鴻圖樓茶餐廳

Open Now

Now Closed

每次到鴻圖樓茶餐廳都是因為趕時間， 今次也不例外。 鴻圖樓茶餐廳已經裝修了一段時間， 雖然比以前整潔得多，但感覺燈光很暗。星期六的下午點了咸魚雞粒炒飯$49， 叉雞飯雙拼$50， 跟餐兩杯茶走。咸魚雞粒炒飯～味道幾好， 炒飯的質地乾身， 有粒粒咸魚香和雞粒。雙拼叉油雞飯～ 開頭侍應送來的是叉燒鴨飯， 但本身我是點叉油雞飯的。叉燒偏瘦， 有點鞋口， 油雞沒有味道， 好像水準差過以前。茶走～ 廚房不記得落煉奶， 後來要叫侍應給煉奶。落單比較混亂， 食物質素普通， 每次都是因為趕時間才來這裏吃。

😑極度趕時間。想打個電話叫定外賣落車去拎姐😑鴻圖樓茶餐廳個電話永遠都講自己係酒樓無得外賣直接cut 線....但apps有顯示有外賣自取 仲有function比我簡外賣自取d乜....其實系米衣家d茶餐廳甘唔休做....同區華x冰室都無甘串... 起碼都接外賣自取

前果陣食左好多野，洗左好多錢，所以今日想食平少少，食清少少。最後朋友帶左我尼E到，我地12點45分尼到唔算多人。咁我就叫左雜錦海鮮雞肉泡飯，$40幾連野飲，真係好抵呀!!!!!!雜錦海鮮雞肉泡飯幾健康，雞肉本身比較健康，加上佢只係就咁烚熟佢，個湯又唔油，又唔鹹，幾清淡；仲有冬瓜，蝦，火腿等等，份量都多，食完好飽朋友叫左燒味飯：乳豬拼唔知鵝脾定鴨脾都係$60幾，12點半前叫仲可以減$10，好吸引呀。想食燒味的朋友記住12點半前尼，有得減$10!!!!

ot唔想行咁遠走落去附近食個飽飯，見到好似裝修過諗住入去再試試，橫掂唔想行太遠。之前年幾沒黎過皆因所有觀塘人都知呢間野又污糟 職員態度差 野食難食。今次都係一樣，野食一樣都係垃圾，啲飯又少。叉燒乾爭爭，雙拼餐俾幾舊燒味我，埋單收錢仲要係收多我6蚊。下次去麥記都唔會再幫襯。

好食比＄51一個雙併飯都話比得過， 仲要超難食， 飯又爛。我叫外賣，自己pickup，竟然要收服務費，痴線！我寧願行前D食翠華算喇！以後black list 佢。

呢間嘢真係好差我10月25號book左晚上7點去打牌！前兩日打去問收費點計、服務員話$438包四餸一湯免加一我話要電動麻雀$438有無其他收費同埋我由夜晚7點可打到聽朝嘰點。佢話聽朝六點。佢話無其他收費。咁ok啦。去到問服務員我訂左7點姓咩.佢就指我入去。入到去都唔知邊間房.我岀反去問佢佢仲要話反我。你揾果管理麻雀D人！我跟住當然好嬲。你唔講我點知邊度呀好啦。主管叫我地點嘢食點完約嘰點去食飯咁啦。呢段時間打牌都無咩事。跟住就埋單。total:$498、咁照比我無懷疑有問題。我朋友問反我做咩比$498.唔係$438咩？。姨係喎。叫反個主管問清楚。佢話電動要加$60！我話。下。。我係電話問得好清楚有無其他人收費$438。你地話無。主管就話個個人都知電動要加$60(事關我太耐無打)。我當然同佢理論啦。仲要好惡咁話我咩道理？我無錯嫁喎問得好清楚。我朋友話算啦。。好算。我地打到本新都話聽朝6點。打打下有個服務員入黎話埋單果時有無同你地咁嘰點走（果時已經5點）。我地無加多一個我打黎問果時電話果個人話可以打到聽日6點嫁。佢話你地阻住阿姐收野。仲火呀。同佢理論一陣都唔比我地打到6點！打埋呢鋪好啦！朋友

平日不和同事一起吃飯時就去買外賣。套票175有6餐很划算。買飯的阿姨很熱情，有時去得晚了沒有剩很多，阿姨還會給多添一兩樣。雖然是大鍋菜，但食材還算新鮮，樣式也多。中午選擇困難不知要吃什麼的時候很合適去。

早知呢間茶餐廳風評甚差，但由於很肚餓，附近又無咩其他選擇，於是試試。看完餐牌後打算點餐，侍應見到我招手只望一望，當見唔到，舉手舉了幾分鐘後先有人理。點左快餐西炒飯，落單後侍應回頭講原來轉左葡國雞飯。由於我唔想食葡國雞飯，於是轉叫乾炒牛仔肉炒河粉，點知就出事了……整碟河粉是微暖，一點都不熱，很明顯炒完放了一段時間，油都開始凝固，非常難食……但為了不浪費，我忍著食完全碟，點知一個鐘頭後肚疴……服務態度差已經令人有唔好印象，連基本食物乾淨可入口都做唔到，這種服務態度，這種食物質素，唯有列入黑名單，不會再去

今日係開觀塘整耳機。要一個鐘時間。見3點3下午茶。咁就附近搵間餐廳食野。坐底左問阿姐下午茶係邊張餐牌。阿姐指左俾我。咁我就點餐啦。問如果叉燒燒肉飯係唔係當下午茶36。阿姐話係。點知賣單就出事。變左51。我問收銀我叫既係下午茶。佢話燒肉無下午茶。我話問左係先叫。佢就串我無錢俾最後俾錢走人谷鬼氣

跟同事們黎到呢間，唔洗等位，但坐得就逼d啦。服務態度就認真麻麻喇，同事叫完野食到我叫，佢個樣已經好唔耐煩，我掀份menu返去後一頁期間，聽到我同事開口同佢講落埋呢個單先，我抬起頭一望，個阿姐已經走左，到佢返黎，落單時已係咁叫我快d，我落單講個飯要多汁，黎到發覺冇多汁到，咁我就同第2位阿姐講話想要多d燒味汁，佢話我係應該叫野食時要同佢地講，話我張手寫落單紙冇寫多汁，係唔會加俾我，我緊係講返佢知我落單時已經強調要多汁，好彩佢都有問師博加左碗汁仔俾我，好好味呀提議：增多人手啦，咁大個場得幾個阿姐帶位落單執枱一腳踢，不停跑黎跑去，都忙到透唔到氣，咁樣點會有良好服務態度呢

打去諗住問有冇湯飯 問我係咪叫外賣我話係 佢話我地唔送外賣 姐係我想講我係叫外賣但自取打反過去唔聽我電話😡完全係覺得佢有問題 野都未講完cut線太度完全係唔得 早汁早著

諗住試下個四川痲辣湯，點知食左三餸都可以份量甘少！人地唔知以為有機食品，出黎仲要落錯餸，真係嬲到震！同時，d湯少到成兜好似撈麵甘， 叫佢加湯，加完等于無加！料都仲未過半個碗！返到公司要再用熱水加水溝湯！OMG。 午餐食個極度輕量午餐。甘就25蚊。 我做咩唔食譚仔？！嬲到震，食完幾啖就無

鴻圖樓茶餐廳關閉了一段時間作裝修, 裝修之前的鴻圖樓茶餐廳看似舊舊的, 而且不整潔, 但價格相而, 燒味有一定水準, 所以依舊客似雲來。新裝修後, 內裡感覺清新了不少, 綠油油的, 廚房變成了開放式, 坐位上加上了USB叉電頭和三腳頭。 重中之重當然是要嘗嘗裝修後的食物水準, 平時午餐主要點燒味飯, 今天和同事點了其他的試一試, 我們點了架喱牛根腩飯, 炒豬扒烏冬和海鮮魚湯飯。 架喱牛根腩飯, 架喱不辣亦欠香味, 牛根腩比較有咬口, 但找不到牛根。 炒豬扒烏冬, 賣相一流, 豬扒成色好, 可惜同事卻話味道一般。 海鮮魚湯飯是等得最耐的, 差不多以為忙了下, 眼看材料不吸引, 點海鮮卻加上火腿, 聽同事說魚湯是尚可以的, 但定價亦太高。所以, 去鴻圖樓茶餐廳, 請繼續買燒味好了。

週末去開觀塘買野，一去到好肚餓但週末工廠區有冇咩餐廳開咗見到呢間仲開着就入咗去.見入邊冇乜人，又係第一次去食就叫啲保守啲嘅嘢，叫咗個星洲炒米見佢啲顏色咁淡，心諗不妙！第一啖已經後悔，從來未食過咁淡味既星洲炒米，唔辣得黎完全冇乜其他味.都更加唔好評論佢啲材料，因為一食隻蝦，已經知實在係冰鮮都極點一陣雪櫃冰凍既味. 越食越覺得唔妥當，啲米粉開始有味，不過係炒焦左既味，啖啖都係苦因爲每啖都有少少炒焦左.餐飲點左杯熱阿華田，都過得去，幾濃味下算不錯！啲服務就一般茶餐廳水準啦，一班呀姐企係度冇野做傾計，態度唔特別好.埋單$58 只會光顧一次，下不為例因爲野食水準真係好差

在觀塘返工既朋友唔知平時食外賣有冇食 鴻圖樓既三餸飯呢？ 我最近就因為工作忙所以成日去買，來貪佢 $31 平靚正，D餸 真係好好食又多選擇 而且日日唔同(佢話)，我見就日日差唔多 哈哈，but anyway 重點係我今日先發現有套票買，套票 155 有 六張，即係平均 $25.8 一盒!!! 超低食，所以開心 sharing 比大家知，如果有經常食開就唔好蝕左比佢 可惜佢地呢個卷係唔包燒味啦。按我食左咁多次佢地外賣經驗，佢地既餸油唔多，菜就係清淡既，反而肉有少少咸，最鐘意佢地既飯，飯軟硬適中，從未試過會太乾or太濕，用心去做餸，姐姐 service 態度中唔錯有講有笑