鴻圖樓茶餐廳

Open Now

Now Closed

以前係呢頭返開工勁中意lunch time食呢到既燒味飯，不過冇係到返工之後就冇再黎食了，今次夜晚經過呢頭，好懷念呢間茶餐廳就入左去食個晚飯🙈原來已經轉左新裝修，環境舒服左勁多，明明係舊式茶餐廳即刻變左新式，好光猛乾淨！我地係門口見到$10一隻炸子雞，當然左叫黎試下，上碟係熱辣辣的，好香口，同婚禮食到個啲真係冇分別🤤啲雞質好滑，而個皮仲係脆脆地嫁，呢個價錢真係冇得輸👍🏻之後都叫左個通菜煲，都冇令我地失望，好惹味，係熟悉既味道啊☺️

去左觀塘工廠區上興趣班，落堂都晚餐時間，都有啲肚餓，見到有呢間鴻圖道茶餐廳，咁方便就入左去食晚餐。同學仔食晚餐，同學仔唔係太餓，咁我淨係叫左條清蒸青斑仔同碟蒜蓉炒菜心。清蒸青斑仔是5款晚市必叫之一，真係抵食，超優惠價，2至6位5選一，7位或以上5選二。青斑魚肉嫩滑，做到好似酒蓆中食到既凊蒸魚咁。雖然條魚細細，但呢個價錢食到，CP 值超高。而個菜心好有鑊氣，蒜蓉好香，菜心都幾嫩。總括黎講都幾好，唔錯。

前排行過牛頭角嘅鴻圖茶餐廳，見到做緊優惠好抵，於是入去食個晚餐。呢個環境唔錯，坐得舒適。🐟🐟清蒸青班仔1條先38蚊一條，仲有好多菜式做緊優惠，2至6人可以叫一款。其餘優惠菜式仲有鮮鮑魚仔，美國桶蠔，白灼海生蝦，同埋a級肉蟹，下次要再嚟試😙😙👍另外仲叫咗蒜蓉菜心， 健康清新，蒜蓉味好香口，菜心清甜🥬🥬仲有京醬海皇豆腐煲，用瓦煲上，夠曬鑊氣。海鮮彈牙新鮮，送飯一樓流，兩個人埋單先百幾蚊，真係超平👍👍

閒時最愛去茶餐廳 夠地道 亦特別有人情味🥰今次初嘗鴻圖樓茶餐廳 一點都無令我失望老闆不但親自領位 見我正猶豫 唔知選擇食咩嘅時候更親自推薦值得一試嘅菜式🙈🥰最後選擇咗蜜汁叉燒切雞雙拼飯 以及火鴨絲炆米蜜汁叉燒切雞飯上枱嘅時候非常吸引望落唔會好乾 睇返我張相都見到切雞叉燒都有層油光食落香口 份量都唔少😍絕對可以送晒成碗飯😍值得一讚嘅係切雞上嘅蔥油好有咸香 味道好出 好好食😳火鴨絲炆米亦係好驚喜😳😳好大碟 比較細食嘅女孩應該唔會食得晒🙈鴨絲味道好足夠 一食就令人停唔到舖頭仲有好多好多唔同款式嘅飯麵小炒下一次經過一定會再去試吓唔同嘅菜式🥰🥰

上次經過鴻圖道知道行入碼頭方向都有食店，唔駛下下行到市中心揾食，今次又去果邊做野就去左鴻圖樓地下既鴻圖樓荼餐廳食lunch。可能因為係茶樓既下面，所以呢間茶餐廳真係覺得都幾大間，加上茶餐廳特色就係上菜快，所以lunch 時間都唔駛等好耐就有位可以日餐喇。 等位期間見好多人叫燒味食，我都唔執輸叫返個叉燒燻蹄飯加個凍奶茶食下。份量係正常既，唔會食唔飽，燻蹄大大塊，好入味，完全唔駛用到上既醋都己經餸到飯，而叉燒份量都多，就咁望落去餸仲多過飯。佢地既燒味係唔錯既，同埋可以肯定既係自己廚房整，唔係入貨返黎，因為食到一半聽到師傅大叫燒肉出爐，岩岩出爐既燒肉我都好想試下，一定好脆卜卜。

過去在觀塘生活了一段長日子，一直也不敢挑戰觀塘的老大茶餐廳，鴻圖樓，人人也說吃了鴻圖樓之後，也不敢挑戰別的餐廳，全因為會被鴻圖樓吸下了。這天我五時到嚟，我選擇的食物也就是咖哩牛腩飯，這是一個性價比不錯的快餐，全因為這個快餐充滿了香港的特色，味道方面，餐廳也做得不錯，作為茶餐廳最重要的一定是快狠準，加上咖哩汁底味道豐富，絕對是港式咖哩，餐廳或配搭了不同的香料，令味道更為豐富，另外，牛腩方面，經過長時間的烹調，入口軟綿綿，還充滿了咖哩的香味。

昨晚ot到9點，未試過要甘夜收工，又攰又肚餓！首先要醫左肚先， 觀塘區附近好似好多餐廳都已經收左舖，唯一見到「鴻圖茶餐廳」仲營業緊，即刻衝入去！餐牌大部分都係家常小菜，岩哂我口味！友人點了咖喱牛腩飯，賣相ok,飯量又多！唔辣岩食！我就點了馬蹄土魷蒸肉餅，蒸出來的肉餅滲透出甘美的肉汁，加上爽甜的馬蹄、濃郁的菇味、鮮香的土魷。雖然肉餅是家常小菜之一，看似易整，但要整得好食有口感都唔容易！非常收貨！可能加上我夜左食好肚餓，零舍覺得好好味，食到「家」的味道！

朋友約左我黎呢度飲茶估唔到下午茶時段會咁多人！！！呢度點心既價錢唔貴，仲有一啲點心拼盤可以選擇添不過我同朋友都有心水選擇，所以都係單點啦朋友話呢度既鮮蝦露筍餃好好食，所以一黎就點左我飲茶必食既點心除左蝦餃之外，蟹子燒賣都係次次order咁濟另外朋友仲點左一份香煎蘿蔔糕添蘿蔔糕內面有粗身既蘿蔔條，兩面都煎得金黃朋友介紹既鮮蝦露筍餃的確唔錯啵入面既露筍同鮮蝦既份量比例都多，所以粒粒都脹卜卜，好飽滿燒賣就一籠四點，肥肉比例適中，唔會好重味精，食完唔會好口渴

呢兩日放假，約唔到朋友，就決定metime一下行完市集就獨自去左嘆茶食點心呢度底層係茶餐廳，上多層就係茶樓點心既選擇有好多，價錢都好合理！！先開 壺靚茶，再慢慢睇下自己想食乜總共要坐三款點心慢慢歎要咗蘆筍蝦餃、蜜汁叉燒腸同煎蘿蔔糕叉燒腸有三大條，腸粉嘅皮好夠米香，味道都唔錯之後個蘆筍蝦餃都好足料，三隻大大粒！！外皮唔算太厚，入面包住好多蘆筍粒同爽彈既蝦仁蘿蔔糕厚切，都煎得幾香口啵！！有時留啲時間俾自己me time一下都幾爽架

OT食鴻圖道茶餐廳就食得多，今次趁放下晝假第一次上去飲下午茶。佢唔算好大面積，但枱與枱之間隔得都好開，傾計大聲少少都唔會嘈住隔離 😁13:45-1530 下午茶時段免茶免加一好抵! 😍 但就算幾個同事lunch黎食加埋一都係幾十蚊一個，都好經濟呀！🥮 臘味蘿蔔糕 中點 $22.3煎得好好，好脆皮。入面臘味足料 好鹹香。啲蘿蔔絲厚度適中，有口感，連埋臘味一齊咬好好食。🧆鮮蒸鯪魚球 中點 $22.3鮮蒸出黎熱辣辣，岩岩好熟入面唔會太韌。鯪魚球同牛肉球一樣都有腐竹墊底，唔使落喼汁都夠味。🐷蟹籽燒賣皇 大點 $25.3燒賣皮好薄，面頭有少少蟹子同冬菇粒，入面豬肉好肥好滑🤤 應該係用新鮮豬肉整！

今日趕時間入咗鴻圖道茶餐廳 呢度比我想像中闊落 同埋環境好乾淨以前仲係開二十四小時通宵營業而家因為疫情開到11點就關門仲會有外賣嘅呢度仲分咗幾層有鴻圖樓仲有我而家身處嘅茶餐廳如果諗唔到食咩不如試吓呢度嘅燒味飯平時叉雞飯就食得多好少食到燻蹄飯而家周圍都買少見少 價錢亦都非常實惠 叉燒偏瘦燻蹄就比較肥 有啲肉地 而且份量都算多 同飯嘅比例一比一 食飯之前當然要飲下呢度嘅例湯作為打工仔嘅我飲到碗湯真係好感動今日係合掌瓜湯 都幾好飲喎最後仲加咗杯熱檸水 檸檬新鮮唔苦 解渴！

偶然食下茶餐廳都唔錯呢度坐落於觀塘鴻圖道平時我做完嘢都會經開呢頭 入到茶餐廳我一定會揀卡位 感覺比較企理 呢度會卡位好特別每一張枱都有獨立嘅叉電位仲有餐具可以拎 枱與枱之間都闊落環境都算衛生 晚上時間都好多選擇有廚房嘢同埋炒嘢 每樣嘢食都係50幾蚊平靚正又夠經濟實惠 叫咗個蒸肉餅飯好耐冇食啦 呢度好有家的感覺肉餅上面仲有蔥花同白飯魚毛而且大大碟加埋絲苗白飯再加埋少少豉油即叫即蒸 確實唔錯再加埋杯凍檸茶 大大杯 呢個餐確實抵呀

是日honey去觀塘traning 等佢放工，去到鴻圖道附近，見到多層的鴻圖樓，就同honey食哩間了見到10蚊半隻炸子雞好吸引，另外小菜都唔系好貴同honey點左鵝掌花菇煲，蛋白帶子賽磅蛋蟹，另外點埋半隻炸子雞，蛋白帶子賽磅蟹賽磅蟹食落滑身爽口，加埋帶子啖啖肉咁，加埋蛋黃撈埋真係送飯一流鵝掌花菇煲鵝掌忟得好琳，啖啖肉又唔會太過火，花菇真系唔錯，底層仲有菜，又系送飯一流的餸。炸子雞半隻炸子雞真係唔錯，即製食落唔會太鹹，半隻都有好多肉食，鴻圖樓的小菜都唔錯，下次可以帶埋屋企人食飯！

又Work from Home開始都少咗出街食飯，以前日日要返工嘅時候，喺觀塘其實真係好多選擇，鴻圖樓都係我成日揀嘅午餐之選，但係我平時多數都係嗌外賣返公司食，但係今日OT遲咗收工諗住食個快飯就返屋企，咁就近近地去咗鴻圖樓識咗個燒味飯，叫咗燒腩仔叉燒飯加凍檸茶，佢啲燒腩仔係脆皮同埋五層腩嚟嘅，都有成六件燒腩仔仲好好味添，叉燒方面我揀咗半肥瘦叉燒，少少燶邊好香好好味😋！其實佢個飯真係都幾多，我食左一半已經好飽，真心茶餐廳來計好低食😍

平時好鐘意 #飲茶 🫖，今日唔例外，起身就獨自去嘆茶。觀塘嘅朋友應該好熟呢間 #鴻圖樓，開咗好多年，地下係茶餐廳，1樓係酒樓。之前都有來飲茶，原來現在星期六、日同公眾假期，大、中、小點一樣價錢同免茶👍我點左3個點心：🫔 #鮮蝦網皮腸：開頭以為係蝦腸，原來係 #腸粉 包住 #鮮蝦腐皮卷。即叫即製，外層很滑，內裡香脆，加上餡料，口感很豐富。🥟 #蟲草花灌湯餃：湯餃很大隻，裡面係蝦、豬肉同冬菇等材料，加埋清甜蟲草花湯底，感覺滋補又飽肚。🦐 #鮮蝦鮑魚鳳眼餃：面頭有彈牙鮑魚，鳳眼餃充滿爽口嘅蝦肉，味道唔錯兼真材實料。總括點心款式多，味道唔錯，環境舒服，下次都會同朋友來飲茶。