紅磡串門子

Open Now

Now Closed

週末在朋友家進行Board Game大戰後在紅磡探下店，找到了這家風味小店 — 串門子 就坐低試試。QR code落單，好快就有野食。燒韭菜超邪惡芝士燒茄子燒蒙古羊肉串燒雞腎⭐️燒五花腩肉串⭐️燒超惹味雞泡魚干⭐️燒原味台灣腸⭐️燒脆香卜卜魚腐⭐️蒜蓉燒美國大生蠔x2解茶x1燒茄子拉絲真的很邪惡😂肉串都很好味呢～上面加星星的都是本人推介❤️火候控制得宜，不會燒焦～最重點係抵食。見到舖頭都有好幾種啤酒，好適合一班人落黎食宵夜😍

紅磡串門子 HungHomHot📍紅磡必嘉街87號地舖⏰星期一至日17:00 - 03:00 入到鋪頭店員會比個QR code自助落單串燒種類多 即叫即燒如果冇特別揀辣度會預設小辣 超級惹味重點係單點價錢都唔會好貴🌶牛肉香辣鍋$78 肥牛有好多塊 味道夠曬香辣 好適合做下酒菜配菜仲有翠玉瓜 薯仔片 蓮藕片等等🐡燒雞泡魚乾$48一大塊切開一條條 配埋沙律醬 送酒一流🍆惹味蒜蓉燒茄子$36好大塊原條茄子 上面鋪滿蒜蓉 辣椒粉 孜然粉 蔥粒等等調味料燒烤技術好好 外皮完全唔焦黑 茄子保留到水份 唔會燒得太乾 輕輕一撕就起到茄子肉 💛燒脆香燒賣$20 又脆又香口 超邪惡 一食停唔到口 🥔燒土豆片$14唔會太薄 似食厚版薯片 鋪滿調味粉好香口🐟燒雞皮$26 2串燒得偏乾身 脆卜卜 好脆口🍖燒原味台灣腸$18 咸咸甜甜 配埋啤酒就最夾🍺 🍍燒甜美菠蘿$25 三大塊菠蘿又甜又多汁 當做飯後果 最岩用黎解辣

紅磡覓食，好想食下串燒飲下啤酒，比較多人排隊，都等咗一陣。入到去用QR code 落單方便快捷，串燒款多，即叫即燒，等一陣間就上齊了，大部份都好香孜然粉味，賣相不錯。燒脆香卜卜魚腐十分推介。燒魷魚鬚口感煙韌口感十足，而且經過烤製之後仲有海鮮嘅香味牛肉串肉質鲜嫩多汁，加上醬汁好味好多，食慾大增。薄切牛脷口感極為脆嫩，加咗少少辣椒粉之後口感更加突出。脆香鴨舌酥脆醬燒豬頸肉、煙鴨胸肉肥瘦均匀，雞軟骨唔會太乾同縮水。

今晚同朋友喺紅磡做完嘢，好想飲番杯同食串燒🤤🤤🍢，即時諗起呢間紅磡串門子，因為成日都經過，但係次次都冇人陪我食🫣個人覺得夜晚嚟係好有feel，因為幾個朋友坐低可以飲吓嘢🍻，食吓串燒🍢，又可以狂吹水，呢度都係一個好好嘅選擇講返食物先，一坐低店員就會俾個QR code大家去自助落單，一落完單，其實好快就已經有嘢食上枱，今晚叫咗以下嘅食物，都算好足了，仲可以俾我哋喺Apps度揀要辣定唔辣！🔆燒豆卜🔆燒韭菜🔆燒脆香卜卜魚付🔆燒超惹味雞泡魚乾🔆醬燒墨魚咀串🔆燒雞軟骨🔆燒豬大腸🔆燒翠玉瓜燒雞泡魚乾🐡🐡個人覺得幾好食，平時多數係碎上，唔會咁樣成塊上枱，但佢哋上枱時已經係一大塊，價錢都真係幾合宜仲有串燒魚付片 同埋 燒豬大腸，燒燒賣都好好味，上枱都係熱辣辣嘅，一啲都唔行貨總括：大家去紅館睇演唱會前可以來食下，因為都算近，同埋唔使成日係置富個商場同人迫住食晚餐😅😅

事隔數月，再約朋友來到串門子吃串燒🍢，朋友都讚口不絕✨～這次同樣點了燒雞翼、雞皮🐔、魚豆腐、燒饅頭、燒娃娃菜、燒韭菜等等；也新嘗了美味玉子燒、燒台灣腸、燒菠蘿、燒燒賣、燒羊肉串及燒土豆片。🥚美味玉子燒很厚，甜甜的。燒饅頭：輕輕燒過的兩面鋪滿調味粉及香草，很惹味但不會很脆。燒茄子🍆，比手掌更大的肉茄，大大份。🥔燒土豆片不會太薄，就算鋪滿調味粉，也能吃到薯仔的味道。燒雞皮燒得十分乾🐟，所以很脆口，口感如炸魚皮般。

之前已經喺紅磡食過串燒，今次無意中比我發現呢呢一間位於街角嘅串燒店，幾有驚喜✨▪️燒流心芝士年糕 $32芝士年糕一咬落去之前就流出嚟▪️燒薄切牛脷 $20入口軟淋▪️燒雞腎 $14▪️串燒雞中翼(2 串) $36雞肉夠滑，皮脆多汁，好香孜然粉嘅味道▪️燒頂級墨魚丸 $20夠彈牙▪️麻辣汁燒八爪魚鬚 $48爽口彈牙，唔好睇落去好似好多辣椒咁，其實食落唔係好辣▪️惹味蒜蓉燒茄子 $36好夠大塊茄子！上面鋪滿好多蒜蓉同辣椒粉，超級惹味🍆▪️重慶酸辣米線 $45中辣都唔會太辣▪️南非特大磯煮鮑魚 $38最值得推介，就一定係呢個磯煮鮑魚，好淋好入味，一隻唔夠，仲要食夠兩隻✌🏻▪️燒韭菜$13

路過豬嬸用app一搜，這間勁多人推薦，即刻去試吓。舖面可能無一百尺，坐位同枱都好小，櫈又矮，有人坐到腳痺。。。叫了一口牛，被𣺉上了黑椒汁，肉軟但沒太多牛味，粒粒大小差距大，很一般。羊架勁重蒜蓉味，調味好奇怪，不推薦。魷魚鬚正正常常，可以。牛肉金針菇，牛肉熟了縮小到差點看不見，味道很一般。雞髀菇好吃，應該説很難弄得難吃。由於不喝凍飲，所以沒吃太多種類。極少出現烤焦，但也未有十分惹味，感覺這店合格以上，但不至於必吃。

依間串燒店又幾好食當中我最鍾意嘅係佢醬燒豬頸肉，大舊肉味，仲有好咬口。而佢嘅燒蔬果都唔錯，燒秋葵同燒翠玉瓜都係好新鮮好爽口，而且味道清新，加埋少少辣粉，好食！另外魷魚筒肉質好彈牙，配埋啲汁燒好味啊！另外我叫咗一個唔辣嘅花甲粉，估唔到唔辣嘅花甲粉都一樣好好食，而且變咗麻油味，真係食到口齒留香😆😆而其他仲有燒雞肉串，串燒雞中翼，燒雞軟骨同燒雞腎都唔錯，唔會太膩，夠味夠香！總括而言，呢間串燒店嘅食物真係好好味啊！啲肉啲菜啲海鮮都好美味，而且啱啱好唔會太膩

終於搬完屋🤣 可以周圍探下路搵下野食～～呢間位於近紅磡的串燒走平民路線口痕起上黎都有間串燒係附近 止止咳🤣🤣價格大約14-50 一串左右～我覺得必點汁燒原條魷魚筒🦑 $56燒到岩岩好嫩口彈牙瓜菜類🥗次次都點的翠肉瓜$14、娃娃菜$13、雞髀菇$14、菠蘿🍍$25😍 單點價錢都唔會好貴金菇肥牛卷$21 算有驚喜 整體味道調味唔會太濃 如果冇特別備注會係小辣～ 留意番😘其他串燒我覺得一口豚普普同埋呢度會加一～

上星期係紅磡做完嘢，跟住搵地方食飯，見到呢間紅磡串門子好似幾有風味，就入咗去試試。紅磡串門子串燒種類繁多，仲有海鮮供應。✦ 醬燒墨魚嘴串 醬汁鋪滿墨魚咀，非常彈牙✦ 燒鹿兒島一口豚一口豚肉質好爽嫩，不錯的✦ 燒雞軟骨燒雞軟骨燒到脆卜卜，好有風味✦ 燒雞腎雞腎好咬口又爽口✦ 燒薄切牛脷非常薄切牛脷，入口好軟腍✦ 燒雞肉串雞肉好彈牙又入味，推介必試✦ 燒翠玉瓜翠玉瓜表面鋪滿孜然粉，燒到香脆多汁✦ 燒鮮冬菇鮮冬菇同樣充滿孜然粉，非常惹味✦ 燒蒜蓉特級鮮鮑魚鮑魚鮮味十足，配埋蒜蓉醬汁一齊食，好正

去入場睇演唱會之前去紅磡找好嘢食，非常之random 地，找着這一家。見食評很好，相片食物也很像樣，也有啤酒可以慢慢飲，二話不說，準時6:00坐下。遇着隔離有收購，已經成為一個地盤。還好，六時已經收工，不再沙塵滾滾。天氣不算熱，這個開放式餐廳還可以。首先梗係叫最popular的燒雞中翼，燒茄子，青椒仔，韮菜。燒雞中翼，啱啱好，皮脆多汁。燒茄子，略嫌多油。其他的都很像樣。Hoegarden 我嫌太甜，還好，有飲開的青島。過了一個愉快的晚上。服務很快手，哥哥也面帶笑容。

依間串燒店係我食過數一數二好食😋食物調味得好好，鍾意食重味串燒嘅真係啱晒！惹味蒜蓉燒茄子🍆 $36————————————上菜一刻我十分驚訝，冇諗過依個價錢，份茄子咁大件，真係原條茄子，辣粉等等調味料滲透茄子肉，極惹味。錫紙燒麻辣滑豆腐 $46————————————真係抵食，好大磚滑豆腐，辣醬同蒜唔會同你慳皮，又係極惹味。蒜蓉燒美國大生蠔🦪(2隻) $56————————————唔止重蒜，仲有辣粉同蔥，一啖入口，正！皇牌牛脷心 $35————————————多調味，夠惹味，有咬口，偏腍易咬開，一啲都唔韌，好食！仲食咗甲羅燒、雞皮、虎皮青椒等等各樣食物，真係好食呀。我住得算近，下次會再食😁

某個晚上路過紅磡灣中心，被對面小店的「有酒有故事」燈牌吸引，時至今天終於有時間帶著娘親食串燒。😀小店位置很方便，由紅磡車站往紅磡區的天橋盡頭電梯起步，才走兩分鐘便能到達，營業時間由晚上六點至深夜三點，是一個輕食和宵夜好地方。👍🏻這小店很多食物也很對我和娘親的胃口，在選擇困難的情況下，我們今次只點了少量海鮮、蔬菜和肉類，但這幾款食物也足以令我叫了幾次「好好味啊」… 😂😂😂首先說「蒜蓉燒茄子」，蒜蓉燒得很香但茄子仍留有水份，加上大量的調味粉如孜然粉和七味粉等，這基本上已成了小店的招牌菜，連我娘親也說要偷師學煮。😋接著是「燒蒙古羊肉串」也同樣出色，羊肉熟成後還保留著小量脂肪，熱辣辣的吃起來非常惹味，這令我娘親秒變羊肉串推廣員，邊吃邊想著要推介給其他人﹔但可能羊肉串的過份美味，弄得那「日本特級一口和牛粒」也完全被比下去。😌還有兩個蜆殼類食品，「邪惡芝士燒扇貝帶子」的爆滿芝士是真的很邪惡，而「燒蒜蓉粉絲蟶子皇」也同樣爆多蒜蓉，可惜蟶子有輕微燒過火是一個小敗筆。😅其實還有「燒秋葵」和「鹽燒鯖花魚」但那是娘親的食物，這兩個燒物我不懂欣賞，在我淺嘗後只能說聲…. OK啦哈哈~ 😛溫馨提示🔔這小店是真的

心血來潮想食串燒，就搵左呢間紅磡串門子。唔好睇佢店鋪細細咁，野食都幾有水準，叫左都唔少野食，以下呢幾樣係我特別推介嘅！😋惹味蒜蓉燒茄子$36原條茄子切開，鋪滿蒜蓉同香料，燒得夠哂淋，入口口感超正！😋皇牌牛脷心 $35呢個超級正，必 須 試！！雖然好厚，但非常腍身柔嫩，呢個價錢食到呢個質素非常難得，我仲encore左多一串！😋 燒秘制麻辣田雞 $35田雞本身已經唔多地方有得食，仲要串燒田雞😂 燒得唔過火，保持肉質嫩滑，唔怕食嘅朋友仔可以一試！😋燒日本特級一口和牛 $35油香同牛味夠重，夠爽口彈牙！總括黎講，食物質素唔錯，燒烤嘅時間都拿捏得好好，唔會令食物過熟，而且都好地道，絕對值得再黎👍🏻

今日收工有點攰，見間餐廳的串燒幾吸引，決定入去試下。先來說說這裡的招牌菜式都好多選擇，以串燒為主，即叫即燒，未食已經聞到陣陣串燒香味。決定叫左幾串來試：燒魷魚及魷魚鬚爽脆可口，除咗用汁燒，仲灑上孜然同辣椒粉，好鮮彈牙，唔會燒得過老而好硬，燒得啱啱好！最讓我印象深刻的是燒日本特級一口和牛粒，肉質十分鮮嫩，肉質十分鮮嫩，咀嚼起來毫不費力，唔會太鹹，必食！我最鍾意食有骨嘅野，尤其雞軟骨，脆卜卜有咬口，再加多少少孜然同辣椒粉就更好！每樣都味道剛好適中 ，仲有燒流心芝士年糕，火候剛剛好，外脆內juicy！土豆片及豆卜，都好惹味香口，水準都算唔錯，有驚喜！