洪利粥麵小廚 (Closed)

lunch食燒味不想食粥粉麵飯，想食肉為主，可惜尖沙咀返工，幾可有抵食嘅淨燒味店呀。呢間洪利小廚有燒味食，每日特價餐都有燒味飯。剛巧今天星期一，有叉燒油雞飯，可以選擇送嘅老火湯或紫菜湯或熱飲，我叫了叉燒油雞走飯及熱檸水。叉燒油雞飯（走飯）下單時店員說走飯會答多幾條油菜，但係上菜時係冇既，純粹叉燒及油雞件。分量都叫可接受，6塊叉燒，5舊油雞。叉燒冇乜特別，唔夠肥。油雞幾好食，鼓油汁剛好，雞滑。$48有肉有湯或熱飲，尖沙咀午餐來說，ok。