湖南老家飯店

Open Now

Now Closed

外賣這家。外婆菜炒雞蛋味道還不錯，價格也不貴，滿滿一碗，小炒拆骨肉，味道還可以，不算特別驚豔，麻婆豆腐份量十足，味道可以，作為外賣帶回家味道也不減分，現在有外賣8折，很划算

雖然不是湖南人，卻愛湘菜的香辣，以辣椒炒肉和剁椒魚頭為代表。當我吃到這家的扶蘭小炒肉，和我在長沙吃的基本沒有區別，撫慰了我的心靈。每隔一段時間就要來這家解饞，他家魚也做得很好吃，不知不覺就吃多了，湘菜實在太開胃了！

今日買左佢個20魚香茄子飯，份量夠大，夠飽既，但d魚香茄子其實只係茄子辣椒飯，連肉碎都冇嘜，但以$20既價錢有甘既條件亦符合；真係超級辣lo，如果你5係食得辣既人就吾建議叫尼個，味道係幾好，係可以撈晒d飯食，但不能再戰。。。

落單後送菜要三催四請才出一個，追單時伙記問完又問我叫左咩？講完又講個餸都係冇來，火滾即刻去埋單嘅時候廚房仲說如果要快的話去麥當勞或者大家樂咁咪快囉，咁既服務質數，免費都唔會再幫襯

雖然呢頭大把好野食，但一到放飯時候，在太子返工嘅我都諗爆頭諗唔到食乜，又唔想行太遠，又想經濟實惠又好食。最近找到呢間相逢恨晚的餐廳。佢的位置有點點不起眼，但一路都有廣播嗌咪介紹返～原來之前在電視介紹過，佢的抗通脹飯盒，外賣自取只是$20，真心係月尾恩物！今日就同兩個同事，各嗌左一個飯，拎番公司舒舒服服咁食啦！呢間店出名食海南雞飯，除此之外，仲有其他家常小菜揀，我地揀左魚香茄子同蠔王雞粒豆腐飯。三個飯，每個都係$20。每個飯都份量十足！唔會張價就貨。男同事仲驚廿蚊飯好細個嗌兩盒，其實都唔洗呀！夠哂飽！海南雞飯：入面係油飯，而非白飯，入面仲有好多舊雞。個酸汁入面有蒜同辣椒，夠哂香！只是略嫌雞肉老左啲～魚香茄子飯：份量夠，個汁好香，送飯一流。開頭以為自己食唔哂咁多飯，最終都係食哂。蠔王雞粒豆腐飯：個樣唔似辣，但入面都幾多辣椒。辣椒食得出係有爆過，好香呀！又係送飯一流～一日食一種飯，仲有其他款色，都夠哂食一個星期！推薦！

呢間上年開張個時，幾好食，後來質素下降了今日黎試下，服務真係麻麻地，出菜很慢，呀姐係甘話多外賣呀😑第一次食呢度木桶飯$48, 點了 外婆肉燥木桶飯， 有一半肉燥一半雞蛋，幾香喎😋，不過食落唔算辣，而且勁多欖菜喎

本身在看街頭的宣傳單張，見到它小小的麻辣粉，好像只售10多元🤔，但上到去，餐牌卻是另一張，好像點心紙一樣的，但它的選項只有一些普通港式飯，又或是一些不算太特別的粉麵，是截然不同的🤔但$40左右午餐麵餐不算太過份，一試何妨。結果，上到來這些中式餐廳，又不想勉強點港式粉麵飯，結果，我們便點了一個酸辣豬扒米線，以及一個酸辣肥腸米線。結果，兩個都不負眾望，因為我本身問店員說我不可以要「少酸」的時候，她猶豫一句晦氣的說，「也不算太酸的」，就這樣回應，也即是，不用再改什麼選擇吧。結果，來了的酸辣米線，的確味道不錯，酸辣不算太嗆辣，應該由中式泡椒所提供，因此辣得來非常之嗆，也夠香，不會是一味死辣，或是辣椒油那種單調辣，有點兒泡椒的麻辣味道，是難得我喜愛的酸辣米線！友人的豬扒，炸得不太肥膩，有油香而有肥有瘦，不會太痴牙，痴骨處當然正而米線的份量不少，可以說是網網千斤，對於男子來說，份量就相當之不錯，對女子來說，可能會吃不消。而且米線煮得相當之有嚼勁，不會煮到軟林林完全沒有咬口，而其他配料亦都非常之多，例如是肥腸，兩人分享，每人都有五六件，亦即是一碗米線裏邊的肥腸，應該會有10多件。飲品有可樂或是其他楊

在香港都好似返左大陸咁，想食湘菜可以試下呢間餐廳！這裡的格局和用碟好有大陸的格調，無論係環境和用碟，充滿毛主席的特色！剛好有個湖南朋友，試過都話正宗，不過有點小炒份量就較少，炒得一般。店員都操流利的普通話，能夠同內地客人好好的溝通，另收加一服務費。.是日菜單📋📌 農家小炒肉 {HK$88}📌 湘川酸菜煮龍躉球 {HK$168}📌 干鍋花菜 {HK$68}📌 糖醋脆魚 {HK$88}📌 虎皮椒皮蛋{HK$45}

今晚約咗友人係旺角搵食，行行下嚟到太子見到呢個食湖南菜，價錢又唔算貴就入咗去喇，舖頭座位係一樓，地下主要做外賣，行上一樓嘅樓梯旁已經放晒咗好多毛主席🇨🇳嘅裝飾，上到去見到有2/3位都冇人🈳，可以隨便揀位坐，餐廳內嘅佈置主要都係毛主席，連碗碟🥣🍽都係。講返食物先，口水雞🐥啲雞幾滑下，而辣味好夠，而係底嘅青瓜🥒就唔多入味，應該係上菜前先放；乾窩田雞🐸嘅配菜好多，但田雞🐸就偏少，味道略為淡，個窩嘅火🔥好猛下，燒咗唔夠五分鐘就聞到燒焦嘅味；酸菜龍躉🐟啲咸味過重，蓋過酸同辣味，所以要配飯🍚食先得，啲魚都幾滑下，友人至愛❤️呢味。

已經好小心睇張單黎埋，$18一位茶錢，有點驚人！那盆酸菜魚只有四塊魚片，可能因為係特價，但真吾覺優惠咗！味道可以，但吾會再黎，有被揾笨感覺！歡喜以為可以吾使去深圳食酸茶魚，可以慳車費、時間，但都係失望😞。

今日剛好去太子接朋友收工，諗住食啲野，朋友話見到尼個餐廳有個優惠$98 酸菜龍躉球，見幾吸引，決定去試下去到整體感覺係乾淨嘅，但燈光略為暗左啲。一坐低就緊係問下有無我地見到嗰個優惠啦，老闆好爽快話：有，要咩辣？中辣，唔該酸菜龍躉球朋友一開始話酸菜魚嘅湯一般都可以飲，我地就即刻每人一啖試試佢先，真係好好味，又夠香，又夠辣，配一流酸菜唔多，但配菜都幾多，配菜種類都好多，有雲耳，芽菜，青瓜等...真心推薦湘味小炒肚絲唔太記得個名，尼個炒豬肚絲都唔差，份量又多，又夠惹味湘味辣炒土豆絲炒土豆絲係我多數食川菜都會點嘅其中之一，唔知係咪前兩個菜太惹味，食尼個反而覺得無乜味，但土豆絲都炒得好爽身，口感都唔錯湖南大千雞個人覺得反而尼個無乜特別，可能係唔夠辣嘅關係，但都炒得好香，略嫌雞件唔夠滑，比較硬身。整體而言喜歡食辣嘅朋友可以一試，個魚真係令我覺得好驚喜，好味!真心推薦喜歡食酸菜魚嘅朋友就算下次無尼個優惠我都會再尼食

小弟間中會同同事去午飯.... 因為佢唔會預先印單放枱面，而係食完去櫃枱找數，肥老闆經常計多錢（每次計多一兩個餐錢）.... 已經試過好幾次所以各位埋單一定要小心睇清楚食物尚算可以

去骨海南雞飯😎$20早前知道上手May姐無做，之後就少左經個頭🙈最近有間湘川菜館頂手，繼續做$20海南雞飯😏今日咁啱經過，唯有試試😂老實講，份量好夠，感覺仲多過以前May姐👍食哂我都覺得飽飽😋而味道我覺得不過不失，感覺無以前May姐咁好，不過依舊抵食，值得推薦👍

今晚喺工聯會嗰度買嘢,所以順便係太子食飯,其中幾間食開嘅都大排長龍,既然係咁就試下新嘢啦.行到呢間湖南老家飯店門前,見到有幾個路人睇緊門口嘅餐牌,猶豫緊入唔入去,我同朋友就一馬當先咁樣衝入. 要行一層樓梯先至到達餐廳,入到裏面,環境比較昏暗,當時可能時間尚早,客人唔多,但係非常嘈.到差唔多食完客人多嘅時候就更加嘈吵喇.貌似老闆嘅人帶咗我哋去一張正方形嘅細枱,因為都幾侷促,我哋要求換枱,但係佢都唔畀.其實佢嘅安排都啱嘅,但係或者因為態度問題,或者因為佢冇乜笑容,作為客人總有一點不爽. 見到抬頭寫著如果like fb就會送小食,侍應話所謂小食就係花生,實在懶得為一碟花生上fb,即時果斷放棄~ 因為都有少少肚餓,好快就決定咗要食乜嘢,叫個侍應點菜,見到佢拖住腳步咁樣行過嚟,真係會有少少嬲.無論叫侍應攞餐牌定係斟水或者落單甚至上菜,每件事都慢幾拍,氣定神閑慢條斯理,當你以為佢已經唔記得想催佢嘅時候,佢又會忽然出現辦妥你嘅事情.算啦,食餐飯啫,又唔使咁急嘅~叫咗半隻湖南大千雞,鍋裡面配料似乎唔多,有雲耳同埋菌類,一啲都唔辣,都符合餐版上面寫嘅微辣,但係唔辣之剩,味道調較得相當咸.雞肉非常鞋口,不

又係去尋找美食時間，今次去食開胃辣辣嘢。位於太子有一間開了不耐的湖南菜，在香港四川菜就食得多，湖南菜真心係少食（稱：湘菜），佢嘅特色係酸辣。我哋唔係好食得辣嘅，今次一於冒險去食下，值得一提係這裡可以顧及到我哋唔係好食得辣，可以選擇少辣。餐牌菜式品種雖然不是很多，但個人認為只要煮得好食，選擇少都不會阻止到愛食嘢的你來光襯。我哋於是叫咗三道菜：酸菜魚、干鍋花菜、青椒爆豬耳。由於地方細，我哋在等菜到時，不時聽到廚房炒菜聲，齋聽都覺得好夠火候。等我同大家分享下這三道菜，雖然我唔知正宗湘菜係怎樣分，但這三道菜係我食過的中菜中最夠鑊氣酸菜魚：用咗龍躉肉煮的時間剛剛好，嫩滑而不鞋口，湯底好濃而不重味精及搶咗魚的味道，好多酸菜豆芽，最讚係d蒜和辣椒爆得好香干鍋花菜炒得夠鑊氣同時花菜熟嘅同時帶點爽口，味道火候都掌握得好好青椒豆豉豬耳：青椒好用心起咗好多籽，甜而不是太辣，爆香豆豉叫豬耳，加上大火爆炒，岩嗮飲酒一組，雖然我唔飲酒都食不食不聽口如果要我選邊道菜更勝一籌，我就真係好難俾到答案，各有各特色。我都會再來試其他的菜式，你都唔好錯過喇