紅磡冰室 (Closed)

瑞士雞翼撈公仔麵（$42）都係個句，愈簡單既野愈難好食。不過尼到就相當唔錯，上枱熱辣辣已經冇得輸，其實真係好簡單既味道，不過係細節上都做得好好，雞翼夠入味，麵撈得好均勻，每條都沾滿瑞士汁，甜甜地好入味，絕對唔係hea上。炒蛋都幾滑。另外+$9轉左奶油酥，牛角酥焗過，入面有大量煉奶同牛油，正啊！

次次經過，呢間野都一定有人排緊隊，雖然已經開左業一段時間，但係人流依然不減。今日LUNCH，我決定點都要一試！！點左個常餐，$44但係包3樣野 (瑞士雞翼撈公仔麵、嫩滑炒蛋 + 香烤蒜蓉包)，仲要包一杯餐飲點解佢個炒蛋咁好食架，佢真係可以做到嫩滑既感覺，不過好似咸味稍重。香烤蒜蓉包都好香，好好味，麵包好香軟，有D位仲因為佢烤過所以有少少脆，蒜蓉毫不吝嗇，成個包都搽滿左蒜蓉。瑞士雞翼撈公仔麵有3隻瑞士雞翼，瑞士準甜甜地，不過個人就係唔係咁鐘意太甜，加左少少佢地既辣椒油去調味，又有另一種味道WOR。呢倉常餐咁多野食，食完真係飽哂。

初初開嗰陣成日都要排隊...依家直入就有位.. 兩個人坐卡位都唔洗搭枱...好耐無幫襯.. 今日叫返我黎到必叫既常餐...豬扒湯公仔麵... 炒蛋蒜蓉包... 熱奶茶...炒蛋蒜蓉包炒蛋好滑.. 不過今次食好似散散哋...個味都係偏淡... 所以要落啲鹽吊吓味...蒜蓉包兩邊都有塗上蒜蓉...因為係較厚既麵包... 所以唔會焗到脆卜卜..但係有外邊少少脆... 個包仲有軟熟...豬扒湯公仔麵本身個餐係撈公仔麵既... 不過試過一次之後覺得好乾... 所以轉食湯上...豬扒夠味... 應該係撲粉煎.. 所以有啲脆脆哋...雖然唔係好厚.. 但係味感都好好... 唔會乾到靭...熱奶茶好似無左之前咁好飲... 不過不失...勝在夠熱...除左常餐之外... 當然有下午茶供應喇...不過放假瞓到咁晏... 起身既第一餐.. 梗係要食多啲喇...

今日同芊晞兩個去咗搵大伯飛髮！之後大伯推介咗我哋一家新開嘅茶記食晚飯叫「紅磡冰室」，點知有驚喜！兩個嘢喺度整蠱做怪！喺嘢食未嚟嘅時侯當然又喺度畫畫呢度環境唔錯有好多架位有少少西式感覺，而且服務態度都好(呢樣最緊要)！老細好好人仲安排咗我哋坐咗喺六座位嘅架位度等我哋可以坐得好舒服又可以放呢樣嗰樣打開個餐牌，小菜類都係60-80蚊大約因為我同媽咪都唔係太肚餓，所以我哋今晚決定唔叫小菜叫咗兩個碟頭，一個係菠蘿炒飯，一個係干炒豬扒烏冬菠蘿炒飯先登場，嘩真係成個菠蘿蓋放上嚟打開個蓋一陣菠蘿香飄過嚟而且個飯仲熱辣辣雞肉超嫩滑，炒飯勁爽！唔會好濕住黐立立佢哋兩個食得好快...好食佢哋先至會食成咁跟住到干炒豬扒烏冬同一般烏冬差唔多，還要好！唔多油，好香！特別之處係塊豬扒我估佢係用蛋醬落去炸！一咬落去我細個d回憶番哂嚟真係冇誇張...嗰種炸香味我唔會忘記

不得不說，我已經變左紅磡冰室既粉絲，每日諗唔到食咩就去到樓下既呢間紅磡冰室食飯。早午餐就食得多，今次就第一次試佢既晚餐。我覺得呢到既菜式真係有返咁上下水準，不過就價錢有點偏貴。以呢隻豉油皇雞為例，已經要＄90，不過幸好有半隻，另外仲叫左個椒鹽豬扒＄60。豉油雞既肉質偏淋，食得出係冰鮮雞，不過我都知呢個價係無可能食到鮮雞。雞味唔太濃，豉油味都唔係好入味，有少少失望。雞既脂肪同皮都幾厚。整體有少少失望，亦可能係我太高期望。而呢碟椒鹽豬扒水準就維持到，食落好香脆好夠味，而且份量都幾大份，送飯真係一流。而呢兩個餐都係包野飲既，呢個價同呢個水準，我覺得真係幾抵食。除左食物之後，呢到既環境裝修其實都好靚，有少少英式風味，不過我覺得D waiters有少少粗魯，講野都偏大聲，我知道係茶餐廳特色，不過就有少少破壞氣氛咁囉！

是日午餐係紅磡冰室常餐叉燒意 炒蛋 蒜蓉多 熱檸水($38)叉燒本身配通粉，不過我唔食通粉，所以轉左做意粉。意粉口感唔太淋唔太硬，個湯唔似味精湯，但味道只係一般。叉燒就淋身又幾好食。炒蛋呢，可能因為我外賣啦。食果陣已經凍凍地，不過浸番落啲湯度暖暖地食都ok嘅。炒蛋都好夠滑。成個常餐最好食就係呢個蒜蓉多士！平時出面常餐通常都係牛油多士，仲要啲牛油勁少勁乾，但紅磡冰室就唔同啦。多士上有滿滿嘅牛油同蒜蓉，勁香！多士都係偏厚身，咬落軟淋淋。絕對係成個常餐嘅重頭戲！好味！

平時lunch去堂食都要等一陣先入到 今日打電話落order 過十五分鐘左右落樓下就有得拎喇蒜蓉包 - 厚身既包加上大量蒜蓉 食落啖啖都好重蒜香 炒滑蛋 - 份量好多 雖然因為外賣凍左 但都仍然好滑 好香牛油味 瑞士雞翼撈公 - 雞翼好入味 好嫩滑 撈公就普普通通呀冇咩特點 熱檬水 - 難得浸左成餐都冇苦澀味 非常好！整體幾好 $43有咁多野食 唯一唔好既係佢外賣會用好多個盒裝 環保啲以為都係落去堂食好啲

呢間算係北角區有裝修既茶餐廳,但估唔到早餐都要排隊. 可能新開既關係. Waiter 態度好串,收碟好快. 不過, 茶餐廳都係咁, OK ge..講返野食先, 嘩個炒蛋係迷你版!!可以睇圖,唔係食剩架,真係一隻Spoon 既 Size!! 仲有一塊火腿, 面包, 味道都正常, 如果多士係烘底就好啦! 野飲都OK ge.可能呢D係健康早餐..如果鍾意排隊食茶餐廳可以試下!

小妹曾到訪過紅磡的「紅磡冰室」，食物不俗，然，地方極其淺窄，服務也是一般茶記水準。某日，搭車路過北角，竟發現近新光戲院附近開了一間「紅磡冰室」，不知是否同一集團經營的？這一間的冰室，裝潢新潮型格，地方光猛闊落，座位也較為舒適。在門口稍等片刻，才被安排入座用餐。侍應服務殷勤且有禮，儘量去滿足客人的要求。難怪，當鄰店門可羅雀之時，這裏卻門庭若市。早餐以套餐為主，分為醒晨早餐、歐陸早餐、營養早餐、三文治早餐和冰室推介(須同時惠顧任何早餐或飲品)，索價由$10-$34不等。凍檸茶(+$3)一貫茶記水準，茶香檸香滿嘴。蘑菇黑松露嫩滑炒蛋辣肉腸多士$32，轉火腿(+$1)蘑菇黑松露嫩滑炒蛋辣肉腸多士$32，轉火腿(+$1)，份量看似不多，然，多士挺大件且厚身的。火腿不用多評；炒蛋混入蘑菇和黑松露同炒，香氣撲鼻不在話下，且嫩滑濕潤非常，夾雜蛋香，好吃。烘厚多士外香脆內鬆軟，入口仍帶溫熱，只略嫌牛油不夠多而矣﹗很久沒有吃過菠蘿油$10，故要來了一客。菠蘿包經烘焙過後表面金黃色、凹凸的脆皮狀，因貌似菠蘿而得名。挺身圓拱的菠蘿包，質感十分鬆軟富彈性，新鮮之作。只是，菠蘿包外層表面的的脆皮，未夠香甜酥脆。此

今次決心走進店裏吃下午茶，叫個招牌瑞士常餐食成個常餐包括，瑞士雞翼撈公仔麵，牛油多士，炒蛋連飲品雞翼撈公仔麵有3隻瑞士雞翼，外表光滑隻隻都漲卜卜瑞士汁好入味無過鹹，雞翼全熟晒，不過感覺仲好滑公仔麵彈性度十足，好夠味牛油多士，多士烤得有點兒金黃色，厚身有口感炒蛋份量不少，蛋味香濃，老咗少少，欠缺香滑感紅豆冰份量頗多，甜度多了一點，尚算夠淋室內環境比較古老，但尚算整潔，好有懷舊既感覺～ 

今早兩公婆慕名試了他的早歺，老婆叫左炒旦乜乜，炒旦幾滑，合格。我食左個肉碎番茄通，嘩!酸到牙都痛，已試到有糖味但都好酸，勉強才吃完九成，我諗是茄膏加三件大番茄角加肉碎煮埋，成碗杰杰地賣相已扣分食就，唉!原本想下次試沙爹牛肉，問老友得知不試也罷。

我本來對新式既茶餐廳無咩好感，多數都係好似好多花款，裝修好靚，但係又貴又細份，而且唔係特別好味。但係，北角紅磡冰室既晚餐真係好好味。肉餅口感非常好，有少少彈牙，好大塊，超正。韮菜唔會有渣，肉絲夠滑夠林，個餐湯好足料，好味，豬骨仲要無骨碎。我對白飯都有D要求，白飯唔會有乾硬。本身無咩心機食野既我，開晒胃，最終兩個人都食到好飽。服務員既態度也不錯~

印象中紅磡冰室係炮台山開左唔係好耐, 今次第一次試其實而家好左咁多所謂懷舊冰室, 賣到貴一貴, 最慘d野又難食....今次都驚會唔好食拎起個午餐牌, 冰室黎講唔算貴我就揀左個瑞士雞翼撈公仔麵, 公仔麵夠晒味! 如果可以淋少少仲好, 個雞翼非常入味!! 好耐冇試過係出面食到個咁入味既瑞士雞翼!! 嫩滑炒蛋, 牛油多士, 個炒蛋好好味!! 好多都話自己d炒蛋好滑, 呢間真係唔錯, 真係滑! 牛油多宜就冇咩特別同事就揀左個生滾牛肉鮮茄湯通心粉, 我試完覺得幾好! 第1, 個蕃茄湯唔會太酸, 第2, d牛肉係新鮮牛肉, 食落勁香! 唔錯! 另外朋友叫既紅豆冰, 我就冇試喇, 不過望落好似好多奶咁唔錯, 好過天后果間冰室好多! 又唔貴, 食得過(不過男仔應該唔夠飽喇) 

難得的day off ， 聽細佬說北角開了紅磡冰室， 便二話不說去品嘗那裡的常餐。除了是回味那裡超厚超厚的牛油厚多士， 更重要是回味當年大學生活點滴。紅磡冰室，顧名思義，起於紅磡， 想當年在final year 時見證開幕， 第一次食常餐中的厚多士， 炒蛋便深深愛上， 亦眼見開了分店。那天，時間尚早， 便試試他的早餐， 其實早餐與常餐冇多大分別， 若不是特意食瑞士雞翼公仔麵，早餐說實在更化算。我點了厚多士炒蛋以及鮑片通粉， 細佬强烈推薦奶油牛角酥拼黑松露炒蛋

一行入餐廳，環境寬敞，乾淨明亮，裝潢比一般茶餐廳或冰室更有心思。早餐選擇不算特別多，都係啲公仔麵或者歐陸餐，但我主要因為個牛角酥而行左入黎，最後點左C餐 蕃茄排骨仔濃湯配迷你牛角酥，配奶茶。首先黎左個牛角酥，同餐牌果個差一節，不過睇番清餐牌 又真係寫住迷你兩個字嘅。濃湯好正，肉一啲都唔靭，亦唔會過鹹。可惜奶茶唔夠濃唔夠熱。