洪記粥品 (將軍澳廣場)

Open Now

Now Closed

我主要之前係嗌app幫襯佢外賣講真佢都算又平又大份我會嗌皮蛋瘦肉粥同艇仔粥, 個粥都算多料同埋炸兩, 又係大大舊牛脷酥, 就算外賣送到嚟仲keep得脆口豆漿, 我覺得算平, 有1大枝.有時食得太多西餐, 我覺得呢間粥店喺區內都係一個好嘅選擇

將軍澳站一帶粥品店選擇不多🙈位於將軍澳廣場洪記粥品🍚 算係好食又抵食之選👍大力推介：🐮牛肉生滾粥 牛肉夠滑 足料又好味🐖生滾豬潤粥 大大塊 又夠曬厚身都係每次必點食物💁：炸兩 (自己加麻醬甜醬芝麻醬) 油炸鬼🥖牛脷酥👅 煎堆⚽豆漿就係來貨支裝🥤冇得揀甜度，呢個就一般般啦，唔叫都冇損失✨地方雖然唔大，但總算光猛乾淨，晚飯時間經常要等位👣，不過通常好快可以入坐，外賣生意都非常好，樓面姐姐勤快有禮💁💁

有朋友仔由外國返左黎香港，好耐無試過晨早流流食早餐 🤣🤣 又話想食d地度野，岩岩起身無幾耐所以冇咩胃口，所以今次揀咗呢間 「洪記粥品」。黃沙豬膶粥 $35 + 碎牛 $6勁多豬膶同埋碎牛，好大碗🤣🤣🤣 啲粥煲到好綿，唔會稀寥寥甘 👍🏻👍🏻豉油王炒麵 $17完全夠晒入味，唔需要再加任何調味料已經好好食炸兩腸粉 $20油炸鬼熱辣辣炸到脆卜卜，再包住啲腸粉皮，點埋豉油一齊食！ 真係好好味 🤤🤤🤤鹹肉糭 $20唔算好多餡，但入邊有好大隻鹹蛋黃，好食豆漿 $10甜度適中，入口香滑，解渴用料充足，價錢比較較大眾化，價性比非常之高！呢啲舖頭唔會有10% +1服務費！非常難得 👍🏻👍🏻

晚上想吃粥品，配上腸粉作晚餐。到粥店買外賣，發覺很多人在店外等候。我點好外賣，乖乖的在外等待。店內人手不足，很多人催單，又有漏單情況。四十分鐘後，我的外賣到了，我滿心歡喜回家。回家吃時才發現腸粉完全不熱，打電話到店問過，他們說用了膠兜之後會有此情況。吓，我話真的毫無溫度，店說正常。各位，自行判斷是否正常？

早上買兩份齋腸$33， 盒$1， 因為一份齋腸好少，為咗環保就一盒上，攞到手發現少咗一份醬料，要求店員補返，店員態度傲慢，佢話一個盒係跟一份醬料( 豉油，甜醬，花生醬）之前買過多次分盒裝，佢哋都無俾齊醬料，係咪可以退$?咁我又想問吓，如果我買四份齋腸放一個盒，咁係咪都係只得一份醬料，想問下食齋腸係跟盒亦係跟醬料呢？？？真奇怪，一定不會再幫襯😤今時今日咁嘅服務態度，連包醬汁都吝嗇，斤斤計較，點可以持續發展，唔怪得啲人都北上搵食，檢討吓啦！

今早（2024.5.23）買了兩份齋腸外賣，價值$33 ，領取之後立即查看豉油、醬料有沒有附送，怎料只給一份，向員工詢問為何order 兩份卻只給一份醬料，她態度傲漫囂張兼不想回應。我只好再次追問，她竟回答一個盒子只配一份醬料，我說如果一個盒子放了6份齋腸，難道也只給一份醬料。她黒面冇回應，非常不情願之下再放多一份醬料，但係最終又漏咗豉油。我真的不明白「香港飲食業」常常埋怨香港人不留港消費，支持本地經濟。但係我作為一個百分百的香港人，早上滿心歡喜去買腸粉做早餐，最後得到這些冇禮貌的招待，氣得滿肚氣，誰會咁蠢給他們生意？必須強調今次並非首次火滾😡經歷，就係因為光顧了多次，次次態度惡劣，才忍無可忍留言。期待店主賺錢的同時，留意一下服務態度，否則生意下滑，最終倒閉也不能怨任何人。

因為有啲唔舒服，所以叫咗碗粟米生菜瘦肉粥 ($32，外賣加一) 外賣拎走做晚餐，呀姐態度正常，碗粥亦好快整好有得拎。碗粥返到屋都仲熱辣辣，又大碗，材量亦好多，食極都有，不過粟米有D硬(但食得落肚，我都好鐘意有咁多粟米咬下嘛)，同埋瘦肉都較鹹，食哂成碗會有D口渴。結論：🫰店員態度正常🫰份量多🫰好快有得拎🫰價錢算平⚡️少少鹹🎡餐廳資料餐廳名稱：洪記粥品餐廳地址：將軍澳唐德街1號將軍澳廣場1樓L1-094-095號舖

同先生經常食幫襯既早餐店做街坊生意同埋最重要係經常唔洗排隊價格實惠每次去必點【豬心肉片粥】 HKD 43 我最愛先生最愛【黃沙豬潤粉腸粥】 HKD 43再叫一支【凍豆漿】 HKD 10 再加必點既【炸兩】 HKD 20 炸兩既質素就有啲參差炸得好既時候個油炸鬼熱辣辣脆卜卜再包住腸粉皮超好味一絕但如果個油炸鬼淋左⋯

只係非繁忙時間食粥，全店大把空位，係要指定你坐邊。好聲問有無水,晦氣話自坐,一D禮貌都無，欠佳的體驗。外賣最好,唔洗睇人面口。食物OK，菜乾豬骨粥好少地方有得食，呢度有，味道唔錯,係鹹咗啲。炸兩都算新鮮。

強烈建議外賣好啦，入面員工完全係揾攞飛既人笨 ，20分鐘內4枱客係完全無攞過飛，直行直入，坐低就直接落單，野食都黎埋我地依D攞左飛係出面等左20分鐘既入去坐，就話會叫號碼，趕翻人出去，咁頭先個4枱客係？？？？非常不滿既堂食體驗

由於喉嚨痛見樓下有粥食就買咗一碗肉丸粥外賣，點知一肚氣，成半碗都係薑,洗唔洗咁多呀，點食呀，係你D肉丸有問題所以要落咁多薑點係點呀？其實佢個廚知唔知我order嘅係咩粥ga?

不滿到要為左呢間店寫人生第一篇食評之前叫過外賣生滾鮮牛粥加滑雞，加埋成$45，成碗粥得一兩片牛肉，加一兩舊蚊型雞件，都已經覺得呢間店好孤寒，食材份量同價錢完全不成正比…好啦，今日個肚唔舒服，佢又係將軍澳幾個商場唯一一間粥店，焗住又幫襯左次，試吓堂食會唔會好啲，點知…叫生滾肉丸粥($35)加滑雞(+$10)粥底還好，算大碗+綿密肉丸都煮得熟同幾好食，但全碗得三四粒，細過乒乓波另外加左錢要滑雞，佢夠膽死淨係俾左一舊好瘦嘅雞件同三四粒雞頸我，無錯，係無肉嘅雞頸！加埋嘅雞肉量都唔知有無半隻雞翼咁多！呢個已經唔單只係性價比嘅問題，而係佢地竟然過到自己嗰關覺得求其serve啲雞骨當係滑雞咁俾個客係無問題⋯⋯覺得佢地做生意好無誠意同無品，絕對無下次。

Deliveryroo 外賣，包裝都很整潔到手時粥還暖暖的共點了四樣野，Deliveryroo 連運費 共$156鮮鯇魚腩粥（加咸蛋）粥都算綿綿的，鯇魚肉有3-4件，件件都很厚肉很香魚味，咸蛋應該有半隻，已沈底了黃沙豬潤粥（加皮蛋）豬潤也是件件很厚，但有點韌韭黃鮮蝦好粉腸有很多蝦，都算彈口，但腸粉皮太厚了煎堆太油膩

今晚去食，有枱唔叫入座，問樓面佢話係4人枱，點俾佢睇話有張2人枱，極唔想俾人座😡坐低叫咗個生滾豬膶粥，啲豬潤切得勁厚，心諗一定要浸入粥裏面耐啲，點知已浸咗好耐仲有血水滲出，心諗可能唔夠，於是再浸，見到冇血水就食，點知咬落去即刻吐，裏面仍然有血，用匙羹切開再浸都係紅色嘅，於是叫樓面睇，然後佢就攞入廚房，等咗一陣，佢竟然攞番同一碗粥話已經再滾過（我切開嘅細片仲係入面），嘩！心諗唔係嘛😒將人客食過嘅放番落煲滾，之後我真心唔覺得佢會洗煲囉，⬇️一位食生滾粥咪食人口水尾，認真唔衛生！之後我先生就再浸，點知都係紅色，又再叫樓面過嚟，同佢講，佢話公司指引有血水未熟，紅色係熟咗，你碗粥啲豬潤係熟過頭，叫我返去試煮，紅色係熟嘅😱全部豬潤煮熟只會變紅色，唔會係啡色，於是我揀咗件啡色俾佢睇，我話唔係叫佢退錢，只係叫佢因應客人需要煮熟，佢好似講極都唔明，最後我先生叫唔使講，碗粥唔敢食就走。服務態度差，等於幫公司倒米😡⋯⋯

呢排食得太多西式早餐，今次想食下啲中式食品，所以嚟咗將軍澳廣場呢間「洪記粥品」食粥、腸粉！😉一睇餐牌都頗多選擇，最後揀咗👇🏻“皮蛋瘦肉粥”～瘦肉用鹽叶過咸咸哋冇咁單調，與皮蛋一齊食味道好夾，加埋碗綿綿的粥，口感唔錯！😋“豬潤腸”～豬潤滑滑、腸粉唔太厚，配合埋甜豉油、麻辣醬一齊食，味道頗豐富！😚總括而言，食物質素及價錢都👌🏻，但服務就麻麻哋，可能人手唔夠，都要等咗幾分鐘先有服務員幫您落單！🤔