Video
Telephone
29440978
Opening Hours
Today
11:00 - 23:00
Mon - Sun
11:00 - 23:00
Public Holiday
11:00 - 23:00
Public Holiday Eve
11:00 - 23:00
Above information is for reference only. Please check details with the restaurant.
又到可以盡情耍廢的週末， 睡到自然醒晚上出動開飯！ 曾經有食友問霖迪大排檔有什麼好推介的， 這確是一個刁鑽的問題，通常光顧大排檔的人少有會寫食評，開飯網上少有食評或是劣評滿載的食店，每次路過都是燈火通明，証明光顧的多評論的少。霖迪雖然酷愛大排檔， 但因著大排檔的特殊性， 難評矣。一般而言是看看是否地道街坊、價位考量、地理位置， 甚至「食開有感情」也是個因素， 而且大排檔出品總是很不穩定， 尤其賽馬日更是要自求多福，店家是好是壞可不好說。因此遇上一間不錯的大排檔，就是很值得去分享的那種，便要公諸同好。但先要戴上頭盔， 大排檔食客來自五湖四海， 美味與否見仁見智， 試過唔滿意可別怪我。今晚來到鴻昇食堂，是元朗的老店， 很久以前就知道洪水橋有唔少隱世美食， 但這一帶鮮有宣傳， 來客都是地頭蟲藏得很深， 這家都是偶然瀏覽開飯網，看到食物相環境都很合我意， 那就入村挑戰一下。雖說是十分隱世， 但就洪水橋地段來說這間都幾方便， 靠近洪水橋輕鐵站大馬路， 並不難找。 就是在一片荒地上的鐵皮屋大排檔， 簡單粗暴卻甚有規模。 大排檔美食以外門前是日式燒烤， 連街坊宵夜也照顧到了。場內一片喧鬧，絕大部分是聚餐大枱， 但對三五知己客人亦是同樣歡迎， 目測大部分都是附近的老街坊或熟客， 尤幸老細和員工都很殷勤熱情， 遇上有人生日甚至會播歌炒熱氣氛， 乍看竟有點像元朗版的「朱敏記」？ 聽說每天晚上都會有抽獎炒熱氣氛， 可惜當天沒有遇上。古法羊腩煲($388)被牆上那幅「古法羊腩煲」推廣吸引了，11月剛好羊腩煲上市， 那就先食為快吧！ 老闆主動推介了煲仔飯， 同樣是入冬恩物， 那就提前感受冬日的美味吧！這家的湯汁沒有傳統的那麼濃稠， 但羊腩夠新鮮之下仍能嚐出獨特的鮮， 更欣賞的是湯身不會太鹹口，腐乳醬也是調制過的， 屬水準之上的羊腩煲。 這家的羊腩煲相當足料， 除了羊腩的部位， 也有羊腿，羊蠍子等等， 羊腩非常新鮮嫩滑， 口感軟嫩而彈牙，連骨筒中的骨髓膠原也不能放過， 是實在的真材實料， 再加上香芹葱段馬蹄支竹蓮藕生菜， 細鍋的定價並不過份， 尤其是在羊腩煲買少見少的今日， 能嘗到真要且行且珍惜。羊腩煲雖好， 但煲仔飯更讓人驚艷！臘腸潤腸油鴨肶煲仔飯($80)， 份量足三至四人享用， 上桌時老闆叮囑開蓋時間， 和澆上甜豉的秘訣， 甘香的臘腸潤腸切得細薄，是為了讓油脂更平均滲進飯中， 臘鴨有點過鹹， 但瑕不掩瑜，這煲仔飯實在是出色， 店家有認真溝上兩款絲苗， 做出來的煲仔飯飯粒分明有咬口， 金黃的飯焦不黏牙，甜豉調度得相當惹味， 是近來食過較好的煲仔飯， 為了煲仔飯可以再訪。原本想叫啤酒， 但發現這家居然有不錯的茶檔， 於是點上兩杯凍檸茶， 感恩仍是用著新鮮的檸檬， 茶底香甜絕對是茶記的水準， 不喝啤酒的強烈建議飲， 會有驚喜。洪星的用餐氣氛相當熱鬧， 好此道的應該會十分喜歡這種喧鬧， 但若然不喜歡入村感受氣氛的， 建議慎選。 而除了氣氛以外， 水準確是有相當驚喜， 屬可以一戰的程度。雖然好想試試這家的撚手小菜， 可惜二人就餐食力實在有限， 但相信不久的將來會再訪這家， 到時再試試小菜的實力！
continue reading
如果你鐘意地道嘅大排檔feel，洪昇食堂真係一個唔錯嘅選擇。呢度有免費泊車，對揸車嚟食嘅人特別方便。我哋三條友叫咗蠔餅、魚腩煲同啫啫油麥菜煲，份量真係大到誇張。蠔餅炸得金黃香脆，外脆內嫩，啲蠔好新鮮，一口咬落去仲有海水嘅鮮味。魚腩煲係必試，魚腩煎香後加入濃濃嘅豆腐煲底，湯底好鮮甜又入味，簡直係白飯殺手！啫啫油麥菜煲啫得香噴噴，菜梗爽脆，完全吸晒啲蒜香同豉油味，好惹味。總括嚟講，洪昇食堂走一個粗獷風，適合鐘意地道風味嘅朋友。味道唔錯，性價比高，三個男人食到好滿足，夠晒抵食！
continue reading
附近既屋村屋苑來說這家碟頭較大，即叫即煮很多選擇，有雞煲烤魚各式小菜等久違的大排檔式（不會熱）是日叫了乳鴿 夠香脆魚也非常嫩滑魚香茄子煲都夠入味芋鴨煲很香椰味、芋頭夠淋全部都好送飯👍🏻👍🏻老闆娘和伙記都有禮貌如果一大班人吃都經常幫襯
continue reading
大西北朋友，可以試一下老字號小菜大排檔約埋班friend ，一齊飲下啤酒🍻呢度可以免費泊車食左幾款菜式，質素唔錯芝士蝦伊麵 $198 超級大碟，芝士醬凍左都唔覺得會‘漿’住，芝士味濃郁，滲入伊麵裡面伊麵唔會煮到好稔身蝦好大隻，8隻咁多，最窩心係，會剪咗蝦頭，咁就唔會俾蝦眼、蝦鬚吉親咀食肉獸至愛沙拉骨 $98 ，抵食去親大排檔必點，排骨炸到金黃香脆，酥炸嘅排骨啖啖肉，同沙拉醬好配，肉味昇華🫶🏻豉汁蒸魚雲 （長輩/貪靚之人最愛） $148 魚雲係魚頭部分魚好新鮮滑溜，有口感，有魚ge 面珠肉魚頭含魚頭嘅腦髓部分，營養價值非常高豉汁蒸魚雲好味到令我驚艷紅燒乳鴿 $70/隻擺得靚靚仔仔咁外皮好香脆，食落卜卜脆大隻多肉，肉質幾口實點准鹽食仲正食得出係新鮮炸起，記得有一次喺酒樓食過隔夜翻炸乳鴿，難食到想嘔🤮
continue reading
行過洪水橋，肚子餓得咕咕叫，撞正呢間大排檔，正！嘩，開頭啦，蝦醬通菜味噌香濃，係咁新鮮，食落又脆又爽，嗲嗲地真係好下飯。椒鹽鮮魷嘅層次感死得咁足，炸到金黃香脆，魷魚肉厚切，嗌嚟口口難忘。啲鮮魷好似洪水橋嚟既美景一樣，等人一試難忘! 跟住我試咗黑椒薯仔牛柳粒，啲牛柳爽嫩咁入味，每一粒都炒得黑椒香勁撲鼻，惹味到爆，一碟食晒，仲唔夠喉!🤤兜口飲塊五花茶消消暑，又夠甜又唔膩嗲，當然啤酒啦暢快點，畀味蕾一個After Party啦！但講真，最正係啲服務，員工態度超nice，令今次嘅食盛旅更加完滿。總結，係洪水橋呢間大排檔，你會食到好正宗嘅經典味道，真係每一啖都 "好有嚼勁"！呢度既美食，我會推介畀所有鍾意平民美食嘅朋友，下次一定會再嚟！👌🌟😍
continue reading