！英式芥末烤牛脷 $53 牛脷加Wasabi真係未食過 ，食落又唔差喎 Wasabi辣辣地幾刺激 朱脷燒得啱啱好 仲軟淋淋嘅 日式南蠻炸雞翼 $55 啱啱炸出嚟熱辣辣 😋😋 炸雞翼最驚炸粉太厚 ，呢個又唔會喎 啱啱炸起嘅關係仲有肉汁流出 。三重芝士炸蝦pizza $115 三重芝士真係唔同講法， 淨係睇個面已經滿滿嘅芝士啦 拎起一件Pizza 見到幾多芝士拉絲 幾吸引 ！！水蜜桃抹茶蛋糕🍰 $45推介 推介 真係估唔到個甜品又幾好食喎 ，令我好滿意 水蜜桃好香甜 🍑抹茶又唔苦 ，一啖過可以食得出淡淡抹茶味 同甜甜地既桃 ，無被任何一方遮蓋到非常好

好耐冇黎長沙灣，朋友介紹嚟呢間餐廳，果然冇介紹錯。先嚟叫咗個分享拼盤，我樣樣都有啲油炸雞翼、西蘭花芝士卷、鹽酥菇、仲有薯條。全部都即製熱辣辣👍🏻雞翼仲好多肉汁好Juicy。「蘋果香煎松阪豬沙律」呢個配搭第一次食原來味道好夾，蘋果同沙律菜好fresh👍🏻甜品揀咗「特濃朱古力麻薯窩夫」，仲有凍冰冰嘅雪糕，呢個有驚喜，因為窩夫中間溶入咗麻糬嘅口感好煙靭，朱古力味香濃又唔會好甜，超正。飲品方面我就揀咗Oreo Mocha 沙冰，賣相同甜品一樣又靚又好味。一向都好支持小店，環境坐得舒適，下次一定再嚟食。

天氣熱辣辣。是「瘋了」嘛？想起同事講開。長沙灣有間cafe叫「瘋鳥」。一於試下係「瘋了」定「瘋鳥」。🤣🤣Menu簡簡單單。主要分五大類。Tea Time 口痕食小小醫下肚仔先。英式芥末烤牛👅～軟淋淋。加埋d英芥幾惹味。有驚喜。🤪韓式甜辣炸🐔pizza ~炸🐔食得多。mix埋pizza食真係第一次。炸🐔切成一粒粒。易入口。👍🏻芝味濃郁。芝迷like爆。❤️order咗壺洋甘菊茶慢慢嘆。聽住傾下計好Relax 。🥳

好一段時間都無去cafe打下卡，慢活下咁扮扮（偽）文青啦呢晚愛拍照既朋友食約左我食飯，佢就帶左我黎呢個小店呢度既裝俢簡約得黎又不失格局，相信黃昏時份黎食個tea都幾好feel呢度既食物種類都唔少，特別係小食類有幾多不同既選擇我地兩個睇完之後就揀左兩款款一齊share 首先係朋友仔揀既“惹火菠蘿雞漢堡配美國薯條”HKd$80+10%burger 內既bbq醬好香濃，帶有微微既辣勁，不錯喔即炸既香脆粗薯條係唔會有得輸架！！！跟住就係我嗌既“古早章魚燒pizza”HKd$120+10%，係一款和風口味既薄身pizza今晚我地兩個都係飲Baileys Chocolate一凍一熱，估下邊杯先係我既最後當然唔會少左甜品既環節啦我地就揀左呢份“蜂蜜蛋糕”HKd$50+10%同“宇治抹茶麻糬窩夫配雪糕”HKd$68+10%做飯後甜品，超滿足

惹火菠蘿🍍辣雞堡$68厚厚嘅菠蘿同煎雞扒出奇地夾令到口感層次好豐富再配上三沙律菜，感覺唔會太油膩🙈而且呢個雞扒帶有有美味的辣，油而不膩煎蛋手作漢堡肉咖喱飯🍛$68偏向日式嘅咖喱汁甜甜的手作漢堡經過炸後非常之香口，不會太油膩🙈呢度環境好清幽作為一間咖啡小店絕對係高質，午後嚟到呢度環境較安靜，無太多客人。值得一讚嘅係呢度嘅服務態度好好，店員待客有禮貌。而且小店裝修主要都係以木材為主 ，感覺自己好似置身喺森林裏面咁。💕

冬陰公海鮮意粉配espresso tonic好夾，雖然急凍海鮮扣咗分，不過冬陰公幾好味，酸辣剛好唔會太嗆喉，而且意粉煮得啱啱好夠彈牙，食到咁上下，飲啖espresso tonic 降下溫解下辣，唔錯，價錢合理，值得一試😋

收工時又天陰陰☁️ 帶著疲倦的身軀回家，縱然屋企有食材 但提不起勁來在家做晚餐，想了又想 都係出街食，乘機唞一唞😂。從屋企步行不到3分鐘 見到呢間Cafe，就係咁即管試一試吧😃 菜色有限，頭盤salad 只有三個選擇，而主餐大約8⃣️款，只有最後一選西冷牛扒(8oz)係沒有飯或意粉 係,幾啱我的心意不過 這𥚃有多款小食, 因為唔太肚餓所以打算輕食，味道不錯呀尤其是芝士西蘭花，外脆內軟和暖

平時好少嚟長沙灣，但今次咁啱嚟探朋友，朋友就帶咗我嚟呢間餐廳，話平時幾乎日日都食。佢係食素嘅，難得搵到間對素食友善嘅餐廳，咁當然要支持下啦！朋友叫咗雜菌意粉，我就試咗泰式豬頸肉沙律。 睇落份量唔係好大，但都好飽肚。咖啡都算高質，覺得可以再encore

夏天就嚟到，天氣開始熱，午餐成日都冇乜胃口，今日經過呢間餐廳，就入去試一試。環境幾舒服，冷氣夠晒凍，杯嘢飲都好夠冰冷好解渴，最令我欣賞嘅係個菠菜帶子闊條麵，味道香濃，但有帶少少菠菜嘅清新，好啱夏天食。

【 有特色的文青食店 】 長沙灣近年都開左好多好有特色的靚Cafe，當中我經常去的係瘋鳥Hummingbird Coffee & Food，餐廳地方不大，但裝修得幾有特色，小清新的感覺，好適合三五知己聚下傾下計。下午茶時段，唔算太多人，可以靜靜地休息一下，我同朋友一人一個餐，但下午茶餐有D 細份，我地唔太夠，所以再叫多個。前後點了一份啤酒炸魚配美國薯條，一碟焗黃金芝士煙肉扭扭粉，一份香煎魚柳白汁飯，餐飲點了一壺英式紅茶和熱朱古力。啤酒炸魚配美國薯條係我每次去的必點選擇之一，因為實在太太太好食，粗身薯條熱辣辣，係新鮮炸起的，非常好味。有小小啤酒味的炸魚，炸得剛剛好，魚肉好林，外層好香脆。隨碟的他他醬都唔錯，食完可以叫店員再加。香煎魚柳白汁飯，魚柳煎得幾香，但可能太薄，邊邊煎到有點硬，飯的份量都幾小。焗黃金芝士煙肉扭扭粉，味道正常。

第一次食，有驚喜，野食不錯，價錢亦適中，炸蝦pizza 好唔錯，最好味一定係炸雞翼，估唔到呢個時候都唔少人幫襯，八點已經冇空檯，但檯與檯之間位置都較近，始終都係小店，但整體感覺不錯

芝士🧀薯波🥔🧆 $50唔好睇👀佢細細粒 其實都幾滿下嘅芝士醬🍯好多 一啲都唔孤寒🤪食到個底🥣仲會有 🍴雖然薯波🧆睇落好易整🤲🏻但整得好唔好食 又係另一層次🧘🏻‍♂️🧘🏼呢個薯波我比好高分😌👍🏼👍🏼值得叫雖然價錢偏貴💸好味程度🌟🌟🌟🌟.美式燒烤牛🐃肋骨 $128唔太大份🍽 味道都好食嘅👅正常發揮 如果鍾意❤️食嘅朋友可以叫好味程度🌟🌟🌟.三重芝士炸蝦🍤Pizza 🍕$115係有一大個嘅🍕 但唔記得左影😞😞可能我本身對佢期望🤔幾高所以有d 失望🧐係幾特別嘅一款嘅Pizza👻但係無我想像禁好食當然 我唔覺難食嘅不過只係覺得無其他人👦🏻👩🏻👨🏻形容到禁好食正常好味程度🌟🌟🌟總括依然呢我覺得呢間🏠都幾值得去嘅野好食 環境又靚高質小店🧑🏽‍🍳👩🏼‍🍳 推介