Video
9-min walk from Exit A1, Tai Po Market MTR Station
continue reading
Telephone
36860225
Payment Methods
Above information is for reference only. Please check details with the restaurant.
妹妹身體不適，想要吃粥，很少去粥品店的我只想起位於廣福里的這家洪記粥品。簡簡單單的只點了狀元及第粥及黃沙豬膶粥，沒點其他食品。黃沙豬膶粥，豬膶份量又多又大塊 ！若豬膶煮得過熟，質感就會變得粗糙而不好吃。這裡的豬膶不至於好粉嫩，但亦沒有煮得過熟，口感仍帶點爽脆。粥面上幾乎沒有黃油，少了陣油香味。狀元及第粥，配料有豬膶、豬肚、粉腸、肉丸及肉片，應有盡有，每款都有2～3件，不會因配料款多而只得一件半塊。明明下單時講明要走青，單據亦有顯示，偏偏這碗完全沒走青，有很多青埋藏在粥內。論價錢的話，算是抵食，而食物質素仍可稍稍改善。
continue reading
本身諗住求其食碗粥於是求其入一間粥店就算，點知呢間舖頭啲粥煲得好靚，個粥底好綿。我叫咗魚片粥，啲魚片好新鮮，而且份量都幾足。另外叫咗個齋搶全走，佢個腸粉都唔錯，唔會黐笠笠漿埋一嚿，雖然唔係好滑但係都幾有彈性，食落去都覺得幾新鮮。
continue reading
服務態度差（全部員工都口黑面黑，加上有一個男仔黑到直頭啤住你），環境亦一般因為你以為佢有冷氣，其實熱到飛街。食物質素一般（order魚片粥，不是魚碎粥）（腸粉皮厚又唔夠嫩滑）大埔可以好多選擇
continue reading
【大埔區】【洪記粥品】大埔不嬲好多嘢食，不過只係我唔係成日去，所以真係冇乜時間探索。今次係有個朋友話呢度啲嘢好好食，話佢個粥底幾好咁話，加上有專車送我離開，咁冇所謂啦，就一齊食。不過等佢搵位泊車都用咗啲時間，理解嘅。朋友問我係咪會寫嘢，我就坦白咁答佢會。咩餐廳都好，走得入去食嘢都有用餐體驗，記錄低佢哋有何不可？只係我都設定咗一定嘅限制畀自己，因應疫情都放低咗啲架喇，不過個創作係冇其他嘅 foodie 咁容易得到材料。等到啲嘢食上菜，我叫嗰個係 $38 嘅「狀元及第粥」，然而加埋 $4 嘅「魚片」同埋 $10 嘅「魚腩」之後，碗嘢變咗 $52。我覺得都唔錯，粥底同啲料都算 okay，而我讀書進入最後直路，喺呢個時候的確需要及第粥。我朋友佢現時冇讀緊書，不過佢都係叫「狀元及第粥」，我睇死佢係中意食啲豬雜，哈哈。而呢間嘢係佢介紹嘅，佢當然讚不絕口，加個「皮蛋」就 $42，冇我食得咁貴。不過我都承認係我唔正常，加料加到啲料多過啲粥。大家睇我咁耐都知我同得朋友出去食嘢我哋唔會咁易收手，叫咗啲小食助慶。首先係 $17 嘅「魚片腸粉」，朋友居然未食過呢樣嘢，我覺得唔錯架喎，主要係因為我覺得魚片同腸粉兩樣，都係一啲加咗豉油就好食咗嘅嘢。最後就係粥舖經典小食「炸兩腸粉」，呢度賣 $18，中規中矩，冇乜特別。最後埋單兩位 $129，以食碗粥嚟講當然唔平，但係睇返叫咗咁多嘢食又好似正常返好多。希望未來有多啲時間繼續發掘大埔區，亦歡迎報料。。。（地址：大埔廣福里 22 號地下）#1amfoodie #foodie #hkfoodie #thatfoodiething #hkfood #food #instafood #1ambackup #1am0628 #tasty #globaleats #tastyfood #dessert #foodpics #followforfollowback #love #eat #1am大埔區 #大埔 #大埔墟 #太和 #洪記粥品 #大明里廣場 #粥店 #狀元及第粥 #魚片 #魚腩 #皮蛋 #魚片腸 #炸兩
continue reading
🎈洪記粥品大明里裝修乾淨企理嘅粥品店，價錢親民質素亦唔錯餐牌包括傳統粥品、生滾粥、腸粉、糉、油條、牛脷酥等炸物🎈皮蛋瘦肉粥粥底綿滑又夠熱辣，冬天食真係暖入心，瘦肉份量十足，重點係食完唔會口渴，真材實料🎈油條鍾意香口小食，又點少得油條，新鮮炸起又酥又脆，外面脆口內裡有嚼勁，間真心正🎈炸兩與其話鍾意食腸粉，其實係鍾意啲醬料多啲🤣加上麻醬、甜醬、芝麻，呢個炸兩充吸引力🎈豆漿甜度剛好，有陣陣豆香，$9/枝係超值午市時間嚟到，其實都keep住要搭枱，店員會主動加隔板在客人中間，衛生意識幾好，值得讚一讚
continue reading