紅磡冰室 (Closed)

經常搭車經過 終於去過一次 感覺良好 食物好味 賣相都好所以就無耐再幫襯啦 點知就比我見到唔應該見嘅事我地果晚都10點幾先去 唔算太多客 咁點菜時 叫咗2次好大聲 都無員工過嚟後尾有個好高大嘅過嚟落單我地叫2個小菜 咁跟飯跟湯仲有飲品點知比我見到 呢位員工 唔係用湯勺（畢）湯😱係直接用湯碗放落煲湯度（畢）上嚟！因為放湯煲位就喺廚房出面我見得好清楚 佢係用佢龐大嘅身軀遮住後面嘅視線 但我喺側面睇到好清楚當然 果2碗 我地無飲到啦！之後見到佢 好多都係用呢個方法（畢）湯總之 我地以後都唔會再去食

完全冇諗過作為一間食府，竟然有員工當正自己屋企張床瞓左係度，最離譜就是佢對腳板貼住塊玻璃，個種核突程度難以想像，我最嘔心仲要邊食邊對住佢對腳板底。雖然食物質素不太差，但衣個環境因素就令我不會再光顧有圖

好好味，啲餸好有鑊氣，又夠大碟，有埋湯同野飲送，仲有啲服務員態度好好，超有禮貌又風趣，會無喇喇同啲客傾偈，好搞笑好好味，不過個煲太熱搞到痴晒底，如果下次用個無咁熱既煲上就好，好多痴晒底燶左食唔到，好浪費小炒皇都係，好有鑊氣好好味今次第三次幫襯，應該會一星期幫襯一次，真係值得再幫襯！👍👍👍👍👍

這天沒有特別節目和飯局，週末懶懶閒的，便在家附近找家茶餐廳吃個便飯算了。進來這個地區的餐廳不停新舊替換，茶餐廳是大多數。在眾多新開的茶餐廳中，我選了平時早餐和午飯時間最多人拍隊的紅磡冰室，但原來發現排隊是不能左為選餐廳的好指標。 店內提供很多選擇，我只看了常餐和午飯套餐而已。最後我選了自以為最安全的吞拿魚意粉，來到的時候就十分後悔。如圖，用水煮好的意大利粉上面鋪了一堆罐頭吞拿魚汁，水汪汪，賣相相當差，看完之後完全不想吃。我吃了幾口，味道就是：罐頭吞拿魚撈水撈醬，加熱放到麵上面，過程應該是很快的，味道連我自己在家煮的都不如，差中之差。以後都不會再來。 “永不錄用”!

樓下這家紅磡冰室經常路過，每次都排隊，很好奇裡面的味道，想必很地道。今天問了下朋友說味道確實不錯，決定試一下。下午茶確實挺實惠，力薦蜜汁豬扒公仔面，豬扒煎得剛剛好，香噴噴脆，公仔面可能用瑞士汁炒的吧，味道也沒的說。香蒜烤麵包也很夠味，番茄螺絲粉因為沒有螺絲粉轉通粉，味道一般呢。咖啡也OK的。要說下這裡的服務，兩位服務的阿叔，年紀大些的阿伯，看得出應該很有經驗，點餐時問的很仔細，看他寫了一手好字，應該是有點文採。另一位先生就不敢恭維了，送菜基本上是丟到桌子上，後面發現我們點了豬扒沒有叉子，幾乎將叉子插到桌面。這種技巧我以為只有澳洲牛奶公司才有的。不過香港食店就是如此自信，味道好服務差，這種反差更能對比出味道的稀有。

老細去左大陸business trip，甘啱又要去北再工幹嘅我，同個客吹完兩咀，食個lunch嘆下蛇下都得掛～經過見到有間叫紅磡冰室，入去試下先，今餐有D口乾，所以唔想食太濃味，而且又唔想食甘頹，所以我叫左⋯來！啜淡先啦，我嘅黑牛王子，太耐冇飲過好掛住！一飲～woooo～荒漠甘泉咁款～好冰凍，朱古力雪糕嘅香味混入可樂 太正啦～轉飲$12！已經冇思考貴定平喇！好好飲～蝦仁滑蛋叉燒飯 $52都幾多料，味道幾好，叉燒唔會好多肥肉，蛋汁熟度剛好，蝦仁雖然有＂嗱＂過，但唔過份，口質ok～好食嘅，但就甘叫個甘嘅飯$52，略少少貴啦～

每次去紅磡冰室，總會吃他的常餐，一定要配蒜蓉多士。茶餐廳來說，這個價錢實在不便宜，但每次都抵擋不了其蒜蓉多士的誘惑。他並非平時跟餐硬硬的蒜蓉包，表面塗上蒜茸醬烤脆，內裡依然軟熟，吃上一口充滿蒜香。炒蛋也不錯，每次吃都不會過老。跟餐的麵餐我最愛是瑞士雞翼，一端上桌就知道其瑞士汁撈得剛剛好，雞翼亦夠入味。其次是叉燒米粉，叉燒沒有鞋十十，亦不會痴牙。最不喜歡的是茄牛通，湯底像是罐頭湯，牛肉過韌。

本來想去吃小炒中菜，非繁忙時段周圍都係位，諗住可以坐卡位啦兩個人，點知去位鄧仔。同你個時侍應生講完之後，仲話鄧唔座得啊？唔啱食就唔好食囉，走啦。啱食下次先返來啊。如果吃到一肚氣，好食極都唔返。全世界得你一間餐廳啊？

工作過後搵嘢食，附近有呢間“紅磡冰室”，就近近地試一試我地四人行，嗌三個餸，應該夠食唔好嘥嘛招牌菜要試就係常識，可惜呢到做得唔特別，可能因為我地成枱人都唔食蒜，無左啲炸蒜係面，所以賣相唔吸引，變左好似一碟普通既炸豆腐，呢樣唔緊要，但係都落番啲椒鹽呀，淡而無味三色蒸水蛋蒸得夠滑，又夠嫩可惜我地唔食蔥蒜，而佢地個豉油應該有落乾蔥去調制，所以我地最後都食唔哂欖菜肉鬆炒四季豆，油唔會多到成隻碟都係，岩岩好，但係無乜欖菜

茶餐廳豬勁肉炒河，今日快餐B, 炒野應該係茶餐廳強項，seems no salt......侍應阿姐態度差到爆！我一位速食坐一边，有梳化位果边唔比我坐，話有人……有鬼呀？！遲黎既客先有得坐！！執走上手食剩既碟同用具，个阿姐求其抹兩下張枱……枱面一pat鼻涕咁既餸剩係度，仲有成條抹痕……叫阿姐再抹，佢應左但冇做。後來叫落單个阿叔抹，佢一边抹一边話:求先咪抹左囉？！嘩！好似我錯咁？？我唔應該要求係咪？咁我去快餐店啦？？大x樂d態度好過佢！

同屋企人食個lunch,去左呢間冰室食見人幾多,仲要搭枱,睇食物賣相估佢應該唔差卦點知入到去冷氣又小,30幾度,人又多,勁熱叫左個常餐,有蕃茄牛肉螺絲粉配炒蛋,蒜蓉包蕃茄湯完全冇蕃茄味,食到既只有咸味同味精味雖然入面又有薯仔,蕃茄同牛肉,算係豐富,不過真係愈食愈咸炒蛋幾滑,不過食到尾都有少少咸蒜蓉包幾香蒜蓉味,但包身唔脆,扣左分侍應服務態度都唔太好,食物等左超過15分鐘都未黎追問一下,佢地回應好似係我唔應該追問咁

同屋企人黎食晚飯，叫左兩個餸一個麵。食左個肉片炒麵，個麵炒都好乾身，唔會話又濕又林咁啲麵有小小偏林，鐘意食硬身嘅朋友應該就唔會鐘意喇豉椒牛仔骨，個汁好濃，用黎撈飯岩岩好，不過如果就咁食就有啲鹹啲牛仔骨口感軟棉棉，但係又冇去到一咬就斷咁誇張，都幾有咬口。個粟米斑塊真係好正！必叫item 啲斑塊好厚，有成節手指咁厚 好足料而且上枱嘅時候啲斑塊仲係脆嘅，配埋個汁滿分真係一定要試下！

大大話話食左十幾次喇。或者賺左點名氣之後就越黎越差。星期日預左排隊。但朋友想試就陪佢食。但排左40分鍾,冇人比籌冇人問幾多位,所以唔可以走開加上靠啲食客自律排隊。中途有人插隊直入但店員扮見唔倒都見過(門口收銀個黑黑地既紮馬尾呀姐認熟客,生客佢就串爆你)。好。入到去點返常餐。瑞士雞翼麵同紅豆冰朋友就食蕃茄通,凍鴛鴦。嘩一食隻雞翼打冷震,上次就鹹到死。今次個瑞士汁甜到。。。下面啲麵凍哂而且開始硬一舊舊。紅豆冰仲慘烈,下面堆紅豆暖但上面加唔夠水,用飲管根本飲唔倒。可以叫“冷暖紅豆沙”至於朋友碗蕃茄通,佢話個汁好杰,牛肉話熟似豬膶。其實,佢新開食到而家,我覺得無論食物定侍應態度都每況愈下。假期更加感受倒大倒退。你根本唔會食倒平日既質素同坐得舒服,言則我以後假期可以去第二度食。廢事好似今日咁邊食邊聽倒收銀呀姐怨太多客又發晦氣。**插曲:我同朋友今日近坐門口既位置,今日有個女人黎買外賣,問lunch有乜餐,個收銀呀姐“呢啲套餐咯!”跟住個女人問有冇其他,個呀姐丟個餐牌出黎“呢啲咯冇餐架”仲口um um朋友係到笑。細細聲話“終於知點解頭先你問我兩次係咪真係要食呢間”

住紅磡嘅朋友話俾住港島嘅我知，未食過「紅磡冰室」嘅人唔可以話自己係紅磡人，仲叫我去到紅磡一定要去朝聖咁話。本身都諗住搵個weekend去，點知搞搞下冇左件事。但係，原來食嘢同愛情一樣，都係一件很玄的東西。當我已經忘記左「紅磡冰室」嘅時候，原來佢已經喺港島開左分店，喂呢鋪唔駛過海都食到喎，送到埋口咁就手，唔食真係罪大惡極呀，就係咁，我即刻就去嘆左個brunch啦。上路前，我請教左我嗰位講過嗰句豪言壯語嘅朋友，去到「紅磡冰室」應該要食啲乜，佢一秒都冇諗過就答我：「常餐，瑞士雞翼撈公仔麵配炒蛋同蒜蓉多士，一定要轉蒜蓉多士，如果唔係同冇黎過冇分別，呢度炒蛋夠滑，野飲就隨便叫啦因為叫咩都係麻麻地，我自己就通常叫茶走嘅。」嗰種不加思索嘅堅定，或者應該叫做「紅磡精神」。排左一陣隊之後，一個待應姐姐帶領我黎到冰室左下角嘅卡位。我一嘢坐左落去，然後一輪嘴同個姐姐覆述嗰個常餐order，連餐牌都冇望過，因為我已經背左，而且入黎之前仲喺心入面練習左好幾次，你知啦，第一次係緊張啲（毒L mode)。當我仲沾沾自喜緊自己不加思索咁落order呢件事，成個常餐已經出現喺我眼前：蒜蓉包好厚身，烘得外脆內軟，蒜蓉搽得

去到睇倒個menu好似去左大排檔咁但係係有冷氣舒服版啲職員睇落粗聲粗氣好大聲，但係個個都好好人好helpful 黑椒牛仔骨好有獲氣，啲牛肉雖然大塊左啲，但係好入味而且又唔會太鹹粟米魚塊啲魚塊好厚，但唔會太厚粉個粟米汁好傑，撈飯一流