瘋鳥 (Closed)

有誰令我可破例喝一口咖啡竟然係隻雀瘋鳥Humming Bird為什麼全世界最渺小的雀仔竟有如此魔力讓介掉咖啡已久的車媽媽喝一口咖啡呢??門面簡潔清雅一點也不像置身長沙灣中~由數位小伙子主理咖啡和食物所有東西都簡樸實在~破例係因為小伙子對咖啡的熱誠令我很想一試首先他給我們詳細介紹各種咖啡最後選定給我們一款後取來已磨咖啡先給鼻子品嚐才正式沖調~對於咖啡沒太考究的我喝下這款精品咖啡$50時嚐到味道不苦澀而遲鈍的味覺到喝第二杯才輕輕感到酸味對於我來說可以接受呀~還有多款精品咖啡可選總可找到自己心水~Fish & Chips$68一客有四件炸魚,炸漿不算厚重魚肉沒腥味不過我還是喜歡那薯條^0^熱烘烘的連皮炸薯條不算脆卜卜的口感但軟糯粉淋的質感更合我意慢慢吃著更滲出點點鹹香來越吃越滋味~三重芝士炸蝦Plzza$98 8"大的厚批用上三重芝士對胃得很有拉絲效果之餘還散發陣陣鹹香連埋脆口炸蝦層次更加豐富~最後飲杯蜂蜜檸檬茶便寫意哋吃罷一頓悠閒午餐^0^

老老竇竇，筆者份人真的念舊，久不久也會返回長沙灣搵食，四圍走走，看看以前的蘇屋村，依家係點既樣。我哋既目的地，係剛開業的小店瘋鳥，是三個90後開的店，誰說90後拒絕上班，天天只顧吃喝玩樂？若沒記錯，這裡前身叫嗱喳街，是扮懷舊的車仔麵店，以石油氣爐、鐵皮信箱等作裝飾，曾經風靡一時。90後梗係唔同你搞啲咁既嘢，一棵禿樹，一些海報，一枝結他，簡簡單單，盡顯個性。眼見有炸魚薯條，我這個英國邦，梗唔會錯過。四小件的炸魚，粉漿唔會過厚，魚肉尚算嫩滑，合格貨色，只可惜欠缺了醋。反而，薯條唔錯，薯香之餘，咸味由內滲出，不用沾外來醬汁。好似很耐無食過pizza，即管接店主的推介，來一個三色芝士炸蝦薄餅，是厚批來的。三色芝士，唔使問都知係邪惡，芝味十足，將批拉開，不乏視覺效果，絲絲愛慕。其實，單是三色芝士已好吃，頂頭再加隻炸蝦，加深罪孽。年紀小小的店主是咖啡痴，會從世界各地購買咖啡豆，店中既有豆香濃的巴西豆，亦有帶果酸的埃塞俄比亞豆。如果你同店主傾咖啡經傾得投契，佢仲可能會沖一些更特別的咖啡讓你品嚐。筆者的這杯，入口不太苦，嗒落會有微微的酸味，after taste悠長。喜歡這個小天地，然而，歡樂時間過得

大帽山下，「條命係我嘅﹗」這一番豪言壯語，那一張咄咄逼人的猙獰嘴臉，至今仍在小妹耳邊迴響、眼前浮現。為了一己私慾，追看雪霜，二百多人被困大帽山或飛鵝山，要警察、消防員和救護員在嚴寒下出動拯救，真的是愚不可及且自私的行為。這個世界，真的瘋了吧﹗生處這個瘋狂的世界，三個瘋子，在長沙灣順寧道，開設了一間名為「瘋鳥Hummingbird Cafe」的個性小店。「瘋鳥」，由世界上最小的「蜂鳥」，取其諧音而來，喻意「瘋狂的鳥」。據說，「蜂鳥」能夠以快速拍打翅膀的方式而懸停在空中，也是唯一可以向後飛的鳥。蜂鳥雖小，但一群瘋鳥，力量卻十分驚人的，就像希治閣驚慄電影「鳥」一樣。此外，老闆喜歡的一首歌，剛好也叫「HummingBird」。其歌詞大意是：「儘管我這麼標奇立異，也得做回我自己」，是三個小伙子的堅持和信念，也可說是小店的最佳寫照。店中的三位年青老闆，就像與眾不同「蜂鳥」一樣，力量雖小，仍勇於冒險，為夢想豁出來，為人生輕狂一次。年少輕狂又如何？人不輕狂枉少年！Are you ready？Let’s fly……推開而入，小店裝潢簡約質樸，原始粗獷的的水泥地配水泥牆，再配上暖黄色系的懷舊燈罩，深色實木

今日黎到長沙灣搵食, 發現左一間新開無耐, 一間好cozy既cafe, cafe以鳥做主題, 店內主要用木做既傢俱, 仲有一棵樹做擺設, 感覺好似去左花園咁, 好舒服~睇一睇menu, lunch set都係$4x, 仲包埋飲品, 咁既環境既cafe真係好平, 除左lunch set,都仲有其他野食散叫, 價錢亦相宜~Vi同朋友點左一份三重芝士炸蝦pizza, , 蜜糖芥末烤雞沙律同埋海鮮意大利粉, 飲品方面, 呢度有好多好特別既咖啡同花茶, Vi同朋友就點左洋甘菊茶同熱朱古力~o係等野食既時候, 突然見到有隻貓貓走左出黎, 原來佢係住O係呢度既, 貓貓好得意又唔怕人, 為食客帶黎好多歡樂, 不過好快就因為太多客人, 貓貓就要被迫收埋先~野食黎了, 先黎既係海鮮意大利粉, lunch set黎, 所以份量唔係好大, 意粉小小辣幾惹味, 而且乾身彈牙, 亦有好多海鮮料, 味道唔錯, 不過唔係好夠熱~呢個蜜糖芥末烤雞沙律都好抵食, 落左好多醬汁, 沙律菜幾新鮮爽口, 而烤雞都有好多粒, 不過每粒都好細件, 大番小小會好d~呢個三重芝士炸蝦pizza好吸晴!!!好大個賣相好吸引!!pizza

好耐都無點試新野食，見公司附近開咗間新西餐，就去試試。門面較簡潔，一入去見到有一area係好似坐tatami 敢幾得意。野食種類較多，但款就少咗d, 有多款不同的coffee,正。本人食了蜜糖芥末烤雞salad，喜歡個醬，其他只可以話幾fresh，另一個fd 食咗啤酒炸魚薯條，炸得太耐，有點乾及過脆，但食落真係有啤酒味。

先說明一下，我不是文青，也不是偽文青，因為不再年青了 。偶爾會來深水埗、長沙灣區探探老朋友的，聽朋友說附近新開了一家咖啡小店，意粉做得不俗，名字叫作「瘋鳥」。午餐有數款選擇，意粉、炸魚薯條、全日早餐，配花茶，都只是四、五十塊錢。點選了牛乳三文魚意大利粉（$43），份量不是很多，但女生是一定足夠得，對胃納大的男生就似乎有點勉強吧！不過，味道弄得很有水準喔，意粉很有嚼勁，沾滿了牛乳汁，三文魚亦下 得不少 。餐飲選了拿鐵，需要補$5，拉花很漂亮，味道十分醇和，奶泡沖調得很幼滑，雖然不是經常喝咖啡，但也感到這是一杯有質素的拿鐵 。閒暇的一頓美味午餐，舒適的環境，讓人在勞碌中悠閒一下，提起勁再往前走！

是一間由90後年青人開的小店，名字特別，英文店名是 Humming Bird，即是全世界最細小的雀鳥----蜂鳥。中文店名則玩起食字來，不作蜂鳥，變成「瘋鳥」，莫非想喻指年青人開店創業做生意，抱著的是勇往直前，破釜沉舟的決心？如果是這樣的話，店名索性完全變成「瘋了」可能更貼切呢？這間雖是小店，但地方並未如蜂鳥那麼細小，店內陳設簡單，可也頗有特色，當中靠近店子門口的一棵只得禿枝的大樹、 少許橫亘在兩邊牆上靠近天花處的樹枝和掛在天花上的鳥籠等，都與店名互相呼應，而一些藝術電影的海報，也增添了這兒的藝術氣息。這小店的午餐選擇不多，就只得五款而已。當中的「啤酒炸魚薯條」（$48）和 Little Breakfast（$52）卻都頗有特色。特別是炸魚薯條作午餐，要非專吃炸魚薯條的店舖，著實不多見。我與友人正好各取所需，喜歡炸魚薯條的我選了這英國國菜，愛吃 All Day Breakfast的友人就吃 Little Breakfast。我的「啤酒炸魚薯條」頗有水準，炸魚脆漿夠薄，不會有漿粉比魚肉還厚的問題出現。外脆內嫩的炸魚，口感、味道都挺不錯，不過炸魚只得兩小件，就真是少了點，讓人吃得不太夠喉。

好耐都無搵表哥一家食晏晝，趁依個星期日落開深水埗，又有點空閒，相約食餐午飯。佢哋家住順寧道，就番晌附近，所以，就揀咗新開無耐嘅瘋鳥，因為經過時見佢幾人氣！聽表哥講，依個鋪位都轉過好多手，飲食生意真唔易做。店內環境裝修簡約，水泥地、水泥牆，配上暖黄嘅疑似烏絲燈泡，帶點點工業風。配置咗二、四、六人枱，以小店嚟講，缺乏彈性，但可睇出店主想要嘅可能喺風格。近門口及水吧枱，有少量吧位，單拖或得兩個人嚟都好適合。而走到餐廳尾再入深啲，有條冷巷仔，原來都有兩張二人枱，想同朋友靜局啲、少啲騷擾，「冷巷位」就一流。食午餐包飲品就最划算，是日午餐共有5款（$42-$52），包花茶一杯，咖啡或是日特飲需額外加$5（但摩卡除外），其他飲品則正價減$20，而且供應時間好長（11:00am-6:00pm），當提早嚟食個晚餐都得呀。表姪女最愛薄餅，所以，我哋一行4人點3個午餐，另加一客薄餅。一向寫食評為方便大家參考，如店方唔介意，小弟盡可能都會影影餐牌。食物選擇有小食、沙律、意粉、薄餅，唔算好多，在乎精。因為我見午餐款式晌餐牌中都有散點，向店員查詢後，午餐嘅份量確喺會比散點少一啲。蜜糖芥末烤雞沙律 $42午餐中最輕

環境：木製檯凳，坐得好舒服。有一張類似榻榻米嘅檯，應該會更舒服。每張檯上面都有一樽花，四圍有雀仔裝飾，overall環境非常舒服食物：lunch set由＄43至＄52，包一杯熱茶／咖啡或是日特飲（加＄5）水：老闆介紹佢地嘅水係用水機打嘅，所以會有啲氣泡，飲落當然冇分別，不過幾有視覺效果菠菜雜菌意粉：份量非常足夠。有2片新鮮菠菜，雜菌、車厘茄、洋蔥、煙肉鋪滿染咗菠菜綠色嘅意粉上。意粉非常乾身，口感偏硬，鹹味適中帶有新鮮菠菜嘅清新口感啤酒fish & chips：加入啤酒嘅fish & chips係最傳統嘅做法，魚肉肥美滑溜，一切就散，口感極佳。好粗好肥嘅薯條炸得好新鮮，熱到辣口，炸完之後應該有吸過油，所以上菜時完全唔覺油膩。雖然唔係食過最好味嘅fish & chips，但炸漿有淡淡嘅啤酒味，有驚喜。而且呢個價錢有呢個質素絕對收貨牛乳三文魚意粉：同樣地意粉非常乾身，唔會好鹹所以配合鹹鹹地嘅煙三文魚一齊食就啱啱好。但如果有返少少汁會更好味服務：好友善，睇得出對食物cafe有熱誠，有一種會想令人再試嘅吸引力！呢度只係開咗幾日，但我已經嚟過兩次，第一次係呢度啱啱開張冇得食，不枉我第二次再專登嚟