鴻運冰廳餅店

Open Now

Now Closed

$42下午茶雞髀餐，連薯條都冇(我已經沒有期望,因餐牌沒有寫)，但可以雞髀size細得這麼可憐，你們自己決定再來不來了，紅磡廣場也不是這麼狼死沒有誠意吧，香港租金。人工，燈油火蠟也再不是藉口。

全香港所餘無幾嘅閣樓茶餐廳，所以想支持下香港本土歷史、文化。去嗰日有啲熱，叫咗個菠蘿油、凍奶茶。杯奶茶係幾好飲嘅。不過個重點係，餐廳真係好體貼！可能驚熱親塊牛油啦（又可能係見天氣熱兼驚熱親我個嘴），喺冇特別要求嘅情況下，畀咗個凍嘅菠蘿油我，係連個包都係凍。間茶餐廳係名氣大嘅，不過除咗名氣之外，唔知仲有啲咩剩返呢？結構同裝修係保留到，不過食物質素方面，由於我係第一次去，所以唔知係咪一直都係保持呢個水平。有啲回憶應該留喺過去，唔一定需要保留。

常路過,好多年冇幫襯鴻運.以前有套港產片"行運一條龍“曾取景.熱辣辣食物,唔夠3分鐘上齊.一切比普通茶餐廳高些.沙爹牛肉,真的不錯.員工同客人有倾有講.店內環境,簡單整潔光亮.店內有閣樓雅座.

仍保留老香港懷舊風格嘅冰室已經少之又少，不過旺角呢間冰室由裝潢到食物味道，依然保留著時代感😆周星馳主演電影《行運一條龍》戲中嘅行運茶餐廳，亦系取景自呢間鴻運冰廳餅店喔～👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻常餐 （💰51）沙爹牛肉湯意粉➕火腿奄列牛油菠蘿包：-沙爹牛肉意粉🍝意粉煮得啱啱好，唔會Overcook，沙爹味湯底濃郁，牛肉非常入味。-火腿奄列🥓 宜家已經好少地方有得食，全部都係得炒蛋 ，不過個蛋就熟左少少。-牛油菠蘿油🥯唔夠熱同差左層包面上嘅酥皮，整體黎講，可以接受😙。🥞奶油多：多士內外都落足牛油同煉奶，唔會得表面先有味道，脆脆地又唔會太甜😋。👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻價錢雖偏高但味道唔差，仍然保留住港式冰室水準同風格☺️。

係, 係通漲~ 懷念一下兒時屋村味道及感覺的心情去食, 是無妨的.51蚊特餐, 唔算實惠.沙爹牛肉麵西煎雙蛋熱奶茶.沙爹牛肉麵: 正常.西煎雙蛋: 正常.熱奶茶: 正常.食完之後, 覺得熟口熟面, 原來係行運茶餐廳取景店.

假日去旺角行下順便食飯，想平平地食茶記，又想去一間未去過嘅，想起行運一條龍取景嘅茶記-鴻運冰廳餅店，即想去見識下，見收19:30早即去了。去到大約18:00，好少人。事過境遷，都翻新左，裝修後的格局仍保留住懷舊冰室的風格，麵包櫃、卡位及枱椅等，兩層冰室，一場來到，都忍唔住上閣樓睇下，當日閣樓冇開放嘅(初步相信因就快收工)，個阿姐好好人比我地上去影相~。餐牌，馳名係蛋撻及蛋牛治等，但，我都係好想食沙嗲牛肉麵wwwww。沙嗲牛肉麵，感覺上幾細碟，但牛肉份量適中，口感鬆軟，沙嗲味道唔算幾濃郁，味道正常水準。火腿奄列配牛油菠蘿包，迷你菠蘿包，菠蘿油冇牛油..失敗!火腿奄列，蛋皮好薄，火腿份量適中，普通。凍檸茶，凍飲+$2，實在太細杯。雞批，$15，友人的，據聞味道普通。尋找水哥的故事，確有懷舊之感，服務都幾好，食物水準普通，但冇食過蛋撻唔知咩料，下次有機一定要試下。

食完先醒起影張相，朋友出嚟旺角買嘢陪佢食早餐我就飲杯奶茶，因為我住附近嘅，老實講普通茶記一間唔會特登行一兩個路口過嚟，因為價錢畀我哋平時普通茶記貴少少，但食物唔係特別好食所以唔會特登過嚟，有時朋友想食都會陪佢過嚟食少少嘢我通常都食個常餐，沙嗲牛麵普普通通正常嘅奶茶都正常嘅，但今日個早餐真係好差，我好耐未喺呢度食個早餐，嘩～佢隻雞蛋細粒到，仲要得一粒，食咁耐茶記真係近年都未見過咁細粒嘅雞蛋，隻雞蛋落爐應該都冇5秒，白色嘅蛋白好少近乎全生，接近2/3嘢係全透明，條腸仔冇煎過仲要係又乾又硬又韌，睇見都唔想食咬一啖氣試下口感，冇煎過，個小餐包普普通通唔硬唔冧唔鬆軟正常的，個皮有啲似菠蘿包與墨西哥皮嘅中間口感，奶茶冇茶味冇奶味差咗好多，近年周圍啲奶茶都好少會勁差嘅，供應商已經溝好嚟淨係加水沖姐都可以咁差嘅，檸茶味道朋友話正常，但細杯扣埋冰真係兩啖就冇，真周星馳食神講嘅嘢

今朝食完早餐行過，見佢擺左一盤滿滿嘅蛋墶係門口，個個都金橙橙咁色，曲奇皮，諗起之前有報道話佢蛋墶出色，咁我又買番2件試下先一件$9，拎上手知佢凍左喇，佢d蛋漿都好實淨嘅，食到蛋香味不過唔好食曲奇皮係幾香，不過因為蛋漿凍晒好實，一d都唔好食

今日經過太子附近自己一個人好簡單嘅午餐，所以見到附近有呢間咁懷舊嘅茶餐廳，門面好似好多年歷史門口有個侍應同我講呢間餐廳已經係好年，但係地方比較偏僻，所以唔係話好多人都會過嚟食，入到去，我叫咗一個沙嗲牛肉麵，佢仲有一個火腿奄列同菠蘿包，當然咁懷舊，梗係試吓，佢啲奶茶先啦，講咗沙嗲牛肉麵先確實係真係唔錯嘅，因為佢啲沙嗲汁真係好濃啲牛肉嘅肉質好嫩口，如果比起其他茶餐廳確實係幾有質素嘅，至於火腿奄列，就同平時其他茶餐廳一樣，有セ特別，波羅包都係尚算一般，至於杯熱奶茶，我覺得比較香濃，我冇加糖但係都飲得出好濃郁嘅茶味，奶茶來講算唔錯，另外叫咗一個蛋撻即刻食，我覺得金園嘅蛋撻好食好多，佢買上亦都唔算太吸引，我覺得唔需要再特登嚟呢度買，男外我打包蛋糕同奶油包返屋企，但係反到屋企，麵包奶油包只係佢哋有一些舊式嘅蛋糕同麵包，但係味道其實都係尚算一般。

行過，收左貨款，又記起佢，就幫襯下，入面係舊茶記樣，我一條友係唔肚餓情況下，外賣左隻雞批，又幾好食喎，曲奇皮夠酥香，入面啲料夠，個白汁夾曲奇皮超毒！15 蚊！一定好過pei and tart !

今日太子果頭做野開工 行過太子食早餐 見到有舊式茶餐廳 鴻運冰廳餅店食 心諗捱得到咁多年 應該冇死起碼唔會難食先，入到去1位地下冇位，要上樓上到樓上一層 冇人冇招呼。 睇左一陣餐牌 最後叫左個早餐A 火腿通粉+跟餐菠蘿包+雙太陽+一杯凍檸茶total 48蚊+2蚊涷檸檬茶送餐5分鐘左右，黎齊哂食左幾啖通粉 食食下漂咗隻螞蟻出嚟 仲要唔止一隻雙太陽蛋水旺旺 冇味😑牛油菠蘿包個心涷既😑凍檸茶正常既😅以後唔會再幫襯 成個餐48蚊+2蚊涷飲唔抵食 唔好食

去買裝修嘢期間想搵間茶記休息下飲杯嘢，見到呢間好懷舊出面放曬d港式包同埋display支裝鮮奶，心諗應該唔會點錯，所以貢咗入去。同屋企人叫咗凍奶茶+西多+蛋撻。全部都係小時候吃的味道，相當有驚喜！最好味是西多，好有蛋香同炸得剛剛好，唔會好油。內脆內軟勁正。蛋撻都好有蛋味，如果剛出爐應該仲正。曲奇皮my favourite 🤩 。涷奶茶冰茶奶比例剛好，飲得好開心😃下次再去要試沙爹牛同焗豬扒飯紅豆冰 😎呢d懷舊冰室買少見少，搵到間好嘅一定要支持🫰🏻雖然唔係好就腳不過都值得一去。淨係享受下昔日裝修，打下卡都好唔錯㗎🥰

特餐$47特餐包咗個面同埋蛋然後有杯嘢飲。我揀咗五香肉丁公仔麵配火腿煎蛋飲熱檸水。依到嘅五香肉丁比較辣，落嘅辣油都多，所以啱晒啲鐘意食辣嘅人。公仔麵煮得係硬啲，不過都算係熟嘅。火腿煎蛋就好油。蛋係流心蛋，不過火腿食落就唔似係煎出黎。檸水我就覺得幾大杯，比左半個檸檬。同埋佢啲檸檬唔係切開左好耐，沖水飲嘅時間杯野都唔係苦嘅

我之前成日幫襯佢買麵包，我真心好怕出面嘀空氣包，成日食完得浸風咁！我知佢地為我好，怕我肥，特登整埋嘀中空包，唔好食咁多澱粉質丫嘛！但我肥我事丫，我係鍾意食最傳統嗰嘀實實在在嘅麵包！佢呢間嘀午餐肉包，嘀五餐肉唔會係紙咁薄㗎！腸仔包個包係香香甜甜，甜餐包個味，總之就係你細個嗰種，大大個，有重量，有質感嗰種，食完兩個一定夠包嘅麵包！今日係開附近做野，不如就試吓堂食啦！哈哈！伙記哥哥好似對自家乾炒牛河勁有信心，不停向我推介，但今日真係想食吓菜，就你啦！涼瓜肉片飯！上枱果然冇令我失望！好夠鑊氣，好香豆豉味！苦瓜爽中帶甘！肉片嫩滑！苦瓜有人話要食苦！但亦有人話要煮得唔苦，先係好苦瓜！但！我覺得唔係一概而論，係睇菜式需要苦瓜有時要爽要甘，就好似呢碟肉片飯咁，但炆苦肉呢類，就要煮得淋同減少苦味，等佢同其他配料相輔相成，更有鮮味菠蘿油呀！百吃不厭，再加上凍奶茶，呢度杯奶茶係好飲嘅～丫～冇諗過你個堂食又幾得喎！不過佢個冷氣好凍，唔怪得嘀人坐哂去細風嘀果邊啦！同佢廿年如一日，你完全可以有係行運茶餐廳嘅感覺！係爭咁個蛋撻王子啫

同男朋友入到去第一下感覺係... e... 錦熟口面既？好似喺港產片入面見過！！ 四圍望望，餐廳的瓷磚、吊燈，門口的麵包櫃真係充滿懷舊風味，回想返細細個都成日同媽咪喺呢d 舊冰室食野，然後麵包師父會不停將一盤盤的菠蘿包托出黎～ 剛好樓下滿座，員工叫我地上去上層（第一次去冰室會有閣樓) 幫我地落單的員工係年紀較大的伯伯，相信喺度做左好耐，經驗老到，落單勁快手！我叫左『經典特餐』始終舊冰室的奶茶飲起來特別香滑，完全不會澀口；公仔麵的麵質非常煙韌，牛肉軟腍，舊冰室的味道 ～雖然現在好多新式冰室，但舊式冰室的感覺和味道就係代替唔到