紅磡冰室 (Closed)

Really modern and Western design in this restaurant, despite the largely HK menu and typical HK style service. Ordered a breakfast set (served until 11:30AM) and everything came quite promptly. Overall, no complaints but wouldn't say this cafe is above average. Good for the ambience and clean environment, however.

$53 叫左碟牛仔骨+凍飲$3，點知成碟真係8成都骨，根本無乜肉。食完成碟飯都唔覺得飽。對面枱叫左個紅酒汁牛脷，見到佢食左幾啖之後，無乜再食過，最後淨晒啲牛脷，好浪費。

差唔多每個星期日回娘家都會係度食個早餐，店面算大，但由10點開始就會比較full,需要等位，就算餐廳當日較吉，亦都唔可以自己簡位坐，管制得好嚴重。店內有sofa位，兩邊有電視睇，因為開業不久，所以所有擺設都新淨，而且廚房水吧開放式，但排氣做得好，不會好大油煙。32蚊的餐，有牛油多士，炒滑蛋(份量偏少)，沙爹通，味濃，而且牛肉唔鞋，好食。希望d服務員態度改善一點，入黎食個早餐唔係黎受氣，一早就黑口黑面令人冇癮。

其實就不嬲都去開黃埔果邊既紅磡冰室食野既 近排行開尖沙咀發覺佢開左間分店 所以就去左食啦～但去果陣己經係晚飯時間 無得再叫常餐食 如果夜晚都可以有常餐serve就好啦～畢畢番早放晏既人邊有時間係朝早食常餐😢咁今次叫左個干炒牛河同埋瑞士雞翼～食干炒牛河通常都係因為陣穫氣 呢碟都非常有穫氣 係正既！味道剛好 唔會太淡或者太咸 牛肉分量都算多 味道不錯瑞士雞翼就一碟有5隻 煮得好林 好入味 而且啲雞肉好滑 無得輸 每次食常餐都一定會叫～～

今日午餐時段經過北角紅磡冰室，見排哂長龍，一於入去買外賣返公司食，點知⋯⋯士多啤梨骨無士多啤梨，亦無士多啤梨味，同菠蘿生炒骨無分別，召鹽鮮魷咬落去水汪汪，質感淋啤啤，白飯亦煮得太爛，無牙都食到，午餐時段買，兩盒餸連兩個白飯$155（唔連飲料），唔值

見到個名，幾得意，一試！食就普普通通，合格啦。充滿人情味的同事先係重點。在排隊入座時(係呀，要排下隊，有人氣㗎)，有個招呼的姐姐親切地與婆婆熟客閒談，又知婆婆不可坐風口位。我要蒜蓉包，來餐時送錯多士，哥仔又好誠懇道歉。遠遠有交通警，姐姐已向d客通報，話食個茶餐要幾百蚊好唔抵，叫人快d走車，真係超好。有勁厚杯奶茶，有風味通粉好似厚得搞笑，麻麻地太陽蛋生熟剛剛好，厚多士或蒜蓉包，同價

都係見到嘅評語嚟試呢個豬排炒一丁。不過茶餐嚟講都唔平，成50蚊…有啲不過不失嘅感覺，出到嚟好似冇乜鑊氣咁。唔通係太耐先拎出嚟？ 唔覺佢有熱辣辣！豬扒較薄，略乾身。 味道可以咸返少少。麵嘅份量都少咗啲，唔抵食～

第一次宵夜入去食蛋冶加奶茶，蛋炒過老又小得可憐。就嚟收工都唔洗咁！我忍⋯⋯因太餓。第二次又犯賤！食宵夜。前面枱四個師奶食完走人，一出門口，就聽到D侍應串D師奶叫得少嘢食、xxxxx又乜又點唔好⋯⋯侍應態度？！唉－9⃣️第三次再攞嚟賤！！晚上大約十點多D，入去吃宵夜。店內冇乜人，聽到侍應話入面坐，但我見門口旁有兩三個吉枱就坐低。之後同一侍應話我二人不可坐大台，叫我入內圍。我之後隨他入去，佢串串共咁指住一張半面壁，另一張就坐搭枱膠凳的枱。他說：你哋只可以坐哩兩張枱！我心諗已經咁夜，又冇乜客，我重乜要坐埋D卡啦位！你當我白痴！聽你點！原全於理不合。我即話我唔食、走人⋯⋯其實我成曰去係欣賞廚房的心機菜色，尤其是雞翼撈丁同奶茶但D伙記作風！我寧願去澳牛好過😌

之前係紅磡食過紅磡冰室既瑞士雞翼撈丁就一食愛上左，搞到成日都好想去食，不過紅磡有d遠，見炮台山呢邊開左間分店，就索性去撈丁蒜蓉多士好脆口，蒜蓉味好香，唔錯。炒蛋都算滑，幾香牛油味紅豆冰好多紅豆粒，好足料反而瑞士雞翼撈丁成個麵過鹹，同係紅磡食個次完全唔同，好失望下次都係去返紅磡食好d

今日食早餐，坐低諗住叫嘢食，揮左好耐手都冇一個伙記理我，終於有個女伙記望到我，但佢依然繼續掛住整水吧既野，仲要一路同D廚房佬傾計，都完全唔幫我落單！最後佢終於黑口黑面走過黎落單！呢個人服務態度真係超級差！不知所謂！炒蛋份量細得好可憐，應該係一口炒蛋，份量只有半隻！

第一次喺出面經過 ，就見到佢入面裝修十分 整 潔，所以就入去一試， 我入到去差唔多全場滿座 ，好彩仲有一兩個位 ，啲人服務亦都十分有禮貌唔似平時啲茶餐廳 啲人粗聲粗語 。我叫了一 個常餐 其中係一個 香煎豬扒撈公仔麵 ，佢煎起黎豬扒都十分香口， 豬扒 亦都 十分厚身 ， 份量 超大， 味道亦都剛剛好唔會太鹹亦好夠濃味， 蒜蓉包食落十分鬆脆 和 充滿蒜蓉嘅香味，蛋 亦都炒得十分鮮嫩 唔會炒得太乾 ，加上一杯濃味嘅咖啡 亦只係收44元 以我一個甘大食嘅男人嚟講 一樣夠食， 仲想點呀！ 唯一最遺憾嘅， 就係每晚六點鐘就停止供應

過開北角做野, 來一個茶記快食, 選了位於大街的紅磡冰室雖然接近2點先黎到, 但冰室依然坐無虛席不過好快就有位, 坐低叫左個常餐C先黎炒蛋配烘多士炒蛋OK, 多士夠厚有蒜蓉牛油味, 好香好好食套餐的煎豬扒是配撈丁, 改了要通粉, 想清淡一點這個豬扒通的份量很驚人, 豬扒很大塊, 放在上面迫到連通粉都快滿瀉豬扒煎得很香, 帶點脆, 好食!最後當然係食唔晒通粉, 40幾蚊包埋飲品CP值真的很高!如果再經過果邊做野都會揀黎呢度食lunch , 經濟實惠又夠飽~

路過炮台山，見到再開多一間冰室。北角站已有一間，再下一城，反映供不應求。天寒地凍，多人門外等吃早餐，水準一定好。店愈新，裝修愈型格。此店比北角店舒適，多梳化靠背卡位，黃色吊燈，檯子之間隔離算闊。比紅磡店勝多倍。我選擇F餐。黑松露炒蛋有很多份量，足以果腹。 黑松露份量偏少，宜減炒蛋份量，增加松露香味。炒蛋稍嫌碎，蛋香味未算濃，宜增添蛋黃比例。麪包的牛油未夠多。人手不足，食物只有微溫。非繁忙時間再來會好些。咖啡香濃。整體上，是一份星期日豐富早餐。港鐵A出口靠左，過馬路便可。

做運動嘅推動力當然係食啦...咁動身前一定要對自己個胃好D...晨早流流當然要食番個熱辣辣嘅早餐啦, 呢度早餐選擇頗多, 我就食番個傳統A餐組合先!  火腿絲"仿"鮑魚絲通心粉（好老實嘅形容）- 份量都好足夠, 通心粉唔會煮到軟稔稔，最怕d發到脹晒又爛嘅通粉。而湯底都夠甜, 再加埋呢度胡辣味十足嘅胡椒粉非常惹味, 連湯汁都飲唔停口.西煎流心蛋同牛油厚多9秒9跌落黑洞, 所以無影到佢哋真身.咖啡可以啦, 無特別好味，不過$31早餐絕對收貨. 其實最吸引我嘅係佢哋嘅胡椒粉囉~

北角近地鐵站英皇道附近都好多食肆，而呢間紅磡冰室算新新地。lunch時間一直大排長龍，幸好座位算多，唔會響街等好耐就入得。店內環境都幾舒服，卡位係sofa, 又唔會好逼，樓底好高，係人較多會嘈少少。午餐有6款，有炒飯、普通碟頭飯等等，價錢要$50起標。亦有常餐，撈丁餐等等，也要40多元起標。唔好以為叫冰室就會好平。叫了午餐蒜茸雞扒飯，都好大碟，3至4塊煎雞扒，蒜茸汁幾香，“頹飯”來說味道很不錯，而且都好夠飽。奶茶普通貨色，無乜茶味。總的來說，味道不錯可以一試的普通午餐之選。