洪利粥麵小廚 (Closed)

行尖沙咀加連威老道一帶，行到腳痛，唔想食多油熱氣野，點知兜來兜去都搵唔到一間粥麵鋪！差唔多氣絕身亡，兜左入冇嘢行嘅寶勒巷，呢間六點前仲有下午茶餐，雲吞麵加飲品只係$37，點都要坐低休息下⋯⋯入面好大下，兩行卡位之間夠濶。裝修好七八十年代，牆上有八駿圖、紙皮石砌畫。下午茶餐種類好多，要左兩碗雲吞麵加熱檸茶。估唔到有驚喜！麵竟然彈牙！四粒雲吞中碼size，有肉有蝦幾好食，只係湯底好hea，不過呢啲茶餐廳又唔可以要求有蝦籽大地魚湯底。檸檬茶少少澀，不過不失。衛生情況ok咁啦，見唔到有小昆蟲垃圾。廁所原來係相連大廈，女廁鎖左入唔到，唯有去一地水嘅殘廁。以後行尖沙咀如果想坐底食少少野，會再幫襯。

上星期又去整牙,痛到咩都咬唔到,搵曬可搵既資料,尖沙咀都係冇一間良心粥店,算啦,是旦食啦,幾十蚊尖咀粥加腸粉係平既,個收錢既對於腸粉要豉油麻醬芝麻可能覺得太麻煩,我有提出過自己落既,不過佢都係幫我落左,順手借個廁所用啦,d 食客好似冇見過著背心既女人,不停啤實我XDDD好彩係外賣唔係堂食,唔係真係食唔落...食物係正正常常咁啦,咁既價錢份量同食味已經好ok架啦,d 牛肉冇咩味,可能d 粥就有落味精,食完都飲左幾杯水, 個肚漲曬XDD粥真係難搵一間好既食......

有一晚⋯我其實求其塭間野食碗粥就算⋯點知真係求其得滯無check OpenRice 行過呢間就入左去啦⋯⋯咁我叫左牛脷酥同皮蛋豬膶粥⋯⋯首先個牛脷酥真係難食⋯林曬啦⋯好乾好實⋯唔鬆軟⋯⋯有陣油味⋯⋯🤢食左兩啖就無食啦⋯⋯碗粥就好重味精⋯⋯👎🏻👎🏻 應該以後都唔會再去⋯難食到連相都無影⋯⋯加上環境唔係咁好⋯佢又唔係差到好似啲街市大排檔咁⋯但好多烏蠅⋯⋯啲燈都壞壞地係度閃下閃下⋯服務又麻麻啦⋯⋯好就好在有電視睇下囉🤷🏻‍♀️

晨早出門走到港島區間間食肆都滿座人山人海，就連想係 7-11 食個杯麵叮個點心都無機會，幸好路過間麵包舖買到個有肉碎既麵包頂頂肚。百萬行雖然係路上不時出現熱心市民贈飯贈水，但我不習慣在街邊進餐呢，感激不盡。用我的毅力堅持到底完成旅程，晚上十點到達尖沙咀終於可以坐低一次過享受午餐晚餐加消夜，餓死朕咯！我的腰不是我的、我的腿也不是我的，七小時持久戰完美畫上句號！身在淪陷區，食客佔據 9 成都係州叔州伯大媽大嬸，隨處可見重重包圍四面楚歌，乃屬正常不過。餐牌很大，菜色繁多包羅有，潮州粉麵、炒粉麵飯、粥品油器、雞牛豬快餐、廣東小菜、蒸魚蒸餸，多不勝數，樣樣都想食呢！無伊麵供應？唯有是彈生麵咯。較早前飲完樽烏龍茶個空樽放入背囊，路上垃圾桶一個難求，最終忘記掉丟就在茶記留下。四眼收銀阿叔疑似老闆要求下次自己垃圾自己帶走！我真係攰得利害，我人品好兼好相與費事同您嘈，都唔知仲有無下次！四眼收銀阿叔疑似老闆見我影相係度眼啤啤，您身有屎怕食客影相？埋單時大膽到飛張單埋黎，仲要掟 $2 蚊落個鐵兜度！什麼態度什麼嘴臉，當我乞衣呀？大媽招呼正常，但四眼收銀阿叔疑似老闆態度非常惡劣，見另一間厚福街洪利茶餐廳非常深

lunch食燒味不想食粥粉麵飯，想食肉為主，可惜尖沙咀返工，幾可有抵食嘅淨燒味店呀。呢間洪利小廚有燒味食，每日特價餐都有燒味飯。剛巧今天星期一，有叉燒油雞飯，可以選擇送嘅老火湯或紫菜湯或熱飲，我叫了叉燒油雞走飯及熱檸水。叉燒油雞飯（走飯）下單時店員說走飯會答多幾條油菜，但係上菜時係冇既，純粹叉燒及油雞件。分量都叫可接受，6塊叉燒，5舊油雞。叉燒冇乜特別，唔夠肥。油雞幾好食，鼓油汁剛好，雞滑。$48有肉有湯或熱飲，尖沙咀午餐來說，ok。

又到午飯時間，又諗唔到食咩，所以又去返寶勒巷食午飯。今日突然好想飲味精紫菜湯，所以去左洪利粥麵食午餐。這間餐廳主打粥及麵，但是我覺得粥品的份量細、味精頗多及CP值低。反而佢的燒味不錯。是日特價午餐是叉雞飯，可以選擇例湯/紫菜湯/冷熱飲品（冷熱飲品要加錢的）。燒味飯的豉油是甜豉油，白飯不會太硬，叉雞亦算大份，紫菜湯雖然是味精湯，但碗內有一大片紫菜，在尖沙咀一個平日午市套餐只要HKD48,還算不錯吧。

今日8月7號下午2點30左右入座，紅豆冰在餐牌上列入特飲系列，我們一行3人便落單食粉麵餐，再加一杯特飲＋6元共叫了3杯，然而埋單時發現每杯收正價22元，多收共66元現場女侍應向我責備為何不早問，因為紅豆冰是不跟餐的，我向她理論餐牌沒寫，她只懂堅持己見便走開了，由於趕時間，便埋單走人，非常不老實的經銷手法，及難以接受的服務態度請大家小心

難得今天涼涼地， 剛好經過洪利粥麵便心想試試吧，畢竟對呢類連銷店感覺嘛嘛！其實多年無幫襯洪利粥店食物種類多左唔少，起碼唔係單賣粥，炒粉麵飯乜都有差唔多夜晚十點仲營業中，店內客人都唔少，坐到三份一。叫左碗皮蛋瘦肉粥同炒麵粥都算大碗, 有很多皮蛋, 瘦肉是切得碎隰隰的豬肉絲, 食得出有少量味精整體味道是沒問題的。粥煲得綿身, 不錯! 炒麵吾算大碟,只是暖身！並且無鑊氣這點我不太喜歡但食落味道都有D驚喜講真食物及環境都吾錯！伙記做野都快手快腳....

上午11:30, 趁客人不多快d食左個午餐再番工一坐下, 立即叫了叫了兩份午餐黑掓魚柳飯黑椒汁成pat 槳咁，D魚柳又鯹，茄汁豬扒飯 D茄汁亦成pat槳咁但好小小入得口。豬扒又薄又硬....仲有食物全部暖嘅，難食之至....此外醤汁又少，連少少洋蔥絲都無兩個男人來食lunch 食左$100但男士嚟講份量實在太少，有d唔飽。空間方面唔錯，地方大，唔會逼，裝潢都唔錯，俾人有舒服嘅感覺。價錢方面，偏貴。應該吾會再幫襯

為了避雨就進了這家餐厅，也因为隔壁的餐厅都要排队，中午這裹只有四枱客人。叫了一碟六十元的雙拼飯，翻開一看，就是一隻雞翅膀和幾塊燒鹅骨頭，向老板娘反應，得到的答案是-很多客人喜歡這様吃，因为客人喜欢吃骨頭。雖然店家説可以给我两塊肉（感恩），但我婉拒了，下次再也不會回来了。

我叫了一碟燒味併盤, 一般, 及第粥就好正, 材料又足, 粥底好綿, 另外叫了個水煮魚, 夠辣, 而且D魚好滑, 又叫了一碟炸兩, 新鮮即做, 內翠外軟,最後一杯紅豆冰, D豆好林同甜,