洪記粥品 (將軍澳廣場)

Open Now

Now Closed

星期日早上去買粥回家食，早上店內不是太多人，但d服務員態度慢吞吞，不停係后面傾計有說有笑（成日黎買都係咁），外賣都完成還未羅出嚟，裝袋的姐姐，竟然將凍豆漿同d粥腸粉放同一個袋，非常迫同難羅😡凍豆漿變暖豆漿，粥也變涼了⋯⋯這樣放豆漿很容易變壞………今次腸粉連豉油都冇放………..d店員不要成日係後面，人哋叫野都難………………………………..如果有海皇粥店，我會去海皇……………………………………………………………………😣

呢間粥店長期好多街坊幫襯，開咗一排終於第一次去試下，叫咗兩碗粥，其中一碗係生滾粥，另一碗係即熟粥生滾豬膶粥 ($29)粥底綿密好夠味，非常足料，豬膶有好多而且舊舊都好大片仲唔腥艇仔粥加豬紅 ($23+$4=$27)材料有豬皮、魚片絲、生菜加上魷魚，材料足夠，用料新鮮至於豬紅沒有腥味，滑溜溜炸両腸粉 ($17)有三大條，兩個人分差啲食唔哂，外滑內脆有水準👍🏻豆漿 ($9)有豆香，不過有點甜特別一提：有枝豆漿嚟到嗰陣特別少，要求換過支姐姐馬上就換咗，服務態度一流👍🏻👍🏻一人一碗粥加碟炸両同豆漿，真係夠哂飽，早午餐抵食之選～

將廣終於有粥食了!  自從那個大集團粥店撒離將廣後, 在將軍澳站附近要搵食粥的專門店, 可能要到領展那邊.  今天就在將廣發現有新粥店, 所以在此晚餐. 剛好有二人卡座, 職員安排馬上入座了!  細看餐牌, 真係熟口熟面!    印象中,, 跟尖沙咀和坑口某家粥品店的餐牌很相似囉!   既然二家的餐牌如此相似,, 就點菜乾豬骨粥和炸兩吧!!  因為自己係尖咀粥品店都是點這個組合<菜乾豬骨粥和炸兩>, 所以很快就可以下單了. 茂利則選了皮蛋瘦肉粥&牛脷酥.       菜乾豬骨粥   菜乾軟綿綿,, 粥裡有蠔豉碎碎, 豬骨也煮至溶溶爛爛了! 無牙阿婆都食到.  菜乾豬骨下火, 蠔豉滋陰, 很適合調理現在陰虛火旺的體質.  不過也發現類似陳腎碎碎呢!  先嚐碗裡唯一的食用纖維 <菜乾>, 再慢慢吮豬骨, 然後到綿密粥底了. 味道很熟悉囉!  一口一口的, 慢慢就把下火的菜乾豬骨粥消滅了.    皮蛋瘦肉粥   茂利點的.......牛脷酥    很墜手, 外皮堅硬, 中間密度高, 是實篤篤版本的油炸鬼, 不過牛脷酥帶有甜味. 自己喜歡將牛脷酥浸在粥底使其變軟

將軍澳終於有非集團粥舖，雖然未去到非常好食，但總比集團出色同需要支持，眼見舖面唔係太多，但員工都有好幾位，上菜落單都好快手。及第粥足料，略厭細碗左啲🤣🤣 多翻啲粥會更好對得住個價錢。炸兩即整，食得出炸兩真係脆，唔係放左好耐，啲油都唔係隔夜油，呢個唔錯😄😄

將軍澳好少喺商場入面嘅粥店， 價錢又合理！所以都好好生意！重點1: 粥料份量多食粥最驚就係唔飽。洪記嘅粥分咗兩款，有生滾粥同純粥。嗰晚胃唔舒服就食咗魚片粥，份量足夠 仲要多料！ 唔會得1-2片魚片！ 男朋友食粥都覺得飽。重點2: 除咗主打粥，小食嘅性價比都高去到粥店，總想配返幾小食！但見佢哋分量都好多所以就小試牛刀😛 叫咗炒米粉同蝦米腸粉先！ 比較覺得炒米粉出色啲！ 呢度嘅炒米粉唔算濃味，我偏愛淡味嘅食物，所以對我嚟講好好味！如果想濃味啲嘅就可以自己加少少醬！ 最出色係 呢度嘅 炒 米 粉 絕 對 唔 油 膩！ 佢一大碟食到尾都食得哂😍 仲只係$14 好抵食！ 如果細食嘅人，可能就咁一碟炒米粉都夠飽了！

今日係將軍澳廣場見到洪記粥品諗住入去坐低食碗粥，一入到去計埋我都係得三個人兩台人，我坐低咗5分鐘完全冇人過嚟問我食乜嘢（都唔緊要），到我舉手叫佢埋黎叫嘢食嘅時候，佢竟然係望左我一眼之後就冇過到嚟😑，之後竟然係個食客通知佢話有人想嗌嘢食佢先至過嚟，之後我發覺佢間鋪D員工好有問題所以我冇喺度食嘢，淨係鋪面都四五個人，全部企晒喺出餐位傾偈都唔知做乜，收銀又冇人，有人入咗嚟又唔知，知道又當睇唔到，都唔知點做生意！有待改善😔

因已有好一段時間無去過將軍澳，所以今日下午我們去咗將軍澳Popcorn商場行街，行過發現原來Popcorn已有第二期，兼且連接住呢個將軍澳廣場，我們行到去差唔多應該係商場最後尾位置有間叫「洪記粥品」，而小妹嘅老豆係最鍾意食生滾粥，所以我們就入咗去食下午茶！我們叫咗豬膶魚腩粥同皮蛋魚腩粥，一嚟到我們見到碗粥就覺得「嘩！好似好多餸好足料咁」但仔細啲睇就發現原來係隻碗好隻，變咗放咗啲餸之後，粥嘅份量唔會好多，遮蓋唔晒啲餸，所以唔係好做到生滾粥嘅效果！如果隻碗大隻多啲啲，咁就會更加好！我們另外再叫咗牛肉腸粉、炒米粉同牛脷酥！腸粉嘅外層比較粗「嚡」，但牛肉嘅份量都算多！炒米粉同牛脷酥就不過不失！

因已有好一段時間無去過將軍澳，所以今日下午我們去咗將軍澳Popcorn商場行街，行過發現原來Popcorn已有第二期，兼且連接住呢個將軍澳廣場，我們行到去差唔多應該係商場最後尾位置有間叫「洪記粥品」，而小妹嘅老豆係最鍾意食生滾粥，所以我們就入咗去食下午茶！我們叫咗豬膶魚腩粥同皮蛋魚腩粥，一嚟到我們見到碗粥就覺得「嘩！好似好多餸好足料咁」但仔細啲睇就發現原來係隻碗好隻，變咗放咗啲餸之後，粥嘅份量唔會好多，遮蓋唔晒啲餸，所以唔係好做到生滾粥嘅效果！如果隻碗大隻多啲啲，咁就會更加好！我們另外再叫咗牛肉腸粉、炒米粉同牛脷酥！腸粉嘅外層比較粗「嚡」，但牛肉嘅份量都算多！炒米粉同牛脷酥就不過不失！

🌎洪記粥品 (將軍澳廣場) (將軍澳)夏日炎炎，胃口不佳又想食下啲開胃野，諗到屋企附近開左間粥店，見到客似雲來，入去試試吓！▫️生滾豬膶粥：生滾粥熱辣辣上檯後等等先食，吾好辣親咀，豬膶份量十足，咬落一啲都唔韌而且好爽滑，粥底亦好鮮甜，加入少許胡椒粉更佳！▫️生滾鮮牛粥： 粥底好棉滑，而且牛肉好腍滑，粥味道鮮甜，少量薑絲加啲胡椒粉更美味▫️炸両腸粉（推介）大大碟分量十足，食落油炸鬼仲好脆，加入甜醬麻將芝麻，簡直絕配 💵人均消費：$40✨環境衛生：7.5/10🙋🏻‍♀️推介指數：7.7/10📍將軍澳唐德街1號將軍澳廣場1樓94-95號舖